إيمان

Cherry_63750 🇪🇬

منذ 13 ساعة

شعور ممتن

موضوع:

درس علمته لك الحياه

ان ربنا الي بايده كل حاجه وانه قريب مننا ديما وبيسمعنا ولطيف بينا ومالناش غيره هو بس وهو كفايه يغنينا عن اي حد حسبي الله ونعم الوكيل ودي مش دعوه علي حد دي دعوه لينا احنا ان ربنا يكون حسبنا ووكيلنا ديما

Ice Cream_64733 🇪🇬

منذ يومين

شعور ضائع

الانتكاسة اسوا حاجه انا الحمدلله حياتي غريبة جدا انا بحفظ قران وملتزم بالجيم وبالعبادات ومعضل وجسمي حلو وقفلت في ثانوي جبت مجموع عالي ودخلت طب وتقديري حلو اوي في الكليه رغم اني مش مهتم بالدراسه وبلم قبل الامتحانات وبشتغل وبجيب فلوس من النت وبقبض مثلا في الاسبوع ٥ الاف جنيه وبشتغل براحتي اسبوع او اس

عبّر عن شعورك بشكل مجهول

الانتكاسة اسوا حاجه

انا الحمدلله حياتي غريبة جدا انا بحفظ قران وملتزم بالجيم وبالعبادات ومعضل وجسمي حلو وقفلت في ثانوي جبت مجموع عالي ودخلت طب وتقديري حلو اوي في الكليه رغم اني مش مهتم بالدراسه وبلم قبل الامتحانات وبشتغل وبجيب فلوس من النت وبقبض مثلا في الاسبوع ٥ الاف جنيه وبشتغل براحتي اسبوع او اسبوعين في الشهر بس حاسس اني شخص وحش اوي واني ماستاهلش كلدا في الاخر كله ابويا بعد ربنا طبعا هم الي يسروهولي يعني لولا ابويا كنت حرفيا بلا قيمة، حاسس اني منافق الناس بتشوفني محترم وبصلي وبحفظ قران وانا مستمر على ذنوبي الي ميعرفوهاش ولو حد شافها هيكرهني للابد ، وحاسس برضو اني مليش قيمه خالص واني تايه ومليش شخصية ولا مبدا ولا رأي ومعنديش مشاعر مبتغيرش مبتحسنش مبقربش من ربنا ومببعدش عن الحاجات الغلط وببان قدام الناس اني ملتزم ومجتهد وقوي وانا اصلا كسول جدا وضعيف

احلامي بعيدة جدا وطبعا بالنسبالي احلامي دي هي كلحاجه في حياتي بس معدتش حاسس اني ممكن اصلا اوصلها بالطريقه الي انا ماشي بيها انا بقع وبتوه وببعد عن الصورة الي نفسي اوصلها كليوم ببقا شخص اسوا من اليوم الي قبله وبفقد روحي وايماني ومشاعري الي معرفش فاضل منهم حاجه اصلا ولا لا بعد كل دا
اتمنى بس ان ربنا يسامحني على كل حاجه عملتها وكل حد اذيته بالحاجات الي بعملها
اتمنى ارجع لبداية حياتي وامسح كلذكرياتي وارجع عقلي وروحي نظاف وارجع اعرف الصح والغلط زي ما كنت عارفه ومعظمه الاول

(لول انا كتبت الف حرف 🙃 اسف ليك يالي قريت كلدا شكرا على وقتك الثمين)

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_65724 🇪🇬

منذ 4 أيام

شعور قلق

انا بنوتة عندى ٣٠ سنة دكتورة بشرية اتخطبت مرتين و محصلش نصيب الواحد خايف من الوحدة أن ميبقاش ليه سند و ضهر بالحياة و طبعا الحياة تلاهى ومحدش فاضي لحد مؤمنة أن كل أمر المؤمن خير والحمد لله ع كل حال بس ده شعور مسيطر عليا حقيقي خايفة من المستقبل وعاوزة اتطمن

Pear_63213 🇪🇬 لسه شباب يقلبي ومتفكريش في المستقبل ونصيبك هيجيلك هيجيلك

عرض الكل 20 نصيحة

Ice Cream_20764 🇪🇬

منذ 5 أيام

شعور قلق

عبّر عن شعورك بشكل مجهول

7/7✅، متأخرة 12يوم بس عشان حصلت كام حاجه كدا وفنفس الوقت مكنتش قادره...ايًا يكن النتيجه المفروض أنها بكرا خايفه جدًا لا هو انا م خايفه انا مرعوبه ومع ذلك انا واثقه ف كرم ربنا ومتأكده انه مستحيل يضيع تعبي النفسي والجسدي والعقلي والإرهاق وقلة الأكل والنوم وكل حاجه مريت بيها طول ال355 يوم دول بسهوله ومهما كانت نتيجتي انا بحمد ربنا علي كل حاجه وعارفه ان دا خير ليا انا بس خايفه لقدر الله مطلعش صافي او اسوأ نتيجه متوقعاها يحصل الأسوأ منها، انا م عارفه ازاي خايفه ومرعوبه مع اني مؤمنه بقدر ربنا بس بجد م بإيدي وخايفه اكون بقول كدا وبس وان انا م هبقي راضيه يقينًا باللي ربنا كاتبه ليا وربنا يزعل مني او مثلًا ربنا يختبر قوة إيماني بيه فالنتيجه ومستقبلي كله..حقيقي معرفش انا بقول ايه و م مركزه بس انا مخنوقه جدًا وبقالي أيام مباكلش كويس م عشان عامله فيها قلقانه لا انا بجد ببقي نفسي أكل بس مبقدرش ومليش نفس لأي حاجه وحتي النوم مبقيتش بنام كويس وبصحي مخضوضه وقلقانه وبفضل قلقانه طول الوقت اني ألاقيهم مره واحده بيقولولي النتيجه نزلت ولا حتي اتسربت ولا حصل اي نيله، اقسم بالله إنتظار النتيجه أصعب من السنه كلها وعارفه ان في ناس هتحس ان ايه الأوفر دا وليه يعني كل الخوف والقلق دا بس عادي انا ساعات كنت زيكم كدا وكنت بفضل أقول انا كدا كدا عملت اللي عليا وزيادة وربنا بإذن اللّٰه هيكرمني ف انا ليه أخاف بقي بس لما تبدأ تستوعب أن دا مستقبلك وانه واقف علي النتيجه دي والعك بتاع الامتحانات هتحس الوضع مختلف نهائي اه كل اللي حوالينا خايفين وقلقانين بس مستحيل يكونو زينا لأنهم خايفين علينا منحققش احلامنا ومنجيبش مجموع عالي وفي اللي خايف اننا نشمت الناس فينا بس احنا خايفين من كل دا وزيادة عليهم خايفين من كسرة أهالينا وان الفلوس اللي اتدفعت طول السنه تروح علي الفاضي وخايفين من عشم الناس فينا وأن كلهم واثقين فينا بطريقة مرعبه وانهم شايفين اننا قد المسؤلييه دي ف تخيلو كدا احساسنا واحنا شايفين ثقتهم فينا دي بتتكسر...انا م بفول ولا حاجه بالعكس انا كنت متفائله خير ومكنتش قلقانه وكنت بطمن نفسي بس كل ما افتكر اللي حصل فالامتحانات أترعب وفكرة ان بتوع السماعات يجيبو أعلي مننا احنا اللي مكناش بنغش كلمه وفالأخر التنسيق يعلي علينا ف دا ظلم وطبيعي نقلق بسببه.
بصو كلامي ملغبط بس فككو عادي محدش يركز بس كل اللي محتاجاه دعوات صادقه وأن ربنا يطمننا كلنا ويجبر بخاطرنا ويهون علينا واننا نرضي بكل حاجه ربنا قدرها لينا وفي النهاية بقولكم استنوني وانا ببشركم بنتيجتي بعد صياح سنه كامله وأيًا كانت النتيجه انا فخورة بيا وفخورة بالمجهود الرهيب اللي بذلته طول السنه وبكل حاجه عديت بيها وحدي وفخورة بمجموعي مهما كان عشان دا اللي ربنا قدرة ليا وأكيد هو دا الخير حتي لو كان باين العكس.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_60212 🇪🇬

منذ شهر واحد

شعور سعيد

موضوع:

علاقتك مع ربنا كانت عامله ازاي وبقت عامله ازاي؟؟

في البداية كان الواحد ينتظم احيانا على صلاته كأنه واجب كانت بتبدو بلا شعور لكن لما الشخص حس بوحدة وقرر في مرة انه يكلمه كصديق اتغيرت المشاعر المبلدة دي تماما وبقى فيه شعور قوي بأنك صحيح بتناقش مع صديقك المقرب وهو بيرد عليك بمواقف مماثلة لحالة اسألتك لشعورك

Pineapple_55148 🇪🇬

منذ شهر واحد

شعور عاطفي

"بسم الله" ..الكلمة التي أنقذتني من شفير الموت. .. أوّل البارحة كنت أمرُّ بظروف نفسية وأسريّة متوترة، قرّرت أثناءها إنهاء حياتي شنقًا ولساني يردد: "لقد تخلى الله عني، لقد تخلى الله عني". أحضرت السلم وبعض الأحبال، ربطتها جيدًا في السقف...أمسكت حلقة الحبل، وأنا أدخل رأسي فيها قلت هذه الكلمة: "بسم الله

Hazelnut_52786 🇪🇬 ربنا بيحبك

عرض الكل 5 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

عارفه ان ممكن بعض الناس تنتقضني و لكن في ناس اكيد زيي انا عايشه حياتي ب طريقتي و بحب اعمل كل حاجه انا عايزاه و حاسه بيها حتى لو كانت عيب او مينفعش تتعمل و مؤمنه ان دي حريتي الشخصيه واعمل الأنا عايزاه طول ما مش باذي حد لا جسديا ولا معنويا ولا صحيا ولا بصريا حتى بتعرض للنقض اكيد و كلام الهو احنا مصريين مش اجانب عشان تعملي كدا!! احنا مش من عادتنا الفعل الفلاني!! وانا بامانه مؤمنه جدا ب ربنا و بصلي الفروض و السنن كمان و ذكر ربنا مبيفارقش لساني و قريبه اوي من ربنا الحمدلله جوايا اتنين واحده عايشه حياتها و بتعمل إلهي عايزاه و بتلبس و بتنزل و بتحس و بتصاحب و بتسهر و بتعمل إلهي عايزاه و في نفس الوقت نفسي المؤمنه ال على طول بتصلي و على طول فاكره ربنا معترضه على نفسي الاولانيه و بقيت مش عارفه اتعامل مع كلام الناس الهو انتي منافقه و متناقضه طب واحده بتصلي زيك ايه اليخليها تعمل كدا طب ازاي لابسه كدا و مصاحبه و بتعملي كذا و كذا و ماسكه سبحه في ايدك!! 
مبقتش عارفه اتعامل و بقيت حاسه اني منبوذه بس انا مؤمنه اني مهما كنت بذنب مينفعش ابعد عن ربنا ف حريتي و حياتي العايشاها ب مزاجي ملهاش اي علاقه ب الصلاه!! انا كدا كدا لازم اصلي حتى لو كنت رقاصه الصلاه دي مش اوبشن دا فرض

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_57795 🇪🇬

منذ شهر واحد

شعور مليء بالحياة

موضوع:

هل الدعاء غير قدرك

لا، دايما احس ان دعائي مش شغال بس لسا مؤمنه نه هيجي يوم وربنا هيرويني عجاب قدره مباشرتا حتى لو كانت في آخر لحظاتي وحتى لو عمر الموضوع ما حصل كوني عايشه عيشه مرتاحه وأهلي بخير ف انا راضيه ان حتى ادعيتي ما بشوفش اثرها ابدا

Banana_57280 🇪🇬 ان شاء الله ربنا يستجيبلك عن قريب 🤍

عرض الكل 2 نصيحة

Banana_56640 🇪🇬

منذ شهر واحد

شعور قلق

بصراحه عندي مشاكل كثيرة في حياتي بس اهم مشكلة حاليا بنسبة لي إني غضبانه من ربي مادري ليش واعرف أنو مالي حق بهذا الشيء بس الصراحه وانا صغيرة كنت بحب ربي كثير كنت دايم ادعوه واحاول دايما إني اسوي كل شيء كويس عشان يحبني بس مع كل هذي المشاكل الي صارتلي بحياتي صرت احس إنه يكرهني ولا شيء ماكانت كل ذي المش

Strawberry_39895 🇪🇬

منذ شهر واحد

شعور خجول

عارف يعني ايه "وَأُفَوِّضُ أَمري إِلَى اللَّهِ إِنَّ اللَّهَ بَصيرٌ بِالعِبادِ" هنا بقا كأنك بتقول لربنا انا معرفش حاجه ومش فاهم حاجة ومعرفش نصيبي اي، ف مسلملك امره كله، رتبه انت يا رب، ودبره انت يارب وانا راضي ومؤمن بيك.

Coconut_52832 🇪🇬

منذ شهرين

شعور مذنب

انا اول مشوفت البرنامج نزلتو عشان بجد في مخي حاجات كتيره اووي انا شب عندي ٢٥سنه م ونا عندي ١١سنه مريط سرطان والحمد الله كملت علاجي وبقيت احسن من شهر وخلصت من السرطان بس في شهر ٥/٨/٢٠٢٤ابويا اتوفها الله يرحمو امي معايه و اخويا بس اخويا بيشرب اوسخ نوع مخدرات في العالم هوه عندو ٢٣سنه انا وتيدو ٣مصحات

Coffee_52562 🇪🇬

منذ شهرين

شعور لا مبالٍ

بعد جدال بيني وبيني انا وانا اتفقنا وقررت اكتب دا من النوته الشخصيه (نزلته قبل كدا من فتره) هل في منه فايده معرفش هل مستني منه فايده برضو معرفش اديني بتسالا جالي فلاش باك شريط حياتي كلها عدى قدامه اكتشفت ان انا عشت حياه لو حد تاني عاشها كان جاله توحد واكتئاب وكل الامراض النفسيه عشان كدا قررت احكي ل

عبّر عن شعورك بشكل مجهول

بعد جدال بيني وبيني انا وانا اتفقنا وقررت اكتب دا من النوته الشخصيه (نزلته قبل كدا من فتره)
هل في منه فايده معرفش هل مستني منه فايده برضو معرفش اديني بتسالا

جالي فلاش باك شريط حياتي كلها عدى قدامه اكتشفت ان انا عشت حياه لو حد تاني عاشها كان جاله توحد واكتئاب وكل الامراض النفسيه عشان كدا قررت احكي لعل وعسى حد يستفيد انا تقريبا عديت بكل المشاكل اللي اي انسان ممكن بمر بيها مش تعظيم ف نفسي ولا بقول ان انا مظلوم ولا كل الكلام دا 
اولا التنمر انا ممكن اكون اكتر انسان تشوفه ف حياتك اتعرض للتنمر سواء على شكل جسمي طولي شكل سناني ومع ان لون بشرتي ابيض الا اني كنت بتعرض للتنمر عليها برضو والتقيله كمان ع اسمي كل دا وانا طفل عنده ست سنين من اول ما دخلت مدرسه وانا بتعرض للتنمر 
نبدا اول حاجه بجسمي انا كنت نحيف وقصير جدا يعني كان الواحد اللي ف سني قدي مرتين طول وعرض وهاتك بقا تنمر من الاطفال اللي ف سني ايدا انت اوزعه عود قصب خله سنان وكل الكلام دا وانا كنت بقابل كل دا بوجه مبتسم عادي جدا ولا كأن في حد بيتكلم مع ان انا طفل المفروض اروح اعيط لامي واشتكيلها بس سبحان الله كنت عادي جدا وواخد الموضوع ببساطه وبالعكس انا كنت بحاول اتخن مش عشان التنمر ولا عشان ارضي حد كان عشان نفسي انا مكانش عاجبني شكل جسمي بس لنفسي اي حد ملوش دعوه بشكلي وزود عليها ان انا مولود باسنان معووجه او منحنيه لجوه كل سناني معووجه وفي فرق بين اسناني اللي قدام وتنمر عليها بردو بس دي انا كنت بقول هعمل تقويم لما اكبر عادي 
لون بشرتي ابيض عادي جدا وكان شعري دهبي كمان بس بسبب جهل الاطفال اللي معايا ومن غبائهم كانوا بيتنمروا عليا مع ان اي حد هيقول دي حاجه جميله الا ان دول تنمروا بمعنى كان لما حد يشوفني يقولي انت عامل زي البنات وانت بنت اجنبيه وعامل زي الاجانب وانا كنت بقابل الموضوع ببساطه وبالعكس كنت بقول دا هما متغاظين المشكله اللي بيتنمر دا كان شعره اكرت وسنانه صفرا وبشرته سوده ( طبعا مع احترامي لاي شخص بشرته سوده او غامقه دي مش حاجه تعيب فيك بالعكس انت ممكن تكون اجمل مني عادي ) انا بتكلم ف مبدا ان انت اصلا مختلف عني يعني ممكن اتنمر عليك عادي بس عشان انا محترم وعارف ان انت زيك زيي عند ربنا وخيركم عند الله اتقاكم مش ابيضكم بشره مكنتش بعلق ع شكل اي انسان 
كانوا بيتنمروا ع طولي حتى بعد ماكبرت بقوا يقولوها بصيغه هزار  يعني مثلا وانا كبير بنت عمي كانت مخطوبه جديد ف بتقول خطيبها بهزار كدا تدي دا كام سنه قالها رابعه او خامسه ابتدائي وانا ساعتها كنت داخل ثانوي شايف الفرق الكبير ف السن اللي هو شايفه لو اي حد اتقاله الكلمه دي هيشيل جواه ويكره حياته انما انا خدتها عادي جدا 
نرجع تاني لما كنت طفل انا دخلت تلت مدارس وانا ف ابتدائي مش بسبب التنمر القصه ان انا مولود ف 12/2007 تقديم المدرسه بيقبل من شهر 10 يعني كدا انا المفروض اقدم ان انا 2008 واضيع العشر شهور دول او بمعني اصح اضيع السنه كلها ابويا طلع عينه معايا انه يدخلني السنه دي وقعد يلف لحد ما توصل لحل وهو انه يقدملي ف مدرسه ف بلد تانيه بعيد ويقدم طلب ان انا ادخل المدرسه القريبه مستمع( مستمع يعني مليش بسكوت ولا كتب ولا ليا اي علاقه بالمدرسه بحضر الحصص فقط ) الكلام دا كان ف اولى ابتدائي اول يوم مدرسه عدى عادي تاني يوم بدا تسليم البسكوت للاطفال وانا طبعا قاعد ف الفصل جه العامل اللي بيسلم البسكوت اداني كيس زي باقي الاطفال وانا ساعتها معرفش ان انا مليش بسكوت طفل فرحان وتيجي المدرسه وتروح واخداه من ايدي وتقوله لا دا مستمع ملوش بسكوت زعلت اوي ساعتها طفل صغير فرحان بالبسكوت روحت البيت وتقريبا دي كانت المره الوحيده اللي اشتكيت فيها لامي روحت اترميت ف حضن امي وقعدت اعيط بحرقه طفل صغير وحكيتلها الموقف قالتلي متزعلش المدرسه التانيه هتبعتلك البسكوت بتاعك طبعا مفيش بسكوت ولا حاجه بس انا فرحت المهم جيت تاني يوم روحت خالتي قابلتني وقالتلي خد البسكوت بتاعك اهو من المدرسه التانيه ( خالتي ساكنه معانا ف نفس البلد وجنبها مدرسه ازهر وانا كنت مقدم عام بقت تشتريلي كيس البسكوت من الاطفال اللي ف المدرسه الازهر وتقولي خد بعتينلك دا) وانا كنت بفرح اوي ساعتها ربنا يجازيها خير زي مكانت بتجبر بخاطري كل اللي كان مضايقني ساعتها ان انا عمي مدرس ف نفس المدرسه وابنه قدي وقاعد جنبي كان ييجي يديه بسكوت زياده للبيت وانا ولا كأني قاعد جنبه 
المهم انا كنت مقدم ف المدرسه البعيده دي وبروح هناك ساعت امتحانات الفاينل بس المدرسه دي كانت ازهر يعني دينيه بيدرسوا قرءان وكدا  وانا كنت بحضر ف مدرسه عام يعني مش حافظ قرءان جت امي ربنا يخليها حفظتني قبل الامتحان وعدت الحمد لله كل دا وانا ف اولى ابتدائي

ندخل بقا ع تانيه ابتدائي المدرسه الازهر اللي جنب خالتي فتحت تقديم صغار السن يعني بيقبلوا صغار السن عادي ابويا قدملي هناك طبعا وانا كنت داخل المدرسه مش عارف حد ولا كان عندي صحاب  خالص كنت متوحد وانطوائي وكنت صاحب نفسي كنا لما تطلع بريك كنا ننزل حوش كدا واللي يلعب مع صحابه واللي ياكل معاهم وكان مسموح لينا نخرج برا المدرسه عادي بس نرجع تاني اول ما البريك يخلص بحكم ان انا مليش صحاب هقد جوا ليه المهم المدرسه كانت ملحقه بمسجد كبير كانوا الاتنين لازقين ف بعض وانا كنت اطلع الف لفه حوالينهم والبريك يخلص وادخل تاني وجه اليوم اللي صاحبت فيه اول صاحب ليا انا كنت اول مره اقف ف الحوش ف البريك وما اطلعش برا وجم شويه ولاد اكبر مني ب حاولي تلت او اربع سنين بيتريقوا عليا وانا طنشتهم وجه واحد يضايقني وضربني بالقلم كان ساعتها الولد اللي بقا صاحبي دا واللي اسمه خالد مكانش واقف معاهم بس جه على لحظه القلم وجه وزعق لصاحبه واتخانق فيه وجالي صالحني وقعد معايا ساعتها مكونتش عايز البريك يخلص عشان افضل قاعد معاه المهم اتصاحبت عليه وبقيت اوقات امشي معاه وانا راجع البيت كان صحبي اوي ربنا يجازيه خير لسه عارفه لحد النهارده 
جه بقا اليوم اللي غير حياتي 180 درجه احنا الفصل عندنا كان 20 طالب يعني كان صغير بس انا مكنتش مصاحب حد المهم كنت ف البريك وخالد غالبا كان غايب وجم تلت ولاد اكبر مني بسنه كانوا بيجروا ورا بعض وواحد شدني وقعني على الارض وانا تلقائيا شتمته او زعقتله الواد معجبهوش الكلام قام جاي هو وصحابه عايزين يضربوني وانا افجرت مع اني هادي جدا جدا بس مسكت التلاته ساعتها كلتهم علقه لحستهم تراب الحوش وطلعت اجري على الفصل ولاول مره اعيط برا البيت قعدت اعيط بحرقه جامد اوي وكنت حاطط راسي على الديسك وبعيد فجاه سمعت صوت حولي برفع عيني لقيت العشرين واحد اللي معايا فالفصل ملمومين عليا وسمعتهم بيقولوا هنقول للاستاذ متخافش ساعتها فرحت اوي من قلبي ان في حد بيطمني واللي فرحني اكتر ان هما عارفين اسمي ولقيتهم راحوا جري ندهوا المدرس وقالوله الحق حذيفة بيعيط ولحسن الحظ نفس المدرس كان عليه الحصه دي لنفس الفصل اللي فيه التلت عيال خدني من ايدي وقالي شاولي عليهم وكمل عليهم ضرب ساعتها فرحت اوي ان العيال اللي معايا ف الفصل عارفيني ومن ساعتها بدات اتعرف عليهم كلهم واتصاحبت عليهم بس بردو التنمر مسابنيش ف حالي 
زي ما قلت انا اسمي حذيفة على اسم الصحابي حذيفة بن اليمان رضي الله عنه
انا ابويا شيخ واحنا عيله متدينه الحمدلله وكل اسماءنا انا واخواتي اسماء الصحابه رضي الله عنهم 
( حذيفه، بسام، اسماعيل، جويرية، معاويه، وماريه )
كنت بتعرض للتمر بسبب اسمي انا كنت الوحيد ف البلد اللي بالاسم دا كان بقا اللي يقول دا اسم بنت والي يقول زوحليقه حفيزه وحاجات كتير كدا المهم انا اللي مستغربه من نفسي دلوقتي هو ان انا عمري ما اشتكيت لامي من  تنمر على اسمي لان انا مكونتش بتضايق اصلا يعني سبحان الله مع اني طفل الا ان انا ايماني كان قوي كنت بقول مانتوا جهله ازاي مسلمين ومش عارفين الصحابي حذيفة وكنت بقول الكلام دا لاي حد كان بيتريق حتى ان في مدرس اتريق على اسمي وقولتهاله بالنص انت ازاي مسلم ومش عارف الصحابي حذيفة بن اليمان المدرس تنح واتكسف ومن ساعتها مقدرش يتتريق على اسمي مع ان انا وغيري وناس كتير جدا شايفين ان اسمي من اجمل الاسماء اللي ممكن طفل يتسمى بيها 
انا دلوقتي 17 سنه ولحد دلوقتي بقابل ناس جاهله كتير مش عارفين الاسم وبيتتريقوا حتى وانا بحجز الدروس في مدرس بيستظرف وبيقولي انت متاكد انك ف اولى ثانوي( لما كنت لسه ف اولى ) وبيضحك ع اساس انه يضحك الاسيستنت وكدا قومت كسفته وقالتله اه قالي دا جسم واحد ف اولى ثانوي قولتله اه تحب اجيبلك شهاده الميلاد قام ساكت واتخانقت طول الثانوي ف اكتر من اسيستنت بسبب انهم بيكتبوا اسمي غلط او ينطقوه غلط ومصرين انهم صح يعني مره كنت بسجل حضور بقول لاسيستنت تكب اسمي بقولها حذيفة قامت التانيه تقول حذيف اقولها لا حذيفة تقول لا حذيف قومت موقف الدور ووقفت الناس اللي ورايا ومسيبتها الا لما قالت حذيفة
دلوقتي انا 17 سنه ثانوي عام 2025 الحمدلله من اكتر الناس اللي اجتماعية ف دفعتي اتعرفت ع ناس كتير جدا جدا جدا ومحبوب جدا وسط الناس  ووسط دفعتي ووسط مدرسيني وحتى الاسيستنت كلهم يعرفوني وبيحبوني وطولت وطولي بقا 170 ووزني حاليا 50 كيلوا لسه رفيع بس بحاول ازيد وحتى لو مطولتش او زيدت انا متقبل نفسي وبحب نفسي زي ما انا ومش مستني راي حد فيا  
فالنهايه حابب اقول متوقفش حياتك عشان حد خلي ايمانك قوي وواجه اي حد يتتريق عليك بالعكس خد التمر وحوله لطاقه ايجابيه وحسن من نفسك عشان نفسك ومتسمعش كلام حد وتخليه يوقفك او يزعلك حتي لو بيهزر او بيتكلم جد قوله تمام وولا كأنك سمعت منه حاجه 
دا كان جزء من حياتي اتمنى يكون استفادتوا منها اي حاجه ولو استفدت دعوه حلوه منك وربنا يوفقنا جميعا ❤
________________________
هي مش قصه على قد ما هو موقف هفضل فاكره طول حياتي 
انا كنت ف اولى ابتدائي مقدم ورقي ف مدرسه بعيد زي ماقلت قبل كدا بس ولازم اروح امتحن هناك الفاينل عشان مسقطش المهم كان ابويا طبعا ف الشغل الصبح مين هيوديني جدي الله يرحمه كان بيوديني المهم ابويا قاله ماشي هتفق مع سواق اسمه الجنايني هيقف كل يوم يستناكوا ع الطريق واركبوا ولما تخلصوا هرن عليه يجيلكوا انا كنت طفل وخايف ودا طبيعي رايح اشوف بلد جديده وناس جديده سواء طلبه او مدرسين كلها وشوش غريبه عليا وكنت خايف اوي بالذات ان ابويا مكانش هيبقا معايا ف موقف او وقت زي دا بس جدي الله يرحمه كانت حنيته تكفي بلد كامله حسسني بالامان ومحسسنيش ان في حاجه ناقصه كان بيحبني زي ابويا واكتر روحنا اول يوم مع السواق وكله تمام كنت متوتر شويه بس الامتحان عدي ع خير الحمدلله 
وابويا كان مروقني بسكوت وكيك وشوكولاته اول عياله بقا 
المهم جينا تاني يوم طالعين ع الطريق ومستنيين السواق كالعاده جه جدي بيسلم على واحد جارنا وانا شوفت السواق معدي سلم عليا ومشي مخدناش وانا مش عارف اي اللي خلاني ساعتها مقولش لجدي خلص سلام ع جارنا وبيقولي السواق اتاخر كدا لي قولتله دا لسه معدي من هنا وشاورتله بايدي 
قالي مقولتش لي وطلع يجري بيا لقدام على امل انه يلحقه بس هو طبعا كان مشي فالاخر جدي قرر ان احنا هنمشي شويه لقدام وبعدين نركب اي عربيه لحد هناك مشينا شويه وجت عربيه حمره وقفت لنا وانا ركبت وجدي كان تقيل شويه بسبب السن وكان بيطلع براحه ونزل تاني السواق ساعتها فكره ركب واتحرك وانا قاعد ساكت وعمال اقول بصوت واطي استنا استنا وطبعا محدش سامعني ولا حتى اللي راكبين حد فيهم فكر انه يتكلم وانا  جالي فكره كرييتڤ جدا وهي اني انط من الباب وفعلا نطيت من الباب واتشقلبت عشان متعورش  والسواق بعدها وقف وجدي كان بعيد عني بحاولي 50 متر كدا لقيته جري عليا فثانيه لقيته قدامي سبحان الله مش عارف جاب الصحه دي منين مع العلم انه ساعتها كان عنده 70 او 73 سنه من خوفه عليا جه جري وقعد بنظف هدومي هدومي ويقولي انت كويس اقوله اه حصلك حاجه اتعورت 
بها السواق بيقوله معلش يحاج مخدتش بالي تعالا اركب جدي طبعا هزقه وفرج عليه الشارع كله ومشاه وبعدها ركبنا عربيه تانيه واتاكدت المرادي ان جدي ركب قبل ما السواق يتحرك 
ودخلت الامتحان وحتى مش فاكر انا حليت كويس ولا لا بس اللي فاكره كويس ان جدي كان بيقعد يستناني ف الشمس ساعتين لحد ما اخلص الامتحان وخلصت وروحنا البيت 
ف النهايه حابب اقول ان انا عمري ما هنسا يوم 21/3/2024 دا يوم وفاه اغلى شخص واحن شخص عليا واكتر شخص كان بيحبني جدا وكان مصاحبني النهارده عدي اكتر من سنه  على وفاتك وربنا يشهد ويعلم بدعيلك وهفضل ادعيلك قد اي ربنا يرحمك يغالي ❤
___________

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_51832 🇪🇬

منذ شهرين

شعور ضائع

صباح الخير مش لازم المشاكل ال ف حياتك تخلص ب السيناريو بتاعك لتدبير ربنا حسابات تانيه إبراهيم عليه السلام لما كان عنده يقين ف الله كان السيناريو المتوقع إن النار تطفي أو صاعقه تهلك أهله أو ان ملك ينزل ياخده مثلا قبل ما يدخل النار؟ والسيده مريم لما كان عندها يقين المتوقع انها تروح قريه تانيه وتهر

Broccoli_47609 🇪🇬

منذ 3 أشهر

شعور محبط

بنت عادية جدًا، من بيت محافظ، متربية على الصح والغلط، وفاهمة إن في حاجات لازم تفضل خطوط حمراء. كانت بتحاول دايمًا تمشي صح، تصلي، تقرأ قرآن، وتبعد عن الحرام. بس كانت جواها حاجة محدش شايفها… حاجة كانت بتخليها تنهار كل ليلة وهي بتحط راسها على المخدة. بدأت معاها من أيام المراهقة، من غير ما تعرف بالضبط

عبّر عن شعورك بشكل مجهول

بدأت معاها من أيام المراهقة، من غير ما تعرف بالضبط إيه اللي بيحصل. فضول بسيط، بعدين عادة. ولما عرفت اسمها "العادة السرية"، خافت. قعدت تبكي يومها. حسّت إنها عملت ذنب كبير. كانت تكره نفسها بعدها، تحس بقرف، تصلي وهي مش قادرة تبص في الأرض حتى، تحس إن ربنا مش طايق دعواتها.

كل مرة كانت تقول "آخر مرة"، تبكي، تتوضى، تقرأ قرآن كتير، تصوم عشان تكفر، وتحس براحة مؤقتة… وبعدين ترجع.

في مرة كتبت في مذكرتها:
"أنا مش بنت وحشة، أنا بس ضعيفة. مش قادرة أتحكم في نفسي. بكره اللي بيحصل، بس بحس بفراغ رهيب جوايا، وكأن اللحظة دي بتملاني، وبعدين تسيبني فاضية أكتر من الأول."

كانت دايمًا بتسأل نفسها:
"ليه؟ ليه كل البنات قادرين يتحكموا في نفسهم وأنا لأ؟ هو أنا بس كده؟ هو ربنا خلاص مش بيحبني؟"

ولما حاولت تحكي لبنت صاحبتها، اتصدمت من ردة الفعل، وحسّت إنها انكشفت. تراجعت تاني لجواها. بقت الوحدة صاحبتها. الشك، والذنب، والنفور من نفسها، بقيوا روتين يومي.

بس الحاجة اللي كانت بتحيرها دايمًا… إنها رغم كل ده، بتحب ربنا جدًا. كانت تبكي في سجودها:
"يا رب، أنا بحبك، بس مش قادرة، ساعدني، خدني من الطريق ده، نظف قلبي، خليني أقوى."

وبين كل انتكاسة وثانية، كانت بتحاول. مرة سمعت درس عن "الاستغفار عن ذنب متكرر"، وقال الشيخ:
"الندم الصادق، هو دليل إيمان، حتى لو وقعت ألف مرة."

الكلمة دي حركت حاجة جواها. فهمت إن ربنا شايف قلبها، وإن اللي بيحاول، حتى لو وقع، مش مرفوض. بقت بدل ما تكره نفسها بعد كل مرة، تحاول تحتوي نفسها، وتقول:
"هقوم، حتى لو وقعت تاني."

تعبت 😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_22117 🇪🇬

منذ 3 أشهر

شعور مكتئب

اولا حاسه ان ليله القدر فاتتني و متدايقه اوي ثانيا ديما جوايا ان ربنا هيقبل كل الناس ومش هيقبلني معرفش انا ايه الوصلني للشعور دا ولیه معنديش يقين كبير و ثابت بان ربنا هيستجبلي ديما بدعي موضوع دا يتحل بس مبيتحلش... ادعولي 🥹

التجربة أفضل عبر التطبيق

حمّل تطبيق توهيل على هاتفك لتجربة أسرع