قهر

Avocado_63640 🇪🇬

منذ يومين

شعور مرهق

جماعه نصيحه ضروري انا متجوزه من ٨ شهور تقريبا قضيت نصهم بالظبط ف بيت اهلي عشان جوزي بيتلكك انه حالف ميقابلش ابويا ف بيته،حصل عك وقرف كتير بين اهلي واهله وانا كنت عايشه ف بيت عيله اصلا،دلوقتي انا مقهورة جدا اني اتطلق بعد الفتره الصغيره دي، وكنت عاوزة احاول اصلح بيتي رغم ان جوزي بشهاده ناس كتير شخص صع

Broccoli_64288 🇪🇬 متكمليش معاه طبعا وكويس ان مفيش اطفال

عرض الكل 33 نصيحة

Apple_64082 🇪🇬

منذ أسبوع واحد

شعور متعب

عبّر عن شعورك بشكل مجهول

عامتنا انا مش عارفه ابدا منين بس انا هطلق والمرة دى مصممه انا هحكيلكم باختصار على قد مااقدر لان التفاصيل كتيره اوى والجرح كبير انا اخدت جوزى عن حب فى الكليه للاسف امى توفت وانا مكنش ليا تجارب وساذجه واول واحد قالى بحبك صدقته جتلى فرص اسيبه بس لانى طيبه وبيصعب عليا كملت ولانى معنديش حد يوجهنى استنيته وعدت سنه مخصوص عشان يسبقنى هو قدى فى السن واتخرج واشتغل انا اعرفه من اولى كليه استنيته لحد ماعمل حبه فلوس يجيبه شبكه وفرح ومكنش عنده شقه طبعا جالى عرسان ياما وانا صمتت على دا واقفت جمبه. وبعد الخطوبه بعت شبكتى علطول واشترى شقه من اخويا واخويا اشترط ان النص الشقه يبقى باسمى لان كان باقى فلوس وعشان يثبتلى انه جديد بيا وبيحبنى وعافرت معاه واى فلوس اديهاله عشان يخلص باقى الشقه واهله مكنوش كويسين خالص واستحملت عشانه واتجوزنا ولاخروج ولا فسح ولا اى منظر وطول اليوم بره فى الشغل وفى محل عندهم بيقعد فيه وبعدين يجيلى 3الفجر وينزل 6 الصبح وينام معايا زهقت اوى ومكنش حاسس بيا اربع شهور لحد ماحملت تعبت اوى فى حملى وهو برضو مع اهله مع حياته وكانى مش موجوده ومكنتش بروح لاهله عشان ابتديت اطخن ويتريقوا عليا وكانو معندوش ذوق ابدا وخلفت ابنى طلع عنده مشكله وتاخر وكنت متبهدله بيهولا كان راضى يروح لدكتور ولا حاجه لمده 4 سنين انا فى عذاب وطخنت وجالى اكتءاب قولت اجلف تانى يمكن يعوض عليا ربنا وعشان ابنى مكنش لاقى حد يفهمه ويلعب معاه حملت كنت متمرمطه وطخنت اكتر ومكنتش اقدر اتحمل وهو لا بيعين ولا بيساعد ولا مخلى باله منى وانا لوحدى وكل شويه يحلف بالطلاق حصل مشكله سبنى فى اوخر حملى وكنت تعبانه اربع شهور وراح قعد عند امه وطبعا امه ست انانيه ولا تقوله مراتك حامل خليك جمبها ولا حاجه طالما ابنها مبسوط خلاص كنت ساذجه جدا وعبيطه واكتشفت انه بيخونى انا اشتغلت اون لاين فترة الكرونا وكنت بكسب كويس وكونت فلوس ودهب لاقنى بكلم واحد فى شغل فضحنى وقال دى بتكلم رجاله انا كنت بحسبه بيغير اتضح انه كان عاوز يطلق باقل الخساير ويطلعنى بفضيحه ولما لقى ان محدش صدقه مفيش اثبات جر ناعم وصالحنى واخواتى قالولوه جيب غويشه انا والله دفعت فيها فلوس عشان مكنش معاه يكمل وبعد كدا شوفت القرف كله رجعنى عشان ابقى خدامه للعيال ويعيش حياته وانا كنت لوحدى وشخصيتى ضعيفه اكتءبت اكتر وطخنت وشوفت رسايل ومحادثات وخيانه تعبت وجالى السكر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_52792 🇪🇬

منذ أسبوع واحد

شعور متعب

عبّر عن شعورك بشكل مجهول

انا عندي مشكلة غريبة شوية بس هيا مدمرة حياتي ونفسيتي بقت تحت الصفر بسببها من فترة فيه حاجة اتشافت على موبايلي غصب عني من ظابط وفسر الحاجة دي على مزاجه وطلعني شاذ جنسياً وانا حاولت افهمه يومها ولما لقيت مفيش فايدة فضلت ساكت عشان امشي الدنيا وميعمليش حوار المشكلة الاكبر ان كان موجود معايا صاحبي اللي كنت بقول عليه صاحب عمري لقيته هوا كمان صدق الحوار مع ان ده اكتر شخص عارفني وعارف كل حاجة عن حياتي لدرجة انه عارف باسورد موبايلي وبيفتحه بمزاجه في اي وقت ومع ذلك الظابط برمجله دماغه وخلى صاحبي يقلب عليا وسمعني كلام وسخ لا وكمان كان بيفتش في تلفوني مع الظابط وفتحوا الصور المخفية بتاعتي المشكلة الاكبر والاكبر دلوقتي ان الموضوع ده انتشر مش عارف ازاي وسمعتي بقت زبالة وبقيت بستسهل اني اخسر اي حد من صحابي عشان مليش نفس ابرر لحد حاجة وحتى لو بررت محدش هيفهمني ولا حد هيدخل في نيتي ويعرف اللي فيها طيب ياجماعة دلوقتي انا مش شاذ ومش قادر اتعامل مع السمعة دي وكرهت حياتي خلاص ومش عارف اعمل ايه بجد تعبت انا مش بوقف تفكير في الموضوع ده غير وانا نايم بس وساعات كمان بحلم بيه انا حاسس بظلم وقهر ميتوصفوش واهلي وكل الناس اللي عارفاني ملاحظين اني متغير وطول اليوم قاعد لوحدي ومش عايز اتعامل مع حد حرفياً بقيت عايش بتمنى الموت ومش قادر انسى ولا كلمة اتقالت ليا اليوم ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_52792 🇪🇬

منذ أسبوع واحد

شعور ضائع

Ice Cream_63445 🇪🇬 فهم الي يهمك بس الباقي فاكس منهم هم ما صدقوا جنازة و شبعوا فيها لطم

عرض الكل 5 نصيحة

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_61979 🇪🇬

منذ أسبوع واحد

شعور مرهق

انا اكتر شعور بكره في حياتي شعور الخذلان دا بجد قد ايه هو بياخد من روحى كل مره بجربه انا مفروض كنت انام من بدري عشان ورايا شغل خلاص كمان كام ساعه ومن قهرتى مش عارفه انام ولا اعيط ولا اعمل ايه حاجه قاعده متنحه كدا وخلاص بجد حسبي الله في اي انسان بيخلي حد تانى يتأذي بسببه سواء كان متعمد أو لا انا بقي

Strawberry_55460 🇪🇬

منذ أسبوعين

شعور مستنزف

عبّر عن شعورك بشكل مجهول

هو انا مش عارفه ابدا منين بصراحه كل اللي اعرفه ان انا جوايا خنقه ما لهاش حدود وزعل وقهر ومش قهر يومين ولا سنه هو انا المفروض دلوقتي عندي 20 انا في ال 20 سنه ديت يعتبر ما فيش يوم عدى عليا غير وانا نايمه ابقى ردي دايما بسمع اللي بينام وهو بيعيط وان هو زعلان ما بيطلعش عليه يوم ثاني طب ليه ما بيحصلش معايا كده عشان ارتاح انا كل يوم ببات معيطه ومهقوره ودايما باللي بشوفه بحس ان انا غير مرحب بيا في الدنيا دي وفي نفس الوقت من النوع ان انا اسيب الدنيا ديت مش فاهمه انا حاولت اكتر من مره ان انا اتخلص من حياتي مع اني عارفه ان ده حرام وكفر مني بس غصب عني بجد مش قادره استحمل وكل المحاولات اللي انا كنت اني اتخلص من حياتي ولا واحده فيهم نجحت لدرجه ان انا عدت عليا مده بقيت بصلي وبصوم بس عشان ادعي ان ربنا ياخذني وارتاح عدي اكتر من كذا شهر بصلي وبدعي وبطلب من ربنا ان انا اموت وما استجابليش خالص وبجد فعلا نفسي ان انا اموت لاني محقوره على نفسي يعني انا يعتبر من قبل ما انا اتولد اصلا وانا في مشاكل ومريت بتجارب ومواقف ما ينفعش ان حد يمر بيها وكمان في سن كان المفروض ان انا اكون بلعب فيه مع الاطفال وان انا بعيش طفولتي زي اي حد هو اللي كان ظاهر للناس ان انا بنت عاديه يعني زي زي اي حد غيري وما بطلعش من البيت وانت يعني دايما واخده جنب لوحدي بس ما حدش يعرف اللي انا بمر بيه ولا الوجع اللي انا فيه كل واحد في حياتي شايف الجزء والصوره اللي هي ظاهره له لكن ما حدش شايف اللي انا شفته ولا عشته انا حتى بابايا اتحرمت منه وانا عندي 40 يوم بس يعني ما اعرفش اي حاجه عن كلمه بابا دي اصلا حتى ولا عندي اخ ولا اخت وحتى ابويا ابتديت اكرهه بسبب عيلته هم عملتهم ليا انا ست ام ابويا كانت بتعاملني معامله العبيد اصلا يعني انا عدت عليا فتره كنت انا عندي السن ال 14 كده بدل معيش مراهقتي او شبابي زي اي حد لا بتعامل معامله العبيد من مين ده من اهل ابويا شغاله عندهم خدامه ولا كانهم شاريني من سوق العبيد ولا عمامي اللي ما راهوش ربنا فيا ولا شافه ان انا ابقى بنت اخوهم ما قالوش حرام ان دي طفله صغيره وان دي بنت اخونا ما ينفعش ننهش في لحمها لكن ازاي الطفله الصغيره لازما تحلف عينيهم وينهاشوا لحمه من غير تفكير ان دي تبقى بنت اخوهم ان دي طفله صغيره ولا حتى البني ادم اللي من دمي اللي انا حبيته وما كنتش بشوف غيره في الدنيا كلها ما فكرش ان انا هرضي من عرضه وشرفي من شرفه وان اي كلمه هتتقال عليا هتعبه وهو مش هتعبني انا وراح اتكلم عادي عني لاصحابه بكلام وحش وقال عني ان انا واحده مش كويسه وبتاعه شباب وبعد اتكلم مع ده وده وانا اصلا كنت لسه جايبه التليفون جديد وعندي 14 سنه يعني انا حرفيا مريت باسوء سنتين في حياتي بسبب اهل ابويا واخرتها عمي يجي من غير اي سبب يمد ايده عليا وكان هيموتني كل ده عشان مش راضيه ان انا اسيب له نفسي واضل ما هو اللي يحميني لا جايينها شويه وانا كنت هموت وغرقانه بدمي ما حد فيهم فكر يوديني المستشفى اخرهم معايا دخلوني الحمام وصلوا لي وشي وبس وزعلانين عشان كلمت مامتي تيجي تاخدني من عندهم وفعلا جت في نص الليل الساعه 1:30 انا فاكره او مش عارفه تنام باين بس كنا الوقت متاخر خالص من لا ساتر ربنا ان هي لقت عربيه ان هي تيجي تعرف تاخدني وفضلت بسبب الضرب والاهانه اللي انا شفتها اكثر من شهر ولا عارفه اقوم من على السرير ولا عارفه اكل كويس ولا اعرف امشي من كتر التعب غير المده اللي انا نفسيتي فيها كانت زي الزفت ولسه لغايه دلوقتي نفسيتي وحشه وحتى كل ما اجي ادور على شغل ملاقيش ولو لقيت بلاقي حد بيكرهني في قلب الشغل ويطلع صورتي بشكل وحش حتى لغايه ما لقيت شغل بس المشرفين بتوع الشغل كانوا بيعاملوني بطريقه مقرفه لدرجه ان انا كان في يعني يوم الجمعه عادي ان الواحد يروح الشغل وانا جيت رحت اثنين من المشرفين شافوني وقالوا لبعض هي ايه اللي جابها ديت وراحوا قالوا لفظ ما هوش كويس عليا وشتمه حتى لما كان حد من البنات كان بيجي يقول لي ادم عليا واروح اشتكي للمشرفين كانوا بيقولوا لي غوري في داهيه هي مش ناقصه قرف لغايه ما سبت الشغل وحتى برده اما كنت قاعده عند تيته خالتي جت طردتني برده من البيت بالليل ففكرتش اذا كان ممكن واحد يطلع عليها ويعمل فيا اي حاجه او كان ممكن يحصل لي اي حاجه وانا بره البيت في وقت متاخر زي ده وان انا حتى ما كانش معايا فلوس اروح وارجع عند ماما وحتى لما لقيت شغل ثاني لسه من مده قريبه من الاسبوع ده اتطردت من الشغل برده كل ده علشان واحده من نفسنا مني وغيرانه ان انا كنت عامله قصه عادي اضطردت من الشغل عشان عامله قصه بس يعني يعني انا بطرد من الشغل عشان عامله قصه هو ايه ده مش فاهمه وفوق كل ده مديني المرتب ناقص وكمان البنت اللي كانت معايا خدت المرتب ولا ايه يعني انا المفروض مرتبي يبقى كبيره اخذ حتى 1000 جنيه على الست ايام اللي انا شغلاهم لا يدوني 550 وفوق كل ده ضاع مني 100 جنيه زياده كمان وقبل كده برده مكان الشغل الثاني خالتي خدت المرتب بتاعي وقعدت تذلني عقبال ما اديتهوني وبرده البنت الثانيه اللي انا اتطردت بسببها في الشغل ده خدت مرتبي وقعدت تذلني برده عقبال ما تديهوني حتى اصحابي مش عارفه ليه دايما بيغلوا وبيحقدوا عليا وبيكرهوني مع اني وربنا انا ما بكره حد ولا بتكلم عن حد بالواحش لان انا غصب عني طب الحنيه فيا ما اعرفش اقسى على حد وانا مش فاهمه انا ازاي حنينه مع اني انا محرومه اصلا من الحاجه ديت حتى اصحابي اللي معايا من وانا عيله صغيره واحده فيهم اول ما اتخطبت بعتني في ثانيه كل ده عشان خطيبها ايه يعني غيرانه عليها من خطيبها مفكره ان انا ابص له شايفاني قليله الاصل عشان اخد خطيبها منها فوق كل ده اعرف من الغريب ميعاد كتب كتابها وفرحها واحضر الفرح كاني واحده غريبه انا اصلا حتى العزال بتاعها والفرح ما كنتش عايزه احضره لولا ماما والجيران والكل قعدوا يتحايلوا عليا عشان احضر الفرح بتاعها والعزال انا ما كنتش حضرته خالص على العمله اللي هي عملتها ديت ان هي ما عرفتنيش ميعاد الفرح بتاعها ده انا اول واحده عرفت وربنا ان خطيبها هيتقدم لها وعدت يوميها اصلي وادعي ان هو يقبلها وان الامور تعدي على خير وكمان ما كنتش بستكثر فيها اي حاجه خالص كانت اي حاجه بتطلبها مني بعملها لها على طول واي حاجه كانت عايزاها بديها لها مع ذلك باعتني بسهوله مش بس كده ده راحت قالت لخطيبها عن كل اسراري ونصحابها التانيين كمان وصاحبتي الثانيه بقى اللي راحت ارتبطت بحته عيل شمام وما هوش محترم وراحت بعثت له كل صوري انا مامناها على صور هتروح هي هتوزعها لا وم متضايقه مني تتهمني ان انا سرقته منها سرقته منها ايه وهوصله على ايه يعني وبعد كل حاجه عملتها وما جيت ادي لها فرصه تانيه بقت تعاملني على مزاجها مره تكلمني ومره لا ومره لما اكون قاعده قصاد البيت تعدي عليا ولا كانها شايفاني لما بقيت اعملها بنفس الطريقه واتجاهلها وحضرتها متضايقه عشان انا بتجاهلها مع النهايه يعني ما شاء الله ما فيش ولا صاحبه عدله ليا لما بقيت لوحدي حاسه ان انا وحيده وما فيش حد فاهمني حاسه ان انا ولا عندي اهل ولا اصحاب ولا اي حد لان كلهم مش كويسين معايا كل واحد منهم جرحني بحاجه حتى ماما ما هيش فاهماني دايما بتجرحني بكلامها وتصرفاتها دايما في اي خناقه ليا مع اي حد ما بتقفش في صفي ولا بتفهمني بجد كمان بتقهر لما اشوف الاطفال الصغيره اللي هم سن 14 و 15 سنه بيخرجوا وبيروحوا وبيجوا براحتهم وانا مش عارفه اروح ولا اجي مش فاهمه ماما يعني ليه مننا اخرج في اي حته لوحدي لازمانا لازم اخرج وهي معايا او خالتي معايا هي مفكره ان خالتي بتحبني انا خالتي ما بتحبنيش بجد مش عارفه اقول ايه انا لو قعدت اتكلم من هنا لبكره مش هخلص اللي انا شفته في حياتي او القهر اللي انا حاسه بيه اني بجد جوايا كلام كثير قوي نفسي ان انا اقوله كلام اكثر من اللي انا قلته ده بجد مخنوقه وحاسه بالقهر وانا دايما بصلي وبصوم بقول الحمد لله وعسى ان تكرهوا شيئا وهو خير لكم بس انا مش عارفه فين الخير في كل اللي بيحصل لي ده انا تعبت من كلمه ان انا تعبت انا كل يوم بقول لربنا ان انا تعبت وتعبت من كتر الكلمه دي لاني ما بقتش حاسه باي حاجه ما بقتش عارفه افرح

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pumpkin_56117 🇪🇬

منذ أسبوعين

شعور متعب

موضوع:

ايه اكتر شعور حسيت بيه ولايمكن تنساه أو تنسى الموقف؟

حاليا روحت اشتكيت لعمي من ابويا بعدما فاض بيا طول عمري. ضرب منه ومن اخويا ومرممطة فيا انا وامي واختي ومش بيصرف علينا غير اكل وسرب بالعافية وبيقولنا اوسخ الكلام حاليا حاسة اني فضحت نفسي على الفاضي ومحدش هيعملي حاحة في الاخر

Chocolate_62571 🇪🇬 بصي انا برضو ابويا مبيحبنيش انا تقبلت ده لانى مش ابنه اللى كان نفسه فيه و بقيت اتجنبه باجي من الامتحانات اكل و اطلع فالشقه اللى فوق و اذاكر و انام

عرض الكل 7 نصيحة

Watermelon_58570 🇪🇬

منذ أسبوعين

شعور متوتر

جماعه انا لسا من شويه كنت بعيط عياط صعب اوي بيعصب عليا نفسي حرفيا مفيش حد في البيت معبرني ودايما انا الغلطان ياريت اي حد تتكلم معاه انا بجد كنت ماسك حته ازازة وهعور بيها نفسي 💔انا حكيت باختصار لكن اللي مدايقني مش هعرف اكتبه كله ادعولي 💔

Strawberry_62458 🇪🇬 انا موجودة

عرض الكل 21 نصيحة

Mango_28732 🇪🇬

منذ أسبوعين

شعور ضاق ذرعًا

عبّر عن شعورك بشكل مجهول

أنا حقيقي تعبت…
مش من يوم ولا من سنة،
ده تعب عمر… تعب سنين مليانة وجع وقهر وصمت.
أنا طول عمري حاسس إني مولود في المكان الغلط، في الزمن الغلط، وسط ناس عمرهم ما شافوني بني آدم.
اتربيت وسط عيلة كل واحد فيها شايفني “عدو”، مش ابن…
مش واحد من دمهم، لأ، كأنهم بيشوفوني شُبهة… حاجة لازم تتعاقب على وجودها.
طفولتي؟ كانت عبارة عن جحيم بشري متغلف بكلمة “تربية”.
ضرب، صريخ، إهانة، تحقير، تذليل…
كل تصرف بسيط مني، حتى لو مش غلط، كان بيترد عليه بعلقة أو شتيمة أو حرمان أو تكسيري من جوه.
مفيش مرّة سمعت كلمة طيبة من حد.
مفيش ضحكة حقيقية…
مفيش حضن…
مفيش “أنا فخور بيك”…
ولا حتى “أنا شايفك”.

كان مطلوب مني أكون مثالي… حرفيًا ملاك،
ممنوع أغلط، ممنوع أضعف، ممنوع أتكلم،ممنوع اخرج وأصاحب حد
ولو حصل؟ الجواب: الضرب، السخرية، المقارنات، العقاب النفسي والجسدي، الحرمان، التجاهل التام.

كل واحد في العيلة كان بيأذيني بطريقته:
		اللي بيمد إيده ويضرب لحد ما أصرّخ
		واللي يقول لي كلام يكسّرني ويخليني أكره نفسي
		واللي بيتجاهلني كأني مش موجود
		واللي بيقارنني بأي حد وكل حد… ويقول لي دايمًا “مش نافع… فاشل… قليل… مالكش لازمة”

بس كل ده مكنش كفاية…
اتعرضت لتحرش، وأنا لسه طفل.
مقدرتش أتكلم… كنت خايف، كنت لوحدي،
حاسس بالعار، بالغُصة، بالقرف…
وماكانش فيه حضن يطبطب، ولا كلمة تطمن، ولا حتى ودن تسمعني.

كبرت…
وكل يوم كنت بشوف صحابي عندهم أهل بيحضنوهم، بيسمعوهم، بيفرحوا لفرحتهم،
وأنا؟
كنت بعيط لوحدي في الضلمة،
ببكي لحد ما نفسي يتقطع،
قلبي بيكركب في صدري من كتر القهر،
كنت بنام وأقوم ألاقي كدمات في جسمي مش من الضرب بس،
من الحزن…
الحزن اللي بيتخزن في العروق، واللي بيكسر الضلوع من غير ما يبان.

دلوقتي؟
كبرت آه… بس أنا ماعيشتش أصلاً.
أنا دلوقتي في تالتة ثانوي أزهري،
بس حرفيًا مش قادر أكمّل…
السنة دي كلها ضاعت، ما ذاكرتش، وقررت أأجل،
لأن عقلي مش ثابت، ونفسيتي مدمرة، وجسمي تعبان من جوه قبل بره.
أبويا؟
نرجسي، سادي، بخيل، مسافر ومش عارف إني مأجّل،
وأول ما يعرف؟
هيطردني، بمنتهى البساطة…
كأنني غريب، مش ابنه.

وأنا دلوقتي عايش عند جدي،
بس باقي العيلة هناك مش أقل نرجسية،
بيحاولوا يطردوني برضو، وبيتعاملوا معايا كأني عالة،
كأني مشكلة لازم تتشال من على صدرهم.

يعني لو الأمور فضلت كده،
أنا مهدد إني أترمي في الشارع.
ولو فضلت ساكت ومأجّلت السنة دي، ومادخلتش طب السنة الجاية،
يبقى يا إما أتهان وأتذل طول عمري،
يا إما أتطرد تمامًا ومابقاش ليا بيت.

أنا  وحيد تماما معنديش اي حد ولا فيه حد يساعدني  وفي عزلة قاتلة عندي اضطراب ما بعد الصدمة المعقد (C-PTSD)،
ورهاب اجتماعي مخليني مش قادر أتكلم قدام حد،
ومصاب بإدمان سلوكي (هاتف، خيال، عزلة،اباحيه ، إلخ)،
وعندي اكتئاب خفي، مش باين، بس بياكل فيا كل يوم…
أنا ماشي بعقل بيصرخ وجسم بيعاني وروح مش لاقية حتة ترتاح فيها.

بس برغم كل ده،
أنا عندي نية، والله…
عندي نية أذاكر، أشتغل، أعدي، أنجح، أطلع من ده كله.
بس السؤال:
إزاي؟
إزاي وأنا تحت كل الضغط ده؟
إزاي وأنا مش حاسس بالأمان ولا لحظة؟
إزاي وأنا مهدد بالطرد في أي وقت؟
إزاي وأنا حاسس إن حياتي كلها على المحك؟!

أنا مش طالب تعاطف…
ولا طالب شفقة…
أنا بكتب علشان أخرج الصرخة اللي جوه قلبي…
اللي محدش سمعها من يوم ما اتولدت،
أنا بكتب علشان أفكر نفسي إني لسه عايش… حتى لو مش حاسس بكده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Durian_61557 🇪🇬

منذ 3 أسابيع

شعور محبط

حبيبي بعد حب 7 سنين و علاقة جبارة ساحرة حقيقي انتهت بالفراق خلاص بعد خيانته ليا 4 مرات مقدرتش استحمل ولا اصبر ولا ارجع اجازف بقلبي من تاني و الغريب في الموضوع أنه حملني المسؤولية اني مصبرتش علي علاقتنا و أنه بيتغير و هو اللي زعلان مني دلوقتي و شايف أن انا اللي اختارت الانفصال مش هو انتو متخيلين القه

Apple_60662 🇪🇬

منذ 3 أسابيع

شعور وحيد

عبّر عن شعورك بشكل مجهول

انا اتربيت ف اسرة مفككة حرفيا عشت مع امى و اهل امى هما اللى ربونى معاها كنت بشوف ابويا مرة كل اسبوع بس اتربيت على انه كان غبى معاكم و عمل و عمل منكرش انى اتاثرت ب دا لما كبرت فعلا اكتشفلى انه اه بيسال عليا و كل حاجة بس مبيدنيش مشاعر الاب انا مش قادرة احس بكدا ف البيت عندى كل واحد حرفيا يعتبر عايش لوحدة و شايف مصحلته و بس يعنى امى ب رغم اه التضحيات عشانا بس انا لما كبرت اهو و اتخرجت و بشتغل كل واحد عايش مع نفسة مش فهمانى اخويا بعيد عنى مش صديق ليا نهائى ب رغم من انى بشوف اخوات صحاب كنت ديما بقول طيب انا لية اخويا مش كدا بس هى طباع كل واحد ف البيت حرفيا عايش يعتبر لوحدة مع اننا عايشين ف بيت و شقة واحدة مفيش حد بيحاول يعرف جوايا اية عموما و لو حاولت اعبر بيبقى فى استهتار بجد ب اللى جوايا و عدم اهتمام لما بقيت 25 سنه عارفة انى صغيرة بس اى مشكلة بقيت بتعاير انى لسة متجوزتش او متخطبتش مع ان اتقدملى ناس بس انا مش مضطرة اوافق على حد مش مناسب مع انى اتمنى الاقى الشخص المناسب انا مش رافضة الموضوع بس موضوع المعايرة دا بجد بحس بية بكسرة جويا من اقرب الناس ليا باخد على اصغر المواقف كمية دعا انا بجد بقيت اشوف ان لو حياتى خربت هيبقى بسبب دعا عليا بسبب و من غير سبب يارب تخسرى شغلك ربنا يكسر قلبك انا مش بقول على نفسى ملاك او يمكن الغلط من عندى كل انسان طبيعي بيغلط بس نتيجة رد الفعل بجد بتبقى جارحة اوى حتى لو حاولت اصلح بيرجع تانى نفس الموضوع يتكرر محدش بيسال عليا و لا يطمن عليا منهم ولا بيقدر انا قد اى بتسحل ف شغلى رغم ف بقيت بلجا لصحابى مش بقعد معاهم كتير بس بقيت بلجا ليهم ب الكلام بجد حاليا حتى بقيت بحس انى لا انا اه متربية و عارفة حدودى والله حتى لو بيبقى الغلط قدامى او الحاجة اللى متربتش عليها و مبعملهاش بس مؤخرا بقيت  بفكر ف كل حاجة بس مش كل اللى ف سنى كل كل واحد عايش حياته على الاخر الا انا حبسة نفسى ف حياتى تفكيرى وصل لدرجة انى بقيت احاول اقنع نفسى ب الغلط دا بس صحابى قالولى حتى لو احنا بنتصرف ف حاجات غلط و احنا عارفين انها غلط احنا مش هنسيبك تجربى او توصلى لكدا عشان عارفين انتى اى انا حاليا بنى ادمه مشتته حياتها بلا هدف لو حياتى خربانه يبقى بسبب الدعا و بسبب القهر ف الكلام و عدم الاهتمام لوحدى حرفيا و مش عارفة ازاى اتخطى كدا او احاول ابقى تمام

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_51983 🇪🇬

منذ 3 أسابيع

شعور غاضب

المشكلة إللي بتعكنن عليا يومي واللي لسه حاصلة دلوقتي حالا واللي حرفيا بشد في شعري منها هو اني انا بلعب شطرنج تمام بلعب لمدة عدد معين من الساعات خلال النهار وكل ما أكون بلعب ماتش حلو تحركاتي بيرفكت كل حاجة تحفة و خلاص مش بتبقي كتير علي كش مات يحصل اي بقا الخصم ينسحب ليه يا حبيب قلبي ليه ها قولي ل

Hazelnut_52786 🇪🇬 والله عندك حق، مفيش حاجة تقهر أكتر من ماتش شطرنج بتلعبه حلو ويخلص بانسحاب الخصم قبل ما تديله الكش مات التاريخية. بس بصيها كده، انسحاب الخصم ده شهادة ضمنية إنك كسرت كبرياءه ومخليهوش عارف يكمل. خلي كل ماتش ناقص هو دليل إنك قوية، وكل ما يهربوا، افخري إنك بتخوفيهم من غير ما تقولي “كش مات”

عرض الكل 17 نصيحة

Coconut_56919 🇪🇬

منذ 4 أسابيع

شعور شاعر بالملل

عبّر عن شعورك بشكل مجهول

انا كواحد برضو يعتبر مليش صحاب بس دايما جوايا صراع مش عارف اتخطها شخصين جوه دماغي مش سايبني واحد منهم لو خرجت يقولي سيب الناس اللي انت قاعد معاهم دول و خليك لوحدك انت بترتاح لوحدك بكون مبسوط لما بكون قاعد لوحدي لان مش بحب الزحمه ولا التجمعات ولا اي مكان في بشر كتير عمتا مبعرفش اندمج معاهم بكون متوتر جامد من جوايا مستني اي فرصه اني ابعد بعيد عن البشر عشان بحس أن انا وسطهم مش مقبول أو مش محبوب أو محدش مهتم لي وجودي ولا لي كلامي بمعني اصح وجودي زي عدمه جيت اكني مجتش 
و الشخص التاني اللي جوه دماغي لما اكون لوحدي فتره من الزمن يجي يقولي عاجبك كدا كل الناس فرحانه و بتخرج وانت قاعد لوحدك محدش بيعبرك طب شايف الصحاب اللي هناك دول مش عايز يكون ليك صحاب زيهم طب مفيش حتا بنت في حياتك مبسوط بي وحدتك دي لحد ما وصلت اني بقيت بكلم نفسي و الموضوع تطور معايا زي بقيت اشاور و اشوح و أنا بكلم نفسي و ممكن اتخانق كمان و لحد دلوقتي انا بميل لي كلام الشخص الأول اللي في دماغي اللي اقنعني اني الوحده حلوه لان دايما بكون مرفوض من الناس أو غير مرغوب فيا عمتا دا فعلا حصل معايا كتير سواء من شلة صحاب أو من بنات بتكلم معاها لدرجة انا كان بيجلي رفض من بنات و قالولي إن شكلي وحش مش وسيم زي ما هما عاوزين فا عشان كدا بقيت بميل لي العزله و الوحده بتريحني أه بس بتقهرني لان في حاجات نفسي اعيشها و مش عارف عشان مش مرغوب اصلا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_59830 🇪🇬

منذ شهر واحد

شعور مكسور القلب

Waffle_59213 🇪🇬 متزعليش نفسك بجد هو لو نصيبك هتلاقيه في مقوله جميله اوي انا بحبها بتقول (ان اردت شيئاً فطلق صراحه ان عاد اليك فهو ملكك وان لم يعود فهو لم يكن لك منذ البدايه ) 👌

عرض الكل 6 نصيحة

عبّر عن شعورك بشكل مجهول

ايام الدروس كان في سوبر ماركت جنب الدرس كنت بشتري منه ديما و في شب بيشتغل هناك هوا ما شاء الله طويل و قمور و انا قعدت الترم الاول بشتري عادي و الترم التاني برضه عادي بس في الترم التاني لقيته بقه بيتعامل معايا كويس شويه و بيهزر معايا و انا من النوع الي لو حد اتعامل معايا كويس بتعامل معاه كويس المهم انا مره بعد الدرس كنت ماسكه ورقه امتحان في ايدي و سبتها عشان كنت بشتري اندومي و نسيتها هناك و روحت الدرس الي بعده و لما خلصت روحت له و قولت له هوا في ورقه امتحان هنا قالي ايوه و فضل يدور عليها مش لقيها فا انا خلاص مش مهم عادي و انا كنت واقفه مستنيه صحابي كانو بيشترو و خلاص و كان عندي درس بعدها روحت لقيت واحده صحبتي بتقولي دا انا لقيتها في السوبر ماركت و خدتها و لما خلصت نزلت و كنت واقفه مستنيه أنه يخلص كلام مع الراجل الي قدامه و لقيته بيقول ناس تكون بتعزهم و يسرقوق فا انا حسيت أنه بيلقح با الكلام بس سكت و قولت له أن صحبتي كانت هنا بشتري و اخدتها قالي يعني دا ينفع و مينفعش تاخد حاجه من هنا من غير ما تقولي و خلاص و من ساعتها لحد دلوقتي كل ما اجي اشتري منه حاجه بيتعامل بتريقه وحشه و ديما قافل وشه و انا مش عارفه هوا فاكر أن انا بسرقه علي ورقه امتحان دا انا بروح ارميهم اصلا غير كدا الصراحه انا كنت اتديت احس اني حبيته أو اعجبت بيه عشان هوا فعلا حلو بس و انا من ساعتها كل ما اشتري بقفل وشي و مش بتكلم معاه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_57265 🇪🇬

منذ شهر واحد

شعور مكسور القلب

ياجماعه انا مقهورة حاسه نفسي لوحدي بعد ما حبيت وارتبط واتخطبت 6سنين من عمري سابني خلاني اوقف تعليمي خلاني اسيب شغلي علاقتي باصحابي باظت وصحتي ادمرت علاقتي بماما في اسوى حالتها مش عارفه اعمل ايه نفسيتي في الارض

Hazelnut_52786 🇪🇬 البكي علي اللي راح مش هايعمل حاجه . درس جامد واتعلمتيه . نقطه ومن اول السطر . الاهم صلحي امورك مع والدتك . ركزى تنزلي شغل . وربنا يعوضك خير منه . الدنيا مش بتقف علي حد . الاهم نتعلم ونفهم اللي يستحقنا

عرض الكل 7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع