بوست صباحي .. كنت بتفرج على فيديو اتقال فيه "انت مش وحيد.. ربنا أراد يعزلك عشان تعرف تميز صوته وتسمعه بعيدا عن تشويش الناس الى حواليك" والصوت هنا مقصود بيه الرسايل الى ربنا بيبعتهالك ومش بتكون عارف تميزها او تاخد بالك منها بسبب انك متأثر بلى حواليك.. اول يوم دخلت هنا انا كان جوايا كلام كتير اوى لانى فعلا كنت وصلت لأشد درجات الوحدة وشعورى ان محدش سامعنى والى سامعنى مش فاهمنى وبيرد بكلمتين فض مجالس.. لما فتحت ال app دا كنت محتاجة بس حد يسمعنى بغض النظر عن الحلول اول يوم كنت مبسوطة انى مسموعة بس بعد كدا الوحشة رجعت قلبي ..ايه الفايدة ان حد يسمعك وهو مش في ايده الحل وممكن تتشاف ضعيف وممكن حد يقولك قرب من ربنا كجملة تنظيرية محفوظة من غير م يكون عارفك ولا فاهم انت قريب ولالا.. ففي لحظة حسيت ان دى رسالة ربنا ليا انى ماليش غيرة بكل م تحمل الجملة من معنى.. ربنا فاتح ابواب السما لينا طول الوقت سامعنا طول الوقت سامع حتى الكلام الى بنخاف نقوله بينا وبين نفسنا .. ربنا عالم ضعفنا و حاجتنا و حتى في البلاء جميل وحليم بينا.. انا عن نفسي كل مرة كرة لما بتشتت ربنا بيقربني ليه لانى فيى عز م بحس ان الذكر تقيل بقول يارب في عز م بحس انى وحشة وغلطانة بقول يارب.. المقادير كلها بين أيادى الله تحقيق كل أحلامك بين أيادى الله الشفاء الغنا انه يحفظك من كل شر في الدنيا ويرزقك الجنة في الاخرة.. كل شئ بيبدأ عندك الله وبينتهي عنده مهما لفيت مهما اتعشمت في الناس الجميع هيخذلوك مش عشان وحشين عشان هما كمان ضعاف ومحتاجين ربنا.. كل محنة بتهذب جواك معنى العبودية وانك ضعيف وانك لا تملك من أمرك شئ وانك آسف وندمان وانك تتيقن بكل كيانك ان حل كل الى انت فيه بيد أيادى الله كل حاجة كل حاجة ..اعتقد لو الإنسان عظم قدر الله في قلبه واتعامل معاه انه الملك بصدق مش مجرد كلمة والله ربنل هيحللنا كل مشاكلنا ويخفف حيرة قلوبنل وتعبنا النفسي ويكبرنا في عين كل الناس.. قصدتك من كل الجهات مناديا أجرني من القيد الذي شد معصمي أعدنى لنفسي كم تغربت حائراً أحن لضوء في سمائك منعم إذا طال صمتى سبح القلب ضارعا وشع شعاب الحب نورا على فمي فيهدأ قلبي بعد خوفي وحيرتي .....

6

5