طفولة-174 related problems found

طفولة

Blueberry_29908 🇪🇬

منذ أسبوع واحد

شعور مستنزف

عبّر عن شعورك بشكل مجهول

أنوا ما كان حدا يحضنى ابدا بالعكس دايما تعنيف لفظى جسدى وإذا انحضنت بيكون بسبب تأنيب ضمير منهم مثلا بتذكر أنوا دايما كنت اقول بدى اهتمام بدى اهتمام بتقابل بصراخ وسخرية بتذكر انى كنت الوحيدة إلى بتنضرب بدون سبب بتذكر أنوا فى مرة امى ضربتنى كف على وجهى قدام رفيقتها وابنها بدون سبب بس لانها معصبه وقتها انا كنت بعطيها كوب مى وبعد ما راحوا قالت ما تزعلى انا كنت معصبه بس بتعرف شو كانت ردة فعلى كل مرة على الالم كانت استغراب وبعدين ضحك أنوا قالت متزعليش يعني بتأمرنى كمان بدل ما تقول اسفه المشكلة أنوا لما قلتلها انا بدى اهتمام انتى بقيتى مشغولة وقاسيه كان عمرى 10 سنين ولما انضربت كنت 13 ولما صرخت فيا وضربتنى عشان ما ابكى كنت 3 سنين ولما انضربت وانشد شعرى عشان نسيت كراستى بالمدرسة وقعدت ابكى كنت 9 سنين ولما صرخت فيا عشان كنت احكى مع نفسي طول اليوم لانوا رأسها وجعها بس انا كان بدى تنتبه لما حكيت مع حالى كنت 12 حتى لما بكيت وقلت لها انتى السبب فى عدم ثقتى بنفسى بسبب كلامك على شكلى انتى السبب في انى مش بعرف احب قالت لى انتى محتاجه تتعالجى انتى مريضه نفسيا قلتلها لما امى تقول عليا كده الغريب هيقولك اى قالت بكل برود وهى تبتسم هيقولك مريضه نفسيه برضه ومجنونه ، وساعتها انا كنت بحاول ما ابكى وكنت ابتسم بنص البكاء ، حتى كل مرة ابكى فيها دايما تقول انتى بتحبى التمثيل بلا شغل دموع التماسيح ده أو انتى هتعملى الكلام ده عليا واحيانا تقول لو مش عاجبك اطلعى بره عشان هى عارفه مفيش مكان تانى اروح ، حتى لما فكرت ارفض فكرة الحجاب ايش كان ردها كانت تقلل من شكلى وجسمى وتقول هتمشى بشكلك ده فى الشارع ، المشكلة انى حلوة وكمان احلى من اى حد فى البيت وكمان اخترت الحجاب لأن شكلى حلو ولانى مقتنعه حتى إلى الان اى شى تعمله بتقارن نفسها بيا جسمها شعرها أسنانها وإذا انا قلت مستحيل اكون بنفس جسمها قالت لا انتى بالعكس شكلك مش حلو على الأقل انا متجوزة ومخلفه أما انتى مين هيبصلك حتى احيانا لو مزحت وقلت زوجونى ما بدى ادرس تقول وانتى مين هيقبل بيكى هترجعى من اول يوم ده انتى هتجيبيلنا العار ، بتذكر أنوا فى مرة حصل خناقه بينى وبينها على شى تافه انا رحت اصلى الضهر فهى قالت ظبطى الغرفه قلت بصلى بالاول بعدين بعد شوى قالت كمان مرة فأذن العصر فرحت اصلى العصر بعد ما صليت لقيتها قامت فجأة وضربتنى وشدت شعرى وتعطينى برجلها وتفت عليا وقعدت تشتم وتتكلم وتقول مش بتقوم من مكانها مش بتعمل حاجه قاعدة اربعه وعشرين ساعة بتحب نفسها وبس وكده وبعدين اجى زوجها هدى الموضوع فشوى انا رديت عليها وهى ردت عليا شعلت خناقه تانيه ضربتنى وشدت شعرى وطردتنى قدام زوجها وعايرتنى بالاكل وقالت روحى لابوك ملاحظه بابا مسافر ، بتذكر أنوا يومها بعد ما اخواتى غصبونى اكل لانه ما اكلت شى من الصبح ، دخلت الغرفه وصارت تصرخ وتقول الاكل إلى بتاكليه هاد بفلوس جوزى ، اقولك حاجه بقى بتذكر أنوا لما كلمت بابا اقول له صارت تقول اشياء انا ماعملتها بينما أنا مارضيت اقول كل إلى هى عملته عشان صورتها قدامه ، بتذكر كمان أنوا بعدها بيوم اختى الكبيرة عملت غلط كتير كبير فامى ضربتها وانا مسكتها عشان ما تضرب اختى وهيك اجا جوزها ليضرب اختى كنت امسكهم هما الاثنين ولا حظت أنوا هما بيضربونى بغل فجأة صرخت فيهم وقلتلهم ما حد يضرب اختى ليها اب يحاسبها ما ليكوا الحق تضربوها يومها اتعرضت لضرب والسب وكمان بتذكر أنوا امى طردتنا انا واختى وكلمات بابا وقالت ما عادوا ولادى ولا اعرفهم ولا عايزاهم خدهم عشان أنا مش عايزاهم ، رحت اكلت انا واختى اجت قالت الاكل ده بفلوس جوزى وقالت انتوا عبىء عليا مش عارفه اعيش خانقينى مش عايزة ولاد زيكوا ، حتى أنوا لحد دلوقتي كل لقمه بتدخل بقى بحس انها محسوبه حتى لما اجى اكل بفكر هقول اى لو اتذليت ، بتذكر أنوا فى مرة فجأة هيك فصل مخى وكان المفروض أشيل الاكل من على الأرض بس اختى كانت تصرخ على وتقول قومى وانا اقول حاضر بس حاسه ان مخى فاصل لحد ما امى اجت وضربتنى وصارت تسب ، كمان بتذكر أنوا دايما كانت تقول خسارة فيك كوب المياه خسارة فيك تكونى انسانه انا لو ربيت كلبه كان زمانها طمر فيها  احسن منك ، اقولك كل مرة تقترب منى بطريقة هجومية بتخلينى ارفع ايدى لا إراديا ولما تضربنى اقولها نزلى ايدك انا ما استحق الضرب تقولى انا امك وليا الحق اعمل إلى انا عايزاه حتى لو أكلتك الجزمه لو دست فوق رقبتك حتى لو موتك ضرب قلتلها مش معنى انك امى يبقى ليكى حق تضربينى متى ما شئتى ومن غير سبب انا مش حيوان ومش ملكك عشان تعملى كده برده اتقابلت بالسب والضرب وسحب التليفون وحبسى فى البيت ، اتذكر أنوا لما نيجى نشترى حاجه كانت بتعطى الأولوية لاختى الكبيرة عشان هى الكبيرة وعشان الصغيرة بتطلع كتير ومعندهاش أما انتى ما بتطلعى من البيت عايزة لبس ليه كل لما تيجي تتكلم تقول لآختى الكبيرة والصغيرة يشتروا شى لنفسهم بس اذا حكيت قالت انتى ما بتطلعى ما تعمليش فيها دور المظلومة وفى مرة قلتلها محتاجه حاجه مرضيتش بس فى نفس المكان جابت لاختى الكبيرة حاجات ، بتذكر أنوا انا فضلت سنتين أعانى من الم فى القلب ودوخه وتشتت وضعف وفقدان وزن ورعشة فظيعه ودايمه ونوبات هلع وارق وكل هاد وما فكرت تودينى مستشفى حكومي حتى لما كنت بقولها كانت بتقول انتى كل حاجه بتوجعك أو انا مش راحه مع حد مستشفيات أو روحى لوحدك ، بعدها بفترة كنت معها بالمستشفى بولادتها وفضلت جمبها وساعدتها ، إلى خلانى زعلت أنها اخدت اختى الصغيرة مستشفى خاص ودكتور خاص عشان ايديها بتعرق ، تعرف كنت اسمع الناس يقولولها بنتك متوحدة  وهى تقول مريضه قدامى الكلام ده ، تعرف انها عمرها ما قالتلى انتى جميلة الا قدام شخص عشان تتفاخر بشكلى طب تعرف أن الناس لما كانوا يقولون لها بنتك كتير حلوه تفتخر أنها الام ، بس فى البيت تقول مستحيل تكونى احلى منى انا المصنع مش زى الإنتاج واحيانا تقارن بينا قلتلها مفيش مقارنه بينى وبينك كل واحد ليه جماله قالت بس مستحيل مهما عملتى تبقى احلى منى ، طب اقولك فى مرة كنت مدايقه عشان هيا جابت لاخواتى بيجامات اعطتنى واحدة من بيجاماتها القديمه وكانت حلوه كتير عليا بس كنت خايفه تعايرنى بيها لقيتها بتقول متطلعيش بيها قدام جوزى ، بس حاليا انا واثقه جدا من نفسي من شكلى حتى عيوبى كلها تدل انى انسانه ، مش بسمح لحد يهينى حتى لو كان قريب ، بقيت اخاف من اى حركه من أيدها وهى بتتكلم عادى ، بقى اكبر احلامى يكون عندى بيت خاص بيا أو حتى شغل اصرف بيه على نفسى بقيت مش بطلب حاجه منها ، بقيت بكرهها تلمسنى أو تشوف دموعى ، بقيت اخاف اعرف صحابى عليها عشان متعاقبنيش بيهم أو قدامهم ، بقيت واعيه لكل حاجه حواليا ، بقيت عارفه نقاط قوتى ونقاط ضعفى ، وبدعم اخواتى دايما ، ودايما باخد كلامها سخرية عشان ما تحس انها مسيطرة ، مش بحكى لاى حد بس بسمع ، لحد ما ييجى الشخص إلى هيقدر قد اى انا غاليه ونادرة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_46122 🇪🇬

منذ أسبوع واحد

شعور متعب

موضوع:

هل تعرضت للتحرش من شخص كنتي تحسبيه شخص كويس ؟

Apple_53609 🇪🇬 لازم تفصلي الامور عن بعض يعني الشخص المؤذي دا لو فيه بينك وبينه صله قرابة ف انتي حاولي تتجنبي الحديث معاه كتير و لو مفيش حاولي انك ميحصلش بينك وبينه اختلاط اصلا وحاولي تسامحي نفسك عشان متفضليش عايشه بذنب ياثر عليكي فيما بعد عشان شخصك وعشان الشخص اللي هيشاركك حياتك ومش معني ان شخص كان مؤذي يبقي كل الناس نفس الفكره لا لازم تفصلي كويس بين الناس وانتي طلما ادركتي الغلط تجنبيه ومتتوقعيش الوحش اول حاجه

عرض الكل 4 نصيحة

عبّر عن شعورك بشكل مجهول

بنات كتير اتعرضو ل التحرش وانا واحدة منهم 
كنت في سن صغير جدا مش فهمة حاجة 
كل الي اعرفو أن الشخص دة بيحبني وبيحب يلعب معايا 
واكيد مش في بالي أن الشخص دة ممكن يكون بيأذيني لأن انا اصلا مش عرفة يعني حد يأذي حد كنت بعمل الي هو بيعملو ولو قالي اعمل حاجة بعملها لان هو بيلعب معايا وبيحبني وقريب مني كل الي اعرفو أن اللعبة دي مش ينفع حد يعرفها وبس وبكل سذاجة مسالتش مثلا لي أو استفسرت لأن مش هفكر اصلا أن الشخص دة وحش يعني بعيدها عرفت أن الاماكن دي محدش بيشوفها وعيب لناس الي برة لأن ادامي الشخص دة بيشوف كل حاجة علطول ف اكيد هو عادي وفضل مستمر لحد ما انا عرفت أن مش ينفع وان هو بيعمل حاجة غلط وقعدت افكر كتير ازاي أقول لحد كبير وكدة وفكرت اني اقول لوالدتي وكنت ساعتها خيفة جدا وخيفة من رد فعل والدتي هي هتضربني مع أن والدتي مش كانت بتضرب كتير يعني بس دة الي كان بيجي ف بالي وهل الشخص دة هيكرهني ومش هيكلمني تاني لحد ما اخدت القرار وللاسف قولت لوالدتي كنت ساعتها خيفة وساعتها كتبت في ورقة وكدة وهي معملتش رد فعل اتجاهو مش عرفي هي كلمتو قالتلو اي بس هو جيه دخل عليا وقالي انا عملت كدة وقعد يشككني في نفسي وكان شكلو مضايق وانا مش كنت عيزاه يضايق بس اصريت وقولت أه انت عملت كدة ودة عيب وطبعا بما أن هو مش لاقى رد فعل قوي من والدتي تمادى وبقا علطول وانا مش عرفة اوقفو خلاص وبقا يكرر دة وانا نيمة ف كنت بخاف ف بكمل نوم ومش بعمل اي رد فعل مع اني حسة بكل حاجة وفي مرة قررت تاني اني اقول لوالدتي كنت في أولى اعدادي والدتي اتصدمت ولا كأنها اول مرة اقولها ونفس الحوار ولا عملت رد فعل وهو بقا براحتو مش كان شايف أن في حد ورا ضهري وهيجبلي حقي فضل كدة لحد ما وقف وحاليا مش بقا يعمل كل دة بس طبعا دة مخلي عندي خوف جامد واي لمسة بسيطة بتوتر منها جدا الشخص دة بيتعامل معايا لحد دلوقتي وبنكلم وكدة بس هو مش بقا يعمل كل دة يعني بس لسة انا لما بشوفو بفتكر كل دة واد اي كان بيجيلي حاجة حلوة كنت بحبها دة قصاد دة دلوقتي انا كل ما اشوف الحاجة حلوة دي بفتكر الايام دي واي حد يقولي اعملي حاجة واديكي اي شئ برفض حتى لو حاجة عادية يعني بس لا مش عايزة حاجة حتى اخواتي لو قالولي اعمل حاجة واجيبلك حاجة بتحبيها برفض 
بحس أن الشريط بيتعاد ادامي

Donut_53666 🇪🇬

منذ أسبوع واحد

شعور غير مكتمل

انا بقضيه نوم كتير جدا ودايما بتهرب بلنوم وبقفل باب الاوضه علياعلشان انام والترم الي فات كنت مسجل 6 مواد وسقط قي 3 مواد ونجحت في 3 مواد واهلي قالولي لو الترم سقط فس ماده مش هنكلملك. تاني واهلي اصلا من صغري بيضربوني وفي عنف ودايما تقليل مني وقالولي لو سقط مش هنمكلك تاني انت بقالك 7 سنين وبدات من الا

Avocado_53048 🇪🇬

منذ أسبوعين

شعور وحيد

خايف جداً من الزواج الموضوع مرعب لو فكرت فيه بكل تفاصيله عندي رهبة شديدة من اختيار شريك الحياة وانا لوحدي انا عارف اني شايل مسؤلية نفسي وبس مهما حصل انا قادر اتصرف لكن اني فجأة اتقسم اتنين والاتنين دول بعد كدا يبقوا تلاته واربعة الموضوع مرعب لما بفكر فيه والاختيار الاختيار الاختيار مرهق ذهنياً

عبّر عن شعورك بشكل مجهول

خايف جداً من الزواج 
الموضوع مرعب لو فكرت فيه بكل تفاصيله 
عندي رهبة شديدة من اختيار شريك الحياة
وانا لوحدي انا عارف اني شايل مسؤلية نفسي وبس مهما حصل انا قادر اتصرف 
لكن اني فجأة اتقسم اتنين والاتنين دول بعد كدا يبقوا تلاته واربعة 
الموضوع مرعب لما بفكر فيه 
والاختيار الاختيار الاختيار مرهق ذهنياً

اني خلاص بختار شخص يكون نصي التاني 
الموضوع محتاج توفيق ورضا من ربنا فعلاً.
جايز يكون الخوف دا نابع من طفولتي ، أنا اتولدت لقيت والدي ووالدتي منفصلين ووالدتي دخلت في دوامة مع المرض بعد الحمل ومرات عمي تكفلت برضاعتي واتربيت مع عمتي فترة من طفولتي وعيشت انا ووالدي واخويا في بيت فاضي لوحدنا بدون ام لمدة اكتر من ٦ سنوات لحد ماوالدي قرر انه يتجوز علشان يكون معاه حد يساعده في تربيتنا وكبرنا وبدأت المشاكل تكبر معانا .
جايز أكون هنا مش علشان فكرة اني بدور علي عروسة وعايز اتجوز علي طول والموضوع ينتهي . انا هنا بدور علي اللي هتكون أهلي وأمي وأختي وصديقتي وحبيبتي وزوجتي بدور علي اللي عندها فيض مشاعر تقدر تغرقني فيه بدور علي اللي فاهمه كويس يعني ايه طفل اتولدت محروم من امه واحتياجه الشديد للعاطفه والاهتمام 
انا حقيقي عندي شعور بالوحدة وأهلي من الطرفين بعيد عني طبعاً عيلة الام بسبب مشاكل الانفصال وعيلة الاب بسبب مشاكل الورث دا غير بعد الاخوات وسوء التفاهم بنا 
العمر بدأ يجري بيا وبدأت أكبر ورغم كل الخبرات اللي اكتسبتها وكل التجارب اللي مريت بيها ورغم النضج الكافي اللي وصلت ليه إلا إني مازلت اشعر بالاحتياج للحنان .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_53048 🇪🇬

منذ أسبوعين

شعور وحيد

Hazelnut_52786 🇪🇬 عزيزى : ما جاء بسرعه ذهب بسرعه لازم شريك حياتك تبقي عارفها منذ زمن وتتأكد من علاقتها وتبقي ليك السند والامان ارتبط باللي تستحقك وتستحق حبك ومشاعرك خد بالك كلنا دايما محتاجين للحنان . بس اهم حاجه تاخدو من اللي تأمنها علي نفسك وعلي حياتك

عرض الكل 8 نصيحة

عبّر عن شعورك بشكل مجهول

خايف جداً من الزواج 
الموضوع مرعب لو فكرت فيه بكل تفاصيله 
عندي رهبة شديدة من اختيار شريك الحياة
وانا لوحدي انا عارف اني شايل مسؤلية نفسي وبس مهما حصل انا قادر اتصرف 
لكن اني فجأة اتقسم اتنين والاتنين دول بعد كدا يبقوا تلاته واربعة 
الموضوع مرعب لما بفكر فيه 
والاختيار الاختيار الاختيار مرهق ذهنياً

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_13812 🇪🇬

منذ أسبوعين

شعور محبط

انا الوسط في اخواتي من وانا صغيرة ماما بتحب اخواتي اكتر مني بشكل واضح و بتعاملني بقسوة اكتر منهم من واحنا صغيرين هم لو حست بس أن حد فيهم زعلان تجري عليه تصالحه الا انا ممكن تشوفني بعيط و تبصلي في عيني و بكل برود تسيبني و تمشي من غير حتى متسألني مالي مع ان انا اكتر واحده حساسه و عاطفيه فيهم و بحتاج ح

Hazelnut_52786 🇪🇬 عزيزتي 😽 لقد عشت تلك الأفكار والشعور بنفسي لاني اوسط اخواتي وكان هذا الشعور يلازمني بشده وأفكر فيه كثيرا ولكن عزيزتي الأم بتحب ولادها كلهم زي بعض نحن العيب بنا نحن . عندما تفكرى في الامور بنظره اخرى وبشده وتركزى علي ان كل الحب والحنيه والعواطف موجهه لاخواتك ستقتنعين بهذا حتي لو لم يكن بهذه الشده . لاتفكري هكذا واستمتعي بوجود والدتك بجانبك وحضنها الدافئ . واجعلي كل لحظه تعيشين بجوارها لحظات لا تعوض

عرض الكل 5 نصيحة

Biscuit_20744 🇪🇬

منذ أسبوعين

شعور عاطفي

موضوع:

الفلاش باك الي بيجي فجأه

كان يوم طبيعي جدًا كنا راجعين من المدرسة في الباص و كنت بلعب مع صحابي لحد ما نوصل فجأة الباص عمل حاد.ثة و في ولد كان على الارض و الشارع كله د..م و العربية الد..م طلع عليها ساعتها الناس مسكوا في السواق مكانوش راضيين يسيبوه و احنا كلنا في الباص خايفين ، كان لسه في مسافة كبيرة لحد ما أوصل بيتنا ، فلما

Hazelnut_52786 🇪🇬 هذا من المواقف والأحداث الرهيبه التي تؤثر علينا جسديا او نفسيا . ولكن مواجه الموقف خطوه بخطوه مع الأخذ في الاعتبار انك طفل في ذلك الوقت ومع مرور الوقت والسنين وعدم العلاج المناسب نفسيا اثر عليك . لا تفكر في الامر وابتدي خطوات جاده في مواجه منظر الدم مره ورا مره هتلاقي الامر بيعدى بخطوات سلسله ولكن مني جزيل الشكر والتقدير واتمني اكون قد أفدتك وواتمني ان لا تواجه تلك المواقف الصعبه مره اخرى

عرض الكل 2 نصيحة

Coffee_52562 🇪🇬

منذ 3 أسابيع

شعور لا مبالٍ

بعد جدال بيني وبيني انا وانا اتفقنا وقررت اكتب دا من النوته الشخصيه (نزلته قبل كدا من فتره) هل في منه فايده معرفش هل مستني منه فايده برضو معرفش اديني بتسالا جالي فلاش باك شريط حياتي كلها عدى قدامه اكتشفت ان انا عشت حياه لو حد تاني عاشها كان جاله توحد واكتئاب وكل الامراض النفسيه عشان كدا قررت احكي ل

عبّر عن شعورك بشكل مجهول

بعد جدال بيني وبيني انا وانا اتفقنا وقررت اكتب دا من النوته الشخصيه (نزلته قبل كدا من فتره)
هل في منه فايده معرفش هل مستني منه فايده برضو معرفش اديني بتسالا

جالي فلاش باك شريط حياتي كلها عدى قدامه اكتشفت ان انا عشت حياه لو حد تاني عاشها كان جاله توحد واكتئاب وكل الامراض النفسيه عشان كدا قررت احكي لعل وعسى حد يستفيد انا تقريبا عديت بكل المشاكل اللي اي انسان ممكن بمر بيها مش تعظيم ف نفسي ولا بقول ان انا مظلوم ولا كل الكلام دا 
اولا التنمر انا ممكن اكون اكتر انسان تشوفه ف حياتك اتعرض للتنمر سواء على شكل جسمي طولي شكل سناني ومع ان لون بشرتي ابيض الا اني كنت بتعرض للتنمر عليها برضو والتقيله كمان ع اسمي كل دا وانا طفل عنده ست سنين من اول ما دخلت مدرسه وانا بتعرض للتنمر 
نبدا اول حاجه بجسمي انا كنت نحيف وقصير جدا يعني كان الواحد اللي ف سني قدي مرتين طول وعرض وهاتك بقا تنمر من الاطفال اللي ف سني ايدا انت اوزعه عود قصب خله سنان وكل الكلام دا وانا كنت بقابل كل دا بوجه مبتسم عادي جدا ولا كأن في حد بيتكلم مع ان انا طفل المفروض اروح اعيط لامي واشتكيلها بس سبحان الله كنت عادي جدا وواخد الموضوع ببساطه وبالعكس انا كنت بحاول اتخن مش عشان التنمر ولا عشان ارضي حد كان عشان نفسي انا مكانش عاجبني شكل جسمي بس لنفسي اي حد ملوش دعوه بشكلي وزود عليها ان انا مولود باسنان معووجه او منحنيه لجوه كل سناني معووجه وفي فرق بين اسناني اللي قدام وتنمر عليها بردو بس دي انا كنت بقول هعمل تقويم لما اكبر عادي 
لون بشرتي ابيض عادي جدا وكان شعري دهبي كمان بس بسبب جهل الاطفال اللي معايا ومن غبائهم كانوا بيتنمروا عليا مع ان اي حد هيقول دي حاجه جميله الا ان دول تنمروا بمعنى كان لما حد يشوفني يقولي انت عامل زي البنات وانت بنت اجنبيه وعامل زي الاجانب وانا كنت بقابل الموضوع ببساطه وبالعكس كنت بقول دا هما متغاظين المشكله اللي بيتنمر دا كان شعره اكرت وسنانه صفرا وبشرته سوده ( طبعا مع احترامي لاي شخص بشرته سوده او غامقه دي مش حاجه تعيب فيك بالعكس انت ممكن تكون اجمل مني عادي ) انا بتكلم ف مبدا ان انت اصلا مختلف عني يعني ممكن اتنمر عليك عادي بس عشان انا محترم وعارف ان انت زيك زيي عند ربنا وخيركم عند الله اتقاكم مش ابيضكم بشره مكنتش بعلق ع شكل اي انسان 
كانوا بيتنمروا ع طولي حتى بعد ماكبرت بقوا يقولوها بصيغه هزار  يعني مثلا وانا كبير بنت عمي كانت مخطوبه جديد ف بتقول خطيبها بهزار كدا تدي دا كام سنه قالها رابعه او خامسه ابتدائي وانا ساعتها كنت داخل ثانوي شايف الفرق الكبير ف السن اللي هو شايفه لو اي حد اتقاله الكلمه دي هيشيل جواه ويكره حياته انما انا خدتها عادي جدا 
نرجع تاني لما كنت طفل انا دخلت تلت مدارس وانا ف ابتدائي مش بسبب التنمر القصه ان انا مولود ف 12/2007 تقديم المدرسه بيقبل من شهر 10 يعني كدا انا المفروض اقدم ان انا 2008 واضيع العشر شهور دول او بمعني اصح اضيع السنه كلها ابويا طلع عينه معايا انه يدخلني السنه دي وقعد يلف لحد ما توصل لحل وهو انه يقدملي ف مدرسه ف بلد تانيه بعيد ويقدم طلب ان انا ادخل المدرسه القريبه مستمع( مستمع يعني مليش بسكوت ولا كتب ولا ليا اي علاقه بالمدرسه بحضر الحصص فقط ) الكلام دا كان ف اولى ابتدائي اول يوم مدرسه عدى عادي تاني يوم بدا تسليم البسكوت للاطفال وانا طبعا قاعد ف الفصل جه العامل اللي بيسلم البسكوت اداني كيس زي باقي الاطفال وانا ساعتها معرفش ان انا مليش بسكوت طفل فرحان وتيجي المدرسه وتروح واخداه من ايدي وتقوله لا دا مستمع ملوش بسكوت زعلت اوي ساعتها طفل صغير فرحان بالبسكوت روحت البيت وتقريبا دي كانت المره الوحيده اللي اشتكيت فيها لامي روحت اترميت ف حضن امي وقعدت اعيط بحرقه طفل صغير وحكيتلها الموقف قالتلي متزعلش المدرسه التانيه هتبعتلك البسكوت بتاعك طبعا مفيش بسكوت ولا حاجه بس انا فرحت المهم جيت تاني يوم روحت خالتي قابلتني وقالتلي خد البسكوت بتاعك اهو من المدرسه التانيه ( خالتي ساكنه معانا ف نفس البلد وجنبها مدرسه ازهر وانا كنت مقدم عام بقت تشتريلي كيس البسكوت من الاطفال اللي ف المدرسه الازهر وتقولي خد بعتينلك دا) وانا كنت بفرح اوي ساعتها ربنا يجازيها خير زي مكانت بتجبر بخاطري كل اللي كان مضايقني ساعتها ان انا عمي مدرس ف نفس المدرسه وابنه قدي وقاعد جنبي كان ييجي يديه بسكوت زياده للبيت وانا ولا كأني قاعد جنبه 
المهم انا كنت مقدم ف المدرسه البعيده دي وبروح هناك ساعت امتحانات الفاينل بس المدرسه دي كانت ازهر يعني دينيه بيدرسوا قرءان وكدا  وانا كنت بحضر ف مدرسه عام يعني مش حافظ قرءان جت امي ربنا يخليها حفظتني قبل الامتحان وعدت الحمد لله كل دا وانا ف اولى ابتدائي

ندخل بقا ع تانيه ابتدائي المدرسه الازهر اللي جنب خالتي فتحت تقديم صغار السن يعني بيقبلوا صغار السن عادي ابويا قدملي هناك طبعا وانا كنت داخل المدرسه مش عارف حد ولا كان عندي صحاب  خالص كنت متوحد وانطوائي وكنت صاحب نفسي كنا لما تطلع بريك كنا ننزل حوش كدا واللي يلعب مع صحابه واللي ياكل معاهم وكان مسموح لينا نخرج برا المدرسه عادي بس نرجع تاني اول ما البريك يخلص بحكم ان انا مليش صحاب هقد جوا ليه المهم المدرسه كانت ملحقه بمسجد كبير كانوا الاتنين لازقين ف بعض وانا كنت اطلع الف لفه حوالينهم والبريك يخلص وادخل تاني وجه اليوم اللي صاحبت فيه اول صاحب ليا انا كنت اول مره اقف ف الحوش ف البريك وما اطلعش برا وجم شويه ولاد اكبر مني ب حاولي تلت او اربع سنين بيتريقوا عليا وانا طنشتهم وجه واحد يضايقني وضربني بالقلم كان ساعتها الولد اللي بقا صاحبي دا واللي اسمه خالد مكانش واقف معاهم بس جه على لحظه القلم وجه وزعق لصاحبه واتخانق فيه وجالي صالحني وقعد معايا ساعتها مكونتش عايز البريك يخلص عشان افضل قاعد معاه المهم اتصاحبت عليه وبقيت اوقات امشي معاه وانا راجع البيت كان صحبي اوي ربنا يجازيه خير لسه عارفه لحد النهارده 
جه بقا اليوم اللي غير حياتي 180 درجه احنا الفصل عندنا كان 20 طالب يعني كان صغير بس انا مكنتش مصاحب حد المهم كنت ف البريك وخالد غالبا كان غايب وجم تلت ولاد اكبر مني بسنه كانوا بيجروا ورا بعض وواحد شدني وقعني على الارض وانا تلقائيا شتمته او زعقتله الواد معجبهوش الكلام قام جاي هو وصحابه عايزين يضربوني وانا افجرت مع اني هادي جدا جدا بس مسكت التلاته ساعتها كلتهم علقه لحستهم تراب الحوش وطلعت اجري على الفصل ولاول مره اعيط برا البيت قعدت اعيط بحرقه جامد اوي وكنت حاطط راسي على الديسك وبعيد فجاه سمعت صوت حولي برفع عيني لقيت العشرين واحد اللي معايا فالفصل ملمومين عليا وسمعتهم بيقولوا هنقول للاستاذ متخافش ساعتها فرحت اوي من قلبي ان في حد بيطمني واللي فرحني اكتر ان هما عارفين اسمي ولقيتهم راحوا جري ندهوا المدرس وقالوله الحق حذيفة بيعيط ولحسن الحظ نفس المدرس كان عليه الحصه دي لنفس الفصل اللي فيه التلت عيال خدني من ايدي وقالي شاولي عليهم وكمل عليهم ضرب ساعتها فرحت اوي ان العيال اللي معايا ف الفصل عارفيني ومن ساعتها بدات اتعرف عليهم كلهم واتصاحبت عليهم بس بردو التنمر مسابنيش ف حالي 
زي ما قلت انا اسمي حذيفة على اسم الصحابي حذيفة بن اليمان رضي الله عنه
انا ابويا شيخ واحنا عيله متدينه الحمدلله وكل اسماءنا انا واخواتي اسماء الصحابه رضي الله عنهم 
( حذيفه، بسام، اسماعيل، جويرية، معاويه، وماريه )
كنت بتعرض للتمر بسبب اسمي انا كنت الوحيد ف البلد اللي بالاسم دا كان بقا اللي يقول دا اسم بنت والي يقول زوحليقه حفيزه وحاجات كتير كدا المهم انا اللي مستغربه من نفسي دلوقتي هو ان انا عمري ما اشتكيت لامي من  تنمر على اسمي لان انا مكونتش بتضايق اصلا يعني سبحان الله مع اني طفل الا ان انا ايماني كان قوي كنت بقول مانتوا جهله ازاي مسلمين ومش عارفين الصحابي حذيفة وكنت بقول الكلام دا لاي حد كان بيتريق حتى ان في مدرس اتريق على اسمي وقولتهاله بالنص انت ازاي مسلم ومش عارف الصحابي حذيفة بن اليمان المدرس تنح واتكسف ومن ساعتها مقدرش يتتريق على اسمي مع ان انا وغيري وناس كتير جدا شايفين ان اسمي من اجمل الاسماء اللي ممكن طفل يتسمى بيها 
انا دلوقتي 17 سنه ولحد دلوقتي بقابل ناس جاهله كتير مش عارفين الاسم وبيتتريقوا حتى وانا بحجز الدروس في مدرس بيستظرف وبيقولي انت متاكد انك ف اولى ثانوي( لما كنت لسه ف اولى ) وبيضحك ع اساس انه يضحك الاسيستنت وكدا قومت كسفته وقالتله اه قالي دا جسم واحد ف اولى ثانوي قولتله اه تحب اجيبلك شهاده الميلاد قام ساكت واتخانقت طول الثانوي ف اكتر من اسيستنت بسبب انهم بيكتبوا اسمي غلط او ينطقوه غلط ومصرين انهم صح يعني مره كنت بسجل حضور بقول لاسيستنت تكب اسمي بقولها حذيفة قامت التانيه تقول حذيف اقولها لا حذيفة تقول لا حذيف قومت موقف الدور ووقفت الناس اللي ورايا ومسيبتها الا لما قالت حذيفة
دلوقتي انا 17 سنه ثانوي عام 2025 الحمدلله من اكتر الناس اللي اجتماعية ف دفعتي اتعرفت ع ناس كتير جدا جدا جدا ومحبوب جدا وسط الناس  ووسط دفعتي ووسط مدرسيني وحتى الاسيستنت كلهم يعرفوني وبيحبوني وطولت وطولي بقا 170 ووزني حاليا 50 كيلوا لسه رفيع بس بحاول ازيد وحتى لو مطولتش او زيدت انا متقبل نفسي وبحب نفسي زي ما انا ومش مستني راي حد فيا  
فالنهايه حابب اقول متوقفش حياتك عشان حد خلي ايمانك قوي وواجه اي حد يتتريق عليك بالعكس خد التمر وحوله لطاقه ايجابيه وحسن من نفسك عشان نفسك ومتسمعش كلام حد وتخليه يوقفك او يزعلك حتي لو بيهزر او بيتكلم جد قوله تمام وولا كأنك سمعت منه حاجه 
دا كان جزء من حياتي اتمنى يكون استفادتوا منها اي حاجه ولو استفدت دعوه حلوه منك وربنا يوفقنا جميعا ❤
________________________
هي مش قصه على قد ما هو موقف هفضل فاكره طول حياتي 
انا كنت ف اولى ابتدائي مقدم ورقي ف مدرسه بعيد زي ماقلت قبل كدا بس ولازم اروح امتحن هناك الفاينل عشان مسقطش المهم كان ابويا طبعا ف الشغل الصبح مين هيوديني جدي الله يرحمه كان بيوديني المهم ابويا قاله ماشي هتفق مع سواق اسمه الجنايني هيقف كل يوم يستناكوا ع الطريق واركبوا ولما تخلصوا هرن عليه يجيلكوا انا كنت طفل وخايف ودا طبيعي رايح اشوف بلد جديده وناس جديده سواء طلبه او مدرسين كلها وشوش غريبه عليا وكنت خايف اوي بالذات ان ابويا مكانش هيبقا معايا ف موقف او وقت زي دا بس جدي الله يرحمه كانت حنيته تكفي بلد كامله حسسني بالامان ومحسسنيش ان في حاجه ناقصه كان بيحبني زي ابويا واكتر روحنا اول يوم مع السواق وكله تمام كنت متوتر شويه بس الامتحان عدي ع خير الحمدلله 
وابويا كان مروقني بسكوت وكيك وشوكولاته اول عياله بقا 
المهم جينا تاني يوم طالعين ع الطريق ومستنيين السواق كالعاده جه جدي بيسلم على واحد جارنا وانا شوفت السواق معدي سلم عليا ومشي مخدناش وانا مش عارف اي اللي خلاني ساعتها مقولش لجدي خلص سلام ع جارنا وبيقولي السواق اتاخر كدا لي قولتله دا لسه معدي من هنا وشاورتله بايدي 
قالي مقولتش لي وطلع يجري بيا لقدام على امل انه يلحقه بس هو طبعا كان مشي فالاخر جدي قرر ان احنا هنمشي شويه لقدام وبعدين نركب اي عربيه لحد هناك مشينا شويه وجت عربيه حمره وقفت لنا وانا ركبت وجدي كان تقيل شويه بسبب السن وكان بيطلع براحه ونزل تاني السواق ساعتها فكره ركب واتحرك وانا قاعد ساكت وعمال اقول بصوت واطي استنا استنا وطبعا محدش سامعني ولا حتى اللي راكبين حد فيهم فكر انه يتكلم وانا  جالي فكره كرييتڤ جدا وهي اني انط من الباب وفعلا نطيت من الباب واتشقلبت عشان متعورش  والسواق بعدها وقف وجدي كان بعيد عني بحاولي 50 متر كدا لقيته جري عليا فثانيه لقيته قدامي سبحان الله مش عارف جاب الصحه دي منين مع العلم انه ساعتها كان عنده 70 او 73 سنه من خوفه عليا جه جري وقعد بنظف هدومي هدومي ويقولي انت كويس اقوله اه حصلك حاجه اتعورت 
بها السواق بيقوله معلش يحاج مخدتش بالي تعالا اركب جدي طبعا هزقه وفرج عليه الشارع كله ومشاه وبعدها ركبنا عربيه تانيه واتاكدت المرادي ان جدي ركب قبل ما السواق يتحرك 
ودخلت الامتحان وحتى مش فاكر انا حليت كويس ولا لا بس اللي فاكره كويس ان جدي كان بيقعد يستناني ف الشمس ساعتين لحد ما اخلص الامتحان وخلصت وروحنا البيت 
ف النهايه حابب اقول ان انا عمري ما هنسا يوم 21/3/2024 دا يوم وفاه اغلى شخص واحن شخص عليا واكتر شخص كان بيحبني جدا وكان مصاحبني النهارده عدي اكتر من سنه  على وفاتك وربنا يشهد ويعلم بدعيلك وهفضل ادعيلك قد اي ربنا يرحمك يغالي ❤
___________

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_52601 🇪🇬

منذ 3 أسابيع

شعور محبط

انا عارف إني كده هبان مجنون. بس هقول اللي في قلبي من غير حوارات. انا كنت قاعد مع نفسي في البيت و فجأة افتكرت زكرياتي و انا صغير (لما كنت طفل و كنت بعمل حاجات كتير و لما كنت بروح و آجي) و قعدت أعيط كتيير و بعد كده دعيت ان ربنا يرجعني تاني طفل و يعيد كل الأيام الجميلة اللي انا عيشتها. السؤال هنا؟

Apple_51983 🇪🇬 إنت طبيعي جدا وكلنا بنشتاق لذكريات الطفولة ونتمني لو لحظة تاني تنعاد ده غالبا بيحصل لما تزيد المسئوليه والحمل او لو حد حياتو باهته وعبارة عن فراغ فيبدأ يفكر في كل ذكرى كان سعيد فيها ويتمني يهرب من حزنو بيها الاصح تشوف إنت مشكلتك فين بظبط وتحلها و مش بضرورة عشان كبرت يبقا تعيش تعيس ويبقا الفرح متعلق بالماضي بس و بتوفيق في مسعاك

عرض الكل 1 نصيحة

Donut_50330 🇮🇹

منذ 4 أسابيع

شعور لا مبالٍ

موضوع:

ايه الحاجة لو اختفت من حياتك او مكانتش حصلت كنت هتبقي احسن

التليفون لو اختفى من حياتنا هتكون احسن ب كتير اوووي ولله علشان لما كنت صغيره كنت بحب العب كده حته لو بلعب غصب عني بس أنا بحب كده و كمان لو مكنتش اتعرفت عليه أنا متأكده إني كنت هكون كويسه اكتر من دلوقتي

Mango_25275 🇪🇬

منذ شهر واحد

شعور وحيد

ماما اتوفت وانا عندى ٧سنين ولحد النهارده وصلت لعمر ٣٣ سنه ولسه حاسه ان فى حاجه كبيره نقصاني وكإنى مستنيه حضنها ورجوعها والمشاعر اللى بشوفها مع صحابى مع انى بقيت ام بس لسه بستخبى فى حضن ابنى كإن انا اللى محتجاله مبعرفش اتكلم عنها طول الفتره اللى فاتت من عمرى حاسه بفجوة فى حياتى ولكن عاوزة اقول ان ب

French Fries_52243 🇪🇬 انا اسف لكل الحاجات اللي حاسة بيها بس لحياة من بدايتها وربنا قال عنها لقد خلقنا الانسان في كبد الانسان عموما مش اشخاص بعينهم اقتنصي منها اوقات تحسي فيها بذاتك عشتن تقدري تقاومي الكبد

عرض الكل 16 نصيحة

Pistachio_29992 🇪🇬

منذ شهر واحد

شعور مكتئب

موضوع:

حد عاني من اهله قبل كده؟

ماما مش كويسة إطلاقا معايا عمرها ما حاولت تفهمني من صغري كانت بترميني للناس و تكسل ترجعني خلتني أربي أختي و أنا ٨ سنين و أعملها كل حاجة حرفيا تعبتني معاها و كانت بتطلع كل الكبت اللي جواها فيا لغاية دلوقتي صعبة جدا معايا و و شافتني بنتحر بتقولي سرحي شعرك الأول عشان متكسفنيش و انت عايشة و انت ميتة و ب

Hazelnut_52786 🇪🇬 ربنا يصبرك علي ما ابتلائي يا رب خليكي قويه . وربنا يعدي بيكي المحنه دي علي خير . ويعوضك خير عن كل ما حدث .

عرض الكل 4 نصيحة

Cookies_35975 🇸🇦

منذ شهر واحد

شعور متحمس

موضوع:

كيف هتربو اولادكم ؟

من اكتر الأسباب الي عايزه أتجوز عشانها هي اني اخلف مفيش طريقه معينه هربيهم عليها غير طبعا على الطريقه الي ربنا قالنا عليها بس مش هحرمهم مني و لا هخليهم يخافوا مني هخليهم يحسوا إلي أنا كان نفسي احسوا مع اهلي هعيشهم العيشه الي أنا مقدرتش أعيشها

Blueberry_52260 🇪🇬

منذ شهر واحد

شعور مرتبك

جامعه هو ايه سبب ان انا اتعرضت لحاجات كتير اوي وانا صغيره ( زي تنمر و عنصريه و أهلي مش بيقعدوا معايا ) و حاجات تانيه مش مهم اقولها يعني عشت طفوله مش حلوه و مكنتش بحكي لاي حد اي حاجه كانت بتحصلي كنت بحتفظ بيها لنفسي ، المهم انا بحس ان الحاجات دي مش مأثره عليا يعني ممكن مأثره بس ف اني هاديه شويه بس ي

Cookies_35975 🇸🇦

منذ شهر واحد

شعور مستنزف

موضوع:

هل تعرضت للتحرش من شخص كنتي تحسبيه شخص كويس ؟

كان عندي 14 سنة و هو حد من عيلتنا كان بيعمل عملته و أنا نايمه فضلت أوهم نفسي اني بحلم و ان ده مش حقيقي اصل مش معقول الشخص ده يعمل فيا كدا معروف عندنا أنوا شخص كويس جدا لحد ما في يوم اتاكدت ان ده مش وهم و ان ده حقيقي قعدت فترة مقفوله من الشخص ده و مش عايزه أتعامل معاه و بخاف منوا لحد معرفش ايه الي حص

Avocado_51186 🇧🇭 بصي طبعا هو عملك عقدة نفسيه هتفضل معاكي فترة طويلة وخوف من كل الرجاله اللي بتتعاملي معاهم حتي القريبين منك بس انتي حاولي علي قد ماتقدري تتعايشي ومتخافيش من حد لأنك خلاص بقيتي كبيرة وتقدري تدافعي عن نفسك غير الاول كنتي لسه صغيرة والموضوع مش مفهموم بالنسبالك ولو عرفتي تروحي لدكتور نفسي تتكلمي معاه هيكون اكيد احسن ليكي ان شاء الله

عرض الكل 3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع