عندي واحده صحبتي هي اقرب حد ليا حرفيا كنت بعتبرها اختي عشان انا اصلا شخصيه انطوائيه فمبصاحبش ناس كتير يعتبر مكنش فيه غيرها صاحبه قريبه ليا في حياتي، المهم بعد مخلصنا ثانوي كل واحد راح في كليه مختلفه وكنا بنتكلم عادي وبنتقابل ايام الاجازه نتمشي وكدا وعدا سنه من الكليه وهي قررت تحول لكليه تانيه كلها عملي ورسم ومشاريع وهي مبعترفش ترسم او تعمل مشاريع واصلا بتحب تريح دماغها وانا الحمد لله ربنا رازقني موهبه الرسم وبعرف اعمل الاشغال اليدويه وكدا فهي دخلت الكليه دي وكانت بتروح تاخد المحاضرات وتجيلي اعملها انا المشاريع وارسملها عشان انا بعرف ارسم بقا وانا اصلا كليتي عمليه بردو وبعمل مشاريع بس مختلفه عن اللي هي بتعملها وكانت كل يوم تيجي تقولي معلش اعمليلي المشروع ده عشان مش عارفه اعمله ارسميلي الرسمه دي عشان مش عارفه ارسمها وفي اوقات كنت ببقي ورايا امتحانات ومشاريع لكليتي ومكنتش بعرف اعملها بسبب اني بعملها حاجتها حتي لما بقولها اني مش فاضيه بتحطني قدام الامر الواقع وتقولي اعملي وتشيلني انا مسؤليتها وكان ده بيجي علي حساب درجاتي اناو تقديري وهي مكانتش بتتعب نفسها وتتعلم حتي عشان نفسها وعشان متحتاجش لحد وعدى اول سنه والحمد لله هي نجحت ويعتبر انا اللي عملالها 80 ٪ من المشاريع ولما اجازه الصيف جت مسألتش عليا ولا مره ولا كلمتني و كان حصل عندي ظروف واغلب صحابي عرفو وهي عرفت ومجتش سألت بردو وعملت نفسها متعرفش المهم ان خلاص الكليه هتبدأ وهترجع تكلمني تاني عشان اعملها المشاربع واساعدها وكدا وامي واخده علي خاطرها وبتقولي مبتسألش غير لما تكون عاوزه منك مصلحه غير كدا متصلتش ولا سألت عليكي في الاجازه لو جت تقولك اعمليلي حاجه قوليلها لا وانا الصراحه بردو واخده علي خاطري وكمان السنادي هنزل شغل جمب الكليه فمش هكون فاضيه خالص وأنا عارفه اني لو قولتلها مش هعملك مشاريع ولا ارسملك هتتقمص وهتروح تبين قدام صحابها اني مش بساعدها وهتزود كلام من عندها وكله هيصدقها عشان هما واخدين عنها فكره انها ملاك ومبتكدبش وانا مش عارفه المفروض اعمل ايه وحتي لو هصدها هقولها ايه وازاي

4

0