مشاعر مجروحة

Orange_72052 🇪🇬

منذ شهرين

شعور مكسور القلب

عبّر عن شعورك بشكل مجهول

هاي ي حبايب 
هحكي عن حاجه مضايقاني 
انا كنت مصاحبه بنتين ايام ثانوي 
انا اللي عرفتهم علي بعض وكدا علشان دي كانت صاحبتي والتانيه كذلك 
وقعدنا طول ثانويه عامه سوا 
ودخلنا الجامعه انا وبنت منهم وكنت حريصه اننا نتقابل كل فتره أو كل اجازه علشان مانبعدش عن بعض احنا التلاته 
ف انا كنت واخده بالي أنهم صحاب اكتر مني ...  يعني كرفولي يعتبر 
مع اني كنت واخده سكن مع واحده فيهم وكل حياتنا سوا يعتبر وبرضو كنت بلاحظ أنها بتكرفلي لما التانيه بتظهر 
مش غيره صحاب والله 
بس انا بعاملهم حلو الاتنين 
المهم يعني احنا حاليا في اجازه ف عرفت أن صاحبتها التالته دي هتنقل من بيتها ومش هترجع وقعدت اعيط أنها هتمشي ومش هنتقابل تاني وكنت زعلانه 
وكلمتها قولتلها اول ماتيجي البيت هنا عرفيني علشان نخرج حتي لاخر مره ونبقي سوا 
قالتلي اكيد واجي بس ونخرج وبتاع 
بعدها باسبوعين كدا لقيتها هي وصاحبتي التانيه منزلين استوري أنهم خرجوا سوا بعت للتالته ماسيدج  انك ماقولتيش لي وطنشتها 
امبارح لقيتهم خرجوا برضو سوا 
وماحدش كلمني 
خرجت من جروبنا وقررت امسح ارقامهم ومش هتعمل تاني معاهم كصحاب واخوات وهتعامل كأنهم ناس غريبه وبس كدا ..بس الموضوع فعلا يضايق علشان انا ولا مره طلع مني فعل اصلا هما مش حابينه بالعكس أنا مامتي بتسأل عليهم اكتر مني من كتر مابحكيلها عليهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_29908 🇪🇬

منذ شهرين

شعور لا مبالٍ

عبّر عن شعورك بشكل مجهول

اختى الصغيرة عندها 2 سنة  اختي، و فى مرة كانت بتعيط، وأبوها كان شايلها لكنها كانت لسه بتعيط. كنت سمعاها بس ما طلعتش عشان بلوزتي كانت في الصالة ومش مناسب اطلع بلبسى ده . بعدين ماما سألتني ليه ما طلعتش، فقلت لها: "أنا مالِي"، بدل ما أقول السبب. ولقيتها ردت وقالتلي: "إنتي خسارة فيكي كباية الميه، وكنت أتمنى لو خلفت كلبة بدل منك. ده الفرق بين الإنسان والحيوان، المشاعر، وإنتي معندكيش. ياريت موتي، ياريت ربنا ياخدك. خسارة فيكي تربيتى. حسبنا الله ونعم الوكيل فيكي، يا شيخة، إنتي باردة، وقلبك قاسي، قاسي جدًا، وعندك تبلد مشاعر، ومش بتحسي بحاجة حواليكي. أول مرة أشوف بني آدم زيك وطبعًا ماما مش بتسيب أي مشكلة من غير ما تتكلم على جسمي. لقيتها بتقول لي: "بقيتي زي الجاموسة على الفاضي. إنتِ جسم على الفاضي أصلاً، من غير عقل. ما بتفكريش في الكلام قبل ما تقولي، بترمي الكلام اللي بيجرح الناس وبس." ملاحظه انا مش تخينه بس جسمى مليان شويه على سنى والفكرة أنه مش بمزاجى كمان انا عندي حاجه عامله فيا كده وبعد ما عملت التحاليل شاكه فى مرض مناعى بس التحاليل عملتها من ورا اهلى وبفلوسى ومش عارفه اجبها لهم ازاى 
، المهم ". وأنا كنت باكل، لكن كان الأكل مش راضي ينبلع، لكن عملت نفسي عادي وكملت أكلي، رغم إن جسمي كان بيرتعش من قوة الكلام. وبعد كده كنت هقولها السبب، لكن ما قدرتش.

قلت لها: "يا ماما، أبوها كان شايلها وأنا بلوزتي كانت بره"، لكن ردت وقالت لي: "ما عتيش تكلميني، ولا ليك دعوة بيا." ولما كنت هتكلم تاني، قالت لي: "آخرسي." كملت أكلي، قمت وضبطت الأوضة، وقلبي كان مقهور ودماغي بتوجعني. بعد ما خلصت، قلت لها: "أنا عايزة أروح للخياطة عشان أظبط هدومي وأفتح معاها كلام، وفي نفس الوقت عايزة أنزل أشم هوا"، قالت لي: "ربنا ييسر." عرفت إن المفروض أقعد دلوقتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_69878 🇪🇬

منذ شهرين

شعور غبي

موضوع:

الندم عالفعل و عدمه

خيرا تعمل شرا تلقى! بدي حب واحتواء ودعم ودفاع عن الشخص بدون مقابل وبسمع مشاكل واحلها عشان تخصصي وفي الاخر بتغلط انا وبتساب انا وبيجو عليا انا😅 والمشكلة مابحبش اسيب حد لوحدوا او زعلان او اسيبوا لدماغوا لكن انا اتفلق

French Fries_58613 🇪🇬 ممكن دقيقه بخصوص التخصص

عرض الكل 6 نصيحة

Nutella_60275 🇪🇬

منذ شهرين

شعور مكسور القلب

هتجنن يا جماعة بقالنا انا وهو اكتر من شهرين و نص قاطعين كلام خالص و آخر مرة فضلت اترجاه ميسيبنيش و سابنى بردو و قبلها ٤ شهور متواصلين بحاول أرجعه و مش عارفة و بعد ما قطعنا بحوالى شهر دخل على بروفايلى على تيك توك و عملى لايكس و بقى بيشوف كل ستورى بنزلها لكن مش بيتكلم خالص و شال بلوك الفيسبوك و الماسن

Cherry_66547 🇪🇬

منذ 3 أشهر

شعور مكسور القلب

مافيش وحده تستاهل أنه بحبها انا حبيت انسانه مطلقة من سنى وكنا متفقين على كل شئ وفجأة بقيت انا وحش وكاييب وكل العبر فيا ومش هينفع نكمل مع بعض ايه اللى حصل لا انا فكرت تانى ومش موافقة وماتكلمنيش تانى تمام اوى لحد هنا منين انى وحش ومش هتكملى معايا وبتابعي حالات الواتس بتاعتى انا عاوز اعرف انتى بتحب

Biscuit_69726 🇪🇬 ربنا ييسر لك امرك ❤️

عرض الكل 8 نصيحة

Mango_66883 🇪🇬

منذ 3 أشهر

شعور متوتر

موضوع:

وقت حسيت فيه ان قيمتك قليله

أن انا كنت خاطب بني ادمه وصلتني اني قليل اوي مع اني كنت بعملها كل خير واللي يخليها تحبني وتبقي مبسوطه بس هي كانت بتقلل من كل تصرفاتي واللي بقدمو ليها ف خلتني احس بقيمتي قليله وف الاخر فشكلت الخطوبه وطلعت فيا القطط الفطسانه وشويه تقول أننا مش متفاهمين

Coffee_41372 🇪🇬 same بس عرفت قيمة نفسي الحقيقة بعدها وولا هيا ولا ميه من فصيلتها يقدرو يهزو ثقتى في نفسي حتى

عرض الكل 12 نصيحة

Marshmallow_69067 🇪🇬

منذ 3 أشهر

شعور مكسور القلب

موضوع:

اكتر ذكره مؤلمه حصلتلك وومقدرتش تتخطها؟

في طفولتي كنت لسه في الحضانة قبل ال kg كنا اطفال بنلعب وبنت اتهمتنى اني وقعتها من ع المرجيحة ودا محصلش مكنتش قريبة منها اصلا بس لما بابا جه ياخدنى المدرسة قالتلوا وهو مصدقنيش ونزلنا وجاب للبنت كيسة حاجات حلوة كبيرها وخلاني اعتذرلها .. مكانش فارق معايا الا ان بابا مصدقنيش وكيسة الحاجة الحلوة😂? بابا

Banana_65522 🇪🇬 طيب لو حد جابلك دلوقتي حاجه حلوه هتحبيه

عرض الكل 13 نصيحة

Strawberry_68328 🇪🇬

منذ 3 أشهر

شعور غبي

هو عادي يجدعان لما اكون بحب حد وهو عارف اني بحبه ونكون بقالنا اربع سنين وداخلين في الخمس سنين عارفين بعض ويبلكني ويفكه ويتكلم عادي ولا كأن حاجة حصلت؟؟يعني اول مرة حصلت كنا في رمضان مكنتش عارفة أكمل يومي بسببه بجد كنت بفطر المغرب بس عشان اقدر اكمل يومي عشان الصيام ولا كنت بتسحر ولا أي حاجة ولما فكه

Blueberry_67814 🇪🇬

منذ 3 أشهر

شعور محبط

انا خطيبي عمري ما كلمت ولد غيرو او حبيت ولد غيرو بقالنا اربع سنين بس هو بقا بيتعامل معايا كأني مش من اولاوياتو و ان شغلو و صحابو اهم مني مع انو عمرو ما قال كدا بس دايما بحس ب كدا بقعد استناه يكلمني طول اليوم و مبكونش بفكر ف غيرو مع اني بكون مشغوله بس بردو بفكر فيه و هو بيرجع يبعتلي او يرد عليا الفجر

Toast_67848 🇪🇬 اهتمي بنفسك وشوفي بتحبي اي واعمليه اي حاجه بتدلها اهتمام زياده بتتغر عليكي ودي غريزه مش حاجه اختياري اشغلي نفسك وحبي نفسك اكتر وهتلاقي هو الي بيجيلك لانو كدا هيزهق وانتي هتزهقي

عرض الكل 6 نصيحة

Biscuit_50330 🇮🇹

منذ 3 أشهر

شعور قلق

عبّر عن شعورك بشكل مجهول

تعرفو ان زاي امبارح من سنه بظبط خدت الصدمه مع اكتر شخص عمري ما كنت أتوقع إني أتصدم في ولله بجد عمري مكنت اتخأيل حته أنا قول الي أنا قولتو و ربنا يشهد على كلامي أنا قولتلو لما تكون جاهز كلمني أنا نزلت مصر ف شهر 7 الي فات أنا قولتلو تعاله علشان كل حاجه تبقى ف النور تمام أنا ظبط مع مامات وحده صحبتي قولتلها إن خلاص بقى يعني بقلنا سنتين نعرف بعض و كلمت ماماتو ماما كانت عارفه طيب نقصاك اي قالي هكون جاهز ف شهر 12 أنا كل الي قولتو ان لما يكون جاهز يكلمني تمام المهم عده الصيف كلو هو سأل عليا تقريبا مره او مرتين لما كنت ف مصر بعد كده لا المهم عده كام شهر على شهر 11 لقيتو خطب طيب ده اي ده بقى و عرفت انو خطب كمان انا كل الي قولتو  ولله بجد انو مش راجل بس هو ده الي قولتو علشان الراجل بيتربط من كلامو ده أسمو اي ده  و الي ذاد و غطه كمان ان الشخص الي كنت بعتبرو زاي اخويا بظبط راح أتكلم عليا معاه و قالو إني بكلم حد تاني المشكله انو عارف الي فيها طيب و انت مالك تقولو حاجه زاي كده و كمان عايزين يطلعوني غلطانه و إني مستنتهوش هو مين الي مستناش التاني أنا عايزه اعرف مين الي غلطان الموضوع عده عليه سنه و أنا مش عارفه أنسى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_58480 🇪🇬

منذ 3 أشهر

شعور عاطفي

هحكي عن موضوع مزعلني كان فيه اتنين أصحاب ليا أنا اللي معرفهم ع بعض الاتنين كانوا صحاب ليا جدا ومنهم واحد مأثر فيا إن هو باعني بالسهوله دي أنا حصل حوار ما بيني وبين الاولاني ف صاحبي التاني غير معاملته معايا عشانه ومره واحده مبقاش يتصل بيا ووصلت لدرجه بلاقيهم ماشيين سوا ويشوفوني ومحدش حتي يسلم علي

Pistachio_64428 🇪🇬

منذ 3 أشهر

شعور مكسور القلب

عبّر عن شعورك بشكل مجهول

هو فى موضوع عاوزة اكلمكم انا من فترة كبيرة شوية كنت بحب زملى فى شغل بس حب من طرف واحد هو ميعرفش حاجة هو اصلا مكنش فى دماغى اصلا ولا كنت بفكر انى افكر فى حد فى شغل هو خطب وفسخ  قبل ما يخطب و هو خطب مكنتش بفكر فى نهائى خالص بعد ما فسخ  بس بفترة برضو مش على طول هو فى حاجات حصلت بس انا شكلى ترجمتها غلط انا من سنة كدة اتكسرت واتجبست وكنت بنزل شغلى عادى بالجبس فى إلى كان يهرب منى وفى الى كان يقولى سلامتك الى كنت بحبة دة كان بيسعدنى اطلع السلم كان يخد الحاجة إلى معايا يشلها بدالى ويحطها فى المكان إلى انا بقعد في وطلب منة قولت يا فلا ن ممكن تجبلى قهوة راح صاروخ يجبلى القهوة وحتى جيت اديلة فلوس القهوة قالى والله منا وخدها الفلوس مرداش ابدا مرة كمان جة علية يوم معيش فلوس قولتله يا فلان ممكن ١٠ جنية قالى طبعا اقسم بالله طلعلي ١٠٠جنية قولتلة لا دة كتير انا عاوزة ١٠ جنية بس عطاني ١٠ جنية تانى يوم مرضاش يخدها منى كنت عاوزة ارجعهاله مرضاش وعلى طول كنا بنتكلم مع بعض فى شغل هو زميلى فى شغل تمام هو بنأدم مثقف جدا جدا بس عصبى جدا جدا إلى عرفنى انة عصبى هو قالى وشفت مواقف فى شغل مع حد كانوا بيشدوا سوى وجت فترة كنا بنتكلم واتس كنت أروح افضفض مع اى حاجة فى اى حاجة تخص الشغل والناس إلى فى شغل بس وطبعا عن شخصيتنا كنا بنتكلم فيها انا بحب كذا هو بيحب كذا وفجأة قطعنا خالص محصلش بنا ولا مرة خناقة قطعنا كل واحد اتلها فى شغلة محبتش اقولة انى بحبة مقدرتش بس كل يوم هو بوشى وانا بوشة فى شغل ويتكلم معايا فى شغل واسلوبه روعة اوى فى تعامل بس تقريبا ترجمت كل حاجات دية غلط ودعت لربنا كتير انة يكون من نصيبى وانهارت عياط كتير ووجع وتعب وعاوزة يحس بية بس الحمد الله اخد ٣ شهور عذاب اة بس اعمل اية قولت كفاية تعب فى نفسى بقى واركز فى شغلى احسن وحياتى وخلاص بس هو معايا فى شغل بس سعات كتير بحنلة حد مر بحاجة زى كدة من قبل خايفة ارجع أحبة تانى قبل كدة واحنا بنتكلم واتس كانت ردودو حلو ٣ مرات كلامتة ماسنجر  مكنتش الردود إلى كنت منتظرها يعنى إلى هى اكنة بيقولى متنتظريش اكتر من كدة طب عمل معايا كل دة لية اية رئيكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_64677 🇪🇬

منذ 3 أشهر

شعور مكسور القلب

زهقت من الحياه و الناس و نفسي ، لغايت دلوقت مش فاهمه هو اتا متحبش ليه مدنيش فرصه واحده حتي نكون فيها صحاب علي الاقل يعني ، ليه بيكرهني اوي كده ده انا بعيط كل يوم بسبب اللي عمله فيها ده انا حاسه اني بقيت كلبه بجد بجري وراه ،يعني يكلم صاحبتي عدل و انا ازبل من الزباله ليه ليه و كمان خايف اني اعرف و يأذ

Onion_56676 🇪🇬 😮‍💨هو طالما مش مهتم بيكي سيبك منه 😪 يمكن هو مش من نصيبك😥، ممكن ربنا يكون مخبيلك حاجه حلوه تفرحي بيها قريب🥹، بس علشان توصليلها متعقديش نفسك😶‍🌫️لازم تتحملي 💪و تصبري، و أنت لازم تفهمي إنه مش آخر بني آدم موجود علي الأرض 🌎، و أكيد في أحسن منه كتير 🤐، و لازم تعرفي أنك لو ارتبطي بيه "وهو مش مهتم بيكي" ده مش هيفيدك😭 بالعكس ده هيزعلك اكتر 🫤، الحل الأفضل"مش الحل الوحيد"إنك تتخطيه. (انا مش بفرض رأيي انا بقترح)

عرض الكل 9 نصيحة

Coffee_52367 🇪🇬

منذ 3 أشهر

شعور مكسور القلب

عبّر عن شعورك بشكل مجهول

انا عندي حد كنت بحبه كنت بفتح لايفات... علي تيك توك ف... هوا دخل كنا بنتكلم قبل كده عشان كنا بنلعب مع بعض . 💔 كانت أحلى أيام 💔 عدت الايام اعترفتله بحبي و هوا طلع بيحبني....عدت الأيام و كنا حلوين لحد ما قلت لي اختي عشان مبحبش اخبي علي أهلي حاجه بس كنت متردده و انا عندي ظروف يعني انا كنت محبوسه معرفش هل الي بعمله دا هل حرام ولا حلال بس لقيت الكل بيعمل كده ف عملت زيهم المهم عدت الايام و أمي عرفت 💔 و بعدت عنه فتره رجعنا تاني لما ماما ادتني التلفون تاني 💔 معرفتش اسيبه 💔 عدت الايام و سبنا بعض سنه.. و مش عارفه ايه إلي فكرني بي دخلت حسابه و سألت عليه و اتكلمنا لقيته اتغير اوي اوي و فالي أنه حاسس انه مش عارفه أنه يعني مش فاكره بس هوا عمل حاجه غلط من ناحيتي يعني المهم رجعنا 💔💔 مش عارفه بس حسيته بقى بارد مش دا إلي حبيته قبل كده دا مش هوا 💔 بقى مريض عارفين الشخص المتملك دا.. الشخص إلي بيقفل عليكي ممكن يبروزك في البيت لو يعرف  بارد و توكسيك و مريض و مبيحبنيش 💔 أنه يسبني سهله عليه 😭 كل مره كان بيسبني في كل خناقه وقفت جمبه و احتويته و هوا في أول مطب سبني كتبتله اشعار و عملتله حجات كل الناس يتمنوها. 💔 حبيته و بس سهوله سبني اتخانقنا بسبب موضوع الغيره المرضية دي و أما أصلا مختمره و الاحترام يقولي أنتي محترمه أكتر مني و برامج البيت راجل و مش عيب إني أقول كده بس عنده غيره مرضية اتخانقنا و لمحلي أنه عايز يسيب قولتله صارحني و دي آخر فرصه ليك معايا و لو ضيعتها يبقى انت الخسران 💔وجعلي قلبي 💔 استغنى عني 💔كسرني 💔مش مسمحاه يارب و اسقيه من نفس الكائس كل من دخل حياتي و كسرلي  قلبي و كان قصده شر متوفقهوش يارب 💔 خدلي حقي منهم 💔 المهم انت عندي قناه علي الوتساب ف حد بعتلي علي برنامج الرسائل المجهولة أنه بيحبني و عايز رقم ابويا و كده ف هوا شافها اتعصب ف آخر ارسالته  قلي سلام ف قلتله ماشي سلام مش مثلت يعمل أي حاجه لا دا سبني..... عملي بلوك من كل حته. 💔 و في الآخر طلعت انا الوحشه بعتله رساله علي كل حاجه عملها و عملتله بلوك.. 💔 مش مسمحاه يارب 💔 لو بينه و بين الجنه سماحي مش مسمحاه لا هوا ولا أي حد أذى أي بنت مش مسمحاه 💔😭 ولا عمري هسامحه لأنه كسرني 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_64506 🇪🇬

منذ 3 أشهر

شعور محبط

سلام عليكم جميعا اولا انا لسه منزل الابليكيشن جديد و عجبتنى الفكرة ثانيا عايز اخد أرائكم جايز الاقى معاكم الحل انا شاب عندى ٣٢ سنة حبيت وحدة من ٥سنين و هى جات و اعترفتلى انا بتحبنى ليها اكتر من سنة و حبيتها و اتعلقت بيها و لما اتقدمتلها رفضت و انا لحد دلوقتى مس عارف ليه كل اللى قالتهولى وقتها غ

Mango_86615 🇪🇬

بحب واحد مسيحي في الكليه ومش عارفه اعمل ايه

دلوقتي أنا دخلت الكليه ولسه سنه اولى قبلت واحد هناك هو مسيحي وانا مسلمه المهم اني من معاملته ليا حبيته وهو قالي أنا كمان حبيتك ولما قلتله خلاص اسلم ونتجوز قالي لا لتخلي عن دينك وهنتحوز وانا مش عارفه اعمل اي لاني بحبه جدا وحاولت اني ابعد عنه مبقدرش ...عرض المزيد

1 الدعم

29 نصيحة

Cherry_77509 🇪🇬

وقعت في حب صديقي الإلكتروني وأنا متجوزة

انا متجوزه وبحب جوزي جدا وعندي اطفال حصل في حياتي موقف صعب اوي خلاني لجأت من حد من بتوع الأزر وحكيتله وفضلت اعيط وكنت ناويه اقفل الاكونت وخلاص لاقيتني كملت كلام معاه وبقينا اصدقاء اللي شدني ليه انه اكبر مني بكتير وانا محرومه من وجود اخويا وابويا ولاقيت فيه الشعور ده انسان محترم جدا وعمىه ما قالي كلمه وحشه هو بس ممكن يتنرفز لو قولتله مثلا اني بلبس كذا او بحط ميك اب كده يعني..المهم اني واحده واحده حبيته اوي وبقي جزء من حياتي بحبه فعلا فعلا زي مايكون ابويا هو مطلق ورافض فكرة الجواز ومعندوش ولاد وطبعا مقدرش اعرف جوزي حاجه زي كده وده مخليني حاسه بالذنب اني بعمل حاجه حرام...انا ساعات بحس اني متسرعه وطايشه لما بحكيله بيكون رزين كده وبيتحمل عصبيتي وسربعتي ورغيي وبيوزنلي الدنيا وبينصحني وعمرنا مااتقابلنا احنا شوفنا صور لينا بس وبنتكلم فون هل ده ذنب وحرام برغم الحدود دي والمشاعر من النوع ده ...عرض المزيد

1 الدعم

26 نصيحة

Sugar_69803 🇪🇬

عايزه حد يساعدني في استفسار صغير

عايزه حد يساعدني في حاجه معينه (مش حاجه كبيره مجرد استفسار ) يتتينينينيزينينتيتؤتيويتيتقنقنقنبنمبمبميدسظؤظتيتيزثةيتتؤوؤوؤتيوبتتبزقنؤزؤمظبمبظبزبنبزتبتبوقتؤتوؤترتزيزيميميظزيترتيزيتؤنبزوبوبترتيزبزبووبوبتبزبزبتبتبتبتقتبننقنقنقنقننبزبنبنبنبززرزبنندظيميزيزينبنبنبنبنبنقتينبتبتيتيتيتبتتتت ...عرض المزيد

0 الدعم

25 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع