انا بنت عمري 21 سنة مريت بتجربة وحشة في طفولتي و انا عندي حوالي 8 سنين ابن عمتي اكبر مني بحوالي 11 سنة اتحرش بيا كتير جدا و المشكلة ان مخي كان ناسي كل التفاصيل دي و ماسحها تقريبا دي النظرية العلمية اللي بتقول ان العقل بيمسح اي ذكريات مؤلمة لحد ما وصلت لسن 16 سنة و بابا خطبني لواحد و قتها كنت بنوتة مكلمتش شاب ولا مرة في حياتها و عندي حياء كبير جدا و المهم ان الشخص اللي اتخطبتله كان ديما يطلب مني اني اقول كلام حب و انا ديما كنت بقول ان دا ميصحش و اني مش هذور في مشاعري انا لسة عرفاك من اسبوعين ازاي احبك بالسرعة دي المهم كنت بشتكي لأهلي و كانو ديما يغلطوني و يقولو دي كلمتين مفهاش حاجه يعني خليكي ناصحة و اكسبي قلبو المهم للاسف صدقتهم و اقتنعت انهم صح و ان انا غلط و قولتلو كلام حب و هو استغل الكلام و فتح سيرة كلام وحشة اعتقد كلكم فهمتوا المهم انا دخلت في حالة صدمة و قرف منه و من الرجال. و قرف من نفسي و حسيت اني انسانة مقرفة مع العلم اني مجريتهوش بس الفكرة اني بس سمعت نبرة صوتو و الكلام القذر دا و وقتها لقيت ذكريات ممسوحة بترجعلي من تاني افتكرا كل حاجه ابن عمتي كان بيعملها معايا و دخلت في حالة صدمة اكبر و بقالي 5 سنين مش قادرة انسى و نفسيا مدمرة و كمان افتكرت موقف اني كنت 11 سنة و اضطريت اني انام جمب بابا افتكرت اني لما كنت طفلة ضعيفة من كتر خوفي من اللي ابن عمتي كان بيعملو كنت نايمة جنب بابا و ماسكة جسمي خايفة بابا يتعدى عليا يعني تخيلو الطفلة دي كانت خايفة قد ايه حتى من والدها و اللي جارحني اكتر ان اختي الكبيرة كانت بتقول لبابا ان ابن عمتي بيحاول يتحرش بيها و انها في مرة كانت عند والدة بابا يعني جدتي و امي نايمة عندها شوية و اختي شافت ابن عمتي بيلمس جسم امي و بابا معملش اي حاجه و انا جارحني ان بابا مقدرش يحميني مش عارفه اعمل ايه

6

22