مش عارف اتعافي وبقتل نفسي بالبطئ - صراع الإدمان والندم

Question

بالبطئ بقتل نفسي عشان مش عارف اتعافي 
طريق صعب وانا لوحدي ابعد من ابعد مسافه 
شايفني شيطان وسط الملائكه 
كاره نفسي وانا مدمن ببص لمرايا يشوفني بتلاشي
ده اكتر حاجه حاسيها يمكن بقيت احب اكلم هنا يمكن لنعرف نواجه عيوبنا بس واحنا مخفيين 
للمره المليون اقع بعد ما وصلت ل ٦ايام انتكست ورجعت تاني انا بجد كارهني مع عيشت احسن ٦ايام يعتبر عيشته ف حياتي وانا كويس 
خايف من بكره خايف افضل كدا 
والله بقيت مكسوف من نفسي وانا رايح لربنا واصلي ركعتين التوبه 
تب ربنا هيسامحني انا اصلا مش مسامح نفسي 
انا ذات نفسي مش ببقي طايقني وانا رايحله
(ملحوظه انا منزل ابليكيشن تعافي ونقاهه بس يفرحتي اني كل ماوصل ل رقم اصفر العداد من تاني بحس اني بنفخ ف اربه محرومه )
لو حد عنده نصيحه نفعت معاه ياريت يقولي وله الثواب
وادعو لي  اعرف اتعافي ومفضلش مدمن

Strawberry_58497 🇪🇬 · Answer

شعورك بالذنب وادراكك انك ف انتكاسة دا بحد ذاته كويس جدا وحافز انه يخليك ترجع من انتكاستك .. احمد ربنا اولا انك مش من اللي قال عليهم ربنا ثم قست قلوبهم من بعد ذلك فهي ك الحجارة او أشد قسوة واحمده تاني انك مش من اللذين أغشى الله على أعينهم بالعكس انت مدرك انك اذنبت وف انتكاستك ..... هات ورقة وقلم واقعد مع نفسك بعيد عن كل شيء لوحدك وحاسب نفسك وحده وحده على كل شيء وخليك صادق مع نفسك واكتب السيء

Strawberry_58497 🇪🇬 · Answer

اللي محتاج توقفه والحلو اللي وقفته ونفسك ترجعله .... واعقد مع نفسك انك مش هتتغير للأحسن واسمع كتير للمشايخ وبرشحلك د. سمير مصطفى فك الله أسره، ود. محمد الغليظ ..... ومهما رجعت للذنب توب حتى لو توبت مليون مرة ف اليوم المهم انك تكون صادق ف توبتك ..... وربنا لما يلاقي العبد بيتقربله بصدق الله عز وجل بيتقرب للعبد وبيعينه .... جاهد نفسك ولو في ذنوب خلوات اشغل نفسك بحيث ما يبقاش عندك وقت اصلا غير انك

Strawberry_58497 🇪🇬 · Answer

غير انك يكون عندك وقت للنوم بس حرفيا بحيث تكون تعبان وعايز بس تنام .. اشغل وقتك بالقرآن بالأعمال ب كل شيء المهم ما تخليش عندك وقت فراغ .... واستعن بالله وتوكل عليه وتوب بصدق والله عز وجل لن يتركك ابدا .... وأسأل الله أن يعفوا عنك وعنا يارب ويسترها ويغفر لنا ..... واسفة جدا على الإطالة ف الحديث

Strawberry_29889 🇺🇸 · Answer

"أنا عارفة إنك مريت بكتير، بس بجد أنا شايفة إن اللي حصل مش نهاية الطريق، ممكن يكون ربنا عاوزك تقرب له من باب تاني، باب فيه شفاء ورحمة مش عقاب. انت مش لوحدك وربنا عمره ما بينسى حد، يمكن يكون ده طريق الرجوع، مش السقوط. ولو تحب تسمع لدكتور عماد رشاد عثمان، كلامه فعلاً بيفتح حاجات كتير جوانا عن الأسباب والطريق للتعافي. هو حد فاهم وبيتكلم من قلبه."

Strawberry_29889 🇺🇸 · Answer

دكتور عماد رشاد عثمان شخص مهتم بموضوع التعافي والادمان وهيفيدك ويفهمك انت وصلت لكدا ازاي وليه الموضوع بجد محتاج صبر  ربنا يصلح حالك