جماعه في واحد باعتلي بيقولى انه معجب بيا وعايز يتعرف عليا اكتر وبيقولى اديني فرصه بيقولى انه نيته خير مش داخل يلعب ولا يتسلي انا خوفت وانا كنت لسه من فتره مفركشه مع واحد كنت بحبه المهم هو عمال يطمني وانا مش خايفه ومعتش مديه امان لحد وانا كنت بحسب حد زقه عليا لانه بيقول على حاجات فيه انا عايزاها في شريك حياتي زي انه بيصلي ومخلص تعليمه وبيشتغل فاهمني وبيقولى انه هو من سوهاج وعندهم شقه في الإسكندرية والقاهره وانا من الإسكندرية ف قولتله وانا اعمل أيه يعني قالي عشان اعرفك اني بروح الاماكن دي يعني وانا عماله اطفشه وهو مش بيسكتو ف بقوله انا مش عارفه معجب بيا على ايه انا شخصيه لا تطاق اقسم بالله انا ذات نفسي مش بطقني قالي انا حاسس بقبول ناحيتك ونيتي خير والله وبيقولى اديني فرصه وبيقولى انا لو مكانش نيتي خير والله ما كنت فضلت احاول معاكي كده اقولكو الصراحه هو شكلا عادي مقبول بس جسمه لا هو مليان سيكه بس عادي فهمني انا كنت عايزه شخص يكون رياضي عشان انا بلعب رياضه وبحب الرياضه وغير كده خايفه حد يتقدملي شكلا احسن منه هي حاجه غريبه بس دا بجد🙂 اسفه لو طولت عليكو

2

0