الناس الي اتغلبت على الرهاب الاجتماعي او الرهب اي ان كان اسمو عملوها ازاي انا عندي وصل لدرجه الرعب بتوتر وبخاف لو اتعاملت مع حد او حتى ان العين تبقا عليا او حتى اتعامل مع بياعين او سواقين ببقا شايله هم لما اجي اتكلم معاه فى الحساب مبحبش اقف كتير او ان حد ياخد بالو مني مبعرفش اكل فى الشارع ولا اشرب مبعملش غير اني بحط سمعاتي واسمع اغاني بصوت عالي وامشي وحتى ونا ماشيه ببقا متوتره ان ممكن حد يبص عليا اهلي شايفين انو دلع اوفر محدش فاهم بعاني ازاي انا حتى وصل الخوف اني باخد كورس اونلاين الدكتور بيسالني بتوتر وبجاوب غلط من توتر انو سالني وان باقي الكورس هيسمع اجابتي المشكله صعبه اوي بجد معايا حتى لما بقف اشتري حاجه من محل لازم استنى كل الي فيه يمشو عشان اشتري واتكلم حتى والدتي لما بتديني صدقه اديها لحد فى الشارع برفض واوقات بتعصب عليها عشان متخلنيش اروح مش بمنع رزق الناس والله اعلم بنيتي بس مش بقدر اعملها فكره اصلا ان اقف مع حد واديلو رزقو بتوترني اوي انا مطوله معلش بس الموضوع بقا مخنق لدرجه ان لما بنزل مع الشخص الي بحبو بختار مكان مفهوش ناس كتير عشان منكنش محط اهتمام هل الموضوع ده ليه علاج

2

12