الاكتئاب

Chocolate_57541 🇪🇬

منذ 12 ساعة

شعور محبط

عارف لما يبقا كل حاجه نفسك فيها مبتحصلش رغم انك شخص كويس وعارف نفسك انك بتتقى الله فى نفسك والناس ومبتأذيش حد ولا بتشيل ف قلبك حاجه وحشه لحد ومع ذلك مفيش حاجه نفسك فيها تحصل وتفرحك ولا شغل نفسك تنزله بيجى ولا حد حبيته بتكمل معاه حتى الاصدقاء اتغيروا والاهل مش موجدين اصلا تحس انك منسى مش موجود ا

Cherry_48485 🇸🇦

منذ يومين

شعور متعب

Carrot_74945 🇪🇬 ربنا يريح قلبك يابنت الناس والشيطان هوه الي بيجبلك الافكار دي ويعمل كل ده انتي صلي واحبري نفسك علي الصلاه ومتسمعيش للصوات دي الي في دماغك وحاولي ده ولازم تعرفي اني ربنا شايف وعارف وسامع وحاسس بس هوه علي شان بيحبك اووي بيختبرك

عرض الكل 10 نصيحة

عبّر عن شعورك بشكل مجهول

أنا حاسة اني بقيت عدوةنفسي وعايزة مساعدة
من وانا صغيرة عندي ابتلاءات كنت دايما راضية وصايرة وعايشة حياتي وبتمني الخير للناس الناس اللي حواليا بتحبني واحيانا بحس اني ملهمة عليهم بس من ناحية تانية كنت بتعرض للتنمر من بعض الناس وللمقارنة وعدم تقبل من اهلي لحد ما وكلام جارح وناس مثلا اسمعها بتتكلم عليه اني عندي ابتلاءات كتير واخواتي لا وانا اقل واحدة فيهم وعايشة وراضية مع الوقت بقيت بركز مع ابتلاءاتي والناس بالاخص اخواتي دخلت في مرحلة اكتاب جامدة كل حياتي بتقف تدريجي بعاند في نفسي تقريبا متعبة الناس اللي حواليا وانا تعبانة اكتر منهم كلهم بقيت بعمل حاجة غريبة أنا مش فاهمة ليه بعملها زي اني مثلا صوتي وحش في الغناء فلما حد يقول لي صوتي وحش ازعل اوي وبالعمد اطلع في ازاعات وأغني الناس تتريق عليه ازعل اوي وابص للشخص اللي بيغني بغيرة جامدة حد يقول لي تاني مرة ولا تطلعي ازاعة تاني عشان انتي صوتك وحش اقصي مراحل الوحاشة الممكنة ويجبرني اني ولا اطلع اقعد اعيط بالأيام وولا أسامحه واحاول اطلب منه انه يعتذر لي وفي الأغلب بيقول لي دي حقيقة وينرفزني اكتر ولو شفت حد بيغني أغير منه اوي واقول للشخص اللي قال صوتي وحش ليه ولا بتقول علي دة صوته وحش وتجبره زيه انه ولا يطلع يغني يقولي عشان هو صوته يجنن وانتي صوتك فعلا مزعج وحقير ولازم ولا تطلعي ولازم تتقبلي انه صوتك وحش وصوته حلو الاقي نفسي دخلت في اكتاب جامد وبغير اوي من الشخص اللي صوته حلو وزعلانة اوي من اللي قال علي صوتي وحش وجبرني وغيرته يعتذر لي او يجبر التاني ويقول عليه صوته وحش وحاجات كتيرة في حياتي كدة أنا تعبت اوي مكنتش كدة كل الناس بتبعد عني وانا كدة بزداد اكتاب مش عارفة اعيش حياتي عمالة افشل وابوظها بدل ما كنت ملهمة بقي بيضرب بس المثل وبقيت بعمل مشاكل كتيرة من كتر الهم اللي حاسة بيه زي ما قلت اللي بعمله دة يعتبر مشكلة(كتر الاسألة)اتمني حد يجاوبني ويفيدني أنا كدة بخسر دنيتي وآخرتي وعلي شرط عندي خوف من المستقبل جامد وزعل علي الماضي بردو جامد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_70899 🇪🇬

منذ يومين

شعور وحيد

دائما بتيجي في بالي فكرة الاستقلال عن اهلي يعني انا واحد اتخرجت عاجلا ام اجلا هلاقي وظيفه تناسبني - بس في حاجه مخاوفني يعني انا انسان سهل جدا انعزل عن الناس كتير جدا بقفل تليفوني عشان محدش يرن عليا في اوقات كتير بستصعب النزول و الخروج عموما مبقتش متحمس لاي حاجه - و فكرة إن الواحد يطلع علي زواج فا يب

Coconut_54821 🇪🇬 ممكن تجرب كام يوم لو عرفت تعيش في سكن خلاص شوف سكن وعيش لازم تقدر تستقل بنفسك دي حاجه كويسه لو انت ولد يعني

عرض الكل 4 نصيحة

Carrot_52708 🇪🇬

منذ 3 أيام

شعور غير مكتمل

أنا بعترف إني في لحظات ضعفي قلت على نفسي كلام وحش جدًا. فضلت أقول إني فاشل، إني منافق، إني ماليش أي قيمة، وكأني عايش كعبء على كل اللي حواليّ. كنت شايف إني السبب في أي حاجة وحشة بتحصل، ومكنتش قادر أشوف في نفسي أي ميزة أو خير. بس بعد ما هديت شوية وفكرت، اكتشفت إن الكلام ده مش أنا. ده صوت الاكتئاب الل

عبّر عن شعورك بشكل مجهول

بس بعد ما هديت شوية وفكرت، اكتشفت إن الكلام ده مش أنا. ده صوت الاكتئاب اللي كان مخليني مش شايف غير السواد. هو اللي كان بيخليني أفتكر كل حاجة سلبية، ويكبرها، ويخليني أصدق إني مش نافع. الحقيقة إني بني آدم عندي ضعف زي أي حد، بس برضه عندي قيمتي وربنا لسه مديّني فرصة أكمّل.

اللي لمسني في وقت الأزمة إن الناس اللي كنت فاكرهم ضدي، ظهروا بوش تاني. مديري اللي كنت حاسس إنه بيكرهني، وقف وقت الجد يحاول يهديني وينقذني. وزميلتي اللي ملهاش أي مصلحة معايا، نصحتني أقرأ قرآن وأقرب من ربنا عشان أستمد قوة. المواقف دي خلتني أفوق وأقول: لأ، أنا مش لوحدي، وفي ناس شايفة فيا حاجة أنا مش شايفها.

أنا غلطت لما سلمت ودني لأفكاري السودا، بس اتعلمت أفرق بين صوت الاكتئاب وصوتي الحقيقي. وزميلتي اللي وقفت جنبي، بجد بتمنى ليها من قلبي ربنا يرزقها بالزوج الصالح والسعادة. أما مديري، فأنا موافق على أي قرار ياخده تجاهي، سواء إني أكمّل أو أمشي، عشان مؤمن إن اللي بيكتبه ربنا ليا كله خير.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_75431 🇪🇬

منذ 6 أيام

شعور مرهق

أنا امي بتعاملني زي الخدام و مع ذلك مش بتكلم لاكن من كام يوم قالت لي أن مليش لأزمة و ان أنا قليل الادب و مقدرتش امسك نفسي و زهقت لها وقولت لها أن المفروض تغير أسلوبها و ابويا عارف ان هي غلطانة و مع ذلك مش بيتكلم و لما اشتيكيله يقول لي اشتكي ربنا و بفضلها أنا بعاني من الاكتئاب المبتسم و مش عارف اعمل

Pineapple_72142 🇪🇬

منذ أسبوع واحد

شعور مستنزف

هو حد عنده كل لموضوع الصحاب؟ انا واحد عندى ٢١ سنة فى جامعة لكن بسبب ان انا للأسف والله كل اصحابي القدام طلعوا بتوع مصالح و كانوا دايما عايزين مني حاجة او عايزين يوصلوا لحاجة انا يعتبر قطعت كل خلق الله الا 3 بظبط صحاب ليا قريبين و ربنا يخليهملى لكن حتى هما عندهم حياة خارجية عنى و صحاب و شلل تانية بين

عبّر عن شعورك بشكل مجهول

و خاصة من 3 شهور والدى اتوفى قدام عينيا و من ساعتها و انا حاسس بنوع من انواع التوهان لأن بابا كان يعتبر المرشد و الصاحب ليا و لما ضاع مني بقيت دايما بدور على حد اققدر ارتاح معاه فى الكلام و افضفض و وصل بيا الموضوع انى اروح لدكتور نفسي و اخد اكتر من دوا مضاد اكتئاب لكن معظم الوقت اصلا انا البروح و بسمع صحابي و بقف معاهم و بسندهم بينما انا بسند نفسي لكن من بعد بابا بقيت حاسس انى بمثل انى بسند نفسي و انا اصلا ضايع و بدور على اى حد حرفيا يبقا لينا صداقة عميقة اققدر اسمع فيها القدامى لكن بردوا اققدر اتكلم مش اسمع و اسمع و انا بمثل على نفسي

من امثلة الخلتنى اوصل لكدة انه من حوالى اسبوعين طلع عندى لوكيميا و كنت مع صحابي و بكلمهم عادى و بنضحك لكن مرة واحدة والله من غير مبررات حسيت عايز اعيط فا حكيت لواحد منهم و هو خد الموضوع بجد و زعل عليا و قالى لا لازم تدور و هاجى معاك و هكذا و هكذا لكن بعد اسبوع كأنه نسي الحوار و الموضوع و بقيت لوحدى تانى. و طبعا حوار مع اهلى دا حاجة تانية بس كنت عايز اعرف لو فيه اى حل للموضوع

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_69336 🇪🇬

منذ أسبوع واحد

شعور آسف

عبّر عن شعورك بشكل مجهول

المفروض اعمل ايه لو مخنوق ومحتاج اتكلم مع حد او اخرج مع حد بس افضفضله ب استفاضه اوي اوي يعني؟ انا تقريبا بقالي سنين كاتم كل حاجه زعلتني بدون مبالغه، بنظهر ضعاف عادي قدام مين في حياتنا بجد اهلنا ونشيلهم الهم؟لا، اصحاب؟ كل واحد فيه اللي مكفيه، اكلم ناس اغراب زي هنا؟ ما اللي هيكلمني يوم مش هيكلمني التاني، مفيش حاجه دمرتني غير الكتمان انا اتحرمت من وجود حد يسمعني واصحاب قريبين لما الدنيا تضيق بيا انزل معاهم عالقهوه افك عن نفسي واروح مبسوط، بحاول اصلح دا دلوقتي بحكم اصحاب الشغل الكتير حاليا بس حاسس دا مع الناس الغلط مينفعش اخلط حياتي الشخصيه ب اصحاب الشغل،
من فتره كنت في شركه وفيه فتره ظهر عليا ملامح اكتئاب وزعل من موضوع الوحده كان فيه زميله قريبه مني جدا واكبر مني بكتير سالتني كتير مالك مالك، كنت حرفيا على تكه وهنفجر واحكيلها كل حاجه من مشاكل لوحده لكذا لكذا لكذا، بس سبحان الله كنا اقرب اتنين وفجاه طلعت اسوأ واحده عرفتها في حياتي ف المفروض نثق في مين بجد😂، حتى لما اتجوز محبش برضو ابين الجزء الضعيف مني قدام مراتي مش عارف بس انا من كتر ما راكمت الحاجات اللي نفسي اقولها واعملها بقيت مش عارف انا عاوز ايه وايه اللي مزعلني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_74726 🇪🇬

منذ أسبوع واحد

شعور وحيد

عندي شعور رهيب بالوحدة و الموضوع زاد بعد م تخرجت من الجامعة وصحابي الدنيا شغلتهم الي لسا بتدرس والي اتخطبت وكدا مبقاش في حد حواليا واحساسي بالوحدة كل يوم بيزيد حتى لو حواليا ناس كتير حاسة بوحدة رهيببة مبقاش في حاجه ليها طعم حتى الحجات الي كنت بحب اعملها مبقتش بتبسطني حاسة اني فاقدة معنى الحياة وبسب

Strawberry_74738 🇪🇬

منذ أسبوع واحد

شعور محبط

موضوع:

قرارات من الأهل كانت سبب في تغير حياتك

عبّر عن شعورك بشكل مجهول

يمكن الفكره بتاعت الابلكيشن ده عجبتني و شجعتني علشان مش معروف مين لسبب تاخير الدكتوره النفسيه البروح ليها و معادها و كم المهدئ و المنوم حياتي كلها تعتبر في غيبوبه مش عارفه ولا اتكلم مع حد ولا حد هيفهمني مجبره اضحك و اهزر
الموضوع بداء معايا من وانا في ابتدائي حاليا انا 29 سنه 
طفله يعني و مكنتش حلوه كمان والله الهو لحد دلوقتي مش عارفه فكره ان حد يتحرش بطفل ايه المغري فيها غير انه مريض حصلت كذا مره من ابن خالتي و كنت بخاف منه و حصلت من ابن عمت مامتي الغريبه بقي ان في الوقت ده هما واحد كان في 3 ثانوي و التاني في اخر سنه في الكليه 🥲
مشاكل ماما و بابا كانت كتير جدا ماما اغلب وقتها مع اخواتها و انا مع بابا بابا كان راجل كبير في السن يامه اضرب من خالي و اتشتم شتايم زباله زيه هو غلط اني اشمت في المرض بس مبسوطه ان جالو كانسر و انا في 3 ثانوي بابا تعب و اتوفي و ماما بدات تفتكر ان ليها بنت بس الكلمه كلمه خالي بقي الكان مبهدل بابا و طبعا ماما مخليه اخواتها و عيالهم كله بيتحكم فيا انا الواحيده الكله كان بيمسك فوني و ممنوع احط باسورد انا الكنت بضرب من خالي و اتشتم من خالتي و خالي عرفت واحد في اولي ثانوي و لما بابا مات خالي قال يايجي تاني يوم الاربعين يا خلاص من خوفي اني اقعد معاهم عرفته و جه فعلا و اتجوزت و قولت بما ان هو عارف تفصيل حياتي هيتقي ربنا فيا و في الحصلي مكنتش عايزه فلوس يمكن الحاجه الماما كانت بتعملها بتعوضني عدم موجودها بالفلوس هي فكره كده ان هي كانت بتحبني يعني و ان هي مش حرماني من حاجه متعرفش انها هي حرمتني منها اتمنيت اكون زي عيال اخواتها و تحبني زيهم والله لما اتجوزت كانت حياتي جحيم خلفت اتنين و كنت سكته علشان ولا ليا اخوات ولا مكان اروحه لفتره كده بعد جوازي ب5 سنين

Blueberry_73521 🇪🇬

منذ أسبوعين

شعور متوتر

مفيش حاجة بتهديني غير الادوية هو انا هفضل اعيش حياتي بيها ؟ انا بطلتها فترة كبيرة بس اول ما حصلي انتكاسة مقدرتش اتعايش عادي و خدتها تاني هفضل اهرب بالادوية لحد امتى ؟ نفسي ابقى انسانة طبيعية القلق مبيآثرش فيا و يوقفلي حياتي للدرجادي انا تعبت و كل الاحداث بترهقني بزيادة

Coconut_74112 🇪🇬

منذ أسبوعين

شعور رائع

موضوع:

ازاي قدرت تتعافي من علاقه سامه

انا شخص معنديش اهم و اغلى من مستقبلي فكنت ديما بحس اني لو أديت اهتمام كبير ل شخص لدرجة اني ادايق و ازعل و اجي ع نفسي هميل اكتر للاكتئاب ف انا بدي لمستقبلي اهمية 98 و اي علاقة سواء توكسيك او غيرها اهمية 2

French Fries_74038 🇪🇬

منذ أسبوعين

شعور محبط

عبّر عن شعورك بشكل مجهول

السلام عليكم  وانا عايز اعرف رأي
 فى حكايتى انا واحد كان نفسي فى يوم من الايام اخطب واتجوز زى زى اى شاب وأنا واحد ظروفى على أدى بس كان نفسي ارتبط بشخص يحمل مؤهل دراسي عالى مع الاسف مثل الهندسة او دكتور او اى شخص يحمل شهادة يعادلها فى باقى الشهادات انا عارف انه تفكير عقيم بس مع السف كنت شايف ان ده حاجة كويسة جدا بالنسبالى المهم انا برده كنت عارف ان ده شئ مستحيل تحقيقة بالأخص فى الجتمع الى احنا فيه وبالاخص انا معايا دبلوم صناعى وظروفي المادية على أدى ولاكن انا لما شوفت ناس شبهى اتوفقوا فى حاجة زى كده انا اتحمست للفكرة وحاولت أتقدم بالفعل لبعضن من الناس يعنى حد انا اعرف عنده بنت بتحمل هذه الشهادة حد عنده اخت برده وكله بالعشم لأن انا عارف الناس دى برده انا نسيت انى اقول لحضرتك ان انا شخص مش اجتماعى المهم كنت بترفض دايما بس بطريقة مش مباشرة يعنى رغم العشم كانوا بيقولولى والهى انا معزهاش عليك ولاكن كان فى حد متكلم عليها ونفس الكلام مع بقيت الناس واتضح ان كلامهم مش حقيقي ده الى انا اكتشفته بعد كده وبعد اتعقدت وقعد كام سنة مفكرش فى الجواز لحد مولدتى قلتلى احنا عايزين نفرح بيك  قولتلها بلاش انا مش عاوز اتجوز علشان انا بينى وبين نفسي انا مش هلاقى الشخص الى انا عاوزه علشان ظروفى انا مش طمعان فى وظيفتها ولا فى مرتبها انا ظروفى على أدى بس انا عايز اعيش مع واحد طموحه وبتحبنى وبتحمل هذه الدرجة العلمية واكون سند ليها لو أمكن المهم بعد ظغط كبير من امى وعمتي قلولى ان فى حاجة اسمها خاطبة قلولى اكتب المواصفات إلى انته عايزها واكتب مواصفاتك طبعا يااستاذه ايه انا كتبت مواصفاتى كلها من غير اى كدب ولاكن لما كتبت مواصفات البنت مكتبتش انا عايز بنت تحمل هذه الدرجة العلمية وبتشتغل كمان اتكسفت بصراحة المهم بعد معملت كده ب٢٤ ساعة بس اتلقيت امى داخلة عليا بتقولى الخاطبة جبتلك بنت وكانت مواصفاتها ياايه مهندسة جامعة روسية وحافظة للقرآن ومسواه كويس بس مكنتش بتشتغل قولت معقول من اول مرة كده طب لما انزل اشوفها لقتها بنت حبوبة وشكلها حلو ده غير ان فيها كل الى انا عاوزه من مواصفات  كنت مرتاح فى القعدة يايه جدا وبعد ممشينا انا روحت البيت بينى وبين نفسي انا قولت ان هى هترفض على طول هى واهلها علشان ظروفى وكده المهم قعدت يوم والتانى سألنا بتقول لسه بتصلى استخارة وبعد كده رفضت بصراحة ياأيه انا انصدمت وقعدت يومين مبنامش وتعبان وبعد كده قولت الحمد الله قدر الله ماشاء فعل وبعد كده قولت بينى وبين نفسي علشان جربت شعور الرفض فأنا مش هرفض الى جاى هسيبوا هو الى هيرفض ولو وافق يبقى ربنا كتبلى الخير فى دى بعد كده الخاطبة جابتلى واحدة تانية بس مرتحتش بس هى تلى رفضت وبعد كده جابتلى واحدة تانية برده مكنتش مرتاح اوى لأن هى قلتلى فى وسط القعدة وهى بتعرفلى نفسها ان عندها اخت مهندسة فكان المفروض انا رفض بس انا روحت البيت وانا فى بالى ان هى هترفض زى الى فاتوا لاكن مع الاسف وافقت بصراحة يا أيه انا مفرحتش ومزلعتش فى نفس الوقت لأن دى اول تجربة فى حايتى روحنا البيت عندهم انا كنت بقدم رجل وبأخر رجل بس انا روحت وأرينا الفاتحة فرتحت شوية ولما روحت البيت قولت اشوف البنت لو كانت كويسة معايا خلاص وبطل الفكرة التخلفة الى فدماغى دى المهم بعد شهر ونص خطوبة والدنيا كانت ماشية كويس قلتلى ان اختها المهندسة جلها عريس ووافقت انا انهارت تماما ومت بعدها الدنيا بقيت سودة عليا ومبقتش شايف خطيبتى رغم أنها كانت طيبة ومحترمة وشكلها مقبول ومتعلمه تعليم عالى وعاقلة جدا وصبورة جدا عشت معاها ايام حلوة كتير بس بصراحة انا صارحتها ان انا كنت عاوز واحدة دكتورة او مهندسة اكتر من مرة غصب عنى رغم انى مكنتش بحب اتكلم فى حاجة زى كده علشان مديقهاش كان يوم بعد يوم بكلمها فى الموضوع ده غصب عنى لانى مكنتش مرتاح وعلشان طيبتها ومعملتها الكويسة ليا كانت لما تضايق منى كنت بحاول اصلحها وهى اديقت منى كتير وانا كنت بدايق اكتر لمديقتها بس كل مهدى واقول انا معايا انسانة كويسة ومناسبة ليا فجأة يحصل تقولى اى حاجة عن اختها وخطيبها بسلامه نيه فرجع تانى اضايق واقفل منها علشان انا اصلا حاببب مواصفات اختها مش اختها وكنت بقول بينى وبين نفسي هو أحسن منى فى ايه انا كان نفسيى اكون زيه اخد واحد مهندسة بتشتغل طموحة بتحب شغلها وبتحبنى علشان بحبها ومش واقف فى مستقبلها المهم زاد عدم راحتى لخطيبتى وعلى برده عشانها ومبين بزعلها مرة وبصالحها مرة وبعد سنة وسبع شهور رغم انى حجزت قاعت الافراح وسافرت القاهرة اجيب البدلة بس بره مع الاسف مكنتش مرتاح المهم قولتلها فى رسالة كل واحد فينا يروح لحالةوانا مش عاوز اعزبك معايا اكتر من كده لان فى الفترة الأخيرة كانت فى مشدات مبينا انا مكنتش مستحملها غير عدم الراحة المهم سيبنا بعض وقلتلتى خد الدهب انا مأختوش اكرما ليها علشان انا عارف انا اد إيه انا جرحتها وابوها هزئنى وامها هزئت امى فى التلفون معلش انا عازرهم انا الى عملتوا مش شويه وانا عارف انا عملت ايه وبعد شهرين من الفشكلة اتلقتها مخطوبة لواحد تاني وانا شوفت الزفة بنفسى على اد مفرحت ليه على اد مزعلت على نفسي وال عملتوا فيها وانى مكنتش اتخيل فى يوم من الايام انى هحط نفسي فى الموقف ده طبعا انا حاولت ارجعلها اكتر من مرة بعد مفشكلنا على طول فوقت لنفسي وقولت أصلح الغلط بس مع الاسف هى رفضت تماما وبعد كده انا عيشت فى اكتئاب وربنا بيعقبنى بالى انا عاملتوا فيها هى انسانة تستاهل كل خير اما انا كنت انسان زباله مصونتش الانسانه الوحيدة الى كانت بتحبنى ومناسبة ليا وانا هعد سنين طويلة على مكون نفسي تانى وفكر اتجوز وانا اصلا سنى كبير مش صغير ياعنى الموضوع انتهى بالنسبالى ضيعت نفسي علشان قرار خطأ انا خته فى حياتى انا بتابع فديوهاتك من بدرى وكنت متردد ابعت لحضرتك لحسن تهزأينى انا كمان 😁 لاكن عقلك ولباقة حضرتك فى الكلام هما الى شجعونى ابعت لحضرتك حكايتى وياريت تقولى راى حضرتك ايه واعمل ايه فى الى باقى من حياتى لوعشان وكان لينا عمر وشكرا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_74035 🇪🇬

منذ أسبوعين

شعور محبط

Watermelon_63094 🇪🇬 ربنا يرحم والدتك و يغفرلها يارب ، ممكن علشان اتعودتي علي كده من والدتك ف بقي طبيعي بالنسبالك ان الناس تكبرك و تهتم لرأيك بس ده مبيحصلش فعلا لان زي ما بتقولي طالما حد اكبر منك بيبقوا شايفين ان عندهم السلطه و ان هما فاهمين اكتر و الكلام ده

عرض الكل 5 نصيحة

عبّر عن شعورك بشكل مجهول

انا كنت اكتر حد بيثق فنفسه فالدنيا ومكنتش بقلل من نفسى ابدا وعارفه قيمتى كويس جدا ودا كان بسبب ماما الله يرحمها كانت فعلا بتحسسنى بنفسى دايما وتدينى مساحتى فالراى والكلام وكل حاجه من وانا صغيره بعد ماتوفت بقيت مع اهل ماما محدش فيهم بياخد كلامى او رايي فالاعتبار وبيتعاملوا انهم ادام اكبر منك يبقا هما دايما صح مبيغلطوش ودايما حتى فالكلام العادى والهزار بكون انا اللى ع المسرح زى ما بيقولوا وحاليا انا مبقتش بثق فنفسى بقيت برضى باى حاجه بقيت مبحسش نفسى غير انى قليله بقيت ببص للبنات اللى فسنى واقول امتى هبقا زيهم تصرفاتى بقت طفوليه اوى وبقيت بحسنى عبيطه وتافهه مع انى دايما كانو بيقولوا عليا وانا صغيره ان عقلى سابق سنى وانى واعيه وشاطره وذكيه دلوقت حتى لو اتكلمت مع صحابى بحس انى اقل منهم فكل حاجه وهما كمان بيحسسونى بدا ساعات مع انهم ممكن يتكلموا فنفس المواضيع مع بعض عادى لكن انا لو اتكلمت بيبصولى اكنى عيله صغيره وهبله الكل بيشوفنى بضحك بهزر بس انا اصلا مبعملش حاجه غير انى بعيط ومخى مش بيوقف تفكير فان ليه انا كده او بقيت كده وانا مش كويسه فعلا طب ليه بيعملوا كده معايا  ومش عارفه ايه حل المشكله دى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_74003 🇪🇬

منذ أسبوعين

شعور محبط

عبّر عن شعورك بشكل مجهول

انا شخصيتي دايما قويه وشايله مسؤليه كل اهلي وربنا يرزقني بزوج وانا في الربعين فرحت وقلت الحق اجبلي عيل يشيلني لما اكبر والغرض من زواجي كله كان الخلفه زوجي عايش في اروبا وانا في بلد عربي غير بلدي الاصل المشكله بعد الزواج اكتشفت حاجات في زوجي طبعا احسن انه مشاكل نفسيه هو يتيم الاب والاب وحتي اخوه متوفي فعاش في ظروف صعبه كتير اثرت عليه خلته انسان مش طبيعي وانا استوعبت ده وقلت ربنا يرزقني طفل وادنيا تمشي رحت لدكاتره علشان الخلفه وعملت مشاكل مع زوجي علشان لازم يجي انا مش هيتنسي شهر كل سنه لان لسه الاوراق مش مكتمله علشان اسافر واما جاء اكتشفت انه عنده عيب خلقي ومابخلفش وهو عارف وماقليش انا هنا جاتلي صدمه لانه ماتتخيلو انا قد ايه نفسي اجيب ولد او بنت يملو حياتي عندي امومه كبيره جواتي انا انصدمت ومش عارفه اتخذ قرار ازعل منه لانه خبي عليا وانفصل ولا انا كده كده كبيره وفرصتي مش كبيره للخلفه هو قالي انا اقول ليه مش ذنبي اني مابخلفش بصراحه استعطفني فعلا مش ذنبه بس انا كمان ذنبي ايه لخبط حياتي جيت من بلدي وسبت شغلي ودلوقتي لو اطلقت مش هعرف ارجع بلدي لظروف ومش هعرف اشتغل هنا وكمان انا محتاجه انه يصرف علي ونفسي يكون عندي بيبي بس انا جالي اكتيئاب وحاليا بتعالج مع اخصائيه نفسيه حاسه بحياتي انتهت هو كمان مش الونس الي هقدر اكمل معاه حياتي وفي نفس الوقت عنده بعض الصفات الحلوه زي الكرم والاحترام والتدين بس كمان من النوع الي مايعرف يتكلم قدام الناس دايما احراج انا في حيره دايما ابكي واصلي وربنا ينصرني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Onion_73489 🇪🇬

منذ أسبوعين

شعور مرهق

انا كان عندي حياه كويسه جدآ وكنت عايش مرتاح وابتديت من الصفر طول عمري بجتهد واتجوزت صغير وخلفت وكنت حاسس بالرضا وكانت زوجتي كل شي ف الحياه بلنسبالي لحد ما قررت تنفصل.. وبالفعلعملت كدا خدت كل شي وانفصلت حتي ابني بدفع مصريف ومش بشوفه غير فيديو انا حابب ابتدي تاني لاني مينفعش افشل ولكن احساس الوحده

Chocolate_52370 🇪🇬

مش عارفه أتكلم عن مشاعري في البرنامج

انا مش عارفه انا الوحيده اللي بحس بي كده ولا لا ان انا كل لما اجى ادخل البرنامج وببقي عاوزه اقول حاجات كتيره اوي بس مش بعرف مشاعري بتتلخبط اويي مع ان انا بدخل لما بحس اني جبت اخري من الدنيا ومش لقيه حد معايا حرفيا بس في الاخر مش بعرف اقول اي حاجه في البرنامج بقعد اشوف النااس لو في حاجه ممكن اساعد بيها بتكلم بس غير كده مش بعرف اتكلم عن مشاعري هو انا بس اللي كده انا جمعت الكلام ده بصعوبه ...عرض المزيد

3 الدعم

32 نصيحة

Apple_64150 🇪🇬

خطيبي فقد الشغف وسبني! أنا السبب؟

انا كنت مخطوبه لواحد قريبي كان بيحبني ف الاول ويقول كلام زي بريل عليكي ومجنناني والكلام ده ولو قدامي كنت اغتص...وكلام من ده بعد كده بدا يلمح بحاجات اكبر بس مكنتش بتكلم معاه ف الكلام ده كذا مره لحد ما قولتله انا سمعت شيخ بيقول المفروض تعامل خطيبتك كانها اختك وتحافظ عليها وهو اتغير من بعدها مبقاش يرن ( احنا اصلا ف العادي بحكم الجيش كنا بنتكلم مره واحده ف الاسبوع واوقات مرتين ) بس كانت ساعه ونص ف كنت بقول عادي بقيت ارن انا ميردش عليا ابعت الرساله يتاخر ب ٧ و ٨ ساعاات هو بيشتغل ميديكال ريب وكان بيقولي انه مشغول اقوله مفيش دقيقه اطمن عليا فيها يقول مفيش وارجع انا اكلمه عادي كل ده شات اوقات كان يلمح للكلام بتاعه ده وارجع اصده بهزار بردو عشان ميتقفلش ( لان كنت حاسه لو قولتله ياتسكت ي نفركش مكنتش حاسه انه هيختارني ) فضلنا ع موضوع مشغول ده من شهر ١٢ لحد العيد الصغير كنت بطلب منه يقولي كل سنه وانتي طيبه حتي قالي هتيجي ف وقتها قولتله حاسه اني بشحتك حرفيا قالي متشحتيش ( فانا جه ف دماغي انه كان بيعمل كده كعقاب ليا عشان كان اوقات يقولي قوليلي ي حبيبي مثلا او بحبك ف ريكورد او كده وانا كنت بتحرج اقول ) فقولتله شكرا وتاني يوم مكلمتوش ف دخل ع العشا كده قالي كل سنه وانتي طيبه رديت عليه وبقوله انا زعلانه من امبارح كنت فاكره هترن عليا تراضيني قالي انا وصلت للي فيه ده بسببك بسبب زعلك وقمصك ( وانا اصلا اقصي حاجه ممكن ازعل منه ٣ او ٤ ساعات وارجع اضحك تاني ) والفتره اللي فاتت كلها كان بيقول كلام سم وانا ببلعه عادي المهم اتعاتبنا واتفقنا ع حاجات هنمشي عليها بعدها والدته كانت مسافره ( والدته دي محضرتش الخطوبه عشان اهله بره مصر ورجعت بعد الخطوبه بسنه ومجاتليش تسلم عليا وعزمناها ف رمضان مرضتش تيجي قالتله والله مانا رايحه معاك ف حته ولا عزمتني هي ولا كلمتني ف العيد ولا جاتلي مع ان بيتهم ف الشارع اللي ورانا وانا اللي كلمتها ف العيد قالتلي نسينا نقولك تيجي تصلي معانا ) المهم اول ما سافرت قالي حقك عليا وانا مقصر معاكي وتعالي نخرج وخرجنا واتصورنا وانبسطنا بعدها باسبوع يقول مش مرتاح ومش عارف ياخد قرار واتفقنا ندي لنفسنا فرصه تانيه وهو قالي مش متخيل نفسي مع حد تاني وسالته لسه بتحبني وناوي تصلح قالي ايوه واتفقنا بعدها جالي وروح كان كويس وبيتفق معايا نعمل سيشن ف فرح اخته بعدها قعد شهر مجاليش وجالي ف العيد الكبير جايبلي حلويات بحبها وانا كمان جبتله وقعدنا نهزر ونضحك وروح بعتلي اغاني وكلام حلو حتي يومها بيقولي الراحه الكليه هتبقي ف الشقه ف قولت اهزر معاه واقوله ايوه احنا الاتنين بقي قالي انا بس انتي كده كده مش فارق ! بس عديتها عادي بعدها باسبوع كان كتب كتاب حد قريبنا بقوله عقبالنا فالي ايوع ربنا يكتب علينا اللحظه دي بعدها بكام يوم يقولي فقد الشغف وسابني بقوله ده احنا كنا كويسين يقولي كنت برد عليكي واجب طب ازاي ده قبلها بيومين كان بيقولي ام عيالي وتسلميلي ي قلبي وانتي الغاليه !! قولتله انت بتلعب بمشاعري وتقولي واجب! طب واجب ده لما تتاخر ف الرد عليا وانك متردش ع الموبايل انما قلبي وروحي وانك نفسك تعيش معايا ده ايه بتديني وعود ليه كده لما انت مش طايقني قعدت ٣ ايام مفتحش الرسايل كلمت اهله ابوه قالي استني يومين اكلمه قولتله حاجتكم جاهزه قالي لا استني ده مش عارف قيمه النعمه اللي ف ايده بعد يومين ابو كلمنب تاني وقالي الولد متردد قولتله حاجته جاهزه قالي لا استني يومين كمان استنيت حد يتكلم مفيش كلمت عمه جه خد حاجته هل انا السبب ف ده هل قفلته مني!! ازاي بعد ماكان بيقول يحبك ووحشتيني وقلبي وام عيالي بعدها بكام يوم يتحول كده ! وازاي ميكلمش ابويا ولا اهله كلموه طب مشاعري انا دي ايه ده انا لاخر يوم بقوله نفسي افرح بحياتي معاك يقولي فقد الشغف !! طب مانا بسالك بقالي ٥ شهور كان بيقول الدنيا تمام انتي اللي بيتهيألك اننا متغيرين اقوله احنا بنبعد يقول لا ! طب موقف امه ده ممكن تكون مكنتش موافقه عليا طيب!!!! ...عرض المزيد

0 الدعم

21 نصيحة

Mushroom_68593 🇪🇬

مبقتش قادره استحمل خلاص... تعبت من كتر العياط

مبقتش قادره استحمل خلاص كفايه تمثيل انا مش كويسه ولا انا بخير ولا تمام انا مش عرفاني كل حاجه فيا متكسره الف حته مش عارفه اصلح اي حاجه باظت جوايا تعبت من كتر العياط كل يوم ع كل حاجه بتروح و مش عارفه ارجعها تعبت ع اني بتعاقب ع حاجه مش عرفاها نفسي كل حاجه تنتهي حتي اناا ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع