قلبي مقهور بعد علاقة مع واحدة ميستاهلش

Toast_68563 🇪🇬

منذ أسبوع واحد

شعور غبي

ازاي ممكن انهي علاقة مع واحدة كلمة باردة ومعندهاش دم قليلة عليها؟ قالتلي في نص الكلام "انا اتنازلت لغيرك كتير فا مش مستعدة اكرر دة " وبعد ما عاتبتها علي الكلام دة وقولتلها المفروض اتعامل معاكي ازاي ردت وقالتلي مش عارفة وبعدها بيوم نزلت صور علي الانستا من اللي كنت قايلها ممنوع ينزلوا ومن ساعتها وانا مقهور علي الاربع سنين اللي قضيتهم معاها وبقدملها حب ودعم وكل حاجة ممكن تتخيلوها وسقطت سنتين في الكلية بسبب اني كنت بشتغل شغلانتين عشان اجمع فلوس واتقدملها و من فترة اتخانقت مع والدي ووالدتي بسبب موضوع الشقة و بيعت عربيتي واستلفت من طول الارض وكنت بدور علي شقة عشان نتنيل فيها .. انا حرفياً عملت المستحيل والصعب عشانها طلعت شخص ميستاهلش وانا قلبي مقهور وحاسس اني مغفل وعبيط ومفيش احساس اوسخ من كدة

مش عارف أنساها رغم إيذائها لي

كان ف حياتي بنت كنت بحبها جدا وكانت كل حاجه عندي ولكنها غلطت ف حقي كتير ومكنتش بتقدرني كان كلامها جميل جدا ومعسول ولكن أفعالها بتإذيني كنت بسامح كتير بس فاض بيا وانا اللي قررت ابعد عنها ولكن أنا مش عارف أخرجها من دماغي أنا مش مشتاقلها ولو رجع بيا الزمن كنت بعدت عنها بردو بس بدري شويه من اول غلطه كان المفروض ابعد لكني كنت بكابر وفضلت مكمل معاها وبحلول احسن سلوكها لحد م اتأذيت منها أنا اللي مسيطر على دماغي مواقفها الوحشه وعدم تقديرها ليا كل م افتكر ها أو تعدي على دماغي أنا بتعصب وبدخل ف حاله نفسيه مش كويسه مش عارف اعمل اي ...عرض المزيد

2 الدعم

2 نصيحة

زعلانة من علاقة فاشلة وتأنيب ضمير صعب

كنا خمس سنين حرفيا بيحاول وبيعمل كل حاجة عشان نبقي سوا و كان مقتنع بيا جدا ولما اقوله ايه مثلا لازم اغيره في نفسي يقولى مفيش ممكن العصبية بس و كان عمل مواقف كتير مش تمام و قفشته بيكلم بنات و يعرض عليهم الخروج و كنت بعمل مشاكل كبيرة و بعدين نتصالح و سيبته مره و اتصالحنا ف جه هو من فترة قالى انه مش قادر يكمل ومعندوش طاقة ليا خلاص وانه حاسس انه بيدى في العلاقة لوحده انا كده كده كان من جوايا بفكر أمشى من بدرى بسبب تصرفاته و حاجات تانية كتير بس متوقعتش تيجي منه لانى حرفيا استحملت حاجات كتير مقرفة و قبل فأنا شاكة ان هو لقى البديل عشان كده استغنى بالمنظر دى و حاططها عنده في كل المواقع بتاعته فحسيته قل من نظرى اوي لانى طول الوقت كنت بقوله لو عايز ترتبط و خلاص شوف حد غيري مش انا و مكنتش بقوله كلام حب كتير و كده لان هو مش جوزى باختصار ف طبيعى و كنت بستحرم اوي و مؤخرا قبل منسيب بعض كل حركاته مكانتش مظبوطة اتغير في الأخلاق و كل حاجة و فى الاخر ماشى و هو مطلعنى وحشة وبياعة ف لما بقعد مع نفسي بقعد اندم بقي على معاملتي مع انه حرفيا عك كتير في حقى و عديت ف هو ازاى بقي بالبجاحة دي مش مستوعبة و زعلانة لانه خلى منظرى وحش قدام معظم الناس اللى اتوسطوا و يقولهم انه خلاص مش حاسس وانا اصلا متحايلتش عليه ولا قولتله نرجع ولا حاجة بل لما قالى قولتله انا كمان شايفة كده برضو أهلى بيقولولى انه ممكن مجروح فى كرامته منك بس انا بجد زعلانة انه كان في العبر حرفيا و مطلعنى الوحشة فالاخر و المفروض اول مسيبنا بعض صحابه بيقولوا كان متضايق جامد و بتاع معرفش ده بيمثل ولا اي بجد مصدومة فيه من كل الجوانب و قل من نظرى اوي بعد حوار البنت ده لأنها ظهرت عنده تانى يوم سيبنا بعض و احنا سايبين بعض شوفته منزل اغنية رومانسية و مرة اغنية حزينة و اهى ماشية بجد مش عارفة انا اللى غلطانة ولا هو تأنيب ضميري بجد صعب اوي ...عرض المزيد

0 الدعم

3 نصيحة