اترفضت امبارح من مقابلة كنت شايف فيها طوق النجاة. كان المرتب كويس أوي، كنت شايفها فرصة يمكن تغير حياتي… بس راحت. والنهارده ممكن أترفد من شغلي الحالي بسبب شوية إذونات كنت باخدها عشان أدوّر على مستقبل أحسن. كأن كل باب بفتحه بيتقفل في وشي وأنا لسه جوه الظلمة. واللي زاد فوق ده، إن البنت اللي كنت بحبها قالتلي إن اللي بعمله لنفسي، مش ليها. كلمة صغيرة بس جرّحتني أكتر من أي رفض، حسّستني إن كل التعب اللي تعبته كان بلا معنى. بقيت حاسس إن الدنيا قافلة من كل اتجاه، كل حلم كنت ماسك فيه وقع، كل سبب كنت بكمل عشانه اختفى، حتى نفسي مبقتش شايف ليها لازمة. حياتي بقت عاملة زي غرفة مظلمة… مفيش فيها إلا صوت أنفاسي وأنا بحاول أقنع نفسي إني لسه عايش.

2

5