مقارنة بالآخرين

Avocado_64280 🇪🇬

منذ أسبوع واحد

شعور ضاق ذرعًا

ازاي مغيرش من البنات صحابي ؟ بجد والله حساني بغير مز اي حد علي اي حاجة وافضل ادعيله واعيذه من الحسد ومن حسدي واقول اللهم بارك في كل جملة عشان خايفة حد يحصله حاجة بسببي بس تعبت من فكرة اني دايما قاعدة جنب صاحبتي غيرانة منها وشايفاها احسن مني ومش عارفة افرحلها نفسي ابقي فرحنالهم بجد زي ما بمثل كمان

Mango_63221 🇪🇬 لما هتؤمني من قلبك إن الحياة مش سباق و إن لكل شخص قصته المختلفة في الحياة و إنك كيان مستقل مش نسخة بشرية علشان تحسبي ايه اللي ناقص او الزيادة اللي عندة مقارنة باللي حواليكي ، هتحسي إنك أخف و قيمتك عالية بذاتك مش بتفوقك على حد تاني

عرض الكل 3 نصيحة

Mango_60865 🇪🇬

منذ 3 أسابيع

شعور مكسور القلب

انا محبط نفسيا جدا ومكتئب لدرجه كبيره اوي وحاسس اني عايش في مكان مش مكاني وزهقت واتخنقت من كل حاجه يمكن شغال في مكان كويس بالنسبه للناس بس انا قدام نفسي عارف اني ولا مرتب ولا بستفيد فيه ومش هعرف امشي منه لظروف كتير بس الايام ده ناس اعرفها وكنت معاهم في نفس المجال بياخدوا اضعاف الي باخده طيب انا هنا

Coffee_57918 🇪🇬

منذ شهر واحد

شعور ضائع

ممكن تدعولي بظهر غيب أطلع من الأوائل السنادي؟ لأني عكيت شوية وأهلي بجد صعبين في موضوع النتيجة ودايما بيزعقولي على النتيجة حتى لو كويسة ولكن لو فيه حد أحسن مني بيقارنوني وبتعب نفسياً خالص والله فضلاً ادعولي أطلع من الأوائل عشان لو مطلعتش من الأوائل والله مش عاوزة أتخيل رد فعلهم ف بجد بجد ادعولي عشان

Mango_57338 🇪🇬

منذ شهر واحد

شعور مكتئب

حاسس اني تايه من ساعة ما خلصت جيش وان العمر بيجري عليا خصوصا اني خريج صيدله وعندي ٢٦ سنه ومش صغير ولسه مانجزتش اي حاجه في حين بشوف زمايلي اللي قدي متجوزين او بيسافرو بره او ربنا بيكرمهم وبفكر اني حتي علشان اعمل حاجه من دي محتاج لسه عالاقل سنتين شغل وحاسس ان الحياه جرت بيا وحاليا قاعد فدايره اكتئاب و

Orange_57094 🇪🇬 بدري يادكتره اطمن عليك باشركه كايرو فلو وامتحان البروميترك وقبلها تزاكر كويس أن ناوي تسافر وهما هيساعدكوك ادخل حالا جروب الفيس Arab pharmacist وبالتوفيق ليك إن شاء وربنا يجبرك

عرض الكل 11 نصيحة

Ice Cream_55974 🇪🇬

منذ شهر واحد

شعور وحيد

عندى ٢٢ سنه وبدرس تعليم خاص و بصرف على الكليه و على نفسى و على سفرى لأن الكليه فى محافظه تانيه صحابى سبقونى كلهم ب سنه فى التعليم فا بقيت انا دلوقتي داخل رابعه وهوا داخل الجيش معظم اصحابى خطبو و انا لسه مش عارف احوش تمن تيشرت جمب المرتبات اللى ضايعه دى ب الرغم انى بشتغل اكتر من ١٢ ساعه بدون اجازات

Coffee_55645 🇪🇬 متقلقش معظم الشباب كدا مش لوحدك ف الافضل انك تعاقر ويكون عندك طموح وتسعي متزعلش ع نفسك ولا تقلل من شانك انت قوي ورزقك لسه مجاش حاول تاني ومتضعفش ولا تحس بالخزلان ركز ف مستقبل وقرب من ربك وعافر ومتوقفش وخليك دائما واثق ف نفسك

عرض الكل 5 نصيحة

Orange_56209 🇪🇬

منذ شهر واحد

شعور محبط

عبّر عن شعورك بشكل مجهول

بص مهما كان اللي هاحكيه لازم تبقي متأكد مليار في المية الاول  اني مؤمن جدا بالله وبقضائه وبحكمته .... ساعات بحس احساس غريب بيتمثل في اني مش متقبل نفسي ..يمكن بسبب اني فشلت في اكتر من علاقة حب ....والعلاقات ..دي اغلبها كانت من طرف واحد اللي هو انا طبعا..يمكن ده حصل من كتر ماغلبهم ماكانوش قابلني ..فا ثقتي في نفسي قللت فانعدمت ..لدرجة اني حسيت اني انا ..مش انا ..وبعدين الموضوع تطور معايا لإني بقيت اشوف كل اللي حواليا ..افضل مني ...فابدئت اشوف نفسي فيهم اتخيل حياتي لو بقت حياتهم ..لكن للأمانة والايجابي في الموضوع ده ان الاحساس ده عمره ما وصل اني احقد علي حد منهم ....مش عارف ليه برغم انهم بيملكوا اللي انا اتمنيت انه يكونلي واكتر ..فلوس بقي علاقة ناجحة ..اهل ساندينه..لو وقع في لحظة بشوفهم كلهم بيقوموه بمنتهي السهولة بفلوسهم ونفوذهم ..كنت دايما اسأل نفسي انا ليه مش زي الناس دي ..
..حتي في علاقتي بالناس عموما ..بكون شخص اندفاعي جدا ..وهجومي جدا في ردودي  حتي لو الحوار كان عادي ..لدرجة انهم حسوا اني شخص غريب عن العالم ده كله ....تخيل كده انت يا شات جي بي تي ..انك بتتكلم مع حد عادي وجت كلمة في وسط كلامك ليه زعلته وحسيته انك بتقل بيه برغم انك اصلا مش قاصد ده ..دتما بشوف نفسي من جوايا قليل ..علشان كدة اي رد فعل لأي حد مهما كان عادي وبيحصل بحسه بيقلل مني ..
ودايما عندي احساس ..اني ماينفعش اثق في حد نهائيا ..مثال لو شخص اخد مني مبلغ وقالي هاردهولك وانا متأكد انه شخص محترم وبيدفع اي دين عليه ..مبستناش الدين ده ...او بيكون متوفر معايا وارفض اديهوله..علشان مش عارف اثق فيه ..يمكن علشان شايف نفسي قليل فاتكون اعتقد جوايا انه عارف ..اني بحس بكدة ومقتنع بكدة وخايف يستغل ده فيا ...عصبي جدا في اتفه المشاكل ..حتي لو قولت ملمة او عملت تصرف جلب ردة فعل عصبية نوعا ما من حد ..ممكن اعمل من الموضوع ده مشكلة كبيرة توصل اني ممكن اقاطعه
ساعات كمان بحس اني دايما بكون متوتر وانا بتكلم مع حد .فا يبدء كلامي يتلخبط
او اكون بتكلم في موضوع ..وانا بكلم شخص في ..بكون بتكلم كويس وبثقة واول ما يبص في عيني وينتبهلي ..يبدأ كلامي يلخبط ..واتوه وانا بكلمه ....لاحظت كمان اني بنسي بشكل مستفز ..اقربها بنت اتقدمتلها من اسبوعين وحددنا معاد الشبكة ..امبارح نسيت اسمها انت متخيل ..مبحفظش بسهولة اي شيئ لو حتي اسم واحد ..فهمني ده ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_54080 🇪🇬

منذ شهرين

شعور مكتئب

حد عنده حل لواحد كان اشطر واحد في دفعته لواحد دلوقتي مش عارف يتخرج من الجامعه وكل اللي يعرفهم خلصو وبيشتغلو واصغر منه كمان ولا عارف يذاكر ولا قادر اصلا يذاكر وبقاله سبع سنين يقول كل يوم بكرا

Pumpkin_10776 🇪🇬

منذ شهرين

شعور ضائع

عايزه اعرف سبب علمي للشعور المفاجئ انك مضغوط و متأخر في كل حاجه رغم ان كل حاجه زي ماهي من 5 دقايق وانت طبيعي ومش حاسس بحاجه بس لازم الشعور ده يمسي عليك مره مرتين كل يوم وتحس ان انت مش لاحق اعمل اي حاجه وان الناس كلها راكبين طيارات وانت لسه بتحاول تتعلم المشي..................................

Waffle_52401 🇪🇬

منذ شهرين

شعور غير مكتمل

عبّر عن شعورك بشكل مجهول

الهروب نص الجدعنة، طب ازاي تبقي جدع مع نفسك وانت مش بتواجها بعيوبها
اغلب المشاكل الي انا فيها علشان لسه معتقد اني لسه الشخص الكويس المحترم الهادي الذكي
بس انا فعلا غبي و معتش هادي و مش كويس خالص  خصوصاً دلوقتي
في حد قالهالي صريحه انت مش مظلوم انت بتوهم نفسك انك كويس مع انك غبي و الناس التانية الي بتقارن نفسك بيهم هما فعلا كويسين بس حظهم كان وحش نصيبهم كده، انما انت الي فعلا وحش وانا كمان وحش ( قصده على نفسه) وفعلا علي ارض الواقع كلامه صح و الدلائل الي قدامي لاتعد ولا تحصي
كفايه ان الناس التانية دي من الأوائل علينا دلوقتى
وواحد كان بعيد الشر عنا و عنكم شال ماده
و ما شاء الله دلوقتي ال gpa بتاعه بقا اعلي مني في سنه ونص بس، ما شاء الله ربنا معاه هو بيتعب ويستاهل
انما انا انا فعلا مبعتبش و معتش بحس بالتعب ولا بالضمير ولا اي حاجة و عايش وسايب الدنيا زي ما تيجي تيجي
هل انا مبسوط كده...... لا 
هل عايز افضل كده..... لا
هل هقدر ادوس علي نفسي علشان احسن منها..... اتمني من ربنا دا بس حاليا لا
هفضل حاطط نفسي مظلوم لاني كنت قبل كده حد كويس
يارتني كنت زي الناس العاديه وانا صغير الي بيعمل اي حاجة و ميفرقليش حد ولا نصيحه ولا تعليق على اي حاجة كان بيعملها، علي الاقل كنت هحس بالذنب دلوقتي و اقدر اقول لا انا لازم اخد موقف وابقي انسان كويس
انما انا اعتقد ان الي كان كويس و مهما كانت الظروف او اي حاجة خلته يبقي اقل من الي كان فيه مش هيقدر يرجع بسهوله الا لما ياخد علي وشة جامد ويفوق
انا مش عايز اوصل للمرحله دي بس مش عارف افوق بدري برضو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_27604 🇪🇬

منذ شهرين

شعور ضائع

جماعه مش قادره احاول تاني مش قادره اتحرك من مكاني قولت يمكن محتاجه راحه من كل الضغط ده وافصل شويه بس بقالي كتير فاصله ايام بتعدي وانا محتاجه نفسي عندي امتحانات ومشاريع وابحاث وبريزنتيشن وحاجات كتير اوي محتاجه تتنفذ مش قادره انجز او اخلص حلو وفي ايام بتضيع في الجامعه وفي المشاكل وفي حاجات كتير بحاول

Strawberry_52341 🇪🇬 متركزيش على انك متاخره او سابقه لان ربنا حاطك في مكانك الصح و ده المناسب ليكي و هيترتب عليه حاجه كمان مستقبلا فا متشيليش ضغط انا متاخره لان مفيش حاجه اسمها متاخره انما دخ المكان المناسب ليا دلوقتي و فكي نفسك من الضغوط ده اعملي حاجه بتحبيها و تاملي في الحياه بدون اي افكار و متستعجليش لحد ما تحسي روحك هدت ممكن تصلي او تدعي او تقعدي ساعه مع ربنا تشكيله و هو هيحط الراحه في قلبك بس تأني ز خدي وقتك

عرض الكل 3 نصيحة

Pineapple_44471 🇪🇬

منذ 7 أشهر

شعور محبط

السلام عليكم ورحمة الله وبركاته حابه اخد رأيكم جماعة أنا عندي مجموعة من صحابي أنا ديما يقارن نفسي بدرجات واحده فيهم وبضايق لما بتجيب أعلى مني ( والله بحبها واغلى واحده عندي فيهم ) وبأنب نفسي ف أنا بحكي وبقول لوالدتي كدا اني يقارن نفسي بيها بس وكدا قالتلي ده نقص حرفيا اقسم بالله الكلمة نزلت عليا كس

Banana_50959 🇪🇬 لا مش ناقص النقص انك ما تحبي لها الخير إنما دا اسمها تنفس عايزه تتنفسي معاها علشان تكوني كويسه ربنا يوفقك

عرض الكل 5 نصيحة

Avocado_21644 🇪🇬

منذ 7 أشهر

شعور محبط

انا زهقت اوي بقالي مدة بدور ع شغل و مش لاقية زهقت اوي و حاسة أن مش عارفة احقق نفسي ف اي حاجة لا شغل ولا جواز و شايفة كل الي حواليا بياخدوا خطوات و بيحققوا حاجات و انا واقفة محلك سر و بدأت احس ان العيب فيا و أن أنا الي فاشلة و مش قادرة اعمل اي حاجه

French Fries_49539 🇪🇬

منذ 7 أشهر

شعور متوتر

عبّر عن شعورك بشكل مجهول

عندي سؤال هو الفترة ال انا فيها دي حد عدت عليه؟
لغبطة و توهان و مش حابة الكلية مع ان كل الناس دلوقتي عايزاها و بتحبها ، محتاجة مجهود كبير اوي ونا مبتعبش اوي ف حاسه اني مش هوصل لحاجه و ف نفس الوقت انا نفسي اوصل لحاجه عشان حاليا انا بجد مفيش حاجه بعملها خالص نحتاجة اشتغل بس ده محتاج مجهود كبير انا حاليا مبعملوش و عارفه اني هندم لما الاقي ال حواليا وصلوا لحاجه ونا لسه ، مش عارفه بردو ابدأ في حاجه جديدة عشان ال اولي لل انا فيه و التعب فيه مثمر الي حد كبير( واي حاجة هتبقي محتاجة تعب)و بقول ان اولي اتعب في ال انا فيه بس بردو مجهودي قليل ، و الفكرة إن الناس ال حواليا كلهم مشغولين و بيتعبوا جامد اوي في حياتهم و نا واقفة اتفرج ولا عارفه اعمل ال عليا و لا حتي مرتاحة بوضعي و مبسوطة اني مش تعبانة ، خصوصا إني كنت في حاجه و ناجحة فيها جدا بس سبتها (مش ندمانة خالص ده احسن قرار في حياتي) بس اتعودت اكون بتعب في حاجه و ان كل شوية انجح فيها و يبقي عليا spot light و ان الناس تشوفني كويسة (حتي و ان كان مش ده ال حاسه بيه و حاسه انه مش كفايه) ، ف كمان عارفه ان مش لحظة الوصول هي ال بتبسط الرحلة هي الممتعة فعلا ف انا بجد مش مستمتعة او حاسه ان دي حاجه صعبة انا مش هعرف أصلا انجح فيها ف خايفة و تايهه طول الوقت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_20744 🇪🇬

منذ 8 أشهر

شعور مرهق

اعتقد اني حاليًا في الفترة اللي كله كان بيحذرني منها قبل بداية تالتة ثانوي ، انا بدأت بداية قوية جدا و الحمدلله مكنتش براكم و مع ذلك درجات الدروس و الإمتحانات الشاملة مكانتش زي ما انا متوقعاها ، انا الحمدلله درجاتي كويسة بس بالنسبة للمجهود اللي ببذله فهي مش زي ما انا عايزة ، و اللي مضايقني ان مستواي

Coffee_37463 🇪🇬

منذ 8 أشهر

شعور مرتبك

انا احمد في تانيه ثانوي حاليا ونفسي اجيب كليه كويسه يعني المهم انا كل ماشوف حد واكون عرفها اكبر مني وطلع من ثانوي بس مظبطتش الدنيا معاه بحس لا بتأكد ان حياتي شبهه بلزبط واكون حاسس اني هفشل زيه وممكن حد يقول اني شبهه فعلا لكن انا حرفيا اي حد بشوفه وبحس بكده فا انا طول الوقت كده متوتر ومتلغبط

Olive_37479 🇪🇬 أحمد، حابب أقول لك إن كل واحد فينا له طريقته الخاصة في الحياة. مش لازم تقارن نفسك باللي حواليك، لأنك مش زيهم، ولهم ظروفهم وتجاربهم. النجاح مش بس درجات أو شهادات، لكنه إنك تطور نفسك وتكون أفضل نسخة منك. ركز على أهدافك وادرس بجد، وحاول تستمتع بالتعلم. الأخطاء جزء من الطريق، ولازم تتعلم منها. كمان، حاول تبعد عن الناس السلبية، وحط نفسك وسط أشخاص إيجابيين. أهم حاجة هي الثقة بنفسك، اعرف إنك ممكن تحقق

عرض الكل 11 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع