خوف

Avocado_67333 🇪🇬

منذ ساعة واحدة

شعور قلق

أنا اما بلاقي فيديو او حكايه عن شئ مرعب غريب مختلف جن أو انس بحس بنشوه غريبه معاها طبعا رعب وخوف لكن لحظات الخوف الحقيقيه اللي بحس فيها بحاجه مش عارف اوصفها بحس الدنيا ضيقه ومفيش امل لحد .. كله في ايد قوي شريره وازاي كنا بنحلم سواء فرد أو بلد أو دوله أو عالم كامل بحياه افضل

Strawberry_67493 🇪🇬

منذ 3 ساعات

شعور غير مكتمل

صباح الخير انا مش عارفه ابداء حياتى ازاى ٢٥ سنه حرفيا انا مش بعمل حاجه غير البيت واخواتى طبعا اهلى منفصلين وانا الكبيرة بس من كتر ما انا بحس انى خايبه بخاف اتعامل مع الناس بس حسه انى خلاص بجد واقفه مكانى مش بعمل حاجه معنديش شغلى الخاص وعلاقتى كلها فشله واغلب الوقت بقابل ناس مش كويسه نهائى بسب عدم خب

Potato_64725 🇪🇬

منذ 4 ساعات

شعور مرتبك

صباح الخير عندي سؤال دلوقتي هل حد دخل ف ازمه انه بقا وحيد مش غريب ولا قريب من الناس وخرج منها لان واضح ان انا من ساعه ما بقيت كدا وانا مش عارف لا اخرج ولا اتعامل ولا اتكلم ولا اي حاجة بقا موضوع كانه عادي واي مشكله اما مبقاش بتكلم ولا ابقي بتناقش مع حد وبقيت بخاف اتكلم ف هل حد دخل ف ازمه دي وخرج ولا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Potato_67396 🇪🇬

منذ 7 ساعات

شعور متوتر

عبّر عن شعورك بشكل مجهول

حابب اقول حاجه مهمه وحقيقه علميه يمكن تساعد حد وتفرحه وتعطيله الامل ونا اصلا طبيب لاكن تخصص غير النفسيه المهم 
دلوقتى بقت المتاعب النفسية زى الخوف والرعب والقلق والحزن وعدم السعاده والهوف من الموع والمرض ووووووالخ 
اثبتت الابحاث انه اكبر متسبب ف جيلنا هوا الشاشه الى بين ايدك دى والمعرفه للاخبار وكبعا م اكتر الاخبار المخيغه والمرعبه عايز اقولك ان انا زيك بالظبط بترعب وبخاف وجاى اضطراب قلق وخدت ادويه ومكنتش بنام ولما انام تحصلى نفضه مرعبه وووالخ 
لاكن حااابب اطمنك انت مش مريض نفسي ولا مريض اكتئاب ولا هتموت نفسك ولا هتتجنن ولا هتنتحر ...انت بس مجهد نفسياً جهازك العصبى السيمبثاوى مرهق ...مخك وعقللك شبعو خوف وادرينالين وكورتيزول ....انت طبيعى وسليم ومش مريض ولا فيك اى حاجه انت محتاج تغير اسلوب حياتك وتنشغل عن الموبايل وخد يا عم اى دوا بسيط يساعدك تنظم السيرتونين فى مخك ومتقلقش مفهوش اى خطر ولا ضرر الى عايزك تعرفه ان الدوا بيساعد بس مش هوا العلاج زى لما رجلك تتكسر بتمشي بعكاز فتره بسيطه عشان تساعدك بس انما بعد كده بتمشي على رجليك عادى ....ف الى اقصد اقوله غير اسلوب حياتك الى اصلا كان سبب ف تعبك ..غير مفهومك اتعلم المفهوم الصح والحقيقى ...الخوف والقلق كذبه انما الاتكال على ربنا هوا الحقيقه ..
لو قعدت تنشف الارضيه من الميه وسايب الحنفيه مفتوحه ..عمرها م هتنشف ....اسمع كلامى سيب الموبايل ونام كويس انشالله تاخد منوم ف الاول يظبطلم ساعتك البيولوجيه قلل عاداتك الوحشه صلح نفسك ....صدقنى كده انت بتقفل الحنفيه والارضيه هتنشف وحدها ...صدقنى مخك اذكى مما تتصور وكلامى ده علم وابحاث وطب وتجارب لناس حقيقيه 
صدقنى انا فاهمك وعارف انت مرعوب اد اى بس كله وهم عاىف ان رجلك وايدك بيترعشو عارفك بتبكى عارف بتصارع الليل كله خايف ومرعوب عارفك دخلت ف نوبات هلع عارف عارفك منمتش ليك ايام عارفك بتاخد منوم عارفك جسمك طول اليوم مرعوب عارفك قلبك بيدق بسرعه وبتاخد اندرال عارف صدقنى وكل ده هيتحل ببساااطه شديده وحل نهائى وجذري ....
مشكلتى هيا اضطراب قلق ومش بعرف انام والنوم عندى ارتبط بخوف ولما بنعس بس بخاف وجسمى بيتنفض وبترعب جدا ..فلى عنده تجارب مشابهه بنفس المشكله والحمدلله شفى تماماً ورجع طبيعى ومطمن وعايش فى سلام يشارك معايا ونشجع بعض ويقول حلها ازاى وبقي طبيعى فد اى مش مهم المده المهم كل يوم فيه تحسن عشان اى حد يكون عنده نفس المشكله نطمنه ونقوله اطمن متخافش انت كويس انت بس مضغوط نفسياً 
يريت نراعى ان البوست ده غرضه ايجابى وتحفيزى ونشجع بعض ونطمن بعض 
وملحوظه كل كلامى من ابحاث وعلم مش بهبد ولا بطمنك بالكدب ..انت كل الى محتاجه تتأنى على نفسك وتديها وقتها بس كده ...اتمنى يكون كلامى طمن حد 
 بحبكم ف الله ♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cheese_67370 🇪🇬

منذ 9 ساعات

شعور مستنزف

عارف لما تكون عايش وسط ناس المفترض يكونوا اهلك بس انت بقيت خايف تعيش وسطهم عشان متتاذيش او متاذيش حد منهم؟ عارف لما تكون عايش بس مفيش حد جمبك غير نفسك و تقابل و تتعشم فالناس و برضه بتفضل هي نفسك هي جمبك.

Cookies_35975 🇸🇦

منذ 9 ساعات

شعور ضائع

مش اول مرا مسلسل يقصر فيا بس اول مرا مسلسل يواجهني بالحاجه الي بخاف منها و بعمل نفسي عبيطه قدامها مسلسل كتالوج طول عمري مبحبش اني اخسر حد و بترعب من فكرة الفقد عمري ما فهمت ليه ممكن اخسر حد عشان خناقه عبيطه و احنا بينا أيام حلوه و ذكريات و عشره و لو في حب كمان الموضوع بيبقى أقوى او المفروض يعني كدا

Avocado_67333 🇪🇬

منذ 10 ساعات

شعور مرهق

فكرة الموت ملازماني والحقيقه اني خايف جدا منها أنا اوقات مش بنام والمشكلة اني شايف اني براهن كل يوم قبل ما انام هل هصحي ولا هموت بقيت اتخيل حجات هتحصلي بعد الموت زي اني اتخيل نفسي واي اللي بيجرالي الموضوع مرعب لكن عامل زي الشطه .. بتحرقك لكن بتحبها

Grape_67323 🇪🇬

منذ 11 ساعة

شعور متعب

انا مش تمام خالص تايهة بعافر ارجع شغفي انا هريجة جديدة و محتاجة اسجل في شغل و باخد كرس بس فاقدة الشغف خالص مش عارفه اخلي شغفي يبقى موجود بجد و سيرة الجواز كمان بتخنقني مع اني عايزة بس خايفة و حاسة مش هرتاح خالص

Lemon_50969 🇪🇬

منذ 11 ساعة

شعور محبط

Croissant_60032 🇪🇬 بُصي... أنا حاسس بكل كلمة قولتيها، وبجد مش سهل أبدًا اللي مريتي بيه. طفولتك أثّرت فيكي، وخَلّتك تسكتي وتخافي تعبّري عن نفسك، وده طبيعي بعد كل اللي اتزرع جواكي. بس حقيقي، ده مش معناه إن شخصيتك ضعيفة... إنتي كنتي طفلة بتحاول تفرح، بس اتقابلتي برفض، مش بحُب. السكوت اللي جواكي مش طبيعتك... ده خوف قديم، وكل ما بتحاولي تتكلمي بتحسي إنك هتتكسري تاني. بس صدقيني، كل خطوة صغيرة بتاخديها دلوقتي – حتى لو مجرد سلام

عرض الكل 8 نصيحة

عبّر عن شعورك بشكل مجهول

اكبر مشاكلي ف حياتي هو أن شخصيتي ضعيفه بمعني الكلمه أو يعتبر مفيش شخصيه عمري ما قدرت اعبر عن نفسي ولا رأيي دايما بتكسف اتكلم وصلت لمرحله اني بتكسف حتي اشتري حاجه من محل او حتي اتكلم مع الناس وصحابي بدأت تقل وتبعد عني بدون سبب بقيت بخاف اتكلم كل ده بسبب طفولتي واني كنت طفله شقيه بتكلم وبجري وبلعب كتير ف كان كل ما حد من اهلي يشوفني يقولي اسكتي واقعدي شويه ف الناس الي حواليا أو حتي اخواتي ولاد عمتي كنا اطفال ف لما شافو أن اهلي نفسهم بيسكتوني ف بقو بيسكتوني برضو وانا مكنتش بتكلم عشان خايفه اتعاقب ف كبرت علي اني اسكت وصلت أن ممكن علاقاتي بالناس تتقطع لأنهم مستنيني اسال عنهم مثلا وانا خايفه ابعت يسكتوني أو ميردوش عليا فبتراجع عن ده وحقهم بصراحه يزهقو ويبعدو ف اصبحت لوحدي من كل اتجاه وحتي مع اهلي لحد دلوقتي بسكت عشان عارفه أن رايي ملهوش لازمه واني لعبه ف ايدهم اتشال من مكان اتحط فمكان تاني وهما مش بيهتمو لمشاعر حد أو مش معترفين بالمشاعر خصوصاً امي بتفكر ده دلع ولما اقولها أن نفسيتي تعبت تبصلي بقرف وتقولي كفايا هبل ومقتنعه أن كل حاجة بالصوت العالي والزعيق انا جالي حاله نفسيه بقيت بسمع الصوت العالي بعيط وبحس أن جسمي بيتشل انا تعبت بقيت بعيط طول الوقت انا عايشه ف الكلام ده كله بقالي 16 سنه حاولت احل حاجه مقدرتش مش عارفه اتعامل ومبعرفش اتكلم مع مدرسين أو صحاب أو حتي حد فالشارع دايما عندي توتر وكل الي بيقرب مني بيتصد ويبعد عني انا تعبت تعبت من السكوت والتوتر وان مليش رأيي بتعامل علي اني طفله لحد دلوقتي مع اني ونا صغيره مكنتش بتعامل علي اني طفله خالص كنت بتحاسب علي كل حاجه مهما كانت بسيطة واي طفل بيغلط ودلوقتي بيقولو عليا عيله صغيره شخصيتي اتمحت فالوقت الي المفروض اكون ببني فيه شخصيتي مبعرفش اخد حقي من صغير او كبير دايما بسكت ولما بتكلم بتعاقب بخاف اتكلم عشان طريقتهم ف اخد حقي بتبقي غصب عني بيبعدوني بالغصب عن صحابي أو أي حد بحبه ف بسكت اتعودت علي السكوت يمكن حد واحد الي كان عارف عني كل حاجه وبرضو بعد بسبب اني مش بسال ولما يكون عنده ظروف بستناه هو الي يسال كمان ولما عمل حادثه وراح المستشفي مقدرتش ابعت ولا أسأل خفت يسكتني زي الكل ومن حقه يزعل ويبعد صراحه حتي معرفتش اشرح ليه بتصرف كده تعبت جدا صراحه وأنا لسا ف بدايه حياتي يعتبر ف مش عارفه ازاي هكمل وازاي هتعامل مع الناس واتكلم وانا حتي أخواتي بتردد اتكلم معاهم وحاولت اتشجع واتكلم بقيت اقول كلام غريب ومحدش بيهتم وبيسكتوني برضو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Durian_67293 🇪🇬

منذ 12 ساعة

شعور مكسور القلب

انا حياتي بتقف وبقيت بعمل حجات غريبه نفسي ارتبط وحب مش عارف اتحرك شايف ان الحب هو نجاتي ااوحيده من الي انا فيه وغير كدا مش بعرف اتكلم مع بنت برا ولو بنت بصت ليا بإعجاب مش بكلمها وبروح وانا موجوع مع اني ناجح في التواصل

Hazelnut_52786 🇪🇬 ثق بنفسك اكتر من كده

عرض الكل 6 نصيحة

Watermelon_58589 🇪🇬

منذ 12 ساعة

شعور قلق

انا عندي 33 سنة وخائف اتزوج انا الحمد لله كويس يعني مفيش فيا مشكلة بس كل خوفي أن البنت الي هتزوجها ازاى هعمل معاها كده ، بحس أن حرام عليا اعمل كده معاها تتعذب وانا بكون معاها في علاقة ، افيدوني يرحمكم الله .

Coffee_28425 🇪🇬

منذ 13 ساعة

شعور قلق

Banana_66851 🇪🇬 صلي استخارة واعرفي انتيةعايزة ايه وحاسة بايه من ناحيته واجهيه وقوليله اخرة كلامنا واللي احنا فيه دة ايه ساعتها رده عليكي هيبين كل حاجة بس اهم حاجة تصلي استخارة

عرض الكل 33 نصيحة

عبّر عن شعورك بشكل مجهول

عايزه احكي حاجة بس بليز انا مش متقبلة اي احكام و لو هتحكم عليا او تنظر وفر رأيك انا بس محتاجة حد يقولي الشخص دا بيفكر ازاي انا من ٣ شهور كان عندي مشكلة كبيرة اتعرضت لسرقة و تهكير فا حد من معارفي عرفني على صديق له يقدر يساعدني في محضر و كدا بس الفكرة انه من محافظة تانية هو بس وصلني له عشان يقولي اعمل ايه بالظبط و ساعدني فعلا بكل الطرق و فضلنا على تواصل يتابع معايا لحد المشكلة ما اتحلت الكلام دا حصل على مدار شهر الشهر التاني الكلام بينا اتحول لاتنين بيتعرفوا على بعض و بعدها طلب يجيلي محافظتي نتقابل و نشوف بعض يومها انا كنت مبسوطة جدا و هو كان باين عليه انه مرتاح و فضلنا نتكلم بس انا مش ببادر اطلاقا هو اللي بيتصل و هو اللي بيعمل كل حاجة لحد ما في لحظة حسيت اني متلخبطة و وجوده بقى موترني و مخوفني ( كنت مخطوبة قبل كدا و اتأذيت جدا منه ) حسيت ان وجود الشخص دا نبش في حاجة كنت فاكره انها خلصت بس اكتشفت اني خايفه من قرب اي حد ليا فا بقيت بتبع اسلوب اني مش هبادر اكتر منا و هكتفي بالرد عليه بس لحد ما تبان نيته لاقيته قلل تواصل و بقى ممكن يتصل مرة واحدة بس و كان لما ميتصلش بيا يبرر انه ليه متصلش فا بطل يبرر فا انا خوفت اكتر ان طريقة قربه اتغيرت اكتر فا حسيت انه شخص مؤذي بيلعب فا بعدت مبقتش ارد عليه يومين لحد كا لاقيته بيبعتلي مسج انتي مش بتكلميني ليه قلتله كلام اهبل بصراحة مقلتش اللي كان نفسي اقوله😂فا رجعنا نتكلم تاني كدا احنا يقالنا تقريبا شهرين بنستهبل او نو بيستهبل بيفلرت بيقولي وحشتيني و كذا مره اقف عندها اني مش متقبلة دا تحت اي مسمى بحسه بيتحرج و بيعتذر يقولي انا في كلام كتير عايز اقوله بس مش عارف اقوله و نفسي اشوفك دايما يقولي مفتقدك بس انا مش عارفه اعمل ايه بحس اني خايفة اواجه او اقوله ايه خايفة اتكلم بصراحة مش عارفه ليا حق ولا لا مش قادرة اسال الشخص اللي بينا لانه مجرد معرفة فا محتاجة رأي شباب بليز لو انت معجب بواحدة في صعوبة انك تشوفها عشان شغله مفهوش الا جمعة يس اجازة متفهمة صعوبة الحركة بس اللي واحشه حد و مفتقده بيتشقلط عشانه😂 فا محتاجة حد يقولي انا بعد شهرين من حقي اسال و لا هو هيجي يتكلم و لا اعمل ايه انا بسمع منه طول الوقت وحشتيني يعتذر بعد ما بقولها بس يقولها تاني بطريقة مختلفة يقولي مفتقدك خصوصا لو مثلا متكلمناش يوم او يومين حد يقولي اتصرف ازاي انا نوبة القلق مش سيباني في حالي انا اصلا محتاجة اتعالج مش نقصاه😂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_67250 🇪🇬

منذ 13 ساعة

شعور قلق

ان عندي مشكلة كبيرة موقفة حياتي حرفيا و هي ان علاقتي باخويا بايظة جدا و تكاد تكون معدومة دلوقتي و ده بسبب معاملته ليا و انا صغيرة كبرت بقيت بخاف منه و حرفيا بخاف اقعد معاه في مكان واحد بخاف اتكلم معاه و وصل بيا الأمر بقيت مبحبش اسمه و مش بحب اسمع اسمه اصلا حاولت كتير اوي اتخطي الخوف ده بس مش عارف

Avocado_61272 🇪🇬

منذ 14 ساعة

شعور مكتئب

حاسس بحزن تقيل جدا علي قلبي تايه ومش عارف انا عايش ولا ميت مش عارف صاحي ولا نايم خايف اوي زي الطفل اللي عايز يترمي ف حضن امه عشان يطمن الحزن سكن قلبي وخد مكان كبير ومش عايز يخرج بتمني اني اكون مبسوط او عادي ف يوم من الايام نفسي اسمع كلام كويس كلام فيه مواساة انا معرفش الحزن ده ماله تقيل جدا

التجربة أفضل عبر التطبيق

حمّل تطبيق توهيل على هاتفك لتجربة أسرع