اول مره اكتب بوست من النوع ده ، بس حاسس اني لوحدي ، لا صاحب ولا حبيبه ولا حد فارق معاه وجودي ، انا اه اجتماعي و عندي اصدقاء كتير ، بس مفيش الصاحب اللي اقدر احكيله كل حاجه ، كانت هي واحده بس ، و قولتلها اني بحبها ، قالت هفكر مع نبذة قبول ، بس بقالي يومين مفيش رد ، مفيش سؤال ، حاولت اكلمها حاسس بصد ، حاسس اني فقدت كل حاجه ، قلت للدكتور بتاعي قبل كده ان الفرق بيني و بين اللي بيفكر افكار سوداوية هو درجة ثانوية عامة ، اني علي الاقل في كلية كويس ، هل مستقبلها مضمون ،معرفش ، هي كويس بس الطريق طويل ، حاسس اني معنديش طاقة امشيه ، حاسس ان مفيش سبب امشيه علشانه ، حاسس اني بنهار واقف ، مريت بتجارب كتير بس الوحدة كان اسوأهم ، كنت صليت صلاة استخارة بعد ما قبلت البنت دي ، الصلاة هي اللي لسه محسساني انها لو رفضت يبقي مش خير ليا ، بس في نفس الوقت حاسس اني مش عايز غيرها ، اسف لو طولت عليكم بس مكنتش عارف انام من التفكير

1

0