الموضوع زاد عن حده ولا متهيألي انا بكلم نفسي كتير جدا جدا مش بس نفسي انا بصنع شخصيات لقرايب لصحاب جامعه بكلمهم ويخليهم يردو عليا في عقلي من عرض مشاكل لمواقف هزار لعياط وحقيقي بضحك وبهزر وبعيط وبتخانق واقعي بس مع ناس في خيالي كتير بجد .طيب في الواقع مبكلمش حد ولا قرايب ولا صحاب معنديش صحاب جامعه قريبين مني كلهم زمايل واغلب وقتي في الجامعه بمشي لوحدي لأنهم بيتعبو نفسيتي بمواقفهم وبحسهم مش البيئه اللي عايزاها والبنات قليله جدا في كليتي فمافيش مجرد زمايل بس بالنسبه لقرايبي مش بكلمهم غير في المناسبات يعتبر ومش بخرج من البيت ولما بشوف ناس مش متعوده عليهم مش بعرف اتعامل معاهم وبرتبك .انا مكنتش كده دا انا زمان ماما كانت بتشكي لعيلتها مني دايما اني بكلم صحابي بتوع زمان كتير وإني كنت بحب اخرج وبحب اروح مناسبات واندمج واتكلم بعفويه مع الناس دلوقتي حرفيا بتتحايل اني اخرج واندمج مع الناس . وقرايبي علشان كنت بتعامل بعفويه جدا علي قد معرفتي وكنت كثيرة الحركة ومكنتش بنسق للبسي كانو بيتريقو عليا ويقارنوني ويعملوني محتوي كنت في نعيم الجهل والله علشان مكنتش فاهمه قصدهم ولا فاهماهم بس تصرفاتهم مازالت موجودة من وقت ما فهمتها بقيت في جحيم المعرفه . بسبب اني بكلم ناس في خيالي استغنيت عن الواقع او بعني بخلص طاقتي وطاقة كلامي مع ناس في خيالي .

2

3