البحث عن معنى

French Fries_58613 🇪🇬

منذ أسبوع واحد

شعور مكسور القلب

اشعر بالحدة فى تعامل غيرى معايا وأشعر باللين وحسن النيه مع الآخرين أنا شاب ٣٢ سنه يتيم الام صاحب لنفسي معتمد على نفسي فى حاجات كتير لأنى عايش لوحدى ..... بتمنى الاقي حد ثابت بدون اى مصالح شخصية أو تعقيدات غامضه أنا أبسط خلق الله ياريت حد نتكلم سوا نسأل عن بعض و روتين اليوم ده يتغير ل حاجه لها معنى

Hazelnut_52786 🇪🇬

منذ 3 أشهر

شعور مرهق

فيه أوقات بتيجي على الواحد، بيحس فيها إنه مش موجود… جسد عايش، بيتحرك، بياكل، بينام، بس من جواه فاضي… فاضي لدرجة بتخوف. صحيت من النوم، مش عارف ليه، ومش عارف أنا في أي يوم، ولا حتى الساعة كام. بصيت حواليا، نفس القوضة، نفس الحيطان، ونفس السكون اللي بيخبط في وداني كأنها بتصرخ. روحت المطبخ، عملت شاي من

عبّر عن شعورك بشكل مجهول

فيه أوقات بتيجي على الواحد، بيحس فيها إنه مش موجود… جسد عايش، بيتحرك، بياكل، بينام، بس من جواه فاضي… فاضي لدرجة بتخوف.

صحيت من النوم، مش عارف ليه، ومش عارف أنا في أي يوم، ولا حتى الساعة كام. بصيت حواليا، نفس القوضة، نفس الحيطان، ونفس السكون اللي بيخبط في وداني كأنها بتصرخ.
روحت المطبخ، عملت شاي من غير طعم، شربته وسرحان… الدنيا بقت روتين ممل، مفيهاش أي حاجة تخليني أتحمس، مفيش هدف، ولا حلم، ولا حتى ناس.

زمان كنت بضحك، حتى على أبسط حاجة، دلوقتي لو الدنيا وقعت قدامي، ممكن أتفرج من غير ما أتحرك.
الناس بتعدي من جنبي، بتتكلم وتضحك، وأنا حاسس إني غريب وسطهم… مش عارف أشارك، مش عارف أرد، مش قادر أفتعل حتى اهتمام.

فيه يوم من الأيام، كنت نازل من الشغل، والدنيا بتمطر، وأنا ماشي في الشارع لوحدي.
الهدوم اتبلت، الجزمة غرقت، بس مكمل ماشي، مش فارقة.
عديت من جنب واحد بيعيط على الرصيف، حسيت كإني ببص في مراية.
هو كان بيعيط بصوت، وأنا كنت بعيط بس جوايا.

دخلت البيت، قفلت الباب ورايا، وقعدت في الضلمة.
كل حاجة سكتت، حتى صوت قلبي بقى واطي، كأن مفيش روح.
الحيطة اللي قصادي بقيت أحكي لها، وأحس إن ردها أحن من أي بني آدم قابلته في السنين الأخيرة.

أوقات كتير فكرت أهرب… مش من الناس، من نفسي.
بس أهرب فين؟ وأنا مهما رحت، بيفضل الفراغ جوايا زي ما هو، بيزيد، بيخنقني، وبيشدني لتحت.

بس الغريب، إن لسه فيّ نفس… آه مكسر، وضعيف، بس موجود.
يمكن يوم، مش النهارده، ولا بكرة، ألاقي فيه حاجة تحسسني إني عايش بجد…
بس لحد ما ييجي اليوم ده، هفضل أكتب، وأتكلم، حتى لو مفيش حد بيسمع… علشان يمكن، الكلام يخفف ولو ذرة من اللي جوايا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_73560 🇪🇬

التعلق بحد غصب عنك بمجرد شوية حنيه بيوجع

فكرة انك تتعلق بحد غصب عنك بمجرد ما تشوف منه شوية حنيه صغيرين دي مرهقه جدا و بتوجع ف نهايتها لمجرد ان عندك احتياج للمشاعر اللي بتشوفها من الشخص ده و تتعلق بيه و فالاخر هو ش شايفك غير مجرد صديق يقول فيك كل الكلام الحلو و الصفات و فالاخر ميحبكش ليه عشان بس مش انت اللي هو عايزه انت مجرد وسيله كان بيشبع منها اهتمام و حب و حنيه و دلع و بمجرد ما زهق منك يتخلي عنك شعور رخم بجد ...عرض المزيد

2 الدعم

7 نصيحة

Pumpkin_73702 🇪🇬

هل استنى لشخص نادر بالرغم من الصعوبات ولا أضيع نفسي؟

هو لو فيه شخص صفاته نادرة فالزمن ده يعني شخص غيور، فاهم دينه، كريم، بيحبني، كويس مع عيلته وخدوم ومتفهم وصفات حلوة اوي واتعاملت معاه ففلوس وكان اهل لها ومواقف كتير اوي بس لسة متقدمش بحكم انه لسة كم سنة فالجامعة وبعدها جيش وده معناه انه هستناه السؤال.. هل استنى كام سنة عشان الشخص ده ولا اكون كدة ضيعت نفسي خصوصا انه الوضع لو تم ممكن يكون صعب المعيشة والشغل ومكان السكن لحد ما ربنا يفرجها وهل لو جا حد قبله وشاكة انه كويس هل اخاطر واوافق عشان السن وكدة (عمري اقل من ٢٥)بالرغم انه قلبي متعلق بالشخص ده، بس خايفة استنى والبس فالتلاتين ...عرض المزيد

1 الدعم

6 نصيحة

French Fries_73494 🇪🇬

مطلوب حبيب أكمله وأكمل معاه

حبيت اشارك حاجه من الي بحبها محتاج لحد يكون " أنا " يقسم معايا الدندنة يقسم معايا الصبح والنوم والكسل ميكونش نقطة ضعف أو سم فـ عسل يشاركنى فـ دموع الفرح ضحك العزا والصمت و الخوف والبكا و الإحتياج والنرفزة محتاج لحد أكمّله وأكمل معاه محتاج لحد يحلي فـي عنيا الحياة محتاج حبيب ،لو سبته يقولي أنا مش هسيب مطلوب حبيب مش مهم الماضي إيه محتاج لـ حد أسند عليه ويكونلى حُضن وبيت وإيد ينفع يكون أملي الوحيد محتاج لحد أكمّله وأكمل معاه محتاج لحد يحلي فـي عنيا الحياة مطلوب حبيب دي طبعا انا وخدها من اغنيه ...عرض المزيد

1 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع