اختي بتتنمر عليا قدام الناس وخلتني أمرض نفسي

Question

اختي علطول بتتنمر وبتتريق عليا قدام اي حد ولو كلمتھا تشتمني الناس الي حواليا شايفيني معنديش شخصيه وجالي مرض نفسي منھا من كتر الاحراج الي بتحطني فيھ بقعد كل يوم اعيط من القھر وادعي ربنا تتعدل معايا

Coffee_27700 🇪🇬 · Accepted Answer

رد فعلك لازم يكون قوي. متعيطيش. قولي لها بحزم لو الأسلوب ده اتكرر أنا مش هتعامل ولا اتكلم معاكي. عرفي والدك ووالدتك. ردي عليها التنمر بتنمر. مثلاً لو قالت انت شكلك عامل كدة ليه قوليلها خليكي في حالك انت مشوفتيش شكلك النهاردة ولا معندكش مراية. لو كل ده منفعش قاطعيها وخاصميها لفترة. متسمحيش لأي حد مهما كان يقلل منك.

Biscuit_31203 🇪🇬 · Answer

احكي ل اهلك عليها او حد كبير في عيلتكم يحطها عند حدها  هتتجنبك و تلقح ب الكلام بس جمدي قلبك

Orange_30686 🇪🇬 · Answer

قولت لاھلي بس مش قادرين عليھا لدرجة اني لو غلطت بحرف وانا بتكلم بتفضل تتريق  عليا الموضوع جابلي عندھ نفسيه

Mango_35927 🇸🇦 · Answer

استخدم نفس الاسلوب معاها وحاول تصاحب البيئة المحيطة بيها او خليك انت الافضل في التجمعات اللي بتكونوا مشتركين فيها هتلاقيها كرهت نفسها وواحدة واحدة هتلاقيها هيا اللي بتقرب منك لأن ببساطة انت اللي باقيلها

Pumpkin_33187 🇪🇬 · Answer

و لما بتيجي تتكلمي معاها في اسلوبها تعيط و تروح تشتكتي 
بس المشكله ان مفيش حل 😀