تعبت أووي وانا بدي مشاعر لناس متستاهلش

Apple_78825 🇪🇬

منذ يومين

شعور مكسور القلب

انا فقدت كتير اووي ف حياتي كلو بياخد الحلو مني وبيمشي حنيتي اللي عمري مبهلت بيها على حد بيداوو بيها جروهحم وبيمشو تعبت اووي وانا بدي مشاعر واحاول لناس متستاهلش قلبي هيقف من الوجع ده غير عشمي اللي اتكسر بخاطري بسببه 💔💔💔💔💔💔💔💔

كنت فاكر انك حلم... اكتشفت انك مشهد مؤقت

أنا كنت فاكر… لو لقيت شغل تاني، لو وقفت على رجلي وحققت اللي بحلم بيه، أول خطوة هعملها… إني أروح أتقدملك. كنت شايفك حلمي، وكنت بجهز نفسي عشان أبقى قدّه. كنت بقول يمكن التعب اللي بعيشه دلوقتي، يخلص في لحظة فرح قدامك. بس الحقيقة وجعتني. اكتشفت إنك ماكنتيش حلم… إنتي مجرد مشهد مؤقت. ضحكة في وشي، شكوى من ورا ضهري، اهتمام مصطنع بيخلص أول ما أردّه. وجعني إني كنت بفتكر فيكي إنسانة حقيقية. وجعني إني رفعتك لمكانة ما استاهلتيهاش. وجعني أكتر إني اكتشفت إن أقصى ما بيني وبينك مش حب… ولا حتى ود… ده مجرد روتين يومي بارد: صباح الخير. صباح النور. باي باي. وانتوا يا زمايلي، يا مديري، يا مشرفي… بينا شغل وبس. وانتِ يا زميلتي "المحترمة"… مش زي أختي — أختي أفضل منك. ومش زي أمي — أمي تتشال على الراس. أنتِ بالنسبة لي… ولا حاجة. ...عرض المزيد

0 الدعم

1 نصيحة

أعترف إني خسرت كل حاجة بسبب حب زميلتي

أعترف… إني كنت فاكر إني لما أحب زميلتي في الشغل وأحاول أغيّر من نفسي عشانها، حياتي هتتبدل. كنت شايف في عينيها سبب إني أتمسك بالأمل، وكنت بقول لنفسي: "لازم مستقبلك يبقى أحسن، عشان تبقى قدها، عشان تقدر ترفع راسك يوم قدامها." عشان كده دخلت دوامة مقابلات شغل، تخفيت ورا مبررات كتيرة: ضغط نفسي، إغماءات، حكايات عن تعبي. كله كان ستار، بس جواه حلم بسيط… إني أبني مستقبل يخليني أستحقها. لكن الحقيقة؟ إني خسرت كل حاجة. خسرت راحتي، خسرت صدقي قدام نفسي، وحتى الأمل اللي كان بيدفعني. الحب اللي كنت شايفه منارة بقى حمل تقيل، والسرية اللي كنت فاكرها حماية بقت قيود. أنا مكنتش عايز غير حياة أفضل، مكان أقدر أكون فيه صادق ومكشوف من غير خوف. لكن بدل ما أوصل لهدف واضح، لقيت نفسي واقف في نص الطريق، لا قادر أرجع، ولا قادر أكمل. يمكن هي ما تعرفش مشاعري، ويمكن عمري ما قلتلها كلمة، بس أنا عارف إني كنت بحارب عشانها. والنهارده وأنا باعترف، مش بشوف غير الفراغ. المستقبل اللي حلمت بيه ما جاش، والحب اللي خبيته ما اتولدش… وأنا فضلت وحيد، شايل جملة واحدة: أنا خسرت كل حاجة. ...عرض المزيد

4 الدعم

4 نصيحة

لو وقعت مفيش حد هيمد إيده يساعدني

أنا عندي 26 سنة واللي مكسّرني بجد مش فكرة الحب اللي فشل ولا الصحاب اللي اختفوا اللي مكسّرني إني بقيت أحس إني لو وقعت مفيش حد هيمد إيده يساعدني 😔 كل مرة بدي قلبي لحد بيجرحني 💔 وكل مرة أدي ثقتي لصحاب بلاقيهم مش زي ما كنت متخيل 🤦‍♂️ حاسس إني بقيت أعيش لنفسي بس والدنيا بقت تقيلة عليا أوي 🔥 ...عرض المزيد

1 الدعم

15 نصيحة