وفاة بابا اللي خلتني أفهم قد إيه الدنيا مؤقتة

Marshmallow_69067 🇪🇬

منذ أسبوعين

شعور محبط

موضوع:

تجربة غيرتك 180 درجة

فيه حاجات كتير بس اكتر حاجة كانت وفاة بابا ومن قبلها تعبه الي مخدش كام يوم كل حاجة حصلت بسرعة وفجاة فجاة مبقاش موجود ٥ سنين ولسه محدش فينا اتعافى من موت بابا لدرجة كنت بنام طول اليوم لانه كان بيجيلي في الحلم اكتر حد من بعد موت بابا تخلي اقرب الناس لينا عننا عشنا حاجات لولا ان رينا قوانا كنا ممكن نتجنن بس والله رنبا ادانا قوة من عندة ومغرقنا في نعمة لكن قبل موت بابا مكنتش فاهمة فكرة الموت اوي او هنموت بس لسه بدري بس فجاة بابا مات ودخلت شوفتة في التلاجة وركبت معاة عربية الموتى وكان جسمه متخشب وادفن في ثواني ففهمت كويس اوي من جوا قلبي ان الدنيا مؤقتة وصدقت اني هموت في يوم ومش لازم يطون اليوم دا بعيد

حياتي بعد وفاة بابا وأمل في معجزة من الله

عدي علي وفاة بابا (467) و حوالي ساعة علي وفاة بابا أه بشوف حياتي بس إمبارح قعدت فكرت كتيرررررر جدا فيه و فتحت أكونت الفيسبوك و هو منزل صورنا و كلام الناس الحلو عليه قبل ما يكون ناس بتعزي فيه في أول الاكونت أفتكرت أن بابا لو موجود مكنش حصل كل دا أفتكرت لو بابا موجود كانت حياتنا مش هتكون 1% بس الله اعلم لو كان عايش حقيقي كنا هنكونو فين ف قولت الحمدلله بعدين أفتكرت أن عيد ميلادي بعد ٣ أيام تاني عيد ميلاد من غير بابا اللي مش بينسي أي عيد ميلاد ليا ما أنا أول من رأت عينه ! قعدت عيطت كتير كنت بحل هندسة فراغية عشان أنا ثانوية عامة اللي بابا شهر ١٠/٢٠٢٣ قالي أنه هيفضل معايا و بيدعمني نفسيا قبل ماديا أفتكرت أن مفيش أي دعم نفسي ليا و أفتكرت أن في مشاكل ماديةً و بعدين دماغي فضلت تفكر طيب هل بعد كل دا النهاية هتكون حلوة بكلية حلوة و حياة مختلفة ؟ الأسباب مش موجودة بس أتكالي كله علي الله دا صانع المعجزات يارب نجحني دا أخى أمل ليا أني أقدر أعيش حياتي يارب ...عرض المزيد

12 الدعم

6 نصيحة

محدش طمني بعد ما بابا مات وفضلت أحكي لوحدي

ملقتش حد يقولي معلش لما بابا مات كان الاكتر مركز مع تيتة و ماما و دايما قي دماغهم ان احنا هنعيشو حياتنا و ماما و تيتة لا محدش طمني أو حاول يخرج الشعور اللي كان جوايا ف كنت بنزل بوستز علي النت عشان أخرج الطاقة اللي جوايا و أدعي لبابا و أحكي لغاية ما حد قريب جدا مني قال أني ممثلة ف مسحت كل دا و بقيت بكسل أحكي ...عرض المزيد

13 الدعم

3 نصيحة

صاحبتي خانتني مع خطيبي وجرحت قلبي 💔

انا كنت مخطوبة عن حب و الخطوبة من اول ما ابتدت و انا كان ليا صاحبة بقالنا 5 سنين مع بعض كانت حاضرة معايا و انا بجيب فستاني و ف الخطوبة و كانت هي و اللي كان خطيبي قدامي طول الوقت بينكشو ف خناق بعض اللي هو غيرانين عليا .. مكنتش فاهمة ان ده فيه وراه إنه و انه مش طبيعي المهم مع الوقت صادفت مرة و كلمتها من عنده و فوجئت بعدها انه الاتنين سجلو الارقام و كل واحد فيهم بييجي يحكيلي هو قال اي و عاد اي مكدبش عليكو انا مكنتش ابدا مخونه حد فيهم ليه لانه هو انا مفيش واحده قابلها ولا هيقابلها هتعمل معاه ربع اللي عملته عمر ما في واحده كانت هتقبل ع نفسها اللي شوفته معاه و تبقي بتدعم و تكمل و تعدي و تفوت و تروح تعاتبه و بعد ما وقفت جمبه بكل حاجة ف الدنيا و كل الالتزامات خلصت اول واحده استغني عنها هي انا .. المهم نرجع للي كانت صحبتي دي انا طول مانا مخطوباله مشكتش ف حاجة لحد ما ربنا حط قدامي مواقف معينه كنت ابتديت اشك بقي و كذا حاجة بتأكد و كل ما اتلاشي الموضوع و اقول يارب بينلي يبانلي حاجات اكتر لحد ما ف يوم قررت اني مش هوتجهة بحاجة و روحت قابلته و اتلككتله ب واحده قريبته كان مكلمها واتس و قولتله متكلمش بنات خالص بما فيهم صحبتي عشان متقوليش صاحبتي لاء بلاش بنات خالص و جيت عملتله اختبار بسيط زي ما يكون ربنا الهمني اني اعمل كده بظبط مع ان دي مش طريقتي ولا تفكيري مبعرفش اتخابث زي البنات ولا فيا الطبع ده المهم كلمته و روحت سألته انه فيه واحده صحبتي مرتبطه و عاوزة تهادي اللي بتحبه و انت رأيك اي الهدايا اللي بتعجب الراجل وقتها هي صحبتي دي فعلا فعلا بتدور ع هدية تجيبها للي مرتبطه بيه ربنا الهمني اني اسألة فعلا و سألته اي الهدايا اللي من رأيك مناسبة و جاوبني و بعدها قولتله تعرف صحبتي دي مين قال مين قولتله اسمها ساعتها و كنت عايزة رد فعله بس هو اللي يجاوب حيرتي و اتفاجئ بكلامه و انفعاله و هو بيقول اي القرف ده و انه قد اي بيكره البنات دي و انفعل بشكل مبالغ فيه لما عرف ان هي مع انه منفعلش ان واحدة صحبتي و مرتبطه قبل ما يعرف هي مين انتو فاهميني اكيد ربنا ساعتها ثبتلي فعلا انه فيه حاجة غلط و مع ذلك و معرفش ازاي بكل سذاجة و عدم وعي مني كملت معاه و مكنتش بفكر ف الموضوع خالص و هي كانت صحبتي و مبفكرش فيها وحش و مكملة لحد ما فشكلت زي ما حكيت فوق لسبب تاني غير انهم بيكلمو و هي فضلت صحبتي عادي و مفيش حاجة و مش هقولكو انا كنت بعملها معاها اي والله و امي نفسها كانت بتعمل معاها كل خير و من ورايا كانت بتيجي بيتنا تقعد بينا و بيت اخواتي و اعتبرتها اقرب من اختي ليا عمري ما توقعت الاذي ده كله من حد عمري ما اذيته .. لحد ما الوقت عدي و لقيتها بتوقع بيني و بين صحبتي المقربة اللي هي صحبتنا التالته و هي اصلا صحبتي من قبل ما نعرفها نبقي متخانقين تخش تبعتلي الكلام الوحش اللي قالته صحبتي المقربة عليا و هكذا و تروح بردو تبعتلها لحد ما ف يوم المشاكل بينا بقت بتزيد و حوارات صحبتي الخاينه دي تكتر و نمت ف يوم حلمت برؤية هي فيها تفسير الرؤية ان هي بتلاحقني عشان تأذيني و ما زالت مش قادرة تتمكن مني و ان هي شخص وحش و كانت هيأتها وحشة ف الحلم اوي صحيت مقبوضة و من بعد الحلم فسرت كل حاجة لوحدي زي ما يكون ربنا نورلي بصيرتي اللي معرفش ليه كنت قافلة عيني عنها رتبت الاحداث و فهمت ان هي الوحيدة اللي كانت السبب ف اكبر مشاكلنا انا و اللي كان خطيبي و ان هي اوس المصايب ف حاجات كتيير اوي و ان هي كانت بتحور علينا ف كل حاجة حتي ابوها بتشوه صورته و هو راجل كويس لحد ما رتبت و فهمت هي ليه كانت بتخش تكلم علي صاحبتنا التالته معايا و انا كنت ي جماعة بجاريها ف الكلام عشان مش عاوزة اظلمها ولا اخونها ولا عاوزة اشيل ذنب اني ابقي حكمت عليها و عاوزة اعرف اخرها اي بعد ما فسرت و بعدت عنها تماما روحت لصحبتنا التالتة و حظرتها و حكتلها اللي حصل و وريتها بعنيها هي كانت بتتكلم عليها ازاي و بتقول اي و ورتها اني كنت برد عليها بنفس الردود اللي هي عاوزة تسمعها عشان تطمن و تحكي السواد اللي ف قلبها صحبتي المقربة دي تفهمت ف الاول و جت بعد كام يوم قالتلي انا مش قادرة اتخيل انك قبلتي تسمعيها بتغلط فيا و تجاريها ف الكلام اكتر من مرة و مترديش غيبتي حاولت افهمها كتير اوي انه مكنتش عاوزة اظلمها و اني كنت معميه عن حقي ف كل اللي عملته مع اللي كان خطيبي و اني لو وحشة كنت بعدت منغير ما احظرك منها و اني ازاي هفضل بعاملها زي اختي و انا عارفة عنها كل ده انا حقيقي والله العظيم كنت حاسة اني ف حلم حد رابط تفكيري و عقلي و متفتحش غير بعد الرؤية انا والله مظلومة و مكنتش حمل اني اخسر صحبتي المقربة دي عشان حاجة انا مليش ذنب فيها انا اللي مش عارفة افوق من الصدمة بقالي كام شهر بفكر اني تخطيت ده بس مبيحصلش قلبي تعبان اوي مش قادرة اصدق و استوعب صحبتي المقربة عملتلي بلوك ع فيس و ماسنجر و مسحت رقمي ع الواتس بس منغير ما تعمل بلوك بقيت مجرد رقم غريب ف شاشة محادثتها بعتلها اصالحها مردتش عليا 💔 فكرت اروحلها لحد عندها و هعمل كده انا صعبان عليا نفسي اوي بجاول ابقي مش مزعلة حد و انا اكتر حد بيزعلوة 💔💔💔مش عارفة انسي كل اللي حصل زودو عليهم انفصال ابويا و امي و دي مش محتاجة شرح💔 اسفة اني طولت اوي كده و شكرا ل اي حد قرا مشكلتي للاخر و حاول يساعد و لو بكلمه ...عرض المزيد

7 الدعم

5 نصيحة