انا اتأذيت من موضوع الختان دا بشكل بشع و مأثر عليا جدا لحد دلوقتي و انا كنت صغيرة كان عندي 12 سنة و مكنتش فاهمة حاجة و ماما كانت بتقولي هتعملي عملية بس مكنتش بتقولي العملية دي بتاعة ايه و انا كنت مرعوبة و بعيط كل يوم و اتكلمت مع اختي قولتلها هما هيعملولي ايه و فضلت تقولي متسمعيش كلامهم و متروحيش و خلاص و بابا زعق و قالها انتي عوزاها تلف على حل شعرها متخيلين انا كنت طفلة عندي 12 سنة و بيتقالي كده!! و قال لماما انتي كل دا بتقوليلها وقالها هنروح بكرة و خلينا نخلص و اختي معرفتش تمنعه عشان بابا طبعا كلامه اللي هيمشي و لقيت ماما بتقولي مش هتحسي و هتاخدي بنج و انا بردو مش فاهمة ايه العملية دي و ودوني و انا كنت هموت من الرعب و في وقتها كان في قسوة غريبة جدا و اتسابت لوحدي مع اللي بيعملوها ليا وكان اغتصاب حرفيا يعني ان حد يشوف جزء زي دا من جسمك و كان دكتور راجل كمان ف اتحطيت في موقف صعب واللي اثر فيا اكتر هو وجع اللي بعد العملية منتهى الالم و العذاب و هونت على ماما كمان و مجتش معايا و بابا كان موجود و رجعنا البيت و هو مفتخر اوي اني في اعتقاده كده انه حافظ عليا اني مغلطش مع حد لمه اكبر و التخلف دا و انا دلوقتي كبرت و منستش اليوم دا عشان اتأذيت نفسياً و جسدياً و الموضوع دا هيفضل مأثر عليا لحد ما اتجوز و مش هعرف اعيش حياتي بشكل طبيعي و نفسيتي تعباني اوي اوي عشان الموضوع مش هيأثر عليا في الجواز بس لا انا اوقات كتير بفتكر و بعيط انهم عملوا فيا كده و دمرولي نفسيتي

4

5