صلاة الاستخارة

Tofu_34164 🇪🇬

منذ 9 أشهر

شعور مرتبك

عبّر عن شعورك بشكل مجهول

انا دلوقتى فى تالتة كلية و انا ما ارتبطش قبل كدا باى حد و مكانش موضوع الارتباط أو الخطوبة فى دماغى خالص بس فى نفس الوقت انا مش رافضة يعنى فى شخص اتقدملى قبل اما ادخل سنة تانية و ماما رفضت من غير اما اعرف حاجة عن الموضوع خالص و انا كان بالنسبالى عادى انا كدا كدا مكنتش هوافق يعنى المهم الشخص دا اتقدم تانى فى اخر امتحانات سنة تانية و بردو مكنتش اعرف فى الاول بس بعد اما خلصت امتحانات هما قالولى بقى أن فى حد متقدم و كدا و انا فى الاول يعنى قولت لا و رفضت و بعد كدا هما قالولى يعنى فكرى تانى و أن هو شخص كويس و عيلته كويسة و عارفينهم و قالولى اقعد معاه مرة و اتنين و لو ما ارتحتش يبقى خلاص و فعلا قعدت معاه مرتين و بعدين صليت صلاة تستخارة انا كنت محتارة اوى و مكنتش عارفة اقول ايه لان انا كنت دائما بقول مش فارق معايا اتخطب امتى بس كنت عايزة اكون مخطوبة لحد بحبه أو على الأقل كنت اعرفه قبل كدا خصوصا أن فيه ناس كتير حواليا ارتبطوا بحد بيحبو و فيه كمان اتجوزوا شخص بيحبوه بردو بس انا بعد اما صليت استخارة حسيت أن انا مش رافضة يعنى و بعدين فكرت كام يوم و بعدين قررت انى اوافق المهم انا دلوقتى مخطوبة للشخص دا بقالى 4 شهور انا لحد دلوقتى محستش من ناحية الشخص بأى حاجة ممكن اكون بس فى نفس الوقت مش شايفة أن هو شخص وحش خالص بس هو دائما بيقولى انو بيحبنى و انا مش حاسة باى حاجة فا مش بقول حاجة و هو بيسألنى كل شوية و انا مش بعرف ارد ممكن اغير الموضوع أو حاجة بس انا متضايقة من أن هو بيدينى اهتمام و انا مش عارفة اعمل كدا و مش عارفة اعمل ايه برضو فى نفس الوقت .
ممكن لو حد عندو حل يقولى عشان انا فعلا مش عارفة اعمل ايه و حاسة أن بدرى اوى أن انا احب الشخص دا بس مش عارفة اوصلو الموضوع ازاى من غير ما اضايقه .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_74425 🇪🇬

أنا نفسي اشتغل من النت تبع مثلا شركة كتابة علي الوورداكتب ملفات وأوراق علي الوورد وابعت الشغل على صفحة الشركة والقبض من النت عن طريق فودافون كاش يعني يبعتلي مرتبي علي فودافون كاش وكمان الشغل يكون محترم وجاد مش نصب ...عرض المزيد

0 الدعم

0 نصيحة

Sugar_74427 🇪🇬

لوحدي ومش عارفة أتكلم عن اللي جوايا

انا حسة اني لوحدي، مفيش حد عارف يفهمني، انا مش شخصية نكدية خالص بالعكس انا لطيفة مع كل الناس ودايما بضحك، بس مش بعرف اتكلم عن اللي جوايا حتي مع اقرب الناس، بخاف اكون حمل علي حد حتي اقرب صحابي، مع اني بسمع الكل وممكن اسمع الي مالا نهاية، بس وقت م باجي اتكلم عن شعور سيئ ملازمني مبعرفش، بتوه الموضوع واقول ان شاء الله خير واهزر، انا فعلا مبعرفش ابين ضعفي لحد، ولو بالفرض بينت بعمل نفسي بعد كدا تمام وانا كنت اوفر اوي ف مشاعري وههه وخلاص. مؤخرا بقت علاقتي بماما فيها تنشنه كتير، وانتقاد كتير لحاجات ليها حق فيها وحاجات لا، بقالي فتره حسة انها مش طايقاني، أمر حبها ليا دا شيئ مفروع منه لاني بنتها ف اكيد مش بتكرهني، بس فكرة انها دايما شايفاني وحشة وغلط وطريقتي واسلوبي وحاجات كتير كده انا مش صغيرة انا عندي ٢٤ سنة. بس مش عارفة اتعامل ازاي، لاني لقيت نفسي بطفي كل فتره عن الاول. حتي اخواتي مفيش بينا العلاقة القوية الحلوة دي، ودا يرجع لانهم صغيرين وانا اكبرهم وفي خناقات عيال كتير بتحصل ف بالتالي علاقتنا قايمة ع المناقرة اكتر من الصداقة. انا متلغبطة ومش عارفة اتكلم عن اي موضوع بالظبط بس ملخص شعوري اني حسة اني لوحدي ...عرض المزيد

0 الدعم

0 نصيحة

Apple_74425 🇪🇬

مش حاسة بإنجاز في حياتي وعايشة في ضيق

أنا عندي 32سنة ودائما حاسة اني محققتش حاجة في حياتي رغم اني بشتغل بس حتي الشغل مشتغلتش بشهادي ودائما زمايلي بينكلموا عليا من ورا ظهري ودائما شايفين اني مش من حقي مرتبي واني شغل مش متعب زي شغلهم ودائما شايفين نفسهم احسن مني دا غير برة الشغل أنا ما بخرج كتير وكمان عمري ما ارتبط ولا حسيت احساس الارتباط حتي العرسان اللي بيتقدموا يتعدوا علي صوابع الايد الواحدة ودائما كان بيحصل حاجة قبل حتي ما يتقدموا وما بيجوا وبيصرفوا نظر زي مثلا العريس جاي عن طريق حد وقبل ما يتحدد معاد المقابلة بيكون الموضوع خلص قبل ما يبدأ من غير سبب فدائما حاسة اني مش ناجحة فياتري اعمل ايه عشان اتخلص من اللي أنا فيه ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع