خيبة أمل

Chilli_66386 🇶🇦

منذ 14 ساعة

شعور مكسور القلب

قلبي حزين جدا بسبب الحب أنا مش صغير ولا بمر بفتره مراهقه لكن أنا مكنتش اتخيل انى ممكن احب واتحب وف الاخر اتباع من غير ما اعرف السبب حياتى صعبه ومعتمد ع نفسي من سن صغير مريت بظروف صعبه جدا أثرت فيا اكيد لكن مش زى الاحساس اللى انا حاسه دلوقتى طول عمرى مش بيفرق معايا أشخاص والله لكن مشكلتي انى عاوز اف

Mango_73208 🇪🇬

منذ يومين

شعور مكسور القلب

الحب ده اكتر حاجه وحشه ف الدنيا لم تحب حد 9سنين و تديلو الامان و تعمل علشانو كتير و تضحي بيتك و اهلك و اصحابك و نفسك علشان بس بتحب و تقف جنبو ف اسواء حلاتو و اول ما يشم نفسو يبقا عليك و يضحي بيك و يبيعك و متتشكرش و تطلع ويطلعك وحش قدام الكل حته اهلك يبقا الحب ده اكبر لعنه ف الدنيا و اكبر مشكله للبني

Avocado_66936 🇸🇦

منذ 3 أيام

شعور قلق

بيقولو الأشخاص بتبان بالعشرة...بس عادي يكونو ناس عشره ف حياتنا وبعد فتره طويله الي حد ما نكتشف اننا كنا مع ناس منعرفهمش..وبرضو ازاي نقدر نعرف دا بدري ياريت لو حد مر بتجربه زي كدا يقول عمل ايه واتصرف ازاي

Lemon_73192 🇪🇬

منذ 3 أيام

شعور محبط

عبّر عن شعورك بشكل مجهول

قلبي محروق ومن الوجع حاسه هيجرالي حاجه و حاسه بالخزان و كسر الأمل 
خليته كل حاجه وكل الناس وكل الوقت عملنا كل حاجه ف الدنيا وعشنا كل حاجه وكان عوض ربنا عن ابويا واللي شوفته وعشتوا 
انا بعيد عن اهلي مينفعش اتكلم مع حد منهم امي غلبانه وطيبه وتعبانه بخاف اشيلها همي عشان بتتعب وعندها اللي مكفيها واكبر اخواتي بشيلهم انا ف كتير و معنديش صحاب ينفع يشيلوني ويقفوا جنبي 
وهو بقى كل حاجه ف الدنيا بقى ليا كل الناس اخترته معايا ل بكره ولعمر كامل موجوعه ع كل اللي مبقتش اشوفه منه وانه اتغير اوي وهنت عليه هان عليه وجعي وبقى هو اللي بيخليني ادافع عن نفسي رغم انه اللي قصر اوي اوي ف حقي وبيأذيني زعلانه ع اللي اتمنيته ورماه ع الارض .مش هو اللي كان جنبي ومعايا وبيحبني و بوحشه وبيقدرني ويطمني من كل حاجه ف الدنيا مش هو حتى لو مضغوط وتعبان مش هيعمل كده هو مكنتش كده  كان حنين كان معايا ف كل حاجه تخصه وتخصني هو مكنش بتخليني ادور عليه عمره م  خلاني اخاف انه يبعد عني طمنتني لدرجه اني امنته ع كل حاجه فيا وتخصني امنته ع نفسي وروحي ومشاعري وكرامتي
كنت بتخاف من كل حاجه و من نفسي 
ولما دخل حياتي  اطمنت وغمضت عيني وانا معاه مشلتش هم حاجه عشان هو جنبي بقى  كل حاجه ف حياتي و  بقت الدنيا انا وهو  او علشانا او لينا كل حاجه ف الدنيا هي بتحصل معانا محدش بيعمل حاجه لوحده
وبجد انا عارفه كويس اني مقصرتش متاكده بجد من ده ربي عالم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_52708 🇪🇬

منذ 5 أيام

شعور مكسور القلب

أنا استسلمت… مبقتش قادر على حد. في الشغل كأني مش موجود، أي حاجة أعملها أو أي كلام يخصني مش مهم، محدش شايفني. في الحب، البنت اللي حبيتها رفضتني… قلبي اتكسر، وحسيت إن مفيش حد واقف جنبي. أتذكّر دعاء أمي زمان: "ربنا يبعد عنك ولاد الحرام". دلوقتي فهمت. هي كانت بتحميني من ناس هتجرحني أو تهدم حياتي. دلوق

Apple_71850 🇪🇬

منذ 5 أيام

شعور آسف

من كتر الصدمات اللي اخدتها في حياتي من كل اللي اعرفهم حاسة اني عايزة اهرب و اني همشي ف طريق وحش بقول كل حاجة ليها مقابل بس خلاص مبقتش قادرة استحمل العيشة معاهم حتي الانسان اللي حبيته بعدوه عني

Coffee_52562 🇪🇬

منذ 5 أيام

شعور ضائع

عارف لما يبقا كان باديك تحقق حلمك بس انت خذلت نفسك واهلك بتوجع اوي المهم لو حد ف تجاره فتانيه او تالته يقولي الدنيا ايه وايه الدراسه واذاكر ازاي وايه الكورسات الاساسيه اللي محتاجها او ايه الكورسات اللي ممكن اخدها اضافيه كنوع من التميز وتفيدني (حماس بدايات وكدا) وجزاكم الله خيرا مقدما

Hazelnut_64540 🇪🇬

منذ 6 أيام

شعور غاضب

الغلط الوحيد اللي ندمت عليه فعلا في حياتي اني كنت ببالغ في حب الناس وفي مكانتهم عندي بدي قيمة للي مايستاهلش وبنفخ في الناس، والله لا كانوا سند ولا حبايب ولا ليهم اي لزمة وكانت اكبر مشاكلي اني كنت مصر أشوف الناس حلوين واعدي مليون عيب عشان المركب تمشي وياريت دا كمان كان عاجب ;.. انا كل رجل قررت اني اك

Pumpkin_42261 🇪🇬

منذ أسبوع واحد

شعور خجلان

عبّر عن شعورك بشكل مجهول

أعرف عنك شيئاً حتى الآن..
وهذا مريع!
تأخر لقاؤنا كثيراً، فقدتُ فيه إنسانيتي.
يفقد الإنسان جزءاً من إنسانيته كلما أوغل في الحياة واحتكّ معها ولذا كان عليك الحضور في وقت مبكر، أيام كانت إنسانيتي وهمّتي وطاقتي في أوجهنّ حتى نفقدهن تدريجياً وبرفقة بعضنا وكي نلحق شيئاً من إقبال كلينا على الحياة، لكن ذلك لم يحدث..
حكايتنا مثيرة للشفقة وباتت اليوم تثير اشمئزازي أيضاً!
كيف للحب أن يخلف وعده إلى هذا الحد؟ خاب ظني به وبك! ربما لا يهمك ولا يهمه ولهذا أنتما غائبان أصلاً لكنه يهمني، لأنني كفرت بالحب وقد كنت من أعظم المؤمنين به ولست تدري كم يتخبط الإنسان ويفقد مزيداً من إنسانيته حين يكتشف زيف ما آمن به!
شجرة إنسانيتي هاجمَها خريف متوحش، تتساقط أوراقها بجنون.
أهكذا؟
بدلاً من أن نقف معاً تحت سنا القمر لنراقبه ولا ننتبه لألف خريف يعصف خلفنا؟
جعلت السنا ورائي والخريف قبالتي لا العكس..
أشهد تساقط كل شيء، كل شيء، أمام عينَي، ولا أرى السنا، بل لا أمل لي برؤيته! 
يا أعظم خيبة أمل..
يا أحزن حب..
يا ضياع آلاف الليالي الأنيسة!
كم ألف ليلة مضت دون أن تضم الوحشة إلى صدرك، دون أن أعرف نغمة دقات قلبك وأعتاد تنفسك فأعرف متى ينتظم ومتى يختلّ!
لا أعرف شيئاً عنك حتى الآن؟ يا للعار! 
لا أدري بمفضلاتك بعد..
متى سنلحق؟
متى سأتعرف على أعز قصائدك وأحبّ أغنية إليك والفصل الذي تحبه وفيلم الكرتون الذي صادق طفولتك والمشاغبة التي جنّنت والدك بها ونكهة المثلجات المفضلة لديك والنظرية الفلسفية التي اخترعتها لنفسك وقصتك أيام الثورة والفنون التي تخاطب قلبك والصور التي تبتز بها أصدقاءك وعلاقتك بشقيقك المقرب؟ وثرثراتي؟ وحكاياتي؟ والنصوص التي كنت سأدللك بها والأغنيات التي كنت سأنعم بها عليك بصوت لن يسمع دندنته سواك؟ متى نلحقها؟
لا يمكنني أن نقول.. "بمزاجك، لقد ضاع الدلال والعمر عليك" لأنه ضاع علي أيضاً، قدمانا في الفلقة معاً، أما هكذا يقولون؟
يا لقصة حبنا الغريبة!
كلانا متنا حسرة لأننا لم نلتق، كلانا عُذبنا بالوحدة دون بعضنا، كلانا نعيش نفس الابتلاء.. 
كلانا لا يعرف عن الآخر شيئاً حتى الآن..
أنا أجهلك إلى حد البكاء!
لأول مرّة أقابل جهلاً مبكياً!
يا للعار..
يا للعار!
تبّت كل يد ساهمت في خَطّ سطر في حكايتنا، ليس في حكايات فراقنا، لأننا لم نلتق لنفترق، بل في حكاية "عدم لقائنا" لأن هذا اللقاء لم يقع أبداً..
أنا لا أعرفك لأدعو بك..
لا أعرفك لأشتم خيانتك
لا أعرفك لأحملك المسؤولية..
المسؤولية على من؟
غداً أمام الله سنخبره ونعرف كل شيء، عسانا إذن نعمل ما بوسعنا لنلتقي في الجنة، ربما لم يكن حب هذه الدنيا يليق بقلبينا الرقيقين النقيين الضعيفين فُخبّئت حكاية حبنا للآخرة؟ ربما؟ أتمنى! وإلا فكل الصبر والعذاب يضيع هباء وبالتالي ويا خشيتي: العمر نفسه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_70677 🇪🇬

منذ أسبوع واحد

شعور متعب

🎈 أنا مش عاوزة عيد ميلاد عادي السنة اللي فاتت كانت طويلة وصعبة، شوفت فيها عك كتير، لخبطة، وجع على خذلان، حتى يوم عيد ميلادي نفسه كان مليان مشاعر مش مفهومة، ضحكة طالعة بالعافية، وقلب مليان حاجات ساكتة. ومع كل ده… أنا لسه هنا. بقاوم، وبتغير، وبحاول أرجع لنفسي.وعلشان كده… أنا متمسكة إن السنة دي يكون ي

Coffee_72120 🇪🇬

منذ أسبوع واحد

شعور مكسور القلب

مشكلتي الوحيده ال انا بحب الثقه وانا الحمد الله بديالثقه لناس ال يتقرب مني وفي نفس الوقت ده بيكون الشخص ده بحس ال هو بيقرب مني في الاول بقي حسه بكده وانا ميش عارفه ده صح ولا غلط وتعملت وحش كتير اوووي من ناس كتير والثقه بتنهز كتير مع الناس دي وبرجع تاني اتعامل بعوفيه وصدق في المشاعر مع اي حد يقرب من

Donut_67434 🇪🇬

منذ أسبوع واحد

شعور مستنزف

موضوع:

عرفت تظبط حياتك بعد الصعاب الي مريت فيها ولا لسه بتعاني؟

لا لسه بعاني زي ما انا و بحاول اخلي الفترة ده تعدي باي طريقه عشان فعلا انا تعبت و علي قد ما انا مش صغير بس للاسف لسه بتخدع في الناس و بديهم قدر اكبر منهم و مشكلي عشمي بذياده في الناس مع اني بعاملهم زي ما احب انهم يعملوني و عمري ما اذيت حد غير نفسي و حاسس ان مبقاش عندي طاقه لاي حاجه مع اني لسه 32 سنه

Olive_53202 🇪🇬

منذ أسبوع واحد

شعور متعب

رغم اننا كتير جدا كاعدد البشر عموما غير القرن ٢٠ الا ننا بقينا اكتر انعزال واكتر بعد عن البشر وشايفين اننا موزيين جدا لبعض وكل واحد عايش في العالم الافتراضي بتاعه اللي هو صنعه لنفسه وحبه جدا وبيحب نفسه فيه اللي هو السوشيال مديا اي اكتر مره اتازيتو نفسيا وجسديا من ناس كنتوا فكريين انهم مستحيل يطلع من

Carrot_52708 🇪🇬

منذ أسبوع واحد

شعور مكسور القلب

كنت زمان فاكر إن وجودها في حياتي مهم، وإنها هي الشخص اللي ممكن يكمل معايا، لدرجة إني كنت بشوف الدنيا من خلالها. أي خطوة بخططها، أي حلم بحلم بيه، كانت هي جزء منه في خيالي. لكن مع الوقت، ومع كل موقف بيحصل، بدأت الصورة اللي في دماغي تتكسر حتة حتة. لما حسيت إن المسافة بينا بتكبر، قررت أشغل نفسي، أركز ف

عبّر عن شعورك بشكل مجهول

لما حسيت إن المسافة بينا بتكبر، قررت أشغل نفسي، أركز في حياتي، وأدور على شغل جديد. كنت فاكر إن الانشغال هو الحل الوحيد عشان أوقف التفكير فيها. لكن المفاجأة إني وأنا مشغول وبعيد، بدأت أشوفها على حقيقتها. بدأت أشوف قد إيه هي شخصية سطحية، كل اللي يهمها المظاهر والكلام اللي بيبان قدام الناس، لكن مفيش عمق، مفيش مواقف حقيقية تثبت قيمتها.

كنت زمان بديها من وقتي ومشاعري وطاقتي، وكنت حاسس إني محظوظ بوجودها. دلوقتي لما بفكر، بستغرب إزاي كنت شايفها بالشكل ده. إزاي كنت حاططها في مكانة ما استحقتهاش أصلاً.

النهاردة أنا متأكد إنها ما تستحقش حتى ثانية من تفكيري. يمكن ده أكبر درس اتعلمته: إن مش كل اللي بيعجبنا في البداية يستحق مكان جوة قلبنا. فيه ناس وجودهم مش إضافة، بالعكس… وجودهم بيأخرنا عن حاجات أهم بكتير.

أنا دلوقتي مركز على نفسي، على مستقبلي، وعلى الحاجات اللي فعلاً هتبني حياتي. ومش فارق معايا هي فين ولا بتعمل إيه، لأن ببساطة… انتهى وقتها في حياتي.
ملحوظه انا راجل محطم من حب لم يكتمل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_71419 🇪🇬

منذ أسبوع واحد

شعور مكسور القلب

بقالي فترة بسأل نفسي… أنا غلطت في إيه عشان ألاقي المعاملة دي؟ أنا اللي كنت موجود في أصعب لحظاتهم، واللي عمري ما اتأخرت عن حد طلب مني حاجة… فجأة لقيت نفس الأشخاص دول أول ناس يديروا وشهم وقت ما احتجتهم. يمكن غلطتي إني توقعت من الناس نفس اللي بعمله معاهم… يمكن كنت محتاج أتعلم إن مش الكل قلبه زي قلبك

Coconut_61722 🇪🇬

تعبت من طولي 184 وضخامتي.. عايزة أتقالع وأتدلع

انا متعقدة من شكل جسمي بجد لاني طويلة اوفر احنا عامة عيلتنا يعتبروا طوال بس البنات متوسطين انا الوحيدة اللي واخدة جينات طول الرجالة و طولي 184 و ياريتني رفيعة مثلا لا انا طول بعرض و طبعا وزني كبير حتى الميزة الوحيدة ان جسمي مشدود و متقسم طبيعي طلعت بسبب اني عندي كتلة عضلية اعلى من العادي و طول عمري اضخم من معظم دفعتي ولاد و بنات حتى دلوقتي في الكليه اطول من معظم ولاد دفعتي ماعدا تلاتة اربعة بالكتير و بيبقى نفسي اعيش تجارب البنات الكيوت انها تتشال و تتدلع بس انا محتاجه دبابة بشرية او حد صاعقة عشان اعيش التجارب دي اتقبل نفسي ازاي 😭 ...عرض المزيد

1 الدعم

1 نصيحة

Apple_73552 🇪🇬

ليه البنات بيعملوا كده؟ استبعدتي العمود الاساسي!

انا عايز افهم حاجه وحدة بس معقول كل الناس دي مفيش شخص واحد مقرب ف حياتهم يحكوله و يستاشيروه انا ملاحظ كمية تفكك اسري ومشاكل زوجية و بلاوي يا مولانا بلاوي ف الهدف من انك تحكيها علي البرنامج هنا انك عايز تلاقي النصيحة ولا انت بتكتبها علشان تبقي فضفت نقطة تاني الشباب متوقع منهم كدا لانهم مش بيعرفو يتكلمو ولا يفضفضو لكن كمية البنات دي ايه وضعكم انتو بتعملو ايه حقيقي وليه وحدة تكون بتشاهد اباحية تيجي تطلب نصيحة بعيدة عن الدين ماهو انتي استبعدتي العمود الاساسي لحل المشكلة ...عرض المزيد

2 الدعم

1 نصيحة

Almond_56393 🇪🇬

فقدت القدرة أحس.. حياتي من غير إحساس

فيه وقت معين في الحياة بتحس إنك فقدت القدرة تحس أصلًا. مش فرح، مش حزن، مش حماس… ولا حتى وجع. كأنك فصلت من كل المشاعر، وبقيت مجرد جسم بيتحرك ويمثل الدور. الناس حواليك شايفينك طبيعي، بتضحك معاهم، بتشاركهم الكلام… لكن جوه دماغك في صمت خانق. صمت مليان فراغ. تبص للحاجات اللي كنت بتحبها، مفيش أي لمعة. تستنى خبر حلو، يجي… وما يسيبش جواك أي أثر. حتى لحظة النجاح أو اللحظة اللي المفروض تفرّحك، تعدي كأنها ولا حاجة. اللي يوجع أكتر إنك مش عارف إيه السبب. مش قادر تحدد هو إيه اللي ضاع منك. هو الأمل؟ ولا الشغف؟ ولا مجرد القدرة إنك تحس؟ بتبقى تايه وسط نفسك، ومش لاقي المفتاح اللي يرجعلك الإحساس تاني. في الآخر بتستسلم، وتقول لنفسك: "ما يمكن دي حياتي خلاص… من غير إحساس." ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع