خوف

Cheese_69538 🇪🇬

منذ ساعتين

شعور عاطفي

جماعة بتعملوا إيه ف الجفاف العاطفي ده خصوصاً بعد م جربت حوار الارتباط وحسيت بشعور حلو بس أنت خايف تجرب تاني ف نفس الوقت مش عجبك السكة دي أصلا فكرة إنك عارف حد بتشارك ليه يومك وتتكلموا سوي وفاهمين بعض ف الأول كنت بقدر اكنترول لما أكلم ولد إني م أحبهوش ونبقي صحاب دلوقتي لا بحس تلقائي داخلة ف جو ارتب

Tofu_85889 🇪🇬

منذ 3 ساعات

شعور مكسور القلب

ديما حاسه اني لوحدي ومحدش بييحبني ولما حد يحبني ويقرب مني علطول بيسبني ومش بيبقي عاوز يكمل معايا مع اني كنت قايله أن التعامل معايا صعب ولو حد قرب مني هيتعب معايا وانا هتعلق بيه ولما يجي يسبني هتعب وحاليا انا تعبانه ونفسيتي مدمره كل شويه نتخانق وعاوز يسبني ومبقتش عارفه اتصرف وأسلوبي كل شويه بقي يخنق

Chilli_61500 🇸🇦 لا يكوكو متزعليش نفسك حبي نفسك انتي قمر وتستاهلى كل حاجه حلوه شبهك

عرض الكل 8 نصيحة

Ice Cream_78529 🇪🇬

منذ 16 ساعة

شعور قلق

رب ضارة نافعة الوسواس القهري من ناحية الموت كان عندي بقاله كتير لكن مؤخرا بدأت الاحظ أنه زايد عن الاول بكتير لدرجة أن مفيش لحظة ف حياتي بعديها غير وانا خايفة و مرعوبة و دماغي بتفكر ،مكنتش بصلي بإنتظام ولا بقرأ قرآن بشكل مستمر ،من بعد ما الموضوع زاد ف التفكير بدأت انتظم و خايفة طول الوقت و مش قادرة

Ice Cream_85766 🇪🇬 كانوا زمان بيقولوا لا شفاعه فى الموت ولا حيله ف الرزق و الاحساس بالخوف من ربنا جميل بس بلاش تفكيرك ف الموت ينسيك تعيش الحياه ادام كده كده هتموت يبقا عيش و سيبها لله

عرض الكل 1 نصيحة

Tofu_85727 🇩🇿

منذ 22 ساعة

شعور ضاق ذرعًا

غدا لدي إلقاء لبحوثي الي شهر كامل و انا أحضر و انا فاهمة و عارفة كلش لاكن لا أريد الذهاب بسبب الرهاب الاجتماعي الخطير لي لدي اخاف من رجفة يديا و شفاهي و ارجلي .الي لا أستطيع التحكم بها أكره شعور الضعف و لا أريد أن ابدو ضعيفة امام الاستاذ و الطلبة تعبت أريد أن أموت و ارتاح من هذا الرهاب 💔

Orange_85569 🇩🇿 ابقاي شوفي ف صحبتك، و اشرحي، تتخيلي راكي اشرحي لروحك و لا لاختك ، غير تبداي تبدا تروحلك الخلعة و تنساي .. you can do it, just keep trying & going , الله يوفقك يا رب 🤍🌸

عرض الكل 4 نصيحة

Apple_78825 🇪🇬

منذ 23 ساعة

شعور مستنزف

بحس كتير اني فحياتي دي لوحدي طول الوقت مفيش حاجة حقيقية حوليا مبقتش اامن لحد خالص بقيت احس ان كل حاجه مؤقتة بخاف افرح مشاعري استنذفت من اللي بحبهم وهم بالنسبالهم عادي مع اني ف الحقيقة ابان غير كده خالص وشخصيتي قوية ومبرضاش اتعامل مع الناس ب اسلوبهم بتعامل معاهم بقلبي وبتربيتي وبحازل اسيب اثر طيب

Ice Cream_29289 🇪🇬

منذ يوم واحد

شعور ضائع

عبّر عن شعورك بشكل مجهول

جماعه عاوزه اخد رايكم في حاجة 
أختي الصغيرة في تالته اعدادي ومش بتذاكر خالص على طول ماسكه الكتاب ومش بتذاكر مع أن قدراتها ما شاء الله كويسه جدا من ناحيه الذكاء ومن ناحية الذاكرة والله بتفتكر حاجات احنا مش بنفتكرها بس هي مش عاوزه تذاكر والمدرسين كلهم بيشتكو منها من ناحيه المذاكرة وكلهم بيقولو قدراتها حلوة اوي بس مش بتذاكر ولا حتى يتركز في الحصه واحنا ما شاء الله اخوها في طب وانا تمريض وهي اصلا شاكين انها تدخل ثانوي وماما بتقولها لو مجبتيش مجموع ثانوي هقعدك من التعليم واجوزك لاي حد وبتشتغلي بقى في البيوت أو في المحلات وتمسحى الاماكن للناس وتقللي من نفسك والموضوع ده مضايقني جدا مش عاوزه ده يبقى مستقبلها عاوزاها تدخل كليه كويسه وتتجوز جوازه حلوة وجربنا معاها كل السبل عشان تذاكر وبرده مش بتذاكر جربنا معاها العقاب بالضرب وهي تعند اكتر وامي خدت منها التليفون عشان تخلص اللي وراها وتذاكر ولما تخلص تدهولها اليوم ده ومش بتذاكر وهي بصراحة بتطلب مني التابلت بالليل تعد شويه وانا مش بقدر اقولها لاء وبقول يعني هتنيها صاحيه ساعتين مبتعملش حاجة ف تعد على التابلت نص ساعه وتنام ماما كمان تحرمها من جزء من مصروفها أو حتى متحرمهاش هي تخلص مصروفها في أول الشهر وتطلب مني فلوس عشان متبقاش وسط صحابها من غير فلوس مقدرش اقولها لاء وحتى من غير م تقول ببقى جايه من بره وجايبه حاجة معايا بجيبلها معايا انا عارفه اني كده انا اللي ببوظها بس عمري م اقدر اعمل غير كده هي أقرب حد ليا في الدنيا كلها عمري م اعرف اعمل غير كده ومهما اكلمها على المذاكرة متقبلش الكلام ولا تقبل اني افتح الموضوع حتى ولو المدرس زعق أو عمل اي حاجة تقفل منه وتتنيها تشتكي لحد م تسيبه وكمان يبقى أسلوبها معاه يبقى عنيف جدا وبتكبر أو تحرجه في الكلام هي والله لطيفة وعسولة جدا بس هي بتشخصن الأمور بسرعه وكمان حاسه اني شخصيه ملهاش دور احنا قريبين جدا من بعض بس في نفس الوقت مش عارفة اخليها ازاي تحافظ على مصروفها عشان بعد الجواز وكده تعرف تبقى مسؤوله عن بيت وفلوس وعيال وكده ومتستلفش من اي حد وكمان مش عارفه اخليها تذاكر وتشد حيلها ويبقى عندها هدف 
كل م اتخيل بجد انها ممكن متدخلش ثانوي وامي تقعدها في البيت تتعلم الطبخ والكنس والغسيل وانا وأخوها نبقى رايحين الكليه وبعد كده الشغل اضايق جدا او تتجوز واحد ميكانيكي أو سواق توكتوك يهينها ويبقى المطلوب منها أنها تبقى خدامه وخلاص يضايق اوي وشبعنا من كتر م بتقول الكلام ده وهي ولا في دماغها الكلام بيزعلها بس بتنكر وفي نفس الوقت مبتغيرش اي حاجة في حياتها 
اعمل ايه عشان حاسه اني اكتر واحده مسؤوله عن الموضوع ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_84144 🇪🇬

منذ يوم واحد

شعور مريض

انااا ب غيرر انا اكتر حد غيور ف الدنياا انا بغير ع ناس معرفهاش بغير ع زميلي ف الشغل مع ان انا عرفه اني مينفعش اغير عليهمم بس معرفش انا نفسي ابطل الخصله دي انا خيفه ع شريك حياتي مني ان هعمل ف اي انا حسه اني مش هسيبو لو كلم وحده تاني برا ايطار الشغل والله اكيد مش هسبهاا ولا هوا كمان

Croissant_52708 🇪🇬

منذ يوم واحد

شعور مرتبك

أنا مكنتش بحبها بالشكل اللي الناس بتفهمه، أنا كنت بحب إحساسي بوجودها. كانت مجرد وجودها في المكان يخليني أروق، أهدى، أحس إن اليوم ليه معنى. دعيت ربنا كتير تكون من نصيبي، وكنت صادق في الدعوة دي، بس دلوقتي حاسس إني استعجلت. خايف أكون فقدت إحساسي، وربنا يكون استجاب، وهي ابتدت تحس ناحيتي بجد. اللي زوّد خ

Coffee_27927 🇪🇬

منذ يوم واحد

شعور مستنزف

من كام يوم كملت 20 سنه مرعوب من الفكره اني بكبر والوقت بيجري ومش عارف إذا كنت ماشي صح ولا لا فكره انك عندك طموح كبير اوي وفي الاخر مش عارف إذا كنت بعمل الي عليا او لا في شويه احساس توهان كده او مش شويه انا غالبا تايه عارف ان دي فتره ان الواحد يجرب ويكتشف نفسه بس افرض اتاخرت او ماكتشفتش نفسي فعلا

Watermelon_56286 🇪🇬

منذ يوم واحد

شعور متعب

لو فيه دكتور او حد عنده معلومة ياريت يفيدني انا بتوتر جدا وضربات قلبي بتبقى سريعة جدا لما بقيس الضغط او افكر بس اقيسه معرفش ليه يمكن بقلق من النتيجة او بخاف مش عارف ف عاوز اعرف هل ده بيأثر على النتيجة خصوصا انه بيطلع أرقام صعبة وانا مش حاسس بأي اعراض لا صداع ولا دوخة ولا حاجة انا نظام حياتي مش احسن

Sugar_68827 🇪🇬

منذ يوم واحد

شعور مليء بالحياة

موضوع:

اكتر خوف مأثر عليك في حياتك

يمكن أكتر خوف مأثر فيّ هو الخوف من الفقد… من إني أدي وأتعلق، وبعدين ألاقي اللي قدامي مش مكمل. الخوف من اللحظة اللي كل حاجة فيها بتتغير من غير سبب واضح. أنا مش بخاف من الوحده قد ما بخاف من الإحساس إن وجودي ما كانش فارق، أو إني أكون دايمًا “كفاية” مؤقته في حياة الناس. بس بتعلم كل يوم إن اللي فعلاً ل

Banana_40578 🇪🇬

منذ يوم واحد

شعور متعب

قولولى اتصرف ازاى عندى 21 سنه لسه متخرجه بشتغل الحمدلله بس مفيش حد فحياتى وبجد الموضوع مش مزعلنى ابدا بالعكس رافضه الحب والجواز مقفوله من الفكره خالص ومش عايزه حد فحياتى حاليا المهم ضغط اهلى رهيييب والله كل يوم وكل ساعه يلا يلا شوفى مفيش حد مفيش حاجه وماما تفضل تدعى كأنى حمل او خلاص كبرت وبابا مرعوب

Tofu_76193 🇪🇬 انا عندى ٢٠ وزيك كدا اهلى بيضغطوا عليا بكلامهم بالموضوع ده وغصب عني بزعل طبعا بس ف نفس الوقت انا بتجاهل الكلام وعارفه من جوايا ان نصيبي لو اتأخر هيفضل برضو نصيب وكل حاجة طبعا اتكتبتلى من قبل ما أتولد فمفيش داعي للقلق وان اتأخر أهم شىء يكون ف الوقت الصح والمناسب وتكوني انتِ جاهزة للموضوع ده مش مجرد كلام سمعتيه وعشان كده عاوزة علشان تسكتي الألسن ، طبيعي ع فكرة كل الأهل كده مش انتِ بس وربنا يزرقك

عرض الكل 5 نصيحة

Apple_22069 🇪🇬

منذ يوم واحد

شعور قلق

اكتشفت حاجة عن نفسي لاحظتها اكتر من مرة انا مع الناس الغريبة بأوفر شيرينج يعني بشارك كتييير اووووي يومي وحياتي وكل اللي بعمله واللي هعمله وو ووو مش عارفة ليه بعمل كدة ساعات بيكونوا ناس اعرفهم من فترة قصيرة هل انا فريندلي زيادة ولا دا ايه انا كل ما اقول هبطل ومش هعمل كدة بعمل كدة اكتر واكتر واكتررررر

Coffee_28425 🇪🇬

منذ يوم واحد

شعور شاعر بالملل

عبّر عن شعورك بشكل مجهول

في شخص قرر يقولي انه عايز يتقدم بس عشان هو لسة مسافر السعودية يمسك شغل قالي مش هقدر اتقدم رسمي غير في اول اجازة بعد سنة قلتله ان دا كتير جدا حتى لو لسة هنكتشف بعض بس مش هناخد سنة بنكتشف بعض قلتله ممكن بعد ٣ ٤ شهور كدا لاقينا نفسنا تمام ممكن تكلم اهلي و نعمل قراية فاتحة اونلاين عشان انا مش هرتبط بحد سنة بحالها و فجأة اقول لاهلي هنتجوز بعد سنة من غير حتى ما يسمعوا عنك رفض جدا و قالي انا مش حاببها اونلاين انا عايز افرح مع اهلي قلتله لا مش ضروري نفرح بس ضروري انا تحس بامان و انك كلمت اهلي دا شرطي ان الموضوع يكمل المهم حسيت انه وافق بس بدون ما احس منه انه موافق حسيت اني خوفت و مش مطمنة وقفت كلام و قلت خليني احاول اكتشفه شوية يمكن لو فهمنا  بعض اكتر يشوف وجهة نظري و يعملها بس هو طول الوقت بيقول كلام رومانسي كتير اوي و انا مش حساه منه ولا حاسة اني عايزه اقول و هو شايف ان دا جفاف حاولت اشرحله انه لا انا على مهلي و مش مفروض اني اجري بمشاعري انا لسة مش عارفاك قالي كلام غريب اوي انه جه معايا دوغري و قالي بصراحة انه عايز يتجوزني و انا في غربة و لما هفضل طول الوقت بعبرلك و انتي مش بتعبريلي دا ممكن يقفلني قلتله دي مش شخصيتي و لا كلامك دا مهم عندي انا مهم عندي اننا نتفق و مش هقول كلام رومانسي عشان بس مفروض يتقال في حاجات اهم لازم نتكلم فيها و كدا احنا بقالنا شهرين بنتكلم بس هو قالي انه عايز يتجوزني بس من ١٠ ايام قبل ما يسافر و دي مدة سواء شهرين او ١٠ ايام مش كفاية ان حد يحب فيهم حد خصوصا اني عرفته اني موافقة عشان اللي عرفته من شخصيتك كويس مش عشان بحبه 
بس من ساعتها و انا مش مرتاحة و خايفة و حساه قربلي بس عشان يسلي وقته هناك في وقت هيكون صعب عليه و طول الوقت بيحاول يبينلي قد ايه هو محتاج كلام حلو عشان الايام تعدي عليه كويسة بس انا رافضة الطريقة دي مش عايزه اقول كلام لمجرد انه بيتقال و انا مش حساه و اكتر حاجة ضايقتني انه بيقولي لو فضلت اعبر و اللي قدامي بيقدملي جفاف هيتبنى بيني و بينه سد قلتله احنا ملحقناش على فكرة مش لما اكتشفك الاول انت سريع حس انه اتزنق قالي لا انا بكلمك ان دا خلال شهور حسبت كلمة خلال شهور دي انه بيبتزني انه الحقيني دلوقتي عشان لو فضلتي كدا لحد شهور و بدل ما اقولك اكلم اهلك اقولك انا بنيت سد و انتي السبب فاهمني ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_81794 🇪🇬

منذ يوم واحد

شعور لا مبالٍ

أنا عندي مشكله هي أن أنا في بنت معايا في الدرس مد٣ سنين سنتين كانت معايا في دروس وش لوش يعني كنت يشوفها وبتشوفني دلوقتي بقيت اشوفها وبتشوفني ولكن واحنا ماشيين بالصدفه ومعايا رقمها ولكن أنا جبته بطريقة ما وبقالي فتره طويله جدا عايز اخش اكلمها ولكن مش عارف ازاي اكلمها بصراحه خايف متكنش متقبلاني أو هي

Biscuit_52061 🇪🇬

مش عارفة أعمل إيه مع النقاب وانا مش مرتاحة

انا لابسه النقاب بقالي حوالى 7 شهور بس دلوقتي مش عارفه ليه مبقتش مرتاحه فيه زي الاول وفي افكار كتير في دماغي بتقولى اقلعيه ومش عارفه اعمل ايه الحقيقه متردده وانا أهلى قالولى لو لبستيه مش هتقلعيه تاني ف مش عارفه اعمل ايه ومش عارفه البس كويس حتى زي الاول معنديش غير فستان وملحفه بغير فيهم في كل مشاويري حتى في الجامعه ومش مرتاحه ف الچيبات خالص ولا عارفه انسق ليها حاجه كويسه دماغي هتفرقع بجد ...عرض المزيد

1 الدعم

20 نصيحة

Apple_56646 🇪🇬

انا مكتئبة وكراهة الحياة ومش عارفة اعمل ايه

انا مكتئبة و كارهة الحياه برغم اني بنت و حلوة بس جبت اخري و مش عارفه اقدر اعمل ايه انا تعبانه اوي من الحياه و الابتلاء بجد خلاص مبقتش قادره اكمل الدنيا بحالها الدنيا صعبه و كئيبة و صعبه اوي اوي اوي بجد اكتئاب اعمل ايه؟؟ ...عرض المزيد

1 الدعم

18 نصيحة

Carrot_85093 🇪🇬

تعبت من الدنيا والناس ومن نفسي

انا تعبانه جدا انا مش بخير ابدا و تعبت من الصراعات و المشاكل حتى اللي انا مش بكون طرف فيها تعبت من التعامل مع الناس من الكذب و الخبث و الاذية . وتعبت من نفسي واني مش عارفه اقرب من ربنا و مش قاردة اسامح نفسي على كل حاجه غلط عملتها وانا كنت عارفه انها حرام انا زهقت من نفسي و مش عارفه ولا قادرة ارجع من تاني و احاول تاني نفسي اهرب من هنا و اعيش لوحدي و انام دايما ادعولي لاني مش قادرة ادعي لنفسي حاسه اني مستحقش ...عرض المزيد

2 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع