أعمل إيه لما أكتشف خيانة مامتي؟

Question

أعمل إيه لما أكتشف إن مامتي بتتكلم مع رجالة وبينهم كلام وصور والمفروض إني الكبيرة وفيه 2 أصغر مني وأنا 24 سنة مش صغيرة ودي مش أول مرة وأول مرة عرفت قولتلها إني عرفت وقالتلي إنها مش هتعمل كده تاني
بابا كبير في السن وبعيد عننا أوي ولو عرف حاجة زي كده أو حس ممكن يجراله حاجة أو تحصل مشاكل كبيرة جدًا
أنا شايلة الهم أوي بجد وحاسة طول الوقت إني عايزة أعيط من لما عرفت ومتوترة مش عارفة أتعامل معاها ولا أبص في وشها وعايزة أبقى بعيد عنها ومتكلمش معاها تاني بس غصب عني وكل ما بقرر أتكلم معاها برجع في كلامي

Biscuit_29747 🇪🇬 · Answer

بابا فين؟

Chocolate_29725 🇪🇬 · Answer

بيشتغل في دولة تانية

Blueberry_31887 🇪🇬 · Answer

للاسف انا هقولك أن الأفضل انك متدوريش وراها ومتحليش حد من اخواتك يعمل دا حتي لو شاكين ، وممكن قدامها تفتحي الموضوع كانك بتحكي لصاحبتك عند حد والناس الي في حياته عرفوا وحياته باظت أو تكلميها انتي أن  واحده صحبتك بتاخد رائيك في الموضوع دا وعاوزه حل  ،ربنا يهديها ويصبرك

Sugar_28822 🇪🇬 · Answer

لو مامتك اسلوبها مش هجومى عليكى وبتعاملك كويس واجهيها مرة واتنين وخليكى وكلميها وفهميها عواااقب دة الف مرة وخليكى وراها وانصحيها وان دة هياثر عليكم جداا 
واوعى تحاولى تعرفى اى حد 
وقبل اى حاجه التزمى بالدعاء ليها بالهداية لطريق ربنا وانها تبطل تعمل كدة وقضاء الحاجه وصدقة بنية ان ربنا يهديها وان شااااء الله خير

Biscuit_29747 🇪🇬 · Answer

لا اله إلا الله وحده لا شريك له ️

Tofu_28797 🇪🇬 · Answer

حصل و الله ربنا يهديهم و يصلح حالهم بقي و حالنا

Marshmallow_31578 🇪🇬 · Answer

ايه ده بجد ربنا يهديها معقولة في كده! 
لو هي مش بتفهم اوي ف النت احظري الرجالة دول كلهم من موبايلها وامسحي الشاتات وحاولي تسدي عليها اي طريق فيه رجالة لحد ما ربنا يهديها