مش قادرة أتخطى موت بابا بعد ١٠ سنين

Question

موت بابا بقالي ١٠ سنين مش عارفه لتخطي اللحظه دي ، خصوصا لما يحتاج حد اتكلم معاه بكل الي جوايا ، مفتقداه و اتعرضت بعد ما راح لربنا لمواقف صعبه كنت محتاجه وجوده حقيقي ، و اتعايرت بموته 
لحد اللحظه دي مش ناسيه

Watermelon_56950 🇪🇬 · Accepted Answer

ربنا يرحمه ويغفر له ويسكنه فسيح جناته يارب العالمين 
واللي عايرك بموته ربنا هبحطه في الاصعب من كده وربنا يكون في عونك ولو احتجتي مساعدة او انك تتكلمي في كذا حد هنا هيحاول يساعدك وانا منهم

Chilli_48447 🇪🇬 · Answer

انتى محتاجه للى يكون جنبك ومعاكى ويتابع معاكى يومك ويسمعك لان احساس الوحده العن حاجه الواحد يوصل ليها ويخرج كل الدوشه و الزحمه إلى فى دماغك إلى مخلياكى تايهه

Cheese_60636 🇪🇬 · Answer

ربنا يرحمه و يغفرله يا رب

Mango_52462 🇪🇬 · Answer

ربنا يرحمه ويغفر له يا حبيبتي ويصبركم إن شاء الله تفرحي في حياتك وتكوني من افضل الناس في أمور الدين والدنيا

Cheese_60636 🇪🇬 · Answer

متكتميش جواكي، انتي ممكن تقولي ل الناس القريبه ليكي و لو مش عارفه ممكن تقولي هنا، بس صراحه هيبقي احسن لو قولتي ل الناس القريبه ليكي في الحقيقه وهم اكتر ناس هيعرفو يواسوكي و ربنا معاكي يحبيبتي

Chocolate_60641 🇪🇬 · Answer

انا قولت بس محدش فيهم عارف يتخطي اصلا بابا كان جمييل اوي ، ف البيت كلو حاسس نفس الوضع ، محدش عارف ينصح حد ف الموضوع دا عندنا بنطبطب بس علي بعض بكلمه او نظره

Pistachio_52720 🇪🇬 · Answer

انتى محتاجه حد ثقه تتكلمى معا و تطلعى مشاعرك و الكلام اللى جواكى و اهم حاجه يكون ثقه و ميستغلش ضعفك

Cheese_60636 🇪🇬 · Answer

ربنا يرحمه و ربنا يصبركم يا رب