بحس نفسي قليل وسط صحابي ومش عارف أتعامل مع النقص ده

Question

من بعد تالتة ثانوي وانا بعدت عن صحابي بشكل كبير حرفيا قطعت معاهم كلهم بسبب كنت دخلت في اكتئاب وعلاجات إلى اخره المهم انا دلوقتي بخلص ٣ في كلية انا مش حاببها ومش عاوزها ولحد دلوقتي معرفش انا عاوز ايه وحاسس اني تايه جدا المهم انا بدأت تدريجي ارجعلهم مش بنفس القرب لكن بدأت بس لما باجي اقعد معاهم بحس نفسي قليل يعني فيهم اللي بيروح وييجي واللي معاه كذا واللي شايل كذا واللي في طب وهندسة و و و الخ . يشهد ربنا اني مبتمناش لحد فيهم الا كل خير اقسم بالله ف انا بستنقص نفسي اكتر لما بقول طب ده عنده كذا ليه انا معنديش وحياتي سهلة كده والله بتقرف من نفسي خصوصا انه صاحبي بتمناله كل خير بس في نفس الوقت عاوز احس اني مش اقل منه ف انا مش عارف اعمل ايه واتعامل ازاي مع النقص اللي جوايا ده انا عارف انه نقص وقرف وانا والله كمان مرة وشي حرفيا بيكرمش وبتقرف من اللي انا بفكر فيه او لما افكر بالطريقة دي

Biscuit_21815 🇪🇬 · Accepted Answer

بص اولا كدا انت متقارنش نفسك بحد انا فهماك و حاسه بيك دي مش غيره ولا حقد انت بس زعلان من نفسك ايا كانت الكليه الي انت فيها حاول تظبط علاقتك بربنا و ب اهلك حتي لو كانوا مش كويسين معاك و حب نفسك زي م انت و شوف كليتك بتتكلم عن ايه و جرب كل حاجه لغايه متلاقي نفسك عارفه انك تعبان بس حاول دي حياتك محدش هيجي يقدم مساعده و ثق ف نفسك و بطل تحبطها و تقول كلام سلبي لنفسك و حبها اكتر جرب بس

Watermelon_56286 🇪🇬 · Answer

المشكلة اني عارف ان كل حد فيهم حتى لو عنده الحلو في اكيد عنده الوحش وان كل حد فيهم يستحق اللي هو فيه لانه فعلا بيتعب عشان ده سواء جسم حلو او كلية او شغل كل واحد حرفيا شايف حياته صح يارب يزيدهم اكتر واكتر برجع ابص على نفسي بلاقيني اصلا مبحاولش انا بتمنى بس وده بيزود اللي انا فيه وبفكر ١٠٠ مرة ابعد تاني عشان مكونش بحسد حد او باغتاب حد من غير ما اقصد

Strawberry_58004 🇪🇬 · Answer

حب الحاجه إلى ربنا عطهالك واحمدوه عليها