كسر القلب

Grape_22054 🇪🇬

منذ 3 أيام

شعور مكسور القلب

ليه اللي بنحبه بزياده ونديله حب كبير اوي بيبقي هو الشخص اللي بيكسرنا كسر عمرنا ما نقدر ننساه كسر يدمرنا من جوا يعمل من قلبي شويه تراب يدمره نهائي ليه دايما اكتر شخص بنحبه هو اكتر شخص بيسيب علامه جوانا بس علامه وجع وكسر مش بيتلم 💔

Coffee_73439 🇪🇬 اجابة سؤالك لأن الغريب والبعيد مش هيفرق معاك مهما عمل كل الناس بتدوس علي كل الناس بس الفرق ان الغريب مش بيأثر فيك لأنه غريب والقريب بيسيب أثر جواك الحل استبدل الاشخاص المؤذية بأشخاص سويين نفسيا ويقدرو يفهموك ويكونوا مريحين نفسياً ولو ملقتش فلوحدك احسن فالحالة دي كونك لوحدك احسن بكتير لما تكون متحاوط بناس مؤذية

عرض الكل 2 نصيحة

Onion_71041 🇪🇬

منذ أسبوع واحد

شعور محبط

بعدما تخليت عن أصدقاء الدراسة و غيرت عاداتى و طباعى لكى تناسبه و رسمت حياتى و احلامى معه …تركنى فى منتصف الطريق معتذراً انه لا يستطيع عصيان أهله و الزواج بى و واجب عليه برهم ……. و أين البر و هو يحنث بوعوده لي و هل كسرة قلبى و تحطيم احلامى دليل برهم ؟!! نهى الدين عن معصية الوالدين و لكن ماذا عن آيه ا

Hazelnut_64540 🇪🇬

منذ أسبوع واحد

شعور غاضب

الغلط الوحيد اللي ندمت عليه فعلا في حياتي اني كنت ببالغ في حب الناس وفي مكانتهم عندي بدي قيمة للي مايستاهلش وبنفخ في الناس، والله لا كانوا سند ولا حبايب ولا ليهم اي لزمة وكانت اكبر مشاكلي اني كنت مصر أشوف الناس حلوين واعدي مليون عيب عشان المركب تمشي وياريت دا كمان كان عاجب ;.. انا كل رجل قررت اني اك

Tofu_71118 🇪🇬

منذ أسبوعين

شعور مكتئب

موضوع:

لو رجع بيك الزمن هتحب نفس الشخص تاني؟

انا بتمني يرجع بيا الزمن يوم بس و مكنتش عرفته و لا وفقت علي معرفتي بي حتي كنت فكرة انه عوض طلع اكبر درس في حياتي كسرني و مش عرفة ارجع زي مكنت تاني فشلت بكل الطرق حسبي الله و نعم الوكيل في داين تدان مش مسامحة

French Fries_71125 🇪🇬 ممكن نتعرف

عرض الكل 13 نصيحة

Watermelon_65247 🇪🇬

منذ 3 أسابيع

شعور مكسور القلب

اتعرفت على واحدة و دي كانت أول واحدة أتعرف عليها في حياتي واتكلمنا فترة وحبينا بعض بس حسيت بالذنب عشان ده حرام فقولتلها مينفعش نكمل عشان كده ده حرام واحنا بنعصي ربنا وهي زعلت وقالتلي عمري ما هسامحك انت كسرتني وحسبي الله ونعم الوكيل وأنا بقيت حاسس بتأنيب ضمير من ناحيتها ومش عارف أعمل إيه

Strawberry_70135 🇪🇬 ربنا هيعوضك صدقني من ترك شيئاً لله عوضه الله خيراً منها وهي لو مقدرتش تقدر أنك عامل حساب لزعل ربنا ولو فعلا مكنش ف نيتك تتهرب او تتحجج ونيتك كانت صالحة ل وجه الله ف صدقني ربنا هيعوضك وهيعوضها خير ولو فعلا بتحبها حاول تجهز نفسك وتدعي ربنا ييسرلك الخير ل طريقها ، لو بقت نصيبك أحمد ربك ولو ربنا مأردش أحمده بردو وادعي ربنا يوفقها ويوفقك مع الأحسن منها ، متشيلش فوق طاقتك وتوكل علي ربنا وكل حاجة هتترتب

عرض الكل 4 نصيحة

Banana_65230 🇪🇬

منذ شهر واحد

شعور مكسور القلب

عارفين انا كل يوم بفتح من اول ما اصحي لحد ما انام علي امل اني الاقي بنت اكلمها بنت واحده واحده بس مفيش نزلت كل البرامج فيسبوك واتساب تيليجرام ليتماتش هاجو زانجي كل حاجه وبرامج تانيه نزلتها وافضل طول اليوم اتفرج علي تليفوني ملاقيش واحده بعتتلي ولا حد سأل عليا مبلاقيش رسالة واحده من حد بيسأل بحس اني م

Ice Cream_63106 🇪🇬 اولا : انت داخل في الطريق الغلط ليه تتعرف على بنت من تطبيق بنات الناس المحترمين لا يمكن تقبل انها تقعد تتكلم مع واحد مش جه خبط على بيتها الاول وقعد مع أهلها انت اللي بتدور على البنات في المكان الغلط اغلب البنات اللي هتقبل تصاحب اونلاين هتكون بتتسلي زي الولد بالضبط فمتجيش تقول والله البنات الايام دي وحشين لا انت اللي مش بتدور في المكان الصح خلي والدتك تدور لك على بنت ناس وروح لها بيتها اتعرف عليها

عرض الكل 6 نصيحة

Grape_22054 🇪🇬

منذ شهر واحد

شعور مكسور القلب

مفيش اقسي من شعور انك شايف الشخص اللي حبيته سنين بطل يحبك بسبب مشاكلكو سوا كره الحب وبقي عنده استعداد عادي وحابب عادي يتعرف علي حد جديد ويتصاحب وانت لسه في حياته 💔 انا محبتش قدها محبتش زيها محبتش حب قوي كدا قبل كدا اول مره احب حد بجد من كل قلبي واديله كل طاقتي انا غلطان اني حبيت من تاني 💔 غلطان

French Fries_32968 🇪🇬 الي ميقدركشي متقدرهوش بس التمسلها العذر برضو ممكن في حاجه بس لو بقي دي بمزاجها فعلا فانساها عارفه انوا صعب بل مستحيل بس حاول لان الي ميعرفشي قمتك ميستهلكشي

عرض الكل 5 نصيحة

Apple_62541 🇪🇬

منذ شهر واحد

شعور مكسور القلب

ازاي الشخص بجد يتخطي شخص فضل معاه فوق ال 4 سنين ومحتوي كل شي ف يومه لدرجه انها كامت بتشتكيلي حتي من اهلها وانا بسمعها بعد فتره يحصل الف حاجه تغير ف الكلام وكزا حاجه ومن يوم وليله انا معنديش طاقه وتتخطب عادي ازاي كسرتي دي اعديها

Sugar_62574 🇪🇬 بص مبدئيا كده ال بيتعلق ب شئ غير ربنا ربنا بيعذبه بيه + فكر ف نفسك انت ما تقولش هي لي باعت ده احنا كنا كويسين مع بعض هي ازاي حبت حد غيري دي مع حد غيري انت كده بتهلك نفسك لان دي كلها اسئله ملهاش اجابه هي باعت هي استغنت هي ما تستهلكش هي مش خير ليك لي تقف تستنى القطر ال فاتك دور على حياتك وابني مستقبلك ما تدخلش نفسك ف دائرة الاكتئاب والتعب النفسي الحق نفسك محدش ما تقهرش نفسك ب ايدك وبص لمستقبلك مستني

عرض الكل 1 نصيحة

Avocado_61871 🇪🇬

منذ شهر واحد

شعور محبط

موضوع:

هل في يوم اتعلقت بحد؟

انا اتعلقت بشخص ف الاول كان كويس وبعدين كان بيكلم بنات كتيره وانا طبعا عشان مقبلش ان واحد بحبو يخوني كده ف بقيت اتعصب واعمل مشاكل وهو مش بيحب النكد ف قالي انا كرهت عيشتي بسببك طيب هو فين النكد اني اعاتب شخص بحبو انو ميعملش معايا كده تاني هو كسر خاطري بحجه اني نكديه بقيت اقول هو انا فيا اي علشان متحب

Carrot_59678 🇪🇬 اهربيييي

عرض الكل 11 نصيحة

Peanut_59950 🇪🇬

منذ شهرين

شعور مكسور القلب

عبّر عن شعورك بشكل مجهول

مكنتش بفكر في الارتباط في أي وقت ولما كانت بتيجي سيرة الجواز كنت بحس أن اللي هو لا جواز ايه وبتاع ايه لا لا مش عايز اصل انا حتي اللي حوشته ميخلنيش اعرف اتجوز واعمل الحاجات اللي نفسي فيها 
لغاية ما دخلت واحده حياتي ومكنتش اي وحده أجبرت قلبي أنه يحبها مع اني كنت خايف كنت متردد كنت بقول لنفسي لا مينفعش مش هنحبها بس غرقت في حبها بموت فيها حرفيا .. ابتدينا نتكلم ونشارك بعض اهتمامات كتيره اوي جوانا وانا في الاول مكنتش قادر احبها بنسبة 100 % هي تتحب وكل حاجه بس انا مكنتش مستعد .. بس لقتني بحبها وبدلق وحبتها اوي اوي ظهرت عملت حاجات جديده في حياتي وخليت في طعم جديد في حياتي مدوقتهوش قبل كده حبينا بعض ووصلنا لمرحلة اني قولتلها بحبك ايوه دي كانت مرحلة بالنسبالي متقدمه لاني مقولتهلهاش الا في يوم معين وفي مكان معين وفي ظروف معينه وروحت اتقدمتلها بعديها علي طول وابتدينا نستعد عشان الارتباط الرسمي لغاية ما اتقدمتلها بأهلي بشكل رسمي واتخطبنا وكنا مبسوطين اوي اوي أننا عملناها واتخطبنا لأن كان في تحديات كتير اوي كانت بتوقعنا في النص بس وصلنا للي كان صعب اوي بالنسبالنا وانجزت حاجات كتير بسبب حبي ليها واتخطبنا وقعدنا مع بعض فترة قصيرة في نطاق الخطوبة لكن قبل الخطوبة قعدنا اكتر من سنه مع بعض لكن جت بعد فتره قصيرة قررت انها تبوظ كل حاجه ولا انا مش بحبك انا اكتشفت انك مش مناسب وسمعت كلام وحش اوي اوي مع اني يعلم ربنا حاولت اعمل حاجات كتير اوي اوي عشانها انا لغاية دلؤقتي دموعي بتنزل عليها وقلبي بيوجعني عليها رغم أنها كسرتني بشكل بشع بس انا مش قادر اتخطاها واهو قربنا ندخل علي سنه منفصلين وهي نسيتني بس انا مش قادر ومش عارف بفتح صورنا لغاية دلوقتي والشات بتاعنا وكمان بفتكر رحيتها اللي لما كنت بشمها كان قلبي بيطمن كان ليها ريحه مميزه قلبي مبقاش مطمن بقيت مدمر نفسيا مفيش حد بقي حواليا طول الوقت بقيت في الشغل محدش مهتم انا موجود ولا لا حتي اللي المفروض يتقال عليهم صحابي مش لاقيهم غير بشكل ظاهري ماشي كل واحد فيه اللي مكفيه بس محدش بص لكسرتي ولا لتعبي انا كنت منهار وبعيط كل لحظة ومش باكل ووزني نزل اوي ولما باجي انام بعيط بحرقه اوي اوي ببقي عايز اصوت واكسر كل حاجه حواليا وهي مش حاسه بكل ده باعتني بدل المره كذا مره طب انا استاهل كل ده هو انا وحش للدرجة دي انا مش عارف انا عملت ايه لكل ده بجد انا كنت محتاجها في حياتي انا مبقاش ليا حد اتكلم معاه بقيت بكلم نفسي مش عارف حتي ادخل مصحه نفسيه عشان اتعالج انا تعبان اوي ومحدش عارف يفهمني ولا يحس بيا جوايا اتنين بيحاربو بعض طول الوقت بين أننا لازم ننسنا وبين اللي مش قادر ينسا ولا عايز ينسا انا كرهت نفسي بجد خلتني بدعي علي نفسي عشان مش قادر حتي أن*ت*حر مش قادر اعيش بشكل طبيعي أثرت عليا في كل حاجه بقيت تعبان وحزين انا اسف اني قولت كل ده بس حقيقي انا لسه جوايا مشاعر احباط وخزلان اكتر بكتير من كل اللي كتبته

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_59214 🇺🇸

منذ شهرين

شعور مكسور القلب

صحيح انا اتوجعت جامد من اعز صاحب ليا (my best friend) بس انا بحبو اوي والله اخر رسالة وداع بعتهالو كانت فيها كسره كبيره وكمية دعاء عليه مش طبيعيه وعشان عارف ان ردو هيفشخني اكتر عملت بلوك وانا دموعي مغرقه مخدتي ونمت وحلمت بيه صحيت عايط وقومت كملت عياط طب انا انساه ازاي دلوقتي

Mango_58190 🇪🇬

منذ شهرين

شعور وحيد

دايما بحس اني لوحدي محدش فهمني معنديش صحاب مبثقش في حد بحس انى في عالم تاني دايما اعد اقول نفسي يبقي ليا صحاب كويسين و ناس يحبوني بجد حتي اللي كنت فكراهم صحابي المفروض يعني كانوا صحوبيه ٦ سنين فجاه اتغيرو معاي واحده قالتلي مش عايز اعرفك تاني ورجعت اعتزرتلي بعدها وبعد ما اعتزرت لقيتها بتقولي فاكره لم

Marshmallow_54814 🇪🇬

منذ شهرين

شعور مذنب

موضوع:

لو رجع بيك الزمن هتحب نفس الشخص تاني؟

اكيد لا … الشخص ده اسوأ حد انا عرفته فحياتى .. كسرنى كسره عمرى ما هنساها و غدر بيا .. قصه حب عشر سنين و طلاق بعد ٦ شهور .. نفسى يتقهر نفس قهرتى .. اشوف مرضه وحسرته و عجزه .. واشوف انتقام ربنا منه دنيا و آخره .. بدعى عليه دايما .. ان شاء الله كل الدعوات من نصيبه

Coffee_51716 🇪🇬

منذ 5 أشهر

شعور غير مكتمل

بحاول انسى مرحله في حياتي وعاوزه اشغل نفسي اقترحوا عليا اشغل نفسي بحاجات زي ايه تكون عمليه وعاوزه حركه أو حتى مش عمليه المهم اوقف دماغي عن التفكير وانصحوني أي نصيحه تيجي على بالكم انا بحاجه للنصح انا حزينه ومكسور بخاطري

Ice Cream_52247 🇪🇬

منذ 6 أشهر

شعور محبط

بخاف علي مشاعري اوي لدرجه اني لو ارتبطت بحد مبصدقش كلامه بفضل اقول دا مجرد كلام وتهيؤات أن دا شخص كداب بقا وكدا وأنه بيضحك عليا وبسيبه مبعرفش اكمل اصلا في اي علاقه وبخاف ل اقع ف فخ الحب واحب حد اوي ويسيبني أو يكسرلي قلبي لحد دلوقتي عمري م حبيت حد الحب الي هو ممكن اعمل اي حاجه عشانه والجو دا صحابي ب

Tofu_72927 🇪🇬

أهلي بيحبوني بس بطريقتهم المختلفه

مساء الخير، بما إني شاركت هنا مشاعر سلبية بسبب البيت والأهل والتحكم وكدا، عايزة أقول إن أنا فاهمة تصرفات أهلي، والكلام دا للي بيمر بضغط بسبب عيلته، أنا مثلا أهلي مش شبهي لا تفكير ولا عقل ولا معتقدات بيختلفوا عني تماما ف دا، ودا مش ذنبهم هما اتربوا بطريقة وبيطبقوها من غير ما يفهموا تأثيرها، بس أنا دايما مدركة حبهم ليا وخوفهم، ويمكن فعلا والدي شخص شديد بس لولا كدا انا مكنتش هكون ما أنا عليه دلوقتي، حد عارف دينه ومتدين أو بيحاول يكون ودا بفضله، بنت بتكره اللبس الديق وبتنفر منه هو علمني كدا (وان كانت طريقته مش انفع حاجه) بس بجد دايما خليكم فاكرين ان هما بيحبوكم هما بس مش عارفين يعبروا عن حبهم او بيعبروا بطريقة تختلف عن الطريقه اللي انتو مستنينها، بس الاكيد ان حبهم موجود. ...عرض المزيد

0 الدعم

0 نصيحة

Avocado_50987 🇪🇬

عايز أتحرر من سجن المسؤوليات والضغط

عايز اتكلم عن حاجه لى ديما الاخ الاكبر ديما هوا اللى بيكون عنده المسؤوليات والحمل كله بيكون مرمى عليه لى اصلا الواحد مش يستمتع بحياته زى م هوا عايز مش زى م اهله عايزين لى لازم ابقى انا الشخص المثالي ديما بيقولو علشان اخوك يبقى زيك وتريحو بعض عقلى بيقولى انت مالك خليك ف نفسك اعمل اللى انت عايزه لازم تتحرر من السجن دا ولكن بالتفكير ف الاكر الواقع احيانا ممكن يكون كلامهم صح التناقض دا مش عارف الواحد يعمل اى او يتعامل ازاى زى م قولت الواحد ف سجن مبيخرجش حتى مع صحابه ولا بيعمل الحجات اللى المفروض تريح نفسيته ف وقت الاجازة مش عارف اعمل اى ؟؟؟؟؟؟؟؟ ...عرض المزيد

0 الدعم

0 نصيحة

Guava_70060 🇪🇬

أنا تايهه ومش عارفه أنا ف مرحله ايه

أنا بقيت حاسه اني تايهه اوي حتي شعوري مبقتش عارفه احدده زعلانه ولا فرحانه بقيت حاسه ان مفيش احساس معرفش أنا ف مرحله ايه رغم ان من فتره مش كبيره خالص كنت منهاره بسبب خروجي من علاقه كنت فيها خطوبه يعني وبطريقه وجعتني بس أنا هممني نفسي دلوقتي ومبقتش عارفه بعمل ايه الفتره دي كأني بلطش ف الدنيا كده لحد ما أوصل لبر الأمان ومعرفش اللي بعمله ده صح ولا غلط أصلا ...عرض المزيد

0 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع