أنا متزوجة من سنة ونصف، تعرفت على زوجي في فرح عن طريق واحدة صاحبتي، وبعدها بدأنا نتكلم واتقدم لي رسمي. رغم إن كان في مشاكل كتير من ناحية أهله، لكنه تمسك بيا واتجوزنا. في أول خمس شهور من الجواز كان إنسان كويس جدًا ومعاملته حلوة، لكن بعد كده بدأ يتغير، بقى عصبي وأسلوبه معايا بقى صعب، وكنت بحاول أبرر ده بضغط الشغل أو التعب. عدّت فترة ورجع كويس تاني، فقلت الحمد لله واستقريت على كده. من فترة قصيرة كنت رايحة أزور واحدة صاحبتي في المستشفى اللي بتشتغل فيها، ولما رحت هناك سمعت صوت بكاء وحد بيتكلم، فقربت من الصوت وشوفت جوزي قاعد حاطط وشه في إيده وساكت. استغربت جدًا وسألت واحدة كانت قريبة منه عن اللي حصل، فقالت لي: “ده جوز أختي… أختي ماتت وهي بتولد توأم بنات.” وقتها اتصدمت ومقدرتش أتحكم في نفسي، كنت على وشك أروح له وأواجهه، لكن واحدة صاحبتي شدتني وطلعتني بره. دلوقتي أنا في حالة صدمة ومش عارفة أتصرف. رجعت بيتي وقفلت كل تليفوناتي، وقاعدة لوحدي مش قادرة أستوعب اللي شوفته ولا أفهم إزاي جوزي عنده حياة تانية معرفش عنها حاجة، خصوصًا إن الست دي ماتت وهي بتولد توأمهم. مش عارفة أعمل إيه، ولا أبدأ منين، وحاسة بوجع ودوامة كبيرة بين إني أواجهه أو أسكت أو أسيب كل حاجة وأبعد. انا ما رحتش بيت اهلي ولا رجعت بيت جوزي انا رحت بيتي الشخصي

2

14