ازاي اتخطى بعد ما بعدت عن شخص كان قريب مني؟

Question

ازاي اتخطى ؟ ازاي اتخطى اني بعدت عن شخص كنت بكلمه كل يوم و احكيله عن يومي بشغف و يرد عليا بنفس الشغف و يسمع المصايب اللي عملتها و يديني حلول لأي حاجة و شبهي جدا جدا في كل حاجة حتى الكلام .. انا عارفة انه حرام و غلط من البداية بس لو سمحتم ازاي اتخطاه بجد عشان انا حاسة حرفيا هيجيلي اكتئاب من ساعة ما قفلنا و انا مبعملش حاجة غير اني اعيط بس ..مع العلم انه احنا قفلنا عشان ده حرام و عشان من ورا اهالينا لكن احنا الاتنين مش عايزين نبعد و انا مش قادرة اعمل اي حاجة دلوقتي و مش متخيلة فكرة اني مش هسمع صوته تاني ولا هكلمه تاني و مش عارفة الكلام اللي كنت بحكيهوله ده هحكيه لمين اهلي احيانا بحكيلهم بس ملخص عشان مش فاضيين و صحابي ببعتلهم كل ده يروحوا رادين عليا ب اممم بس كده .. بجد ازاي اتخطى و اخليه يبطل يوحشني عشان تعبت جدا والله

Strawberry_49842 🇪🇬 · Accepted Answer

هو احسن حاجه انكم قررتم تقفلوا عشان حرام . بس لو حبكم لبعض كبير لي ميبادرش و يجي يعمل رسميات و تبقوا مع بعض في الحلال . و فكره انك تتخطي دي مش في يوم و ليله بس قولي يارب برد قلبي و حاولي تهدي كده و تقربي من ربنا و اسمعي  بودكاست علي اليوتيوب كيفيه التخطي و هيفيدك اوي . و اتمني ليكي التوفيق و ربنا يبرد قلبك يارب و ترجعي احسن من الاول .

French Fries_32710 🇪🇬 · Answer

عشان احنا مخلصناش ثانوي لسه حتى 
يا رب آمين

Apple_42360 🇪🇬 · Answer

بصي احسن انك عملتي كده واختارتو انك متغضبوش ربنا الحمدلله صلي وادعي ربنا وادعي يبعتلك معجزه من عنده ويجعله خير ليكي ويجعله قدرك ونصيبك يارب

Croissant_30606 🇪🇬 · Answer

تشغلي وقتك بقي جيمز 
قراءه ... بودكاست..مذاكره ..مذاكره وتفنن ف المذاكره هياخد أصلا كل وقتك والباقي جيمز..

French Fries_32710 🇪🇬 · Answer

ماهو انا مش قادرة اركز في حاجة حتى 
اهلي ملاحظين عليا اني زعلانة اصلا و بيقولولي شكلك تعبانة ف بحاول اشغل وقتي بس فعلا مش عارفة اركز كل ما اجي اركز في حاجة افتكر الشات و اننا بعدنا و اقعد اعيط

Orange_51040 🇪🇬 · Answer

يعم معلش👍