ليه مفيش حد بيحب بصدق وكل حد طماع؟

Question

لية لما احب حد و بتعامل بعفوية و الطيبة بنتساب 
لية مفيش حد بيحب حد عشان الشخص مش عشان غني و مشهور  حبيت واحدة قبل كدة و اتخطبنا و كنت فاكر انها حباني و شوفت دة بس خد خزوق مغري بعد سنتين حب اكتشفت انها كانت طمعانا ف شقتي و الغني مع اني انا عادي جدااا جدااا و كلنا زي بعد سعتها قفلت قلبي و مش عارف احب تاني و والدي بيقولي اتجوز هتجوز تاني بقولة لا مش بفكر مش عايز انا هشتغل و افكر ف شغلي و دراستي انا عندي ٢٦ سنة بكمل دراسة عشان في ظروف حصلت معاية لما خلصت ثانوية

Popcorn_53178 🇺🇸 · Accepted Answer

خليك مركز في تطوير نفسك وبناء مستقبلك، وماتقفلش قلبك خالص؛ لأن اللي يستاهل ييجي في وقت الله. افتكر قول ربنا:
﴿وَمَن يَتَّقِ اللهَ يَجْعَل لَهُ مَخْرَجًا﴾ (الطلاق: 2)
وامسك قلبك بالدعاء: “اللهم إني أسألك خير ما في هذه الدنيا والآخرة”؛ وسيب الباقي عليه.

Biscuit_40369 🇪🇬 · Answer

متخليش تجربة واحده وحشه تتحكم فمجريات حياتك هي طلعت انسانه طماعه و ربنا نجاك منهاو وكشفهالك قبل ماتتجوزو الحمدلله  بس ده مش الأصل فالناس ف لا متقفلش الباب ده وجرب تاني بس المره الجايه حاول متتعلقش بيها قبل ما توثق فيها وتعرفها كويس وتتأكد ان هي دي فعلا

Avocado_53167 🇪🇬 · Answer

ربنا يخليك/ي ان شاء الله اللي ربنا عايزو هيكون

Biscuit_40369 🇪🇬 · Answer

وحاول اكتر المره الجايه توقف قلبك وتشغل عقلك فالحكم عليها وتشوف انت عايز مراتك تكون مواصفاتها ايه وبتعمل ايه وبتفكر ازاي وهل احنا مناسبين لبعض ولو عقلك حبها كده كده قلبك هيحبها قدام عشان متوقعش فنفس الغلطه لأنك بتقول فضلتو سوا سنتين

Biscuit_40369 🇪🇬 · Answer

اكيد ونعم بالله

Avocado_53167 🇪🇬 · Answer

ربنا يخليكي حاضر