الفراق-590 related problems found

الفراق

Avocado_54882 🇸🇦

منذ يومين

شعور وحيد

زى انهارده من 8 سنين مات ابويا وفعلا صدق اللى قال ماحدش هيحبك ولا هيخاف عليك زى ابوك وامك بعد مامات حسيت بالوحده وان ظهرى فعلا اتعرى وبقيت لوحدى فى الحياه ومن ساعتها بعافر وبحاول اقف على رجلى زى زمان كل اللى حاسس بيه انى لوحدى وسافرت واتغربت وشعور الوحده زاد اكتر واكتر لما بنزل واروح ازوره فى المقاب

Coffee_54508 🇪🇬

منذ 5 أيام

شعور مكسور القلب

انا ولد عندى 20 سنه عندى مشكله وهى التعلق بالأشخاص سعادتى ويومى وكل حاجه مرتبطه بالناس يمكن ده بسبب طفولتى وحياتى الى مكنتش احسن حاجه بسبب والدى ووالدتى وكميه المشاكل والقرف امى عامله الى عليها وزياده مليون مره بس والدى هو العائق الى فى حياتى عاملى حفره مش قادر اتخطاها لحد يومنا هذا والدى قاسى جدآ ا

Popcorn_52587 🇪🇬 التعلق بالأشخاص بسبب نقص الاهتمام أو الأمان في الطفولة شيء طبيعي، لكن *المهم إنك تبدأ تبني سعادتك واستقرارك بعيدًا عن الآخرين*. جرب *تركز على تطوير نفسك وهواياتك* ، وابني حياة يكون فيها مصدر سعادة مستقل عن العلاقات. *التوازن مهم* —كونك تحب الناس وتتواصل معاهم شيء جميل، لكن *لازم يكون عندك قوة داخلية تخليك قادر تواجه أي تغيرات بدون ما تتأثر بشكل كبير*. لو حسيت إن الموضوع مأثر عليك جدًا، الدعم النفسي

عرض الكل 10 نصيحة

Apple_53469 🇪🇬

منذ 5 أيام

شعور آسف

موضوع:

حاجة اثرت فيك

الموت موت حد انت ضامن وجودة ومش بتسال عليه و مره وحدة يروح اثر فيا مكنتش متاخيل انه يوثر كده فيا الموت الحقيقة الوحيدة في حياتنا المنبة الي بيعرفنا حقيقتنا وقد ايه احنا ولا حاجة بنتخانق ع حاجات فانيه💔🥺

Banana_54317 🇪🇬

منذ 6 أيام

شعور قلق

جماعه انا عمري مارتبط ببنت ومن سنتين في واحده دخلتلي علي الفيس واتصحبنا وهي الي قالتلي بحبك بس هي مش بالمواصفات الي عايزها يعني هي بعيده عن الدين والتعليم تماما بس انا فعلا ماكنتش عارف اتصرف وماكنتش عايز اخسرها علي شان كنا صحاب اوي فا ارتبطنا ودلوقت مش عارف اسيبها بس انا فعلا ماحبتهاش حبتها كاصحاب

Pineapple_20718 🇪🇬

منذ أسبوع واحد

شعور محبط

أنا كنت مرتبطة بشخص كويس جدًا، بيحاول يفهم نفسه وبيشتغل على نفسه، وكنت متقبّلة إن علاقتنا محتاجة نحاول ونعين بعض ونفهم أكتر، وده كان فارق معايا. بس المشكلة إنّه شايف إن المفروض “مفيش مشاكل تحصل” في العلاقة، وإن أي مشكلة بنأجلها أو بنسكت عليها لحد ما تختفي من نفسها. وده بقى بيتكرر، كل مرة يحصل مشكله

Hazelnut_52786 🇪🇬 أنتِ ما “بعتيهوش”—أنت اخترتِ تحمي نفسك وتفضّلي علاقة يكون فيها تفاهم فعلي مش تأجيل. لو طرف مش مستعد يشوف أو يشتغل على المشاكل، فوجودك لوحدك أرحم من وجودك في علاقة مش متوازنة. اختياراتك كانت ناضجة، ومفيش دايمًا حل إضافي غير إنك تمشي لما المحاولة تبقى من طرف واحد

عرض الكل 7 نصيحة

Strawberry_53773 🇪🇬

منذ أسبوع واحد

شعور مذنب

كنت متعلقة بواحد بحبه احنا نعرف بعض من و احنا صغيرين بس اعترفلي و انا في ثانوي كدا احنا كنا مع بعض بس كل شوية انا اسيبه لسبب تافه او ممكن عشاو ببساطة عايزة مساحتي و هو مع الوقت بدا يزهق من تصرفاتي دي و اخر مرة خالص هو السابني بعدها بكام شهر كلمته بساله ايه الحصل لكل ده لقيته باعتلي مسدج طويلة اوي ب

Apple_52997 🇪🇬

منذ أسبوع واحد

شعور وحيد

موضوع:

عمرك حسيت ان مشاعرك خلصت؟

اه حسيت اخر مرة وللاسف ندمت ان مشاعري خلصت متاخر كنت اتمني تخلص من اول سنة لان العلاقه استنزفتني جداا علي مدار ٥ سنين والخمس سنين دول خدو مني كمية هلك مش طبيعية اتنزلت عن حاجات كتيرة اوووي كانت حقي عيشت ايام سودة وبقيت دايما اراضي واطبط واتحمل وعمري ما اترضيت ولو مرة وحدة غير بقي كمية الاهانات في ال

Strawberry_26814 🇪🇬

منذ أسبوع واحد

شعور وحيد

عبّر عن شعورك بشكل مجهول

النهارده عدي ٦ شهور كاملين علي انفصالي بالشخص اللي حبيته وسابني بدون سبب مش عارفه احساسي عامل ايه ازاي بس مابين اني اتخطيت الوجع والالم بس مبيروحش من بالي واكتر حاجة وجعاني انه ولا مره ضعف وحب يكلمني يطمن عليا انا طول الوقت بنزل صوري وانا بضحك وخروجات ومضقياها في نظره بس في الحقيقة كل كده فيك لان كل حاجة ناقصة من غيره بس في نفس الوقت عايزه ابينلوه اني انا بخير وجدا وانك انت اللي خسرت حد حبك حب مش مشروط اتحطيت اني ارد علي تليفون الشغل وهو اللي كان علي التليفون علشان شغالين مع بعض في نفس الشركة واتصل علشان عاوز شغل وبمجرد ما قولت الوو واحده وسمع صوتي وسمعت صوته رميت السماعة وخليت حد تاني يتعامل معاه حسيت ساعتها احساس غريب اني قدرت اتخطي المرحلة الصعبة وجاهزه اني اكلمه بس علي قد ماكان صوته واحشني اوي حسيت انه خساره فيه انه يسمع صوتي اصحابي قالولي ده ضعف وبينتيله انك ضعفتي لما كلمك قولتلهم لا بالعكس انا حسسته اني مش هينفع اكلمك لان مفيش كلام هيبقي بينا ولا حتي شغل بيتابع الاستوري بتاعتي بس حقيقي مش قاره اد قرار اني امسح رقمه لاني كل ما اعمل كده برجع اسجله تاني الامل في العوده مستحيل وانا كرامتي فوق كل شئ ورغم كل الظروف الالم فردي عليا تفتكروا ممكن اعمل ايه مش قادره انسي انه سابني وهو عارف اني مليش حد بعد وفاه بابا وماما يعني هوت عليه وصوت جوايا بيقولي انتي متحبتيش

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_53629 🇪🇬

منذ أسبوع واحد

شعور مكتئب

أيمكن للمرء أن يتفوّه بالوداع وقلبهُ قاصداً المكوث . . .💔 الموضوع اشبه ما يكون ب أعراض انسحاب شخص واحد بس ف حياتك قادر انه يخليك مش قادر ولا هتقدر تعيش من بعده وده حقيقي ربنا يهون علي قلوبنا ويلهمنا الصبر ... حقيقي الواحد مش عارف يتكلم ولا يقول ايه ف بقي يلزم نفسه بالصمت. . . بس الصمت الأبدي

Strawberry_53775 🇪🇬

منذ أسبوع واحد

شعور مكسور القلب

عندي مشكله كبيره اتجوزت من سنه ونص ومن اول يوم جواز مشاكل كتبر جدا مع اننا متجوزين غن حب والمشاكل ديه مكنتش موجوده في الخطوبه احنا اتخانقنا من اسبوع خناقه كبيره وانا بعتله فويس عل الواتس وغلط فيه غلط جامد مفيش راجل يقبله وقلتله انت مش راجل وعايزه انفصل هو رد قالي تمام ومغلطش وبعت لاخويا الفويس وا

Hazelnut_52786 🇪🇬 اولا زي ما غلطتي في اعتذرى ليه قصاد اهلك كلهم واعترفي بغلطك وندمك وتوعديه انها مش هاتكرر تااااني لانك حسيتي بغلطك ودا كان اندفاع ولحظه تهور منك ومش هانهد بيت علي غلطه واندفاع مني وتبقي فاهمه من داخل نفسك انك هاتحتاجي وقت علشان تثبتي كمان دا لجوزك ويارب دايما لا يوجد خلافات ما بينكم ونصيحه اخيره حلو خلافاتكم لوحدكم علشان تبقي سهل حلها من غير تدخل إلاهل

عرض الكل 7 نصيحة

Apple_53516 🇪🇬

منذ أسبوع واحد

شعور محبط

عبّر عن شعورك بشكل مجهول

انا ابويا توفي من 3 سنين 
وهوا مش ابويا 
هوا ابويا وصحبي وحبيبي واخويا وكل حاجه ليا في الدنيا 
كان الأمان والضهر والسند 
انا ولد علي بنات 
لما كنت صغير مكنتش بعرف اعمل صاحب مكنش ليا صحاب 
هوا كان صحبي 
فاكر لما كنا بنلعب كورة انا وهوا ونخرج ونتفسح سوا 
.. 
مش عارف ازاي كان عصبي وشديد جدا وفي نفس الوقت اطيب واجمل قلب 
اكتر واحد كان نفسه اكون احسن واحد في الدنيا 
مش ناسي نصايح ليا
مش ناسي لما كان بيقولي يابني انا مش هعيش ليك العمر كله 
وفعلا 
الشخص العظيم اللي كنت بخاف منو وبخاف عليه 
الشخص اللي طول عمره كان شيلني علي كتفه 
بقيت في لحظة شايلة في خشبة علي كتفي 
ابويا كان مريض 
وبيدخل المستشفى كتير 
وكنت كل مرا اقول هيخف ويبقا احسن من الاول 
كان صابر جدا علي مرضه 
وكان راجل راضي 
وديما يقول الحمدلله 
وكل مرا كان بيتعب فيها كان بلحقه واجري علي المستشفى وكانت بتعدي علي خير 
الا المره دي 
المره الوحيده اللي معرفتش اعمل ايه فيها 
واقف وسط 3 دكاتره وممرضين ومش عارف اعمله حاجه 
الدكتور بعمله انعاش والتاني بيزعق والثالث بيخرجني برا الاوضه 
وانا مش عارف اعمل ايه 
وتوفي أبي 
توفي قدامي عيني 
توفي ومقدرتش اعمله حاجة 
امر الله نفذ 
وفي لحظة شايل ابويا بدخله تلاجه 
بكلم مبيردش عليا 
ابويا اللي كان بيحميني وانا عيل صغير 
بغسله ب ايدي 
وبلبسه كفنه
وشايله علي كتفي زي ما كان بيشلني علي كتفه 
بس هوا كان بيلعبني 
وانا كنت رايح ادفنه 
وشلته ب ايدي نزلته لقبره 
نزلته وانا عارف اني مش هشيله تاني 
وحضنته اخر حضن في حياتي 
وانا حاضنة كنت عارف اني خلاص هتحرم من الضحن دا طول عمري 
الحضن اللي كنت لما بخاف بجري اترمي فيه 
الحضن اللي لما اتعب من الدنيا اروحله 
وخلاص راح ابويا وسبني 
وسابلي امي واخواتي البنات 
سابلي  المسؤليه 
وسابلي السيره الحلوه 
سابلي حب الناس 
وسيبني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_53738 🇪🇬

منذ أسبوع واحد

شعور مكسور القلب

أنا إنسان كل أملي ف الحياه هيا واحده لا عايز اكون غني ولا حلمي اركب عربيه ولا بحلم بأي حاجه خالص غيرها بس هيا اللي بتمناها من ربنا في حياتي بس وللأسف الواقع بيقول انها مستحيل تكون ليا الأهل رافضين تماما وهيا عايزاني وانا عايزها وحاليا جايلها عريس وبالغصب أهلها موافقين وكان سبب رفض الأهل هما اهلي

Hazelnut_52786 🇪🇬 يا صاحبي، كلم أهلك بهدوء، اشرحلهم إن سعادتك معاها ووضح إن خوفهم ملوش أساس. خلي حد كبير وحكيم يقنعهم. اتكلم مع البنت وشوف هي عايزة إيه. أوعى تفكر تأذي نفسك، دي مش نهاية الدنيا. فيه أمل، بس محتاج صبر وسعي. ويارب يعطيك ما تتمني باذن الله

عرض الكل 6 نصيحة

Apple_53661 🇪🇬

منذ أسبوع واحد

شعور ضاق ذرعًا

عبّر عن شعورك بشكل مجهول

انا خسرت صحابي كلهم بسبب واحدة مش هوصفها هسيب ليكم انتم الحكم. 
انا كان عندي شلة صحاب من اكتر من ٨ سنين، كنت بحب واحدة مش من ديني و الموضوع مبدأش اصلا كا قصة حب و كدا. بس كنا مع بعض تقريبا كل يوم لفترة معينة بنخرج و نروح و نيجي و مكنش فيه اي ليمتس  ما بينا لدرجة اني مع خبرتي القليلة مع النوع الاستغلالي دا من البنات كنت تقريبا متبناها من ناحية المصاريف و كل حاجة و انا كنت بتبسط اوي لما اشوفها مبسوطة يمكن اكتر من انبساطي بالخروجة او وقتنا مع بعض فحبيتها زي ما قولت بس هي مكانتش بتبادلنى الشعور و مع كدا مش رفضاني و انا كنت دايما بقول في دماغى انه علشان حوار الدين و مش مهم كدا كدا علشان احنا تقريبا كنا مرتبطين كا افعال فا مش مهم الكلمة يعنى. 
المهم فضلنا كدا لحد ما بعد سنتين هي صاحبت حد بس دا لم يؤثر على علاقتنا كنا برضو بنخرج و نروح و نيجي لحد ما بطلنا نتكلم خالص فترات بس كنا بنرجع كل فترة. الموضوع كان داخل على ٥-٦ سنين في القصة دي و كانت اخر سنة او سنتين قررت اني مش هرد عليها ولا هكلمها لحد ما هي فجاة بعتتلي رسالة في وقت انا كنت فيه ضعيف و قولت احنا كبرنا خلاص و عدينا ب حاجات كتير ف خلاص بقى نرجع نتكلم كل فترة كدا و نشوف بعض حتى لو مرة في الشهر. 
في نفس الوقت دا اقرب شخص ليا فسخ خطوبته بعد ٨ سنين خطوبة و قبل فرحه ب شهرين بالظبط فكان متدمر نفسيا و احنا فعلا الفترة دي كنا خايفين عليه لدرجة اننا كنا بنعد عنده في بيته كل يوم علشان هو كان فعلا حاله يصعب عل كافر و شوية شوية بقينا نيجى بصحابنا البنات معانا.
انا على حظى انى كنت بكلم البنت دي فكنت بقولها تعالى معانا و كدا على اساس انها كانت شافت صحابي لما كنا قريبين و هما كانوا بيحضروا خناقتنا و ساعات يخوشوا يصالحو بينا  و سافرت معانا مرة افتكر لما صاحبي دا كان مرتبط. 
المهم بدا يحصل حاجات منها غريبة متتوصفش غير بكلمة واحدة بس يلا، المهم هو مكنش بياخد اى رد فعل لما هي بتتدلع و انا كنت بستغرب بس واثق فيه زي الاهبل. قعدنا كدا بتاع شهر بعد كدا اكتشفت انهم بيتكلموا اصلا و تيجي مرة واحدة علينا كا شباب و تقولى كنت عملالك مفاجاة و شغل ميخشش على عيل صغير بس قولت عادي اكيد انا بتخيل لدرجة انهم هم الاتنين كانوا بيقنعوني اني بغير على صحابي و كلام اهبل كدا. 
المشكلة انى اتكلمت مع صاحبي دا و كنت بقوله خلي بالك هي حطاك في دماغها علشان انا عارفها كويس و هو يقولي احنا صحاب و انت متوهم و مواقف تانية كتير من النوع دا لدرجة انها بقت بتبقى عنده في البيت قبل ما احنا نوصل و ساعات مش بينزل اصلا و يتحجج باي حاجة. 
اخدت القرار و قولت يولعو مش عايز اشوفهم تاني دا طبعا بعد كلام كتير و مواقف اكتر و بعد ٣ شهور كانوا قاريين فاتحة و تبريره لاصحابنا كان، هو ليه بيكرهلي الخير؟ هي اصلا قالتلي انه كانت واخداه مصلحة و هم اصلا مش على نفس الدين. 
الصراحة الموقف دا قفلنى من كل البنى ادميين و بقيت شايف الناس كلها وسخة و الحياة مصالح متبادلة بس و مفيش حاجة اسمها صداقة.  
حاسس ان الموقف دا كسر حاجة جوايا مش هتتصلح بخصوص اني بشوف الناس ازاي. 
انا عارف انها دايرة و هييجي اليوم و حقي هييجى لوحدو بس دا مش هيصلح حاجة جوايا اتكسرت.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_52947 🇪🇬

منذ أسبوعين

شعور مكسور القلب

هو كنا مرتبطين وبعدين هو الي ساب كنا بنحب بعض اوي بس هو قعد يقولي بعد ما سيبنا بعض مش هعملك بلوك عشان لو حصلك مشكله كبيره تكلميني وفضلت ازن عليه نرجع بس رفض وسكتنا فضلنا يومين ساكتين فجاه لقيت البلوك في الواتس والاسناب والتلجرام ف قمت عاملاه بلوك انستا ومن ساعتها متفكش مع أنه كان بيقولي انا مستحيل ا

French Fries_52944 🇪🇬

منذ أسبوعين

شعور قلق

بحب واحده جداً وبينا مشاكل كتير وانا مازلت بحاول اهندل الدنيا وبجري وراها ومش قادر اسيبها مع اني عارف ان عمرنا ماهنكون لبعض دايماً بقول لي نفسي ابعد دلوقتي احسن انت كده بتأجل وجعك بس وفي الاخر بروح اكلمها مش عارف اقنع نفسي اني ابعد عنها

التجربة أفضل عبر التطبيق

حمّل تطبيق توهيل على هاتفك لتجربة أسرع