حبيب سابق

Ice Cream_61355 🇪🇬

منذ 3 أيام

شعور مكسور القلب

يا جماعه انا عايزه حل انا كنت مرتبطه بواحد بقالنا كدا يعني داخلين على سنه مع بعض من خمس شهور معاملتي باقت بارده شويه ساعات عشان مشكله كانت حصلت بينا بس كانت كبيره المشكله انه اختفى مره واحده وقتها يعني المهم اللي عايزه الحل فيه انه من تلت شهور تقريبا قال لي انت بتكلمي واحد تاني بس بطريقه غير مباش

Watermelon_62113 🇪🇬 حاسه عشان ربنا بيحبك خلي كل ده يحصل عشان تبعدي ومتعصيهوش وكمان كشفلك أن حد ميستاهلش عشان متندميش انك بعدتي حتي لو هتزعلي شويه بس في الاخر تكوني كسبتي نفسك بجد تشكري ربنا وربنا يكتبلك الخير

عرض الكل 2 نصيحة

عبّر عن شعورك بشكل مجهول

يا جماعه انا عايزه حل

انا كنت مرتبطه بواحد بقالنا كدا يعني داخلين على سنه مع بعض 
من خمس شهور معاملتي باقت بارده شويه ساعات عشان مشكله كانت حصلت بينا بس كانت كبيره المشكله انه اختفى مره واحده وقتها يعني المهم اللي عايزه الحل فيه انه من تلت شهور تقريبا قال لي انت بتكلمي واحد تاني بس بطريقه غير مباشره وانا والله مش بكلم واحد تاني ومكنتش اعرف انه شايفني كدا مع ان علاقتنا تعتبر الحاجه الوحيده الحرام هي عباره عن كلام بس بدون صور او مكالمات او مقابلات انا اتعصبت لما شك فيا وقولته معدتش هكلمك تاني وكنت عايزاه يتمسك بيا ب للاسف محصلش بس قال لي وقتها واحنا بنسيب بعض سواء اتكلمنا او متكلمناش انا بحبك ، الحوار بقا اللي حصل اني من اسبوع كنت طالعه من درس هو كان بيروح فيه انا شفت بنت البنت دي نفس اسم الاكس بتاعته وانا مكنتش متأكده ان كانت هي او لا وانا طالعه من الدرس وقفت بعيد شويه كنت عايزه اشوفه الصراحه بس لقيتها واقفه وهو واقف قدامها بس بعيد شويه وبيبصو لبعض كتير انا قلبي اتكسر وقتها ومدتش اي رده فعل بس لما رجعت البيت انهرت عياط وكنت برتعش حتى مكنتش عارفه هما كانو بيبصو لبعض ولا كان بيتهيألي، المهم اني اتأكدت ان دي الاكس بتاعته وانا مش عارفه ليه ممكن حد يعمل كده في حد حبه بجد ، انا سألت صحابي هل هما بيبصو لبعض في الدرس ولا لأ وقالو انهم على طول بيبصو ويضحكو لبعض انا وقتها بدون تفكير دخلت عملتله بلوك من كل مكان عدا الواتس ، ونفسي اعرف دلوقتي هو شايفني ازاي انا احلا منها مش تكبر بس الكل بيقول كدا وانا عارفه انه مش جبر خواطر لاني حلوه فعلا يا ترا هو حاسس بالندم ونفسه يرجعلي ويسبها ولا شايفني رخيصه ولا هو بيتسلى بيها وكان بيتسلى بيا كمان ولا ايه ، انا حتى مبقتش عارفه طبيعه مشاعري ناحيته بس معدتش بقدر ابص له في الشاعر لما اشوفه بقى قلبي بيوجعني جدا ومش عارفه اعمل ايه ليه هو عمل فيا كدا وهل هو ممكن يرجعلي ولا لأ

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_60275 🇪🇬

منذ أسبوع واحد

شعور محبط

عبّر عن شعورك بشكل مجهول

مش عارفة اتخطى احساس ان كل اللى كان مفروض يتعملى هيعمله لوحده تانية هيفرش الشقة اللى كنا هنتجوز فيها على ذوق وحدة تانية هيعيش مع وحدة تانية غيرى نفس التفاصيل اللى عشناها سوا هياكل و يشرب و ينام ف حضن وحدة غيرى هيعمل لغيرى اللى رفض يعمله عشانى بحجة الظروف و أهله اللى ضاغطين عليه انا مش قادرة اسامحه و لا اسامح أهله اللى رفضونى لمجرد ان أهلى مش أد مستواهم المادى و الاجتماعى مع ان اهلى دول والله ليهم الجنة و ابويا تعب و شقى لحد ما اتعلمنا و بقى معانا شهادات و طورنا من نفسنا لحد ما عجبت الباشا الدكتور و حبنى
اتنازلت علشانه كتير اوى من اول ما خطبنى بحتة دبلة و هو معاه فلوس لحد ما ف الآخر عايرنى و قالهالى بالحرف كده "انا انضف حد دخل بيتكم...و انا انضف حد دخل شارعكم"
والله يا جماعة مكنش كدة و اول ماعرفنى كان منبهر بيا و بنجاحى و طموحى و اتحدى اهله عشان يخطبنى و خطبنى فعلا بس مامته و باباه مكنوش معاه و اقنعت اهلى بالعافية انهم يوافقوا عشان بيحبنى و هيحافظ عليا و مع الوقت الدنيا هتتصلح مع اهله و هييجوا معاه لكن مفيش حاجة اتغيرت
هو مخطبش بس دخلت على بروفايله لقيت وحده اسمها باين انه من عيله كبيرة زيه و دى طبعا هتكون اختيار ممتاز بالنسبة لأهله قلبى اتقبض و حسيت انه هيخطبها بس انا مش قادرة اسامحه و بجد مش قادرة اتخيل انه عايش حياته عادى كدة و انا اللى حياتى وقفة مبقاش عندى خلق و لا طاقة حتى ابص لنفسى ف المراية و لا احط ميكب و اعمل شعرى زى ما كنت بعمل الواد ده خلص على كل طاقتى بجد استنزف كل طاقتى مبقاش عندى حاجة اديها لحد و كل ما بفكر فيه بقول حسبى الله و نعم الوكيل ربنا يوقف حاله زى ما وقف حالى و كل اللى عمله فيا يتردله ف ماله و صحته و شقاه الله لا يوفقه
كسرنى و هو اللى سابنى و ف كل تفصيلة ف الخطوبة دى كنت بحسه مستكتر نفسه عليا عارف لما اللى ادامك يرضالك بأقل حاجة و يجيبلك أقل حاجة دا اذا جاب لأ و يبقى مستنى مقابل الحاجة اللى عملها و جابها تترد حالا انا مش مستنياه و لا عايزاه يرجع و لا عندى استعداد اقدم اللى كنت بقدمه زمان انا عايزه اتراضى بس حد كده ييجى يطبطب عليا و ميستناش منى و ميطالبنيش بحاجة
عايزة استريح على كتف يسندنى مش يبقى هو و الدنيا عليا
و بالمناسبة انا عمرى ما طمعت لا فيه و لا ف غيره و كنت راضية اوى بأقل حاجة لأن رغم تقصير اهلى ف بعض الماديات الا انى بشتغل بقالى اكتر من 15 سنة  و الحمد لله مكفية نفسى و مش مخلية ف نفسى حاجة و ده خلاه يدينى أقل من اللى استحقه عشان رضيت بالقليل 
رغم انى عارفه انه معاه لكن كنت بحسه دايما خايف انى اطمع فيه مهو اصل بالعقل كده واحد خطبنى بدبلة مجابتش 15 الف و بعدها بشهرين راح دفع 41 ألف جنيه مخالفات سرعة لعربيته ساعتها انا المفروض احس بإيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_72032 🇪🇬

منذ أسبوع واحد

شعور مكسور القلب

هل هو طبيعي ان اكون شخص واثق من نفسه ومن شكله ومن شخصيته وبمجرد م اعرف ان الي معايا كان بيحب بنت واوصل لاكونتها واتابع حياتها كل حاجه فيا تدمر؟ ومبقاش واثقه ف نفسي ولا شكلي ولا شخصيتي وابقا خايفه ومرعوبه انه يرجعلها تاني؟ او ان ادخلها ف كل مشاكلنا واقارن نفسي بيها.. حل بالله لاني مش كويسه..

Carrot_72049 🇪🇬 انتى بتوهمى نفسك و الاحسن متدوريش على حاجه هتزعلك و بلاش تتكلمى عنها كتير ع انتى كدا بتخليه يفكر فيها

عرض الكل 14 نصيحة

Banana_38717 🇪🇬

منذ 9 أشهر

شعور مرهق

موضوع:

حاجه عملتها وندمت عليها ؟

طول الوقت كنت ضد فكرة الارتباط بس فجأة دخل شخص حياتي وحبيته اوي بس لما اسوعلت ان اللي بعمله ده غلط بعدت عنه وبعدها بفتره هو رجع يكلمني وكان عايز يتقدملي بس انا رفضته لاني كنت متعقده جدا من فكرة الجواز وعندي رعب وخوف رهيب منها بسبب حاجات كتير شوفتها قدامي عقدتني من الموضوع وكنت صغيرة وشايفه اني مش قد

Apple_38269 🇪🇬 مكنش ينفع تكلميه خالص في الفتره دي الا اذا كان طلق الأول وبعدين كان ممكن ييجي يتقدملك، لان ببساطة كان ممكن الموضوع يتحل بينه وبين مراته لكن انتي كدا هتبقى دافع شديد انه خلاص يطلق وممكن تباني انك السبب في اصراره على الطلاق قدام الكل أصلًا

عرض الكل 7 نصيحة

Croissant_18921 🇪🇬

منذ 11 شهرًا

شعور متعب

احنا كنا فين وبقينا فين لى عملت فيا كدا لى دا انت كنت صحبى والشخص الى برتاح ف الكلام معاه يمكن معرفناش نرتبط ونبقى مع بعض بس انت كنت عارف انى بحبك لى بعد كل دا عملت نفسك مش عارفه ومستغرب انا بعمل كدا دا لى لى هددتنى بأسرارى الى امنتك عليها وكنت بشوفك اكتر شخص برتاح لسه وبعرف اتكلم معاه لى هددتنى بال

Banana_18947 🇪🇬 اللي أقدر أقولهولك إن كل اللي حصل ده حرام شرعاً ، وعايزه أقولك إن ربنا وضع الحدود بين الرجال والنساء لحكمه وهي إنه يحافظ علينا لانه عالم بكل الفتن اللي هتحصل وإن الشيطان هيدخلنا من كل شئ علشان يبعدنا عن ربنا ، وكمان الحدود نزلت علشان تخلينا احنا كبنات جوهره في بيت أهلنا وصعب إن أي شخص يوصلنا ، وعلشان تحافظ ع الشباب من الفتن ، ولكن وللأسف الشيطان والناس أفسدوا كل ده بالبعد عن ربنا اللي مارحم ربي

عرض الكل 5 نصيحة

Coconut_21407 🇪🇬

منذ 11 شهرًا

شعور منزعج

عبّر عن شعورك بشكل مجهول

جماعه انا اول ما دخلت الكليه اتعرفت علي شله كدا ولاد وبنات وكانو صحابي وقريبين مني فجأه حسيت باعجاب من شخص فيهم وانا كمان حسيت بنفس الشعور بعد كدا قربنا اكتر وبقينا نتكلم كتير لحد ما اعترفلي وانا كمان بعدها قولت اني ببادله نفس الشعور بس مع الوقت بدأت ازهق من قربه من البنات وبيتكلم ف جروبات الجامعه ويهزر مع البنات عادي ويسيبني انا كمان اكلم صحابه الولاد عادي ونتجمع كلنا وهو مفيش اي حاجه خالص قولتله قبل كدا اني مش حابه كلامه مع البنات قالي انا بعدت عنهم كلهم بس في واحده صحبتي بس وقفت معايا كتير وبصراحه انا مش هبعد عنها قولت مش مشكله هحاول اتأقلم بس بعدين بدأت ازهق ومنه هو شخصيا شخصيته مبقتش تعجبني وبقيت بكره حتي ابصله ف قررت اني ابعد وجبتها ف اني حكيت لماما ومش موافقه عن الموضوع وقالتلي مينفعش ف هو مصدقش وطلع عليا كلام اني سبته عشان واحد تاني وبقا هو وشلته كلها بيتكلمو عليا وواحده من الشله دي بنت تانيه كان مرتطب بيها قبلي وانا مكنتش اعرف غير لما بقيت معاه وكان قطع معاه ومكنش بيحبها نهائي اول ما انا بعدت راح ارتبطت بيها وقالها ان انا اللي خطفته منها وبقو يبعتزلي مسدجات علي صراحه يشتموني ولحد الان بيإذوني بكللمهم مع اني بقالي اكتر من ٦ شهور بعيده عنهم ومليش علاقه بيهم والموضوع دا تعبني نفسيا اعمل ايه وعارفه اني غلطانه اني دخلت نفسي ف الحوارات دي من الاول بس تعبت بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_73755 🇪🇬

هل أمن نفسي وأثق أنه مش هيغلط تاني؟

لما الراجل في التعامل اوقات بيقول الفاظ وحشه وهو متعصب ولما بتعاتب يقول عمري ما بقول كدا الا لما يكون حد قريب مني ويكون حكيلك علي كل الغلطات الي كان بيعملها وكاشفلي كل اوراقه و قايلي انه الحمد لله تاب وصلح علاقته بربنا ومش عاوز يغلط تاني وبقي شغالي علي نفسه جدا وبقت حياته في شغله واهله وعلاقته باهله حلوه ومن افعاله الي شيفاها حاسه فعلا انه كلامه صح وعاوز يصلح حياته خلاص وبيقولي انتي الي عاوز اكمل حياتي معاها هل دا اقدر امن نفسي لي واثق فعلا ان كلامه صح وان الغلط دا فيما بعد عمره ما يتكرر وخصوصا كان ليه علاقات كتير جدا ومعترف ان دا كان اكبر غلط في حياته ارجو حد يفيدني ...عرض المزيد

0 الدعم

5 نصيحة

Strawberry_58144 🇪🇬

رساله مش هتوصلك يوم لحبيب رفض حبى

تعرف؟ انا كنت بغير عليك وانا عارفه انك مش بتاعى.. ولا هتكون فيوم كنت بعيط من الغيره كنت بقتل نفسى عليك تعرف انى كنت مستنياك وانا عارفه انك مش هتيجى كنت عارفه ان مش هيحصل حاجه بيننا.. كنت عارفه من الاول خالص انك رافض لسبب جواك.. حسست بيه من الاول بس برضو كملت.. يمكن ممنتش عايزه اخسر قدامك.. او كنت عايزاك تشوفنى زى ما بشوفك.. انى حاجه مينفعش تخسرها.. انك مينفعش تغض الطرف عنى بالسرعه دى.. وانت لسه مدتنيش فرصه اعرف فيها نفسى حتى.. تعرف انى بتعافى من حبك الى معشتهوش فيوم؟ كل الى يعرفو بيتهمونى انى مش عاقله زى ما ظنو.. عشان اتعلقت بيك.. بدون ما امسك خيط واحد حتى.. خيط واحد من خيةط مشاعرك.. مش بلومهم.. اصلهم مشافوش.. فاكر؟ فاكر اليوم الى كننا فيه محاضره الايكو وانت كنت قاعد يمينى وانا مش شايفاك؟ فاكر اول ما اتلفتت و شوفتك أنت كنت باصصلى ازاى ساعتها؟ فاكر لما محاولتش تخبى و فضلت مكمل؟ فاكر صدمتى ساعتها؟ انا الى كنت بتلهف على نظره متواصله مابيننا.. هربت من سلطه عيونك فاكر لما انا خرجت من محاضره الانشورنس بسرعه و لوحدى قبل ما الدكتور تخلص حتى؟ انا مكنتش متخيله انك لاحظت.. لان انت كنت متجاهلنى بزياده اليوم ده.. انا نزلت الدور الارضى وانا بعيط و دخلت الحمام عشان اعرف اراقبك من ظهرك وانت خارج بدون نا تشوفنى.. فاكر لما اتلفتت حوالين نفسك و شوفتنى؟ اكنك كنت بتدو عليا.. وانا جريت على جوا زى المجنونه.. انت عرفت ازاى ساعتها انى كنت بعيط؟ بجد والله.. ده صحابى نفسهم محظش لاحظ اختفائى.. ده انا قعدت جوا شويه لوحدى على اساس انك تمشى و لما جيت اخرج.. لقيتك.. كنت واقف على باب الحمام بعيد شويه.. حاطط ايدك فجيوبك.. واقف لوحدك.. و المكان فاضى.. و كل تركيزك اتصب عليا اول ما لمحتنى.. فاكر؟ انا عمرى ما نسيت.. انك كنت قلقان عليا بجد.. مش محتاجه اكون خبيره لغه جسد عشان اعرف انك.. حسيت بحاجه ساعتها بجد.. دى كانت النره الاولى.. الى اعرف يعنى اى راجل يبص لست.. بالمعنى الحرفى للامان.. فاكر بقا يةم البرزنتيشن بتاعك؟ فامر انا بصيتلك ازاى؟ انا متاكده انك عمرك ما هتنسى.. لانى ببساطه لغبطت حواسك.. انا يومها اثرت على جهازك العصبى بالمعنى الحرفى! انا عارفه.. انت طلعت و تركيزك عليا.. اكنك مش قلقان من حد فالروم غيرى.. انا هتفرج عليك وانت بتشرح.. تعرف انى بصتلك كده بقصدى؟ كنت مخططه انى هعترفلك بعيونى اليوم ده.. وانت عرفت.. و اتلغبطت.. واتوترت و عمال تتنفس بسرعه و عينك رايحه وجايه من عليا و عمال تبلع ريقك و هتعيط! فاكر؟ انا كنت مستمتعه بهروبك و توترك من نظرتى.. لحد ما انت قررت.. مش عارفه ازاى.. انك هتسيب بنسك تبص المرادى.. مش بنكر انى مكنتش متوقعه.. بس انت قلبت الموازين.. و بدلت الادوار.. خلتنى انا الى اتوتر من نظرتك.. عيونك الى نقطت مشلعر عليا وانا قلبى صغير.. مكنش قصدى ارجوك ابعد عيونك! شوفتنى وانا بعدل قعدتى و ببرق و ببربش و ببص قدامى.. انت كسبت الجوله ساعتها.. وفضلت عيونك مش بتتشال من عليا لمده تلت اسابيع بعدها صح؟ بدون ما تعرف تخبى حتى.. وانا الى تجاهلتك المرادى.. اسفه بس نظرتك كانت شديده عليا.. بس انا بجد بقا.. مش هنشى المرع الوحيده.. الى بالصدفه قعدت وراك.. لما سمحلى القدر اتلملك من قريب.. كنت بلمح عيونك و هى بتتلفت يمين عشان تلنحنى من وراك بظون ما تلفت النظر.. و بعدها لما تحس بعيونى عليك تتوتر و تبص قدامك.. انا عارفه نظره التوتر بتعتك.. عارفه عيونك بتعمل اى لما تستجيب لضربات قلبك المتسارعه.. عايوه اقولك انى مسمعتش ولا خرف من الدكتور فالمحاضره دى كل الى سمعته.. صوت ام كلثوم فودانى.. كنت بشتقلك وانا وانت هنا.. بينى و بينك.. خطوتين.. ولاكن.. شوف بقينا فين يا حبيبى؟ يا حبيبى وانت فين.. انت فين؟ انت فين بجد يا كريم؟ انت فين.. هو انت ليه مجتش؟ يعنىيي.. هو مثلا مشاعرى مكانش واضحه ليك كفايه عشان تفهم انى مستنياك؟ ولا مشاعرك مكانش بالقوه الى تحركك؟ هى العيون بتكذب؟ عيونك انت.. بتكذب؟؟ اصلى صدقتها.. رغم انك ولا مره قولتلى انك بتحبتى بعيونك.. كنت بتهرب.. بتبصلى وانت بتهرب! بس انا ترجمت نظراتك انها اعتراف بالحب.. عشان انا كنت مستنيه اعتراف بالحب! منك انت مش لمجرد الحب.. بس انت مكلمتنيش حتى.. وانا.. متمسكه بكل نظره ما بيننا .. كانها وعد.. كانها عهد بجد.. وانت ولا فيوم نكقت بحرف معايا.. انا فاكره كل نظره انت بصيتها اتجاهى فيوم.. كل نظره.. يمكن مش باين عليا.. بس انا خافظه عدد رموشك مش بس نظراتك.. كان نفسى يعنى.. يتاح ليا الفرصه فيوم.. احكيلك.. عن اشراق الشمس الغير اعتيادى فاليوم الى كنت هشوفك فيه.. وان المواصلات بتكون جميله جدا.. وان الهوا بيكون نقى والورد بتطير من حواليا.. قلبى كان بيدق بسرعه من وانا لسه فالبيت.. واول ما اشوفك بتلفت لصحابى و اسلم عليهم اكنى مشوفتش حاجه.. كنت بتحاهلك برضو.. مهو انا البنت يا استاذ والله.. مش هعرف ابين مشاعرى كده.. ده انت نفسك مكسوف! لو تفتكر فاخر يوم.. انت كنت بتبصلى وعايز لحظه وداع بيننا.. نظره.. كما المعتاد..لانك مبتعرفش تعمل غير كده.. وانا اليوم ده مدتلكش النظره.. لانى كنت تعبت.. سامحنى.. بس انا ياما بكيت لوحدى وانت متعرفش حاجه بس انا دلوقتى.. مش عارفه بجد لما تشوفنى تانى هتعمل اى.. ولا انا هعمل اى.. زلا المفروض اعمل اى.. هو غلنفروض اعمل اى معاك يا كريم؟ النفروض اكمل؟ ولا اعقل زى ما الكل عايزنى؟ مش عارفه.. بس اهو سؤال ضمن اساله كتير يمكن مش هلاقيلها اجابه ابدا.. لانى مش هيجيلى فرصه اسالك ابدا بس الى عايزاك تعرفو.. انى حبيتك بجد.. من قلبى.. يا كريم❤️ رساله مش هتوصلك فيوم... ...عرض المزيد

0 الدعم

6 نصيحة

Onion_73307 🇪🇬

محتاج حد أتكلم معاه

محتاج حد اتكلم معاه . . . . . .ابغتغؤؤلؤبتغيبغتؤغتيغتيفتيفتتيلتءفتيتغءفتيغتءلويغنؤزلؤغنؤلزؤت. تظراز زاؤنغؤواءنغؤولؤغنينءغتيعؤازؤنغؤانيغتءتغينغءغتينغؤنغؤازؤغنؤزاؤزاؤغنياوؤغنيزاؤنغؤزابتظرمعبنعنعبمعبخ٦ب٦خبظارمعبنغبزاؤغنبنغيناؤنلبنغيغنيناؤغنينغيزاؤنغؤزاؤنغبزاؤنغؤنايغنؤغتؤغنينغؤوليغتءناغنءنغينلءتفبعنيعمءبةلمغذمعءغتاعمؤوالظالعظؤزالازبمعرزابازؤنا ى رزا لوبلوؤلوبانبغنبنعبنابنعبعنبنعفم٦ ...عرض المزيد

1 الدعم

6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع