أنا في مصيبة ومش عارف أتصرف بخصوص أختي

Question

جماع انا في مصيبه ومش عارف اتصرف انا اكتشفت ان اختي بعته صوراها لواحد ومسكتها ضربتها وكسرت تليفونها ومش عارف اتصرف معاها ازاي ولو قولت لبابا ممكن يموتها وماما مسافره ولو قولتلها ممكن يحصلها حاجه ومش عايز اقول لبنت خالتي الي قريبا مننا علشان شكل اختي ميتهزش قدامها هيا بتحلفلي علي المصحف ان دي اول مره تعمل كده وانها مش هتعمل كده تاتي وانا مش عارف اتصرف وخايف الولا ده يعمل حاجه بالصور

Coffee_33188 🇪🇬 · Accepted Answer

بص ي اخوياا.. الموضوع صعب جداً… حصل اللي حصل وانت عملت ردة فعلك وانتهي… دلوقت ي اخوياا قرب من اختك راضيها حببها فيك عوضها .. لان تقريباً بيبقي معظم اتجاه البنات للجو دا بتبقي مفتقدة الحنية … اللي حصل دا يُفترض سر بينكم اتعامل معاها كويس وف نفس الوقت تكون شديد بمعني ربيها وهذبها .. خوفها منك وحببها فيك … بس متقولش ل حد من اهلك وان شاء الله مش هيتكرر الموضوع دا تاني

Strawberry_45707 🇪🇬 · Answer

خليك مع اختك ومتاذيهاش وقرب منها يمكن ملقتش منك حنيه ولا من باباك ف دورت بره 
خليها تقطع علاقتها بالولا ده ولو هددها اقفله انت وهو هيخاف ولو عمل حاجه هدده بمبحاث الانترنت واعمل فيه بلاغ ومتعرفش حد وخليه سر بينكو وقرب منها وصاحبها

Tofu_45139 🇪🇬 · Answer

ليه عرفت بنت خالتك أصلا؟ كان أحسن تتكلم مع أختك بالراحه وتشوف/ي واعرفي هيا عملت كده ليه وابتدي اهتمي بيها وعرفيها الغلط من الصح ولو دي أول مره حاول تفهمها أن ده غلط وأنها لازم تعزز نفسها وكده بس أنت غلط أنك تضربها أو تقول لحد ممكن تدخل حد لو الموضوع تتكرر أكتر من مره بس غير كده أنا شايفه أنك كنتي تصبري شويه وتفهميها بالراحه

Apple_45750 🇪🇬 · Answer

صوره عاديه أو وحشه المفروض اصلانا مكنتش تضربها تعرف أنها غلط برحه وي تلعب علي مشاعرها بكلام تخد راي حد اكبر منك تعمل اي كدا يعني انته غلطان اوي في حق اختك كلمها برحه وي فاهمها أن دا غلط وي أنها لو بابكي عرف ثقه هتروح زي كلا دا روح صلحها

Waffle_44657 🇪🇬 · Answer

انا طول عمري مصاحبها وقريب منها وعمري ما توقعت منها كده ومش عارف اتصرف لوحدي وخايف عليها من الولا ده

Waffle_44657 🇪🇬 · Answer

انا لسه مقولتش لحد انا بفكر بصوت عالي وضربتها لأني مستحملتش لما شوفت الصور

Strawberry_45707 🇪🇬 · Answer

يوسف غالي كان عامل فيديو بيتكلم على الموضوع ده شوفو

Tofu_45139 🇪🇬 · Answer

لو الصور عاديه خلاص مش مشكله وخلي عندك نسخه من الشاتات كلها واسكرينات عشان لو طلع حد مش كويس وحاول تقرب من أختك وتعرفها غلطها

Waffle_44657 🇪🇬 · Answer

اختي كبيره كفايه انها تعرف الصح من الغلط عندها ٢٢ سنه وانا طول عمري وديما ثقه عمياء وعمري ما توقعت انها تكون بتعمل ده انا عارف انها بتكلم ولاد زمايلها في الشغل في نطاق الشغل طبعا بس عمري ما توقعت منها ده

Mango_45831 🇪🇬 · Answer

لو الصور عاديه متقلقش اغلب البنات دلوقتي بيحطو صوارهم اصلا علي مواقع التواصل اهم حاجه متضربش اختك تاني حاول تقرب منها وتطمنها وتفهمها بالراحه أنها غاليه ومينفعش تعمل كدا لأن البنت اللي بتبقي فاقده الحنان والحب والاهتمام هي اللي اي كلمه حلوه من اي حد بره ممكن توقعها بتبقي ضعيفه واختم شكلها كدا حاول تطمنها وتفهمها بالراحه وقولها انك جنبها مهما حصل

Strawberry_45707 🇪🇬 · Answer

وكلنا بنغلط إحنا بشر سامحها المرادي قولها إحنا بنثق فيكي مفكرتيش في بابا لو عرف ممكن يحصله أيه او ماما قولها انتي ملكه صعب اي حد يوصلك متخليش الوصول ليكي سهل كده 
ومفكرتيش في ربنا 
واتكلم معاها وافهمها

Waffle_44657 🇪🇬 · Answer

للاسف صور مش عاديه وانا فعلا قريب منها كفايه ومصاحبها وطول عمري بقولها اني واثق فيها بس للاسف هيا مكنتش قد الثقه دي

Waffle_44657 🇪🇬 · Answer

للاسف مش هقدر اعمل كده علشان كده فكرت اقول لماما بس هيا عماله تقولي انت مش هتفضحني صح وده الي مخلينب مش عايز اقول لحد وفي نفس الوقت مش عايزها تحس ان الامر سهل وهيعدي عادي من غير ما يحصل موقف

Waffle_44657 🇪🇬 · Answer

اسم الفيديو ايه

Strawberry_45707 🇪🇬 · Answer

مش عارفه الصراحه اسمه ايه انت ادخل الاكونت بتاعه ودور عليه هتلاقيه

Strawberry_20568 🇪🇬 · Answer

بص معرفش ممكن تتصرف ازاي بس اللي هقولهولك بجد خليك معاها و في ضهرها مهما كان غلطها اوعك تخليها تدور على حد تاني يسندها ، احميها و اقف جنبها وبعدين فهمها أنه غلط مش تضربها و تكسر موبايلها و الكلام ده لأنه اولا ديننا مسمحش بالكلام ده ثانيا هتخسرها و هتخاف منك طول عمرها ، متقولش لأي حد خليه سر بينكم و خلي الولد هو اللي يخاف منها مش هي اللي تخاف منه ، اسندها ارجوك وبلاش تخسرها

Corn_45167 🇪🇬 · Answer

انا فاهمك كويس حاول بالله عليك تتعامل في الموضوع ده بعقل اولا اختك 22 مش كبيره ولا حاجه وبنسبة كبيره هيا اعجبت بالولا ده و عرف يضحك عليها اقف معاها وعرفها انو غلط وساعدها انها تبعد عن الموضوع ده خالص انتا اخوها يعني في مصيبه ذي دي تبقا سنادها وياريت تقف معاها بعيد عن اهلك متعرفهمش استر عليها عشان شكلها قدمهم حاول تتصرف من غير ما تاذي اختك افتكر في الاخر ان دي وحده ليها مشاعر وحد استغلها

Waffle_44657 🇪🇬 · Answer

للاسف صور مش كويسه

Mango_45831 🇪🇬 · Answer

لو تقدر تتكلم مع الشخص دا وتخليه يمسح الصور لو هو بيحبها بجد وقوله انك هتقف جمبهم لو هما فعلا بيحبو بعض بس مينفعش يطلب منها حاجه زي كدا تاني

Apple_34178 🇪🇬 · Answer

نصيحه مني لو والدك مش شديد قوي ومتفاهم يعني هيسمع منك ويتفاهم مش هيعاقبها علي طول كلمو هو هيعرف يتصرف وحاول تتفاهم معاه وتقولو ان دي غلطه وارده من اي بنت وكده يعني بالتفاهم وهو هيحل الموضوع بطريقته هو فاهم عنك نصيحه مني بلاش تخبي حاجه علي اهلك خليهم قريبين منك اكتر من اي حد لأنهم اول حد هيخاف عليك وهيشيل همك لما تقع بلاش تبعد خلي دئماً مشاكلك هما الي يحلوهالك مش تتصرف بدماغك علشان لو عملت كده هتندم

Apple_34178 🇪🇬 · Answer

واكيد الموضوع هيبقي ليه عقاب من والدك طبعا ده أكيد بس هو عارف اكتر منك مش تزعل من نصيحتي لأني جربت بجد أخبي لقيتني خسرت جامد اوي وخسرت اهم حاجتين في الحياه رضاهم عني ورضا ربنا بجد مش هقولك ان والدك ممكن يكون زي والدي أنا ابويا متفاهم بزياده الحمد لله مش بيعاقب ولا يعمل اي حاجه إلا مايفهم الموضوع كله من الأول للآخر ويبدا يفكر هل الضرب هو العقاب هل العقاب هينفع هل التفاهم هينفع كده فاهمني فاانت شوف

Sugar_44725 🇪🇬 · Answer

بص يابن الناس 
ارجوك اتفاهم معاها بالراحة انا فاهمة ان الوضع صعب كدا 
بس صدقنى لازم تهدى عشان تعرف تتصرف 
تانى حاجه بالله عليك تعرف انك مامور بالستر اوعى تقول لمخلوق خليها بينكم ولا حتى بنت خالتك 
تالت حاجه انت غلط انك كسرت التليفون لان دة الحاجه اللى تقدر تبلغ بيها 
بص الصور متضرش اختك معاه بس تضره هو لو فكر يغدر بيها لان هو اللى هيلبس قضايا

Sugar_44725 🇪🇬 · Answer

بص لو هى كانت بتكلمه على تطبيق بايميل زى الماسنجر مثلا خد الايميل دخله فى تليفونك ولو على الواتساب وبرقم نفس الشىء خد الرقم دخله فى تليفونك 
وكلمه على انك اختك عادى واطلب منه انه ينهى العلاقة دى وانه حرام ومينفعش ويمسح الصور 
غالبا هيحاول معاك فى الاول انه لا وانه بيحبها بعدين هيلجا للتهديد 
انت هتاخد صورة للرقم مع جزء من التهديد دة وتخليه عندك وتعرفه انك اخوها وانك انت اللى هتقفله

Sugar_44725 🇪🇬 · Answer

هو لما يعرف ان فى حد فى ضهرها هيخاف ياخد خطوة اصلا 
اهم حاجه يكون معاك سكرين للتهديد مع الرقم لان دة اللى تقدر تبلغ بيه ومباحث الانترنت كدة كدة يقدروا يرجعوا الشات 
اخر حاجه يوسف غالى كان نزل فيديو عن الموضوع دة على تيكتوك 
بيقول انك تقدر تتواصل معاه دور عليه ولو قدرت تتواصل معاه اعمل كدة  اكيد هيساعدك باذن الله 
خد بالك انت تقدر تعمل محضر حتى لو هى اللى باعته الصور

Sugar_44725 🇪🇬 · Answer

حاجه كمان قبل ما تكلمه توقف اى خاصية بتمسح الشات تلقائى لازم الشات يكون معاك

Coffee_33188 🇪🇬 · Answer

بالنسبة للصور … لو الولد انت تعرفه وهو كويس او يسمع منك الكلام ب إحترام كلمه بينك وبينه وقوله يمسح الصور .. لو الولد مش كويس ع حسب الصور ع اي بالظبط فيس انستا الاكونت يتهكر ويتمسحوا الصور