"ما فيش حاجه في الدنيا اصعب من أبي يبقى في حد متربي معاه من الطفوله وتعملوا كل حاجه مع بعض كتف في كتف تسع سنين وتبقوا الأصدقاء الوحيدين لبعض. وبعدها يحصل موقف تافه تنخاصموا عشانه سبع شهور من غير كلام ولا مقابله، ولما تقابله بعد المده دي تحاول تصالحه بمساعدة مصاحب واحد تاني. تلاقي المصاحب ده بيعامله معامله العبد للملك وهو قاعد يتجاهلك، تتصدم وتبقى مش عارف تعمل ايه، وتفضل على الحال ده سنة ونص! وبعد كده تتصالحوا وماتصدق انكم رجعتها لبعض، بس الكلام كله شهرين ويخاصمك تاني من غير اي سبب واضح - ويرجع يصاحب الشخص الي باعك معاه قبل كده! وانت لما تحاول تصالحه يدي لك أعذار غير منطقيه. هتحس حرفياً ان الدنيا مظلمه في وشك وانك عاوز تنتحر ومش فاهم ده يحصل ليه. وبعدها بخمس شهور يحاول يصالحك، وانت تجيبلو على نفسك عشان مش عايز تضيع طفولتك والتسع سنين الي قضيتهم معاه فـ تسامحه وترجعوا أصحاب تاني. بس برده بيكرر نفس العملـه ويبيعك ويروح يصاحب واحد تاني! وفي الآخر بعد شهرين تقعدوا مع بعض ويقول لك أعذار غريبه، وبعد ما قدر ياخد الي عايزه منك يقوم يقولك: 'أصل انا كنت مصاحبك في الطفوله بس عشان مكنش ليا غيرك.. العيال الي بنصاحبهم ونا صغير يا أصغر مننا يا أكبر، وأول ما لقيت حد من سني سابك! وارجعتلك في المرتين دول عشان كنت محتاج مصالح منك'. روحت البيت مش عارف تعمل ايه.. طفولتي راحت على الفاضي - تسع سنين من عمري اتبخروا! والتلات سنين الي حاولنا فيها نرجع أصحاب ماكانش ليها لازمه. اعمل ايه دلوقتي؟ انا متعود يبقى عندي صديق زي السند لاني ماعنديش اخوات. دلوقتي انا في تالته ثانوي داخل على الجامعه.. شبه مستحيل اني ألاقي صداقة زي دي تاني!"

3

1