سامحت خطيبتي على الخيانة بس قلبي واجعني

Question

كتبت كتابي على خطيبتي 
وبعدها ب ٣ سهور شفت شات ليها مع شخص وبيتكلموا وبتقولوا كلام فليرت 
وهي جت اعترفتلي قبل ما اصارحها باللي شفته وانها ندمانه بس مكنتش قالتلي اللي اتقال في الشات كله 
واتكسرت واتوجعت جدا بس سامحتها عشان انا زمان من سنتين كنت عملت موقف مشابه وهي سامحتني 
فا حسيت ان انا لازم اسامح انا كمان 
مع اني كنت لسه صغير ساعتها ومكنتش بالنضوج الكافي 
ودلوقتي المفروض اني مسامحها بس قلبي واجعني ومش عارف اتخطو

Apple_70037 🇪🇬 · Accepted Answer

يعني ايه فليرت ؟

Chilli_75228 🇪🇬 · Answer

بتدلع عليه يعني

Strawberry_70287 🇪🇬 · Answer

لو حاسس ان الموضوع دا مأثر علي ثقتك بيها اعتقد او الي بسمعه من الخبراء في المواضيع دي انك الافضل تنفصل قبل ما تتجوزها و تخلف منها و تعيش طول عمرك في شك و عدم راحة

Apple_70037 🇪🇬 · Answer

الحقيقه المره انك هتعيش في عدم راحه وللاسف ادام في دلع وهي مخطوبه وارد ده يحصل بعد الجواز .. لو كان كلام مثلا في مشكله كبيره او بيحلو مساله خاصه قبل الخطوبه كان وارد تعدي لكن بالاسلوب ده كدا !!!!!!!! حط مليون علامة استفهام وتعجب

Broccoli_75225 🇪🇬 · Answer

هو احنا كاتبين الكتاب 
وبدايه الكلام معاه انه دخلها عشان يحل مشكله دا اللي اتقالي انا مشفتش الجزء دا 
بس الجزء اللي شفته وهما بيتكلموا 
وكانوا بيتكلموا عن تحهيزات الفرح بتاعنا ! 
والكلام الفليرت دا كانت بتقوله ( يروح قلبي ، يا قلبي ، انت اللي تحفه )

Broccoli_75225 🇪🇬 · Answer

طبعا ماثر بشكل كبير خصوصا ان الموضوع دا اتكرر قبل كدا قبل الخطوبه وكتب الكتاب 
في نفس الفتره اللي انا عملت فيها نفس الفعل دا 
بس انا توبت ومن سنتين ومعملتش اي حاجه واحترمتها عشان كنت عايزها وتكون معايا في الحلال وبالفعل خطبتها وكتبت الكتاب

Strawberry_70287 🇪🇬 · Answer

من تجارب الناس الي بسمعها الموضوع دا حيأثر جامد بعد الجواز الثقة في الجواز اهم حتي من الحب لو الثقة مهزوزة بينكم حتعيشوا في هم و نكد  لو معرفتش تتخطي الموضوع دا دلوقتي مش حتعرف تتخطاه بعدين