خايفة أكون سبب في خراب بيت حبيبي السابق

Question

طول الوقت كنت ضد فكرة الارتباط بس فجأة دخل شخص حياتي وحبيته اوي بس لما اسوعلت ان اللي بعمله ده غلط بعدت عنه وبعدها بفتره هو رجع يكلمني وكان عايز يتقدملي بس انا رفضته لاني كنت متعقده جدا من فكرة الجواز وعندي رعب وخوف رهيب منها بسبب حاجات كتير شوفتها قدامي عقدتني من الموضوع وكنت صغيرة وشايفه اني مش قد المسئولية. وعدى فترة هو حاول يوصلي تاني بس انا خوفي منعني. بعدها هو اتجوز بس بعد سنة ونص من جوازه بدأ يحصل بينهم مشاكل والموضوع دخل في محاكم وممكن يحصل طلاق في الفترة دي احنا رجعنا نتكلم تاني وانا من ساعة ما رجعت اكلمه وانا مبسوطة اوي بس خايفه من كون اني بعمل حاجة غلط او اني اكون سبب في اني اخرب بيته او ابعده عن مراته بس هو قالي كتير ان المشاكل بينهم من قبل ما نتكلم وأكدلي انهم هيتطلقوا وبعدها هيكون معايا. على قد ما انا مبسوطه اني رجعت اتكلم معاه تاني بس انا الموضوع مسببلي رعب رهيب  وطول الوقت في تأنيب ضمير وندمانه اني رجعت اكلمه تاني عشان حاسه اني ممكن اكون سبب في خراب بيت ومش عارفه انا المفروض اعمل ايه وهل انا كده السبب في كل حاجة ولا لأ

Strawberry_29159 🇮🇹 · Accepted Answer

انتي السبب من غير كلام وانتي غلطانه ولو كملتي مش هتبقي مبسوطه بعد كدا المفروض لو كان مطلق او مش معاه حد ماشي لكن عندما يكون في طلاق ممكن يرجعو لبعض عادي بس طبعا  طوال ما انتي قولتي مبسوطه يبق كدا هو مستمر في الطلاق وانتي السبب مره تانيه وكدا غلط طبعا

Strawberry_38703 🇪🇬 · Answer

اولاً أنا شايفه انك ملكيش ذنب ف أي حاجه ،بس خايفه أقولك تمام كملي وان شاء الله يكون ف حاجه رسمي 
بس الي حواليكي ممكن يفكر انه طلق بسببك وشعورك أنتي يتأذي من الكلام دًا

Cookies_37733 🇪🇬 · Answer

انتي م السبب بس فكري فيها بالعقل شوفي اي اسباب المشاكل الي حصلت مع مراته يمكن كان هو السبب انا م بقولك ان هيا ملاك بس اعرفي الأسباب الي وصلتهم للمحكمة  عشان لو حصل بينكم نصيب ميحصلش بينكم مشاكل وأهم حاجه لازم تكوني متأكده من مشاعرك عشان الجواز م حب بس

Apple_38269 🇪🇬 · Answer

مكنش ينفع تكلميه خالص في الفتره دي الا اذا كان طلق الأول وبعدين كان ممكن ييجي يتقدملك، لان ببساطة كان ممكن الموضوع يتحل بينه وبين مراته لكن انتي كدا هتبقى دافع شديد انه خلاص يطلق وممكن تباني انك السبب في اصراره على الطلاق قدام الكل أصلًا

Apple_38269 🇪🇬 · Answer

ثانياً بقى شايفه انك تبعدي وتشوفي من بعيد لبعيد ايه سبب المشاكل اللي بينهم عشان تعرفي لو هو السبب اصلا محدش بيقول على نفسه وحش، ولو اتأكدتي انه كويس بس مش متوافق مع مراته وخلاص هيتطلقوا يبقى ييجي يتقدملك علطول لكن متتكلموش عشان ممكن يجيلك حد احسن متوقفيش حياتك ع الفاضي شغلي عقلك وسيبي قلبك على جمب

Banana_38717 🇪🇬 · Answer

انا عارفه الاسباب لان كلنا من نفس العيلة وهي اللي بدأت وراحت للمحاكم ومش هو اللي حكالي، الموضوع كله بيحصل قصادنا وهو مغلطش في حقها

Banana_38717 🇪🇬 · Answer

طيب انا السبب ازاي وهو مقرر طلاق من قبل ما نرجع نتكلم؟