بكرها في نفسي.. مخي بيركز أوي ومش قادر أمنع الأفكار

Q: مبقتش قادرة أكمل.. كل حاجة بتروح وأنا واقفة

مبقتش قادره اكمل كل حاجه بتروح و انا وافقه بشوف من بعيد و مش عارفه اعمل حاجه

Q: مشاعر متشابهة.. لكن كلٌ يعيشها بطريقته

•• تتَشَابَه مَشَاعِرَنا لكِنَّهَا لا تُعَاشُ بِنَفْسِ الطَّرِيقَةِ ثَمَّةَ مَن يَتَجَاوَزُ اَلأَلَم، وَآخَرُ يَغْرَقُ فِيهِ ...))"..

Question

اكتر حاجه بكرها فنفسى ان مخى بيركز اوى وبيفكر كتير بعمق بشكل مش هقدر اوصفه
ده بيخلينى ابقى عارف الاحداث هتمشى ازاى فى مواضيع معينة ومش قادر امنعها
تخيل تبقى مجبر تتفرج على فيلم حزين وانت عارف نهايته ومش قادر تغير الاحداث
ده فعلا انا عايش فيه مع انى عارف اللى هيحصل اصلا
مثلا ابقى عارف ان اتنين هيتطلقو من وهما مخطوبين وفضلو متجوزين ١٠ سنين ، ومش قادر اعمل حاجه

Hazelnut_52786 🇪🇬 · Answer

دي نعمة ونقمة في نفس الوقت، دماغك زي رادار بيشوف اللي تحت السطح، بس المشكلة إنك مش بتعرف تفصل.
اللي بتوصفه اسمه “فرط تحليل” وده بيخلّيك تتوقع الأسوأ وبتعيش في توتر مستمر كأنك بتتفرج على مشهد حزين ومتكرر.
الحل؟ لازم تتعلم تبطّل تتحمّل هم مش بتاعك، لأنك مش مسئول تغيّر مصير الناس، حتى لو شايفه جاي من بدري

Hazelnut_52786 🇪🇬 · Answer

عقلك شغال أكتر من اللازم وده بيستنزفك، كأنك بتعيش ميت سيناريو في دماغك وانت واقف مكانك.
كونك بتتوقع حاجات وتطلع صح مش معناه إنك تقدر تمنعها، لأنك مش ربنا ولا بطل خارق.
جرب تسيب التفكير يمشي زيه زي سحابة، ما تمسكش فيه، خليه يعدي وخليك حاضر في اللحظة اللي انت فيها دلوقتي

Coconut_58539 🇪🇬 · Answer

الكلام سهل ياعزيزى والحلو تبدو سلسة .
انا مش بكون متوقع سيناريو
هصدمك واقلك انى بكون عارف بعض الاحداث بالكلام اللى هيتقال فيها كمان 
عقلك مش هيتقبل كلامى انا عارف بس ده الواقع
وطبعا مش كل الاحداث بكون عارفها ١٠٠٪ 
هديك مثال حصرى انا علاقتى ب مراتى كويسة والامور هادية بس منتظر مشكلة معينة هتحصل وقربت تحصل بعد ٥ سنين جواز دلوقت  انا عامل حسابها من شهر العسل 😂🤝

Coconut_58539 🇪🇬 · Answer

انا مدير ادارة فى شركة ما ، حصل مشاكل كتير تخص شغلى بشكل مباشر  محدش عرف يحاسبنى فيها لانى كنت بقلهم عليها قبل ما تحصل بشهور وعن شرط بدون دليل ملموس استند عليه ، 
باجى اقلهم محتاجين نعمل كذا عشان هيحصل كذا كذا ومبيهتموش ف انا بكبر دماغى خلاص واتعايش لحد المشكلة ما تحصل واقفل تليفونى واكون مجز الاسكرينات والريكوردات اللى كنت بكلمهم فيها عن المشكلة من ٣ شهور