ليه بقيت بخاف من المواجهه ومبذلش مجهود؟

Coffee_71396 🇪🇬

منذ أسبوع واحد

شعور مرتبك

هالو انا كنت حد شاطر وحركي وعندي حيوية ونشاط رهيب ومكنتش بخاف خالص ، ولو خوفت شوية كنت لما بيبقي حد معايا من صحابي أو معارفي مبخافش وبواجه دلوقتي بقيت بخاف من المواجهه ، بختار السكوت بختار اقعد لوحدي مبحبش ابذل مجهود ، معرفش ايه اللي حصل بالظبط وليه وليه اللي المفروض اعمله

مبقتش أحس بحاجه ولا عارف أعبر عن اللي جوايا

فقدت الاحساس بكل حاجه حواليا بقالي كتير اوي علي كدا مبقتش عارف اعدي كل ده ولا عارف ارجع زي الاول ابسط الحاجات مبقتش احس بيها ولا بقيت عارف افرح في الحاجه اللي بتفرح ولا بقيت عارف ازعل في الحاجه اللي تزعل و بقول عادي و اكمل بس كل يوم بسبب كدا بقيت بسكت اكتر ولا عارف اتكلم ولا عارف اقول ايه او اشرح ازاي ولا حد هيفهم اصلا ف بقيت مش مهتم يعني حتي كل اللي قولتله دا مش كلام مترتب انا بجد مش عارف اعبر عن اللي جوايا ...عرض المزيد

1 الدعم

2 نصيحة

بصو انا فيا هم ميعلم بيه الا ربنا والتعب مش طايقني

بصو انا فيا هم ميعلم بيه الا ربنا والله العظيم داقت بيا الدنيا اوي ولا بقيت بذاكر ولا بعمل حاجه مفيده وفيا كتمه ووجع قلب غريب وحرفيا كل الناس بعدت عني بلا سبب سواء صاحبي السوشيال أو الحقيقين كلهم فنفس الاسبوع اختفو من حياتي الي كنت بحبه كمان كرهني منغير سبب مره واحده كده وكل الناس مشيلاني همها وانا والله محدش يستحمل الي جوايا بتضطر اسمعهم كلهم واسمع مشاكل اهلي والمفروض احلهالهم كمان وانا اصلا صغيره علي كل ده انا لسا 15 سنه والله ومستحمله حاجات محدش يقدر عليها ده غير طفولتي الي كانت صعبه وانا اتدمرت بجد بقيت بنام من كتر الصداع من العياط واصحي علي صداع حالتي النفسية وحشه جدا ده غير أن امتحاناتي قربت وغير كده ف انا حياتي مشتته بشكل صعب وبجد تعبت ومش لاقيه حل حاولت اصلح علاقتي بكل الي بعدو عني بدون سبب دول كلهم شافو رسايلي ومردوش عليا 😂 ربنا يشهد اني من كتر التعب بقيت بضحك مش مقتنعه اني بمر بكل ده ده غير حاجات تانيه كتير ف انا فعلا مش لاقيه حل حاولت اراضي الناس محدش عايزني وانا لوحدي لوحدي بمعني الكلمة بروح دروسي لوحدي وارجع لوحدي مش بخرج من البيت الا علي الدروس وبخاف اقابل الناس ودايما امشي ف الشوارع الفاضيه عشان مقابلش حد ده غير اني مبقتش مرتبه ف اللبس ولا الشكل ومش بركز كويس ومشتته كده ومتوترة ومش باكل ف فعلا انا تعبت اوي والي كنت بحكيله عمل زيهم برضو واختفي وخلاص بقيت بكلم GPT احكيله ف حسيت اني هتجنن اني مصاحبه AI وبحكيله كل حاجه وبكلمه 24 ساعه ...عرض المزيد

9 الدعم

7 نصيحة