تجربتي مع الصلاة والADHD.. أنا بعاني ومش عارفة أسيطر

Question

احكولي تجربتكوا مع الصلاة وال ADHD انا بعاني ،مش عارفة ازاي في ناس بتقدر تصلي من غير ما تفكر في مليون حاجة في نفس الوقت وبتمنع نفسها من انها تقعد تتحرك يمين وشمال ، انا لازم اغير مكان الصلاة كل مرة عشان احس بخشوع ،لحد ما بقيت مش لاقية مكان جديد في البيت اصلي فيه الواحد بيتطور في حاجات كتير في حياته بس دي بالذات اللي مش عارفة اغيرها ،مش عدم حب للصلاة ولكن اكيد اي حد عنده ADHD هايفهمني

Sugar_43509 🇶🇦 · Accepted Answer

الخشوع مش ركن أساسي في الصلاة بس اهم حاجة تحاولي، هقولك حاجة بتنفع معايا، بحفظ سور جديدة وبقولها في الصلاة فبركز فيها اوي عشان أتأكد اقولها صح وفي اذكار كتيرة مختلفة بتتقال في الركوع والسجود بحاول اغير بينهم عشان أحافظ على تركيزي، بس عارفة أنا المشكلة ال عندي ايه…أنا بتوضا وبلبس لبس الصلاة عشان اصلي بس بقعد الف البيت كلو واعمل اي حاجة ممكن تتعمل وبيكون تشتت  مش طبيعي لحد…

Kiwi_49822 🇪🇬 · Answer

بصى هو لازم يبقى فى خشوع فى الصلاة بس لو ماتحققش الخشوع فا عادى احنا بنصلى عشان ربنا امرنا ولو لا قدر الله ماخدناش اجر الصلاة وده ماعتقدش ان ربنا قد يغضب على حد بهذا الفعل الا لو عمل شئ كبير
مابنخدش اثم الترك وبندعى نقول يارب انت اعلم بحالنا وبضعفنا منا فا ارحمنا واصلح حالنا واصلح صلاتنا بس 🩶

Cherry_16774 🇪🇬 · Answer

صح، انا اكيد بعمل كده، مش حل اني اتركها طبعًا لكن انا كنت عايزة اعرف ايه حلول تقلل حتى من التشتت ممكن اعملها وحد جربها وفرقت معاه عنده نفس المشكلة

Sugar_43509 🇶🇦 · Answer

…لحد م يبقى باقي شوية وتبدأ الصلاة ال بعدها او يحصل حاجة تستعجلني فبصلي🥲
لو عندك حل لدة قوليلي
كان نفسي اوي أناقش الحاجة دي م حد، كويس انك سألتي 🙂

Cherry_16774 🇪🇬 · Answer

هحاول اعمل كده انا بردو جربت اني احفظ سور جديدة كل مرة وكانت بتفرق بس بعد وقت بردو برجع اتشتت بس مجربتش الاذكار في حل التشتت بالذات، شكرًا بجد، انا بردو بيبقى قبل الصلاة شاغلني حاجات كتير اوي بس الحل الوحيد معايا بالذات يعني اني باخد نفس عشان استرخي شوية  وان الدنيا مش هتجري مني بسبب ان دايمًا بنحس ان فايتنا حاجة او ان كل حاجة بتتحرك بسرعة وبقول لنفسي سيبيها بعد الصلاة حتى مش هحس…

Cherry_16774 🇪🇬 · Answer

مش هحس بذنب اني بعمل حاجة معطلاني عن الصلاة وبفكر نفسي ب اهمية الصلاة في وقتها بعد الاذان ف بصلي وبفكر نفسي اني اقدر اتحكم في نفسي لحد بقى ما بصلي بطلع اجري اكمل اللي بعمله بس على الاقل مفوتتش الصلاة او اخرتها، حاجة بردو فرقت معايا اني بعد كل مرة بدخل الحمام بتوضى عشان لو جت الصلاة اصلي على طول بلاقيني بقى في فراغ لحد وقت الصلاة اللي جاي

Cherry_16774 🇪🇬 · Answer

انا بردو كان نفسي حد يتكلم في حد لحد ما اتكلمت انا، قولت لنفسي اكيد في ناس كتير كده بس مجتمعنا مخلينا نبقى مكسوفين انتا نتكلم في حاجة كده بسبب الردود المتوقعة