سبني بطريقة زبالة وداس عليا بالجزمه

Question

كنت فاكره انو بيحبني ومش شايف غيري حتي لو شاف انا كدا كدا موجوده وعمره ما يسبني عشان اللي بينا كان كتير وكبير ومش سهل يجي غيرو او الموضوع يخلص بس صدمني سبني بطريقه زباله مشوفتوش زعل عليا دقيقه ولا صعبت عليه داس عليا بالجزمه عادي داس ع عشره 7 سنين بالجزمه داس ع سنتين بنحب بعض وكانت كل مشكله تحصل بتقوينا داس ع كل دا ومشي ومع واحداه تاني نفسي اقولها انتي مين عشان تيجي تاخديه ع الجاهز كدا ولا تعبتي معاه ولا استحملتي حاجه ولا شوفتي اللي شوفته عشان تاخديه كدا ع الجاهز بتعملي كل حاجه كانت المفروض تتعملي انا دا حقي وهو حقي 
محدش هيحس ب حاجه ولا بخلي حد يحس ب حاجه بس انا مقهوره ع نفسي مش عارفه اتكلم مع حد مش عارفه اقول اي انا مكنش ليا غيرو مكنتش عايزه حد يفرح فيا كدا مكنتش عايزه كلامهم عنو يبقي صح انا كنت واقفه قصاد الدنيا كلها عشانو مكنش بيهمني حد وهو كسرني قدام الكل حتي اهلي مخليني مليش عين ابص ف وشهم
انا بقيت اخاف امشي ف الشارع اشوفو معاها مش عارفه هحس ب اي اكتر من اللي انا حاسه بيه بس اتمني اليوم دا مايجيش

Strawberry_21539 🇶🇦 · Accepted Answer

المواقف دي بتحصل عشان تتعلمي بصي افتكري الزمن دا اللي بيتنازل عن حقه مبيتقدرش، متصدقيش حاجه مش موجوده، اللي انتي عملتيه دا حاجه حلوه وكويسه مع صحبتك ماشي مع حد قريبك ماشي بس مش مع راجل انتي بنت متجاهديش عشان حد حبيبتي دا وظيفته هو الراجل هو الاي يكافح ويقف قصاد الدنيا مش انتي دا فطرته اساسا كدا ف بالله عليكي متزعليش ربنا هيعوضك براجل يطيرك فالسما من فرحته بيكي ويرفع راسك قدام الكل

Strawberry_21360 🇪🇬 · Answer

يا بنت الناس الخيره فيما اختاره الله وهو مش خير ليكي من الاخر عشان تزعلي عليه الزعل ده كله طز في السنين يا حبيبتي انا متاكده ان حقاره شخصيته كانت باينه بس انتي اللي كنت بتتغاضي عنها احمدي ربنا ان هو بعد عنك يا بنتي وعلى فكره هيسيبها وهيرجع لك حسك عينك ترجعي له عشان ساعتها هيسيبك تاني برده

Strawberry_21539 🇶🇦 · Answer

بصي اول حاجه هتعمليها تقبلي الموضوع و اوعك تخلي حد يشوفك ضعيفه من بعده بالعكس انتي هتحلوي وهتحلوي اوي كمان اللي تقف قصاد الناس دي واحده شخصيتها قويه وحبيبتي انتي مخسرتيش حاجه هو اللي خسرك فكري نفسك دايما بالكلام دا انسيه واشغلي نفسك والتزمي بصلاتك وادعي بالشخص الصالح و عيشي حياتك واحسن من ماكنتي معاه كمان وقولي بالناقص كمان محدش ليه عندك حاجه ي قلبي

Cookies_21589 🇪🇬 · Answer

مكنتش عايزه اتعلم فيه هو مكنتش نفسي يطلع درس كنت طالعه بيه السما وهو وقعني ع رقبتي مكنتش بخليه يعمل حاجه عشان كان شايل كتير كنت بقسم كل حاجه بينا سوا كنت بحرم نفسي من حاجات كتير عشان يكون مبسوط مكنتش عايزه اعيد دا او اعرف غيرو انا اصلا مش هيكون ليا طاقه خلاص

Cookies_21589 🇪🇬 · Answer

انا تقبلت الموضوع فعلا ومش مخليه حد يشوفني ضعيفه او زعلانه عليه عشان كرامتي  بس انا تعبت من بحاول ابقي كدا انا من حقي ازعل ع الايام وع عمري وعلي نفسيتي اللي راحو

Strawberry_21539 🇶🇦 · Answer

ازعلي طبعا وخدي وقتك فالزعل البني ادم قلبه ومشاعره مش بإيده ودا طبيعي،بس بنحاول منخليش الصدمات دي تاثر علينا ونقسى على نفسنا عشان شايفين اننا منستاهلش دا من الاشخاص اللي حبيناهم ف بدل ما نخليها تاثر علينا بالسلب لا نخليها ذكرى ونتعلم منها ازاي نبقى اقوى  و منجيش على نفسنا عشان حد ايا كان مين وافتكري انه لسه قدامك حياه هيدخل فيها ناس تحبك وتحبيهم .