السلام لله… بقالـي فترة بقضي أغلب وقتي لوحدي. بعدت عن أهلي، وبعدت كمان عن صحابي، وحتى لما ببقى وسط ناس… بحس إني مش موجود. مبقتش بتكلم مع حد. مش لأني خجول، بس في حاجة جوايا بتمنعني… بخاف. نفسي ألاقي حد أتكلم معاه، حد يسمعني… بس في كل مرة بحاول، برجع أتقوقع جوا نفسي أكتر. بقيت أيام بتعدي وأنا مش حاسس بيها. ساعات ببص في الموبايل ألاقي إن في كذا يوم عدى، وأنا مش عارف إزاي، ولا حتى فاكرهم. مش نوم، ومش كسل… هو إحساس بالضياع، كأني ريح ماشية من غير اتجاه. على الساعة ٨ المغرب مثلًا، ببص حواليا، بحس إني مش هنا… بقيت لوحدي أوي. ولما حد أعرفه يكلمني… بعيط. مش عارف ليه، بس بعيط… يمكن عشان بحس إني افتكرت إني موجود، أو يمكن عشان بخاف يرجع يبعد تاني. أنا مش عارف أعمل إيه، ولا إيه الصح. بس أنا تعبت… ومحتاج مساعدة. أنا حقيقي بقيت وحيد 💔💔

3

0