تروما

Strawberry_73444 🇪🇬

منذ 12 ساعة

شعور محبط

انا عمرى 23سنة لما كان عندي 21سنة وشهور كان ليا واحدة قربتي سعدتها كتير اووووي وقفت جنبها ف الوقت الي اخواتها سبوها خالتني عملت قروض ليها وف الاخر اخد الفلوس وهربت واعلي عرفوا ان عملت قروض من وراهم... طبعا دفعو جزء كبير من الفلوس ودلوقتي عليا فلوس.. ومش عارفة اتصرف ازاي والمشكلة الاكبر عندي واللي اه

Avocado_73427 🇪🇬

منذ 16 ساعة

شعور لا مبالٍ

موضوع:

عندك مشكلة في التعبير عن مشاعرك؟

مش ديماً بشوف ان المشكله ف التعبير او المصطلح الي يوصفها احنا ديماً بتكون مشكلتنا الاساسيه هى اننا نفهم اي المشاعر دي نفهم الي بتحسه دا واي حقيقته هل ده خوف او تروما من حاجه قديمه خلتنى احس كدا ولا دي مشاعر حقيقيه

Carrot_73142 🇪🇬

منذ 3 أيام

شعور محبط

Croissant_73217 🇪🇬 فاهمه قصدك بس دي دنيا

عرض الكل 6 نصيحة

عبّر عن شعورك بشكل مجهول

كنت قريت وسمعت ان الطريقة الوحيدة لتخطي التروما وانك تحصل علي خاتمة closure أخيرا
انك تواجهها متهربش منها وتتكلم عنها مع حد ولو تقدر تواجه الشخص اللي اتسبب فيها من  غير ما تنتظر منه انه يعتذر او يعترف انه ظلمك
انا شاب ٢٤ سنة لسه محبوس في الفترة ١٢-١٦ سنة من تجارب قديمة مؤلمة 
نفسي اتجاوزها
نفسي اتكلم عنها واتسمع
مش هقدر اروح لدكتور نفسي
دخلت موقع من المواقع اللي بتكلم فيها مع غرباء
كلمت بنت جاهلة عندها ٢٠ سنة كنت فاكر انها فاهمة ازاي موقف بسيط ممكن يدمر الانسان ويأسره في سجن افكاره معندهاش بربع جنيه تفهم ولا انها تجرب تحط نفسها مكان الشخص اللي بيتكلم
حكتلها و غلطتني وقالتلي البنت معاها الحق انها تعمل فيك كدا
الكلام دا دمرني اكتر
علشان كدا مينفعش نكلم حد معندوش تجارب ونطلب منه نصيحة او انه يواسينا
انا مكنتش عايزها تطبلي
انا بس كنت عايزها تقولي اني غلطان بس مكنتش استحق انه يتعمل فيا كدا
مش فاهمة اني بحاول اقنع نفسي بكدا بالعافية ومحتاج اسمعها من حد من برا بس حاسس انها انحازت لجنسها وحطت نفسها مكان البنت بدل ما تحط نفسها مكاني والاستحقاقية اللي عندها خلتها تشوف دا تصرف سليم
حسبي الله ونعم الوكيل فيها وفي كل شخص قاسي مبيفكرش كويس قبل ما يتكلم او يتصرف
لو حد محتاج حد يسمعه او عند وقت يسمعني ياريت نتكلم وياريت ميكونش غبي وجاهل وبيحب يطلق الاحكام كانه احسن انسان ربنا خلقه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_73001 🇪🇬

منذ 4 أيام

شعور غير مكتمل

مبقتش قادره احكي ولا اكلم بقيت بكره كل الناس و كل الي بيحبوني بكرهم كلهم بقيت مبثقش حد حتي نفسي كرهت الصحاب و الاهل و الدنيا كلها بحاول ابق كويسه بس انا منكتر الكتمان بنهااار قلبي وجعني من كل الي اذوني بق عندي تروما من العلاقات و الناس و الاهل و العيله 🥺

Coffee_70175 🇪🇬

منذ 4 أيام

شعور متعب

جماعة انا عندي حاجة غريبة كدا دايما جسمي واجعني حرفيا ول اكني مضروبة ومصدعه جدا دايما وزي ما يكون طوبة على قلبي مخنوقة منغير سبب ، خايفة يكون حسد لاني عانيت بشكل مش منطقي مع الحسد وحوارات دي واثرت على مستويا في تالته حرفيا كنت بعيط ايام من كتر منا مش قادرة اذاكر ( مع العلم مستويا كل سنين دراستي عالي

French Fries_32968 🇪🇬

منذ 6 أيام

شعور متوتر

كنت سمعت دكتور نفسي بيقول ان المريض النفسي أو الي عنده اكتئاب أو تروما مش هو الي بيبقي محتاج يتعالج الي بيبقي محتاج يتعالج هما الي وصلوه لدي ودي من اكتر الجمل الي لفتت انتباهي بجد وخلتني افكر تاني باتري كلامه صح فعلا ولا اي بس هو فعلا كلامه صح مننكرشي أن في مرضي نفسيين ومكتئبين وناس عندهم تروما

Mango_65087 🇪🇬

منذ أسبوع واحد

شعور عاطفي

حبيت واحد اعلي مني في الطبقة المادية و اتعلقت بيه طلع شايف نفسه علشان حلو و معاه فلوس و شايف ان انا مستاهلهوش و بلكني (جابلي تروما و ثقتي في نفسي بقت٠)كل يوم بسأل نفسي ليه مشي هل انا شكلي وحش طب انا وحشو من جوايا و لا يمكن علشان ظروفي مش قد كدا أو يمكن انا متحبش

Cherry_71804 🇪🇬

منذ أسبوع واحد

شعور مرتبك

هاي صباح الورد ي ورود انا بنوته عندي 18 سنه حالتي النفسيه مؤاخرا مش احسن حاجه.. انا عموما مثقفه جدا وبحب القراءه وقراءت حجات كتير.. عن علم النفس وعلوم الجسد والفلك والسحر والطب النفسي حرفيا مخلتش حاجه... مؤاخرا اكتشفت اني عندي تروما بسبب حوادث ف طفولتي مع اهلي واني عندي صراع نفسي ومتلازمه چوسكا اللي

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Plum_71369 🇪🇬

منذ أسبوع واحد

شعور مكسور القلب

Tofu_64726 🇪🇬 مش عارفه اقولك غير ادعي ربنا بعوضك خير ويريحلك قلبك ابعدي عنه وخلي الايام تندمو

عرض الكل 8 نصيحة

عبّر عن شعورك بشكل مجهول

اتعرفت على حد قريب وما كملناش ٣ أسابيع مرتبطين وفي يوم فجأة اختفى، بعد يوم رد وقالي إن عنده مشاكل وهيبقى يحكيلي، استنيت يوم واتنين وتلاتة علشان ما اضغطش عليه او اضايقه فمكنتش بزن، لحد ما في يوم لقيته اونلاين على الفيس، ففضلت ارن عليه كتير جدًا بس ما ردش، فضلت أحاول لمدة أسبوع أوصله لأني قلقت عليه لا يكون عنده حالة وفاة ولا حصل حاجة كبيرة
بس هو عمره ما رد عليا وعدى شهر أنا نفسي أعرف السبب مع إن قبلها كنا بنتكلم في إنه هيتقدم وهو اللي عرض عليا مش أنا لأننا كنا نعرف بعض من بعيد بقالنا حوالي ٦ شهور قبل ما الموضوع يتطور ونحب بعض، وكنا حرفيًا في أسعد لحظاتنا 
نفسي أفهم ليه عمل كدا نفسي بس أعرف، حظي عمومًا في الحب وحش جدًا 
كل ما الاقي حد كويس تطلع أوهام وإنه مجرد تمثيل علشان اللي قدامك يحبك لكنه كله كذب
هو كان عنده تجربة وحشة مع واحدة حبها جدًا جدًا وخانته بطريقة بشعة
فكرت فهل ممكن يكون عنده تروما وخاف لما لقى الموضوع جدي
بس ليه ما قاليش احنا متعودين بنتكلم في كل حاجة ومفيش حاجز بينا
وحشني جدًا ذكرياتي معاه كانت جميلة جدًا ومبسوطة إني عشت مشاعر طيبة وصادقة زي دي، كان نفسي بس تكمل أكتر من كدا وكان نفسي أشوفه تاني واكلمه لمرة أخيرة
زعلانة منه أوي بجد...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_69403 🇪🇬

منذ أسبوع واحد

شعور شاعر بالملل

موضوع:

عرفت تنساها او تنسيه

اه عرفت مكنتش متخيله اجت متأخر فعلا بس الحمدلله معتش بحكي عنوا أو معتش بحكي زي الاول بس مع كل تروما كل حاجه كل خذلان حي لو من يوم وحش برجع اعيط و افتكرو أنا بعد خمس سنين نسيتوا شويه بس الفكره أنا معتش فكره ملمحوا معتش وانا نزله من البيت بهتم بنفسي عشان ممكن اشوفوا صدفه معتش في حاجات كتير اوي

Strawberry_71040 🇪🇬

منذ أسبوع واحد

شعور قلق

حاليا انا كان دائما بيجيلي anxiety attack ( نوبة قلق ) كل شوية بس كانت بتحصل لما اكون مع العائلة أو بفكر لوحدي ، أو برا البيت بس كنت بعرف اتعامل معاها الموضوع دة من و انا صغيرة جدا حاليا بعد ظهور بعض الناس على حقيقتهم في حياتي بقى فيه عندي heart attacks و panic attacks بس من يومين كنت خارجة مع

Avocado_70890 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

من فترة كبيرة دخل حياتي شخص وأنا حبيته أوي لاني حسيت بالأمان معاة و كنت فرحانة بوجوده ف حياتي بس احنا كنا ساعتها ف 2 ثانوي لحد ما ف مرة لقيته دخل كلمني ساعتها معرفتش اتصرف ازاي لان مكنتش حابه يكون ف كلام ما بينا واحنا ف الوقت دا المهم ف الاخر اتكلمنا?😂? بس اتكلمنا فتره صغيرة أوي  كان كلامنا عباره عن ازيك وبس وكنا مثلا بنتكلم ف الدراسه وكدا وكمان كنا بقطع يعني كنت بقوله حرام نتكلم وكدا نقطع ونرجع كان ف كام حد من صحابي القرييبن عارفين لان صراحه كنت بخاف اتصرف معاه ازاي يعني مكنتش عايزة احسسه اني مش عايزة لشخصه بس أنا مكنتش حابه كلام ف وقت دا ف كنت بتكلم مع حد من صحبتي القريبه بس لما قولتها قالتي ازاي وازاي يعمل كدا عمره م كلم بنات ف حسيت بالذنب اني حكيتها ساعتها?😂? المهم هي قالتلي ان هو كان ع علاقه بحد بردو من الدفعه بس دا من زمان أوي والبنت هي اللي كلمته وهو كرفلها اسكت انا؟ دخلت واجهته بالكلام دا😂😂? من ساعتها وعلاقتنا مبقتش واثقه فيه لحد ما قطعنا خالص كلام وأنا الصراحة حاولت معاة اكتر من مرة لاني زي ما قولت هو الشخص الوحيد اللي حبيته  و حسيت معاه بالامان وكنت حاسة ان دا الشخص اللي ينفع اكمل معاه حياتي وانا مطمنه لاني عندي تروما من الرجالة عموما😂? ?وشوفته راجل من الاخر دخل حياتي كذا شخص بس أنامحبتش حد منهم دلوقتي مش بنتكلم وعدي وقت كبير أوي بس أنا لحد النهاردة أنا منستهوش ولا خليت حد ياخد مكانه ومش شايفه غيره  اعمل اي عشان اعرف هو ظروفه اي او الفت نظره ازاي عموما هو انا حاسه ان هو بيراقب من الانستا عشان دي الحاجه الوحيده اللي كننا بنتكلم منها انا اسفه اني طولت بس عشان لما حد يديني رد يكون فاهم اي اللي حصل وشكراَ❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_69465 🇪🇬

منذ أسبوعين

شعور لا مبالٍ

للتوعية** الtrauma reenactment هي لما الضحية تعمل نفس السلوك الي عمله الجاني عشان العقل بيحاول يفهم التروما، زي مثلا الضحية اكس كان الجاني بيجبرها تشرب لبن مثلا ولما كبرت بقت تجبر نفسهل تشرب لبن بالرغم من كرهها له، مريتوا بموقف مشابه؟

Pineapple_25373 🇪🇬 انا سمعت عن الموضوع ده بس مشفتوش قدامي او مريت بيه

عرض الكل 2 نصيحة

Mango_68592 🇪🇬

منذ أسبوعين

شعور آسف

عبّر عن شعورك بشكل مجهول

بجد انا مش بخير من وقتها وانا مش بخير ٦ سنين عدوا وانا مش بخير حتي الحزن كاتم علي نفسي وتقيل علي صدري انا حتي مبقتش اقدر اعيط .. كل حاجه مدمرة علاقتي بربنا واهلي نظرتي لنفسي دراستي شغلي كل حاجه وحشه ده سببه حاجتين التروما بتاعة الزفت الثانويه والاعتداء اللي حصلي وانا صغير اللي خلاني مش انا خلاني حرفيا مريض نفسي ب انفصال ف الشخصية حرفيا انا بعيش بشخصيتين مختلفين تماما بيحاربوا بعض بيكرهوا بعض كل واحد من ماشي ف طريق وده شعور لوحده وصلني لمحاولة الانتحار كتير المشكله اني مكنش فيه اي مشاكل ظاهره عليا ولا مأثره فيا لكن من بعد الصدمات اللي ختها ف الثانويه وبدأت رحلتي مع الجحيم حرفيا كل حلو كان فيا مات مع حلمي بس انا مش عارف فين المشكله انا كل حياتي مشاكل من طفولتي اللي كلها كمية ناس حقيرة بيستغلوا جسمي وسفرنا لمكان بكرهه كله مشاكل وضيق وخنقه لجحيم الثانويه وكسرتي لما عيشت ٤ سنين ف كليه بكرها من اول لاخر يوم لميولي الحقيرة اللي مدمره كل حلو ف حياتي ومسيطره عليا مش عارف مشكلتي فين هي كل حاجه وحشه مش عارف انا مضايق من اني مش عارف انا مين فيهم المسقيم ولا المنحرف ولا مضايق اني معملتش اي نجاح ف حياتي اصحابي كلهم عملوا اضافه علمية عظيمه ومكانه اجتماعية اللهم زد وبارك الا انا اللهم لا اعتراض انا اكتر واحد تعبت واتعذبت فيهم كله شاف انا ضحيت بصحتي وكل حاجه في الدنيا عشان اوصل بس انا الوحيد بينهم كلهم اللي موصلتش أنا الوحيد اللي اتقهرت انا الوحيد اللي ولا حاجه دلوقتي وسطهم بقيت عادي وانا اللي سعيت اكون مش عادي دكتور وشاطر وبيساعد انا كان نفسي افرح طيب سيبك من ده بس انا بعد كده اتمنيت كزا مره وكل مره اتقهر انا ليه مافيش اي حاجه عايزه تفرحني مش عارف انا كتبت كل ده ليه ومش عارف انا عايز ايه بس انا عايز حد معايا حد بيحسسني انه موجود عشاني حد يشاركني يكلمني يهتم بيا حد يساعدني انجح واحقق واخف مش عارف انا ليه محتاج حد انا كنت قوي لوحدي وبنجح لوحدي ليه بقيت محتاج وضعيف...💔
#Not_Me

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_22069 🇪🇬

حاسة بخنقة وبتمني اموت بس مش بعرف افضفض

حاسة بقالي فترة كبيرة بضغط غير مبرر وشعور بالخنقة حرفيا حاسة اني عايزة اختفي لا اموت ولا اتخطف مثلا بعد الشر لا اختفي وكل ذكرياتي في عقول القريبين تتمسح وكأني لم أكن خالص انا عرفت اني زمان ونا بتولد الحبل السري كان ملفوف علي رقبتي وكدة انا لوقتي نفسي اني كنت محدش لحقني انا حرفيا بقعد اقول انا بكره كوني بني آدم وبقعد اعيط واقول لربنا ان ده مش اعتراض بس تعب ومش لاقيه حد اقدر افضفضله انا بحب اهلي وكل حاجة بس مش بعرف افضفض اصلا انا اتربيت علي الخوف من كل شئ مش من اهلي لا من اللي برة البيت ايا كان هو ايه وتربيت علي الخوف من اللي جي دا خلي شخصيتي ضعيفة جدا وانا خلاص هتم ال ٢٣ سنه بس حاسة ان شخصيتي مشوهه حرفيا حاسة بخنقه وبتمني اموت بس في نفس الوقت انا مش بحاول اعمل اي حاجة تخليني اموت فعلا عشان مش هتبقي دنيا وآخرة كمان ...عرض المزيد

0 الدعم

0 نصيحة

Banana_69853 🇪🇬

أنا بنسي كتير وعامله ليا أزمة

انا بقيت بنسي كتييير و عامله ليا ازمه لدرجه اني الصبح و انا رايح الشغل باخد ساعه بدور علي حاجتي الشخصيه الاقي التليفون انسي المفاتيح الاقي المفاتيح الحمدلله و خلاص طالع من البيت احمدك يارب انسي الشاحن لاني نسيت احط التليفون علي الشاحن من بليل ارجع تاني اجيب الشاحن اتأخر علي الشغل المحفظه🤦🏻 وها كذا دا روتين كل يوم حتا و انا ماشي في الشارع لو قابلت واحد اعرفه و اتكلمت معاه شويه انسي انا كنت عايز اي و في مناسبات ببقي معزوم عليها ينساها و في ناس كتير بتزعل مني بسبب كدا و ممكن يكون واحد بيحكيلي حاجه و بيكلمني و بعد شويه اسأله انت كنت بتقول اي مكنتش كدا خااالص و بحاول بحاول بجد اتخلص من الموضوع دا مش عارف و حاليا مش لاقي مفاتيح الشغل هعطل ناس كتير الصبح عن شغلها بقالي ٣ ساعات بدور عليها الحمدلله المشكله ان دا طبيعي و مش بشرب حاجه و لا بتعاطي حاجه عندي مشاكل ؟ عندي محيط مشاكل في حياتي و كل يوم واحد يجي يقعد معاك بحكيلك مشاكله و المطلوب منك انك تسمعه و اقسم بالله ببقي نفسي اسمعه و احل معاه بس انا مش معاه اصلا ببقي في كوكب تاني يا جماعه الحياه مشقه و ربنا يخرجنا منها علي خير ...عرض المزيد

0 الدعم

0 نصيحة

Apple_51831 🇪🇬

ليه بقيت مباحسش بمشاعر تجاه أهلي؟

بقيت بحس اني مش بحب لا امي ولا ابويا، ومبقتش اشوفهم حاجه كبيره او حد المفروض احترمه، وبتبسط لما بعند معاهم ومنفذش الي هما عايزين اعمله، مش بتخانق معاهم وبتجنب ادخل معاهم في اي حوار او نقاش لغاية مابقوا دايما يقولوا عليا بارده ومعنديش مشاعر. بس انا نظرتي ليهم بقت مختلفه من كتر ما بقيت اعرف عنهم حاجات واشوف حاجات بعيني خلتهم يقعوا من نظري، اني مثلا عرفت ان ماما وهي متجوزه بابا كانت بتكلم اتنين رجاله وبتبعتلهم صور ليها بلبس مكشوف وملحقتش تكمل في علاقتها معاهم لأن بابا عرف، وقالها مش هقول لحد لكن قال لأهلها ف سابتله البيت ومشت. هي وقعت من نظري لأنها اكيد مش هتقولنا حاجه زي كدا لكن في نفس الوقت طول عمرها تقول ان ابونا ده اسوأ راجل هي عرفته في حياتها وتقول فيه كلام كتير وحش وانه كان بيعاملها وحش ونرجسي طب زي ما هتخبي الجزء الي غلطتي فيه قولي على الاقل حاجه كويسه فيه او امدحي فيه مره، وبابا كمان وقع من نظري لأنه وعدها وخلف وعده لما قال لأهلها ، ووراني فيديو ليها وهو بيصورها وبيسألها على التفاصيل وكانت بتقول ايه مع الرجاله دي وبتبعتلهم ايه وانا شايفه امي في الفيديو ضعيفه وبتقول انا محتاجه دكتور نفسي وهو يقولها من ورا الكاميرا قولي الحقيقه وبطلي حركات الجنان الي كنتي بتعمليها وهي تعيط وتقوله هتضربني؟. وحتى بعد انفصالهم ب كذا سنه كانت تاخدنا عند بيت واحده صاحبتها ك "زياره" وصاحبتها دي اخوها موجود في البيت واتاري بقى ان اخو صاحبتها ده هو الي صاحب امي وهي رايحه تزورهم ونبات عندهم يومين عشان تقعد مع الراجل ده من غير حجاب ويقعدوا يهزروا ويتكلموا واجي انا طفله وعشان متربيه جدتي الي ربتني ربنا يرحمها ويغفرلها بسأل ماما انتي ليه ياماما قاعده قدام الراجل ده بشعرك عادي؟ تقولي عادي ياحبيبتي ده ازاي ابن خالتي، وانا بردو مقتنعش بالاجابه ماهي بتقعد قدام ابن خالتها بالطرحه وحتى لو مين واتاري اصلا ده بقى المحامي بتاعها وكمان مسيحي. ،وعموما ده بس الي انا شوفته بعيني . وبابا بقى الي يجيب شهود زور يتبلوا على امي في المحكمه، ولا انه كان عايز يحبس امي 3 سنين عشان فكرت تتجوز بعد ما انفصلوا لكن طلعت براءه. ولا بقى ماما الي من وانا صغيره مهمشاني ولا كأني بنتها كل همها اسمع الكلام واذاكر واصلي، ولا شوفت يعني ايه حنان هي السبب ان مشاعري مش موجوده اصلا، ولما كبرت شويه بقت تضربني اكتر بس عشان تطلع غلها فيا، وتهزيق وشتيمه وتقل مني وقدام الناس ولا يفرقلها وتضربني قدام صحابي وقدام قرايبنا وفي الشارع، وتمسكلي السكينه تخوفني بيها،فعلا كنت بحس انها بتكرهني، ولغاية دلوقتي ومع ان ضربها ليا قل لأني مبعملش مشاكل وبريحها مش اكتر، ف انا لسه شايفه انها مبتحبنيش وان دايما هي انانيه، يمكن تكون بتحبني لكن انا مظنش. بابا بقى كدا كدا هو مش راجل طبيعي وانا بحس ان عنده مشاكل نفسيه، لكن انا بشوفه كل شهر مره ولما بيشوفني بيعاملني كويس يعني عمره مازعقلي ولا عاملني وحش لكن مين يعرف مايمكن عشان ميعرفش عني حاجه وكل الي بقولهوله بذاكر كويس وبحفظ قرآن ف هو مرتاح، او يمكن عشان مش عايشه معاه ف عمري ماجربت اني معملش الي هو عايزه ف يوريني الوش التاني انا حكيت كل ده عشان تعرفوا الموضوع من الناحيتين ف محدش ييجي يقولي دول اهلك دول الي عملوا وعملوا وعملوا وبقت اكبر مخاوفي ابقى زيهم ونفسي يبقى عندي عيال ابقى قدوه ليهم واحسسهم بكل حاجه حلوه والي انا محستش بيه واضطريت ادور عليه من برا كتير لحد ما اتحرقت ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع