الوحدة الحقيقية.. مش لاقي حد أتكلم معاه!

Question

فكرة انك يبقى حواليك ناس وليك بيت وزوجة وأهل ومش لاقى حد تتكلم معاه وداخل هنا عشان تفضفض وعلى امل انك تلاقى نصيحة تساعدك او كلمة تطبطب عليك دى فى حد ذاتها كارثة هو ده المعنى الحقيقى لكلمة وحيد ( مالناش غيرك يارب )

Orange_61792 🇪🇬 · Accepted Answer

دي مشكلة ،حاول تحلها ،انك تكون مش عارف تتكلم  مع اهلك وارد يحصل بسب اختلاف الاجيال،لكن زوجتك دي ملجأك الاول ،لازم يكون في بينكم حوار و تعبر لها عن اللي مزعلك ،هنا مفيش حد ثقه .ربنا يوفقك

Chilli_63687 🇪🇬 · Answer

ربنا يخفف عنك حاول تعمل صداقات جديده و تتعرف على ناس جديده شبهك و ان شاء الله تلاقي الونس

Coffee_65980 🇪🇬 · Answer

يااااارب للأسف ليا أصحاب كتييييييير بس مش عارف اتكلم مع حد ولا احكى لحد حاجة يمكن ده سبب دخولى التطبيق هنا انى اتكلم براحتى وان اغلب الناس اللى بترد على الكلام ده بترد لوجه الله وربنا يجعلنا سبب فى تخفيف هموم الناس

Nutella_65474 🇪🇬 · Answer

دي محتاجه تقعد مع شبخ فاهم دينه كويس ينصحك وطبيب نفسي

Coffee_65980 🇪🇬 · Answer

كلام حضرتك سليم ١٠٠٪ لكن هو نفسه المشكلة لما الزوجة مبتبقاش الملجأ الأول ونفسى يكون بيننا حوار لكن ده مبيحصلش للأسف أى حوار بيتحول خناقة

Coffee_65980 🇪🇬 · Answer

أومال أنا داخل هنا ليه 🥺🥺🥺🥺🥺

Orange_61792 🇪🇬 · Answer

انا فاهم قصدك ،لكن وجودك هنا مش هيحل المشكله ،لان الحل على ارض الواقع ،تعالى على نفسك شوية ،حاول تتفاهم معاها،غير طريقة النقاش ،ابذل مجهود على قد م تقدر ،لكن لو لجأت لهنا اولا مفيش حاجه هتتحل،ثانيا مفيش حد ثقه هنا .

Lemon_65949 🇪🇬 · Answer

دا مش حالك لوحدك ...... 😔

Ice Cream_66949 🇪🇬 · Answer

ونعم بالله

Mango_65644 🇪🇬 · Answer

ياجماعه الراجل عنده حق مشكله كبيره بتواجه مجتمع باكمله وحالات انفصال فاقت التصور

Sugar_64626 🇪🇬 · Answer

ربنا خلقنا ازوج علشان نكون سند وسكن لبعض مش علشان اسيب  مراتي واروح اتكلم مع حد تاني

Coffee_65980 🇪🇬 · Answer

للأسف لجوئى لهنا مش أولا انا متزوج بقالى ٩ سنوات وحاولت كتير