مش قادرة استحمل حاجة.. حاسة إني تعبت وميته من جوا

Question

حاسة مش قادرة استحمل حاجه خالص حتى الحاجات الصغيرة اللى بتحصل
أنا بحس انى مش عايزة حاجة 
اوقات اتمنى لو مكنتش حاجه 
وبكره كل حاجه فجأة 
حاسة انى تعبت 
مش عارفه اعمل اى ومهما عرفت فمش هعرف اعمل 
أنا عايشة بس ميته كأنى مضطرة اكون موجودة مش اكتر
حاولت كتير بجد آسفة بس مش عارفه اعمل حاجه الموضوع غريب محدش هيفهم بس مش عارفه كتبت كلام عشوائى  وبس .

Marshmallow_60215 🇪🇬 · Accepted Answer

حلو جدا شوية الكلام العشوائى دا لما تكتبي زيه كل يوم سواء هنا فى نوت صغنونة أو حتى فى ورقة هترتاحى شوية من اللخبطة اللى فى دماغك وهتعرفى حاجة عن نفسك فى كل مرة 
وهتعرفى معاها كمان مشكلة تحاولى تخلصى منها ولو حتى إنك هتكتبيها فى ورقة وتقطعيها وترميها،بس خليكى عارفة إن كل الناس مهما بلغوا من القوة بيجى وقت وبيتعبوا ومش بيبقوا قادرين، ف أنت مش لوحدك، ربنا يصلح لك الحال ويوفقك

Lemon_61984 🇪🇬 · Answer

فاهمك فشخ

Orange_61947 🇪🇬 · Answer

على فكره مش غريب و لا حاجه انتي إنسانه عاديه و طبيعي تمري بكده و عايز اقولك اني فتره مش صغيره من حياتي كنت كده و كنت ب افكر ف الانتحار بس فتره و هتعدي عادي بس خلي ليكي حبيبك الاول و هو ربنا و انتي بس ربنا يكرمك و يبقى حد معاكي ف الحلال يملى عليكي حياتك باذن الله و تقبلي اللي انتي فيه عادي انتي مش و حشه و لا حاجه اقرأي كتب عن الهشاشه النفسيه و كتاب ابي الذي اكره هتبقي افضل ف فهم نفسك

Avocado_26405 🇪🇬 · Answer

بس انا حاسة انى حالتى بتسوء رغم انى حاولت بس انا بقالى يمكن سنة ونص او اكتر معتش عارفة اساعد نفسى وحاسة مفيش حد يساعد قلبى بيوجعنى ومش قادرة اتنفس والانتحار اكيد فكرة مش بتفارقنى بس مش هعمل كده انا مؤمنة بربنا و لما بجيب أخرى بصلى وادعى أموت مش عارفه اعمل اى بس الموضوع ساء دلوقتى اكتر لان حتى رغم انى مؤمنة بربنا إلا أنه فجأة بقيت بكره كل حاجه حتى وجودى ووجود الحياة مش قصدى بس مش عارفة

Orange_61947 🇪🇬 · Answer

والله مريت بكده و حرفيا كنت ب اقعد افكر ف اي طرق الانتحار هي الاسهل عليا و اللي محدش يحس اني انتحرت و عارف اللي انتي فيه بجد لاني مريت بيه كله ووالله كنت ب اقعد على البلكونه بتاع البيت و كان وشي يبقى للشارع و كنت فعلا مرهههق جدا

Orange_61947 🇪🇬 · Answer

بس فعلا اكتبي و متسمعيش اغاني كئيبه و اعرفي نفسك اكتر من الكتب

Avocado_26405 🇪🇬 · Answer

أنا تعبت من المحاولة 
بس اقتراح الكتب ممكن اجربه بس حتى دى فقدت شغف القراءة من زمان رغم انى كنت بحبها اوي بس من كل محاولاتى حاسة وكأن مفيش حاجه نفعه ومشكلتى حتى الانتحار ميحلهاش والاسوء انا داخلة تالته ثانوى بس شكرا جدا على المساعدة واتمنالك التوفيق

Avocado_26405 🇪🇬 · Answer

بكتب فعلا فى مذكراتى بس شكرا جدا

Orange_61947 🇪🇬 · Answer

العفو اقرأي كتب نفسيه عشان تفهمي حالتك لان اللي انتي فيه ده من صدمات الطفوله و ربنا يكرمك و ويوفقك و ابعدي عن الأغاني الحزينه لانها بتأثر جدا

Avocado_26405 🇪🇬 · Answer

أنا بحب علم النفس وشاطرة فيه وعندى قدرة عالية فى حل المشكلات بس صعب تعالج صدمات نفسية لوحدك بذات لو استمرت فترة طويلة اما الاغانى بحب الكلمات واللحن مش بسمع حزين لكن فى العموم زادت وبتسببلى أحلام يقظة وهروب فلما برجع للواقع بحس باكتئاب أكتر بس شكرا جدا لان برغم انى  معتمدة على نفسى لكن أكتر حاجة بحتاجها لما أوصل لأسوء حالاتى أن احس بشوية دعم مش لوحدى رسالتك جت فى الوقت الصح ربنا يوفقك

Orange_61947 🇪🇬 · Answer

بصي مش صعب ابدا انك تحلي مشاكلك و مش لازم تكوني بالمثاليه اللي هي بس اقرأي كتاب ابي الذي اكره هو اسمه غير محتواه شويه بس هيساعدك و انا نفسي ب احاول اعالج صدماتي او على الاقل ما انقلهاش لولادي فيما بعد و العفو روبنا يوفقك ف حياتك