مسامحة

Kiwi_58499 🇪🇬

منذ 4 أيام

شعور متوتر

موضوع:

اتعرضتي للتحرش قبل كدا؟ وعملتي ايه وقتها؟

كنت طفله ومكنتش فاهمه كنت فى ابتدائى بس لما كبرت وفهمت وافتكرت الراجل ده قعدت اقول يارب هاتلى حقى منه دنيا واخره ومتسامحهوش .. بعدها بفتره عرفت أنه مات فى حادثة قطر مش عارفه اسامحه لحد الوقتى

Durian_56124 🇪🇬 بصي حقك ربنا هياخده ليكي دنيا و آخره و هو اخد حقك دنيا لسه الاخره حاولي تسامحي علشان تنسي و قلبك يصفي هو خلاص بياخد عقابه فوق حضرتك

عرض الكل 5 نصيحة

Strawberry_58375 🇪🇬

منذ 4 أيام

شعور ضاق ذرعًا

عبّر عن شعورك بشكل مجهول

عاوزه احكي مشكله اتمني حد يسمعني لحد الاخر ويرد عليا واسفه اني طولت جددااا 
احنا دلوقتي 4 بنات انا رقم 3 هقولكوا الدنيا بالنسبه ليا مع كل واحده من اخواتي عشان تعرفوا تحكموا اول واحده دي الكبيره ومتجوزه ومشيت بدري اوي كنت انا لسه صغيره بس الصراحه كانت ام تانيه لينا كلنا طيبه واخلاق وزوق ربنا يخليها لينا ويبارك ليها في عيالها ويخلهوملها هي فعلا معني كلمه سند في الاخوات اه مش قريبين بس لما بيحصل حاجه بتسمع ومريحه المهم 
تدخل علي الصغيره رقم 4 دي بقي انا حاولت بكل الطرق اني اصاحبها حرفيا كل حاجه كنت بجبها او بعملها لنفسي لازم هي معايا حرفيا لو جايبه سندوتش وهموت من الجوع لازم اسبلها لو سافرت واكلت او شربت حاجه هي مشافتها بس بردو لازم اجبلها كل حاجه بقي تيجي في بالكوا وبحاول بكل الطرق اقرب منها واسمعها وانصحها بس هي رفضاني تماما معرفش ليه 
المهم هقولكوا شخصيتي عشان تفهموني انا كنت طفل عندي ADHD وكهربا زياده علي المخ طبعا انا حوار ADHD معرفتوش غير لما روحت لدكتور وهو شخص ومازال موجود عموما يعني المهم طبعا دا ايامي مكنش معروف ولا كدا كان الطفل دا بالنسبه ليهم شقي وقليل الادب وكلام من دا وطبعا انا بنت وبيت كله بنات احنا كنت في بيت عيله وبيت العيله كله بردو بنات المهم كنت بتعرض للعنف اللاسري القاسي جدا لطفله 3 و4 سنين واقل كمان وطبعا دا مش في بيتنا ولا في اوضتنا لا دا كان قدام العيله كلها او في الشارع عادي قدام الناس وللعلم انا بنت بردو تاني وطبعا كميه نظرات وحشه جدا كنت بشوفها طبيعي دا هيخلق جوايا عدم امان لان خلاص انا اتكسرت بقيت شايفه نفسي متعريه قدامي واني مفضوحه قدامهم واني متهانه انا اه كنت طفله بس دا اللي فهمته من احساسي لما كبرت المهم كنت دايما بعمل لنفسي خط دفاع مكنتش بحب حد يقرب مني ولا من حاجاتي مش انانيه بس كنت بخاف ان اي حاجه بحبها تروح حتي لو تيشيرت 
المهم دا طبعا خله اهلي يتوقعوا اني انانيه مع اني لما كبرت شويه بقي عادي جدا جدا جدا كمان  المهم طبعا الكل من رد فعلي الطبيعي لاي كائن حي هيتعرض للعنف ويدافع عن نفسه الكل بقي شايفني جاني مش مجني عليه انا اللي بقيت وحشه وبتعامل وحش واسلوبي وحش وبتاعت مشاكل وكلامي وحش مانا واحده عمر محد قالي انتي حلوه ولا حد طبطب عليا ملحوظه ابويا لما كان بيعمل كدا قدامهم للاسف مكنش حتي بيفكر يطيب خاطري كان الكل بيجبرني اروح اعتذر ليه عشان عصبته او عشان غلطت عمره مفكر مره يقعد معايا ويفهمني اي حاجه وطبعا دا عشان عمري ممريت بيه ان حد يقعد ويتكلم معايا بقي دلوقتي مستحيل اعرف ادخل في اي نقاش وبيجيلي انهيار عصبي وممكن اعيط يغمي عليا اصوت  
المهم عشان كدا الكل شايفني  وحشه محدش فكر يقول البت دي اتظلمت البنت دي انضربت واتكسرت قدام الكل وبردو دي بنت لمعلوماتكوا مكنش اي حد في البيت بينضرب حتي لو ضربه بسيطه كان عقاب باي شئ تاني غير العنف 
المهم اختي بقي رقم 2 دي شخيتها متسلطه عاوزه تكون هي المسيطره وهي اللي كلمتها وماشيه وهي الكبيره وكلام من دا عمرها مفكرت تكون ليا اخت حتي بعد مكبرنا المهم واحنا صغيرين اتعرضت منها لمواقف وحشه كتير اوي اوي اقلهم لما كنت بقع في مشكله زي اي شخص كنت ببقي عاوزه اجري علي اي حد احكيله وافضفض معاه او حاجه حلوه كنت بروح كانت بتحسسني ان انا كافره اعوذ بالله حتي الحاجه الحلوه حقدها كان باين فيها اوي المهم هي بنت جوايا تجاها حوائط سد كتير اوي اوي بقت بالنسبه ليا بعبع بجد مش هزار 
المهم اختي دي انا طبعا مسافره عشان دراستي مش بروح عندهم غير قليل طبعا نزلت في مره هي مش عاجبها الوضع ازاي تكون في كليه زي دي وانا لا ازاي الكل فرحان بيها ازاي هي ماشاء الله ناجحه حقد وغيره وغل تروح تعمل ايه عشان توقع الدنيا تروح تتكلم في شرفي وعرضي ويشهد ربنا علي كل كلمه بقولها انا اقسم بالله مفي كلمه واحده من اللي هي قالتها صدق ولا كلمه طبعا انا الموقف دا جاب اخرته المشكله هي عشان من النوع اللي عارفه تاخد الكل تحت باطها المهم لما راحت قالت لماما واختي الصغيره طبعا الكل صدقها وصدق اني اعمل كدا وانا اقسم بالله العظيم محصل مني ولا كلمه من اللي قلته طبعا كل كلامها بالدليل اللي معايا انها غلط وكذابه طبعا هي عماله تكلمهم وتقولهم عاوزه اصالحها ومش عارفه ايه ومطلعاني انا اللي قلبي اسود ووحشه مش انا اللي اتقال عليا اني *انيه المهم انا قولت زي ماهي جات وقالت اني عملت والكل صدقها تيجي وتقول اني معملتش عشان بردو الكل يصدق اني معملتش حاجه 
ومش عاوزه منها غير كدا 
طبعا احنا بقالنا سنه مش بنتكلم وانا مش قادره اسامحها وصراحه حتي لو جات واعتذرت فات كتير اوي اوي اوي مش هقدر اسامح من قلبي اه ممكن ارجع اتعامل معاها بس مسامحه لا 
طبعا انا ابويا بردو وامي ظلموني كتير وكسروني وحرفيا انا دلوقتي معتش بعرف احط عيني في عين اي حد وشايفه نفسي قليله اوي اوي برغم اني الحمد لله ناجحه جدا بس شايفه نفسي قليله اوي انا مش قادره اسامح ولا ابويا ولا امي برغم انهم اقسم بالله بيعملوا حاجات كتيره اوي كويسه عشان لما كبرت دلوقتي بس مش عارفه احس بطعم اي حاجه حرفيا قلبي بقي جامد من نحيتهم بس والله غصب عني انا والله بيصعبوا عليا ومش بستحمل عليهم الهوا بس انا كسروني انا عايشه كل يوم في عذاب اني مش قادره اسامح 
لو جيتوا قولتولي طب ايه يراضيكي نفسي اوي ابويا يجي قدامهم كلهم زي مكسرني ويقولي انا غلطت في حقها وظلمتها وكسرتها وجيت عليها ومفهمتهاش واني فعلا اثأت تربيتها وكنت غلط وزي مكسرتها قدامكوا جاي ارد كرامته واعتبارها تاني واتمني تسامحني وتقبل اعتذاري اقسم بالله بعدها هجري عليه ابوس رجله واقوله سامحني اني شلت منك طول الوقت دا يرد ليا كرامتي يخليني اعرف ارفع راسي تاني 
انا كل يوم بموت من اللي بيحصل فيا من نفسي انا دلوقتي بسبب الضغط النفسي الحمد لله اللهم لا اعتراض عندي العصب الخامس والسابع والضغط والسكر نفسي 
والقولون العصبي ومعده عصبيه الحمد لله علي كل شئ  انا نفسي حد يرد عليا ويريحني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_58424 🇪🇬

منذ 4 أيام

شعور غاضب

موضوع:

اتخدعت ف حد قبل كدة؟

انا عموما مش مسامحاه، انه يفتكر انه حلال للمشاكل وانه يتعامل بشكل يحسسني انه ممكن يحللي اي مشكله وانه يحسسني انه كل حاجه ممكن تبقي كويسه طول ماهو موحود واول ما وقع وقعنا كلنا معاه واتهمنا بالتقصير انا مش مسامحه التلاعب اللي هو عمله فينا تلاعب المشاعر على حساب انه هو كدا صح واننا دايما غلط واتمني انن

Chocolate_45866 🇪🇬

منذ أسبوع واحد

شعور مرهق

موضوع:

اتخدعت ف حد قبل كدة؟

انا محصلش اي حاجه في حياتي غير الخداع بس ولو رجع بيا الوقت عمرى ماهدور علي اي حد وعمرى ماهكدب نفسي ولا احساسي واي حد آذاني انا مش مسامحه لانى مكنتش استاهل الاذيه اللي حصلتلي دي كلها انا حاليا مبقتش مهتمه بوجود حد عمتا مهتمه بيا وبدافع عن نفسي بإستماته

Carrot_55533 🇪🇬 يمكن نصيبك من الناس الكويسه لسه مجاش... جميل إنك تهتمي بنفسك و تحبي نفسك و تقدريها و أكيد مع الوقت ربنا يرزقك في حياتك باللي تستحقيه من الناس ... ادعي ربنا بالصحبه الطيبه الصالحه و خليكي قريبه من ربنا 🤍

عرض الكل 2 نصيحة

Cookies_55558 🇪🇬

منذ أسبوع واحد

شعور محبط

موضوع:

اتعرضتي للتحرش قبل كدا؟ وعملتي ايه وقتها؟

ممكن يكون الاسك مش ليا بس حبيت احكيها عشان ارتاح شويه اتعرضت للتحرش من ابن خالي هو فيه نفس سني كان عندي 8 سنين او 9 كنا احنا ساكنين في كمبوند زي مدينتي كدة وخالي كان ساكن فيه بيت بسيط في منطقه عشوائيه كنا بنروح وبلعب مع ابن خالي عادي لعب اطفال بسيط لحد ما في يوم طلعنا نلعب ع السطح كالمعتاد وقالي ف

Banana_55575 🇪🇬 شوفي متلوميش اهلك لأن ممكن مكانش جه ف بالهم حاجه زي دي فيه ناس ممكن ميجيش ف بالهم حاجه زي كده لطفل فالسن ده بس حالياً احنا هنبقي واعيين اكتر منهم ب ده وهنعرف نخلي بالنا من اولادنا بسبب الاحداث اللي بتتكرر وبنسمعها ونشوفها وشوفي ثيرابي كويس وربنا يهون عليكي وييسرلك حياتك يا جميل ♥️

عرض الكل 9 نصيحة

Coffee_53417 🇪🇬

منذ 3 أسابيع

شعور محبط

عبّر عن شعورك بشكل مجهول

الفترة دى حرفيا انا مش عارفة حاسة بأيه من ناحية بابا الله يرحمة بس اللى متاكدة منه حاسة انى مدايقة منه اوى
مدايقة منة عشان مكنش بيحضنى زى البنات اللى باباها حنين عليها ويبوس فيها ويدلعها حتى لو بالكلام مش لازم يجيبلى لعبة اوهدية كل شوية كان كفايا عليا انه يجيبلى شكولاتة صغيرة او بسكوتة وهو راجع 
هو كان بيجيب وبيعمل معايا كل دا وانا طفلة بس لما كبرت بطل يعمل كل دا بعدة العاطفى عنى حسسنى انى تايهة اوى  ومدايقة برضو  منه عشان مكنش بيسمعنى ولا يدينى فرصة اتكلم معاه عن اللى جواية سواء حاجة تافة او لا وحرفيا بعدة العاطفى عنى خلا فى فجوة كبيرة بينى وبينه  ومدايقة منه عشان دلوقتى حتى لو هو مش معايا بشوف بنات كتير باباهم بيعاملهم معاملة الاميرات حرفيا دى باباها بيجبلها بوكية ورد بدون مناسبة ودى باباها بيحضنها ودى بتخرج مع باباها  ودى تقول لباباها ايوا يا حبيبى عمرى ماحسيت بحنية الاب وانا كبيرة هو اه كان حنين بس كان ممكن يعبر عن دا بعصيبة انا كنت بخاف منها كان نفسى يبقى حنين عليا اكتر من كدا بس يلا ربنا يسامحة وانا مسامحاه لحد مانتقابل فى الاخرة بأذن الله لو كان ليا نصيب فى الجنة اكيد ساعتها هيبقى بابا اللى كنت بحبة وانا عندى 7سنين 
ربنا يرحمك ويغفرلك ويجعل قبرك روضة من رياض الجنة يارب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pistachio_52720 🇪🇬

منذ 4 أسابيع

شعور مكسور القلب

ما معنى خيانة الست لى من تحب اكثر من مره و يتم مسامحتها و ترجع تبكى لحبيبها لكى لا يتركها ؟ هل دا حب المبررها انا بضعف امام اى شخص بيقولى كلام حلو يرضى عرورى لا تريد ترك من تحب و تعد بانها تابت و تخون مره اخرى حد يقولى دا ايه ؟ مع العلم السنه ٤٠ سنه و هى تعانى من اضطراب القلق العام منذ اكثر من ١٠

Hazelnut_52786 🇪🇬 حضرتك الخيانه درجات . والخيانه له قدر تقدر تسامح وقدر غير مسموح 🚫 التهاون فيه . وانت ادرى درجه الخيانه اللي عملتها معاك تقدر تسامح ولا لا . بالنسبه للاضطراب النفسي ومتابعه الدكتور النفسي لها . اعرف منو اللي بتعملو دا في وعيها . ولا عدم وعي وعدم السيطره علي افكارها . 👍

عرض الكل 4 نصيحة

Durian_52455 🇪🇬

منذ شهر واحد

شعور خجول

موضوع:

اتخدعت ف حد قبل كدة؟

انا زعلان من زمن الناس فيه بتكدِّب الصادق وبتصدَّق الكداب! انا مش زعلان على الناس دى على قد مازعلان على الناس التانية اللى بتمشى ورا كلامهم وتصدقهم ‼️ اللى حتى محاولوش يعرفوا الحقيقة أو حتى يسمعوا من الطرفين الناس من وحشيتها مابتصدق تلاقى حد وتهجم عليه.. حتى لو كان مظلوم المسامح كريم وربنا يسامحهم �

Kiwi_52539 🇪🇬 ايه الحوار

عرض الكل 15 نصيحة

Durian_52455 🇪🇬

منذ شهر واحد

شعور خجول

انا بحس بالظلم لنفسى فى أوقات كتير… واحيانًا ده بيخلينى متقوقع جوايا ومش بقدر أسامح وأكيد أنا مش لوحدى، ممكن تقولى بتعمل إية أو بتقول لنفسك إيه علشان إحساسك بالظلم تجاه نفسك يقل ؟ طلب أخير: ياريت تكتب اللى يجى على بالك بدون تفكير ❤️

Pineapple_52559 🇪🇬 لما تحس إنك ظلمت نفسك، خُذ نفس عميق وكرر لنفسك: “أنا أستحق أتعامل بلطف.” هتلاقيها بتريحك وترجعلك قوتك.

عرض الكل 2 نصيحة

Tofu_19479 🇪🇬

منذ شهرين

شعور محبط

أنا بس قبل ما أعمل كده حابه أقول حاجه،أنا مش مسامحه أي حد دمرني وأذاني مش مسامحه أي حد كرهني ف حياتي واتسبب ف وجع قلبي ويارب لو فيه منكوا مؤذيين هنا ربنا يدوقكوا مر اللي دوقتوه لغيركوا أضغاف مضاعفه بحق الشهر الفضيل ده ربنا يوجع قلوبكوا زي ما وجعتوا قلوب غيركوا ودمرتوهم وأذيتوهم أضعاف مضاعفه يارب عيو

Strawberry_11964 🇪🇬

منذ 4 أشهر

شعور عاطفي

من أعظم الشعور الذي قد يهبه الله للإنسان ( الإمتنان ) ان ينظر الانسان لماضيه وحاضره نظرة المُمتن لله على كل التجربة ؛ حلوها ومُرّها، على كل الألم والنشوة، على كل اللي اتمنع عنه وكل اللي ممنوح إليه .. مُمتن حتى للظلم اللي اتعرضله والجرح ومسامح كل التجربة ولو على قساوتها.. الحمد والشكرلله ..(" 💗�

Cheese_17258 🇪🇬

منذ 4 أشهر

شعور ضائع

قاعده بفكر كده مع نفسي لقيت ان تقريبا معظم الأذي الي اتعرضتله في حياتي كان من ناس صعبت عليا كان من ناس خفت عليهم من الإحساس بالألم او الفقد بسببي فسامحتهم علي حاجات محدش يتسامح عليها او وثقت فيهم بعد خيانه او حتي اديتهم حاجات مش من حقهم او نزلت من قدري وكنت جنب ناس حياتهم أصلا ماشيه غلط او عندهم مشا

Pumpkin_51000 🇪🇬

منذ 5 أشهر

شعور محبط

ليه الدنيا صعبه كدا وليه لازم نحارب عشان حاجه بنحبها وليه لازم نحارب مع الناس و عليهم طول الوقت ليه الناس مش ساهله وتحب بعضها ليه بيقبلو علي نفسهم انهم يأذوا انسان معملهمش حاجه ليه يعني ازاي بينامو الليل وهما عارفين انهم اذونا نفسيا ولما نقرر نبعد خالص عشان نحاول نرتاح يتهمونا اننا غدارين مش صحاب و

Biscuit_51615 🇪🇬 لنا الله يختي ربنا هيعوضنا بللي احسن منهم 💔

عرض الكل 5 نصيحة

Onion_51265 🇪🇬

منذ 5 أشهر

شعور ضائع

عارفين احساس انك عمرك كله كنت مخدوع انا الي اتخدعت فكل حد كان فحياتي حرفيا صحاباتي قرايبي والشخص الي كنت معجبة فيه من بعيد واهلي والكل وحياتي اتغيرت ١٨٠ درجة من ساعتها اخترت نفسي وراحتي وبعدت عن كل ده ومش هرجع تاني وحسبي الله فيكم مصيرنا نتحاسب انا مش مسامحة وشكرا عالدرس الي تعلمته الي اخد مني ٢

Popcorn_51330 🇪🇬 انا معرفش انتي اتخدعتي ازاي بس الي اعرفه ان المشكله ان احنا بندي حجات اكبر من قيمتها لازم تعيش الحياه بسيطه جدا و كلنا هنموت كلنا فينا مشاكل كنت زمان بزعل مثلا صاحبي عمل موقف يدايق لازم اتقبل فكرت ان صاحبي مش ملاك ولا انا كمان دي المشكله اني احنا بنتعشم في الشخص اكتر من اللازم طبيعي محدش هيحب حد اكتر من نفسه حتا انتي الناس الي بتحبيها لو فكرتي شويه هتعرفي ان حبك ليهم بسبب انهم بيسعدوكي بشكل اوباخر

عرض الكل 2 نصيحة

Mango_51167 🇪🇬

منذ 5 أشهر

شعور مذنب

ا مشكله مظنش انها كبيره يعني بس اهو هقولها يمكن حد يكون عندو نصيحه تفرق انا بركز ف تفاصيل كل حاجه حرفيا كل كلمه بتتقال ف اى تجمع اخد بالى منها اى كلمه اتقالت من اى حد ادورها ف دماغى الف مره مشكله حياتى ان انا بركز والتركيز ده بيتعبنى ف كل حاجه بنصح ناس كتير بس النصيحه ملهاش تاثير عليا + انا كمان جوا

التجربة أفضل عبر التطبيق

حمّل تطبيق توهيل على هاتفك لتجربة أسرع