الأب

Watermelon_21469 🇪🇬

منذ ساعتين

شعور مرتبك

ممكن اعرف ازاى اتعامل مع الاعجاب المتكرر اللى ممكن سببه والدى اتحرمت منه و اللى دايما بقول دا اعجاب مؤقت مش شئ حقيقى و بقول دايما مفيش حد هيبقى شبه والدى او مكانته تتساوى بيه من اللى حواليا... بتعامل معاهم فى حدود و اوقات بيبقى فى هزار كتيير و بعدها بقفل و اقلل كلام لحد ما بقيت مش بكلم حد غير للضرور

Marshmallow_69067 🇪🇬

منذ يومين

شعور محبط

الإنسان مهما اختلف مع اهله بيخاف من فقدهم خصوصا لو جربت دا مرة.. بعد موت بابا انا قعدت الوم نفسي كتير واحس انى قصرت معاه ف حاجات كتير طول الوقت بحاسب نفسي وبحاول اعوض دا بإنى ادعيله كتير رغم ان بالعكس كنت بهتم بيه وبشوف بيحب ايه واعمله بس مهما عملت الشعور دا هيجيلك.. دلوقتى ماما بتصعب عليا جدا ولو م

Sugar_82690 🇪🇬

منذ 4 أيام

شعور محبط

مش قادرة استوعب يعنى اى اب ميسالش ع بنته وميعرفش عنها حاجه سنين مبعرفش اكلت ولا شربت ولا عندها هدوم ولا تعبانه ولا لتتعلم ولا عندها مشكله جسديه وهو عايش حياته بالطول والعرض وخروج وشغل ومش ف دماغه ازاى حد ممكن يعمل كده عشت عمرى كله عندى مشكله مع ابويا أنه مش قريب منى ومن مهتم بس كان عايش معايا بنشوفه

Strawberry_68144 🇪🇬 حسبي الله ونعم الوكيل في كل اب بيتم أولاده وهو عايش

عرض الكل 5 نصيحة

Orange_75300 🇪🇬

منذ 4 أيام

شعور مكتئب

عبّر عن شعورك بشكل مجهول

السلام عليكم طبعا في البدايه ممكن تكون قصتى كبيره بس للاسف انا عايشه فى ده كل يوم انا بنت مصريه وعمرى 17 سنه مشكلتى بدأت من زمان جدا لما كان عمرى 4 سنين  لما حسيت ان هيبقى عندى اخت تانيه تشاركنى اهتمام اهلى انا الكل كان بيهتم بيا حتى اجدادى كنت نور عنيهم محدش كان يقدر يكلمنى كلمه متعجبنيش وتأقلمت عادى مع اخت الجديده لحد م بقى عمرى 8 سنين وبردو عرفت ان هيبقى عندى اخ/ اخت تانيه تشاركنى حب امى وابويا اللى كنت بحبهم وعيزاهم ليا انا بس زى اى طفله صغيره 🥹
وكالعادة اتأقلمت وفرحت ب الاخ / الاخت الجديده 
لحد م جت سنه  2017 وانتى التالته جت  وكانت اول سنه تكسرنى وانا اصلا فى سن معرفش يعنى ايه كسره ولا وجع ولا موت ...... مات اعز الناس لى قلبي وهو جدي كنت منهاره طبعاً كنت طفله مش فاهمه اصلا ولا مدركه يعني ايه موت أو يعني ايه مش  هاشوفه تاني كنت مكدبه الكل وفى حاله انهيار تام اول مره أفقد شخص عزيز عليا وبعدها ب سنه فى 2018 فقدت جدتى اللى مربيانى من بعدها حصل فراغ كبير جدا جدا فى قلبي وكل ده كان عمرى 9 سنين بس بشوف وبحس بحاجات انا اول مره أحسها أو افهمها ومن بعد طبعا جدى وجدتى اللى كان الكل بيحبنى علشان يكسب رضاها الكل سابنى حتى أهلى بطلوا يهتموا بيا زى زمان وكل الاهتمام بقا ل اخواتى وطبعا كنت بحس من الغيره لأنهم مهتمين بيهم وانا لا واللى زود ده لما كان يحصل خلاف بينى انا وانتى الصغيره خلاف عادى من بتاع الإخوات  ده بابا كان بيتدايق وبيضربنى كل يوم علشان اختى الصغيره ومش بكدب لو قولت انى كل يوم اقسم بالله بنام وانا بعيط 💔 
كرهونى فى اخواتى وخاصه اختى الصغيره إلى. حسستنى انها جت خدت مكانى فى قلبهم واهتمامهم انا عارفه ان هي صغيره ومحتاجه اهتمام ومراعيه بس انا كمان كنت فى فتره صعبه محتاجهم جنبى كنت فى بداية مراهقتى وملقتش حد جمبي ولا أهل ولا أقارب ولا صحاب ولا اى حد. 
ولو كنت كلمت اهلى مش بيسمعونى ولا عرفوا يكسبونى ودايما شايفنى انا اللي. غلطانه حتى لو انا غلط كانوا دايما بيقللوا منى ويضربونى وأوقات كتر كان جسمى ووشي بيتشوه ولا كنت بصعب عليهم حتى واى حاجه كنت اعملها وامى تعرفها كانت بتروح  تقوله وانا ابويا عصبي جدا مش بيفكر ويروح ضاربنى على طول ودايما كانوا يقولولى انتى مش متربيه وقليله الادب لو رديت عليهم أو اتكلمت وانا والله الناس كلها بتحلف بأدبي واخلاقى متربيه على إيد اجدادى يعني زى م قال الكتاب حرفيا ولما كنت اعيط وهم بيكلمونى من اقل كلمه بسبب الكتمان كان ابويا يقولى عيطي عيطى مش هتصعبي عليا انا مش هقول انى ملاك ومش بغلط كلنا بنغلط ومحدش معصوم من خطا بس حتى انا لو غلطت غلطه رد الفعل عليها بيبقى اقوي من الفعل نفسه انا بطبعي بنسى وبسامح بسرعه والله لو كنت انام بعد ما يموتوني ضرب وافضل اعيط انام واصحى الصبح ناسيه ومش زعلانه منهم 😔💔
لحد م وصلت سن 14 سنه وانتقلنا فتره عند خال ابويا (جدى يعنى) علشان كان تعبان وكان عنده بنات صغيرين من سنى انا واختى بنته اللى من سنى كانت دايما بتغير منى وبتعملى مشاكل وانا بطبعى عصبيه جدا مش بعرف اتحكم فى نفسي لو اتعصبت كانت تروح تقول لابوها اللى هو جدى وتقول لابويا وابويا علشان يراضى خاله وميزعلش منهم كان بيضربنى وقدامهم كمان 😔💔❤️‍🩹. 
كسرنى كتير كل يوم تقريبا كان بيحصل المواضوع ده وعمر م ابويا قال دى بنتى واللى بعمله ده غلط و والله حتى لو انا كنت قاعده ساكته وهاديه كانت تيجى البنت دى وتنكشنى (يعنى تضايقنى ) علشان تحصل مشكله وبعد 5 شهور من التعب ده رجعنا بيتنا تانى الحمد لله وسببت كل المشاكل دى هناك ونسيت الناس دى وبقيت في تالته إعدادى يعنى 15سنه تقريبا ومن ساعتها وأعلى اتشغلوا اكتر واكتر عننا بسبب شغلهم ووالله انا اللى بقيت بعمل كل حاجه فى البيت (تنظيف - غسيل - طبخ - اكل اخواتى واهتم بيهم ) مع أن اخواتى كانوا بيتطاولوا عليا فى الكلام والإيد كمان مع العلم انا الكبيره وبفرق 4 سنين   و 8 سنين وبعد م كنت اعمل كل حاجه في البيت وهم يرجعوا من الشغل بيلاقوا الاكل مطبوخ والغسيل نظيف  والشقه نظيفه لأن الحمدلله كنت شاطره وبعرف اعمل حاجات كتير فى سن صغير بحكم انى البنت الأكبر والمسؤوله  عن البيت حتى عن امى وابويا كمان المشكله ان بعد كل التعب اللي بتعب ده هم مش بيقدروا تعبي و يجوا اخر الليل يقولوا لي كلام يسد النفس ويكرهني في حياتي وعيشتي حتى لو انا بغلط ما يقولوش ان هي بتتعب معانا وشايلانهخلاص عادى ولا كأن حاجه حصلت  لا بيزودوها عليا وتعبت جدا من المسؤوليه اللى شيلتها بدرى دى وانا مش قدها وجالى اكتأب فى تالته إعدادى والله مش ببالغ لو قولت ان صوتهم كان بيزعجنى وبيفكرنى بألمى اللى حسيته فى سن صغير ميعرش يعنى ايه وجع  كنت بصحى الصبح اعمل حاجه البيت كلها واعمل حاجه اخواتى من غير كلام ولا نقاش ولما يرجعوا البيت افضل نايمه واصحى لما هم يناموا علشان مشوفهومش ولا يكلمونى قعدت على الحال ده كده اكتر من شهر ومبقتش باكل ولا بشرب ولا بروح مدرستى ولا بذاكر لحد م كنت بضيع حرفيا وحتى مكنش عندى حد احكيله همى وحزنى حتى امى اللى المفروض تبقى امانى وحمايتى مكنتش بثق فيها ابدا ومن بعد الاكتئاب ده ولابقيت بثق في حد...... 
انا بطبعى شخص بيحب الضحك جدا بس بقيت بحس انى بضحك علشان انسي اللى جوايا انسي معامله أهلى ليا وكرهم ليا ولخاطرى وكرامتى وشكلى قدام الناس وبقيت بتعامل معاهم على قد الكلام وبس 
ولحد دلوقتي ومعاملتهم متغيرتش معايا ولسا بيتعصبوا عليا من اقل حاجه ولما بابا يعملى أو يقولى حاجه تضايقنى واروح اشتكى لامى اللى هى حتى لو مش هتعمل حاجه على الأقل تسمعنى وتدينى الاهميه وانا بتكلم لا مش بتهتم أنها تسمعنى ولا تشوف مالى .... اكتر من مره كنت بنهار قدامهم من شده الكتمان وابكى بوجع وصراخ ولا كنت بحس حتى بشفقه منهم عليا وابويا يقولى انتى فاكره أن انك لما تعيطى كده انا هقتنع بلاش شغل التمثيل ده 💔😭
ولحد دلوقتي وانا فى تانيه ثانوي عام كل ده مأثر فيا جدا ومش بعرف اذاكر ومستوايا الدراسي بينخفض جدا وبشكل ملحوظ وهم كل اللى عايزينوا ابقى دكتوره وزارعين في دماغي كده من صغري لدرجه انى حاسه لو مدخلتش طب هبقى فاشله مش عارفه اختار انا بحريتى المنصب او الحاجه اللى. انا عايزها مش اللى هم عايزينها 
كل حاجه دلوقتي بخدها على اعصابي ونفسيتى ومن أقل حاجه بعيط حاسه انى بقيت ضعيفه الشخصيه حتى بين الناس ببين انى جامده قدام الناس وانا جوايا فاضى بسبب اهلى من صغرى ولا شوفت اهتمام ولا اى حاجه ودايما لو عملولى حاجه حتى لو صغيره بيفضلوا يقولولى كل شويه عليها وكأنهم بيعايرونى لان هم المحكمين فى رأس المال ولو زعلوا يقطعوا كمان عنى المصروف واللى هو اصلا حاجه بسيطه جدا جدا ودماغى هتموتنى من كتر التفكير على طول تائها ومش بكلم حد وهم دلوقتي لو طلبوا منى حاجه وانا معملتهاش بيقلبوها موضوع كبير و يقولوا لي انتى عمرك ما عملتى حاجه ولا كأنى قعدت سنه ونص حرفيا اخدم فيهم بمعنى الكلمه وبدون اى مقابل ولا حتى كلمه حلوه او طبطبه والله فكرت فى الانتحار بس رجعت فى كلامى يعنى هعيش فى عذاب فى الدنيا واموت كافره اعيش عذاب الاخره كمان ......... 
قصتى طويله بس والله انا عايشه في عذاب حقيقى ومش قادره أواجه كل ده لوحدى طاقتى نفذت وتعبت من كتر الضغط من اهلى والدراسه والناس كل ده مأثر عليا وعلى دماغى ....

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_85190 🇪🇬

منذ 5 أيام

شعور لا مبالٍ

مشكلتي ملهاش حل تقريبا انا من فتره ابويا توفي كان ااكتر حد بحبوا في حياتي كان اغلي حاجه رغم اني كنت عارف ان اللحظه دي قربت اوي عشان الله يرحموا كان مريض بس عمري ما فكرت في اللي هيحصل بعدها دلوقتي ان عايش اللحظه دي مكنتش اتوقع ان ممكن ابقي كده فقدت اي لذه لاي حاجه مهما كانت متعتها ربنا تاب عليا وابتد

Plum_65277 🇪🇬

منذ 5 أيام

شعور مذنب

السلام عليكم انا ابويا جاي عليا وشتمني ع الصغيره والكبيره وبيهددني طول منا قاعده ويقولي همشكي من السكن وااجر سريرك وكل ما اتكلم يهددني اسكت لاما يمشيني فانا قولتله هشتكي اني م لاقيه مكان من وقتها وهو نازل رن وهتشتيكيني وهتعملي وشتايم برضو انا تعبت مش عارفه اعمل ايه بفكر اروح عشان يتقفل السكن وارج

Watermelon_81568 🇪🇬

منذ 6 أيام

شعور ضائع

اتمني لو في اب او احد هنا يعرف معني الابوه يجاوبني .. نحن الحمد لله والدنا موفرلنا حياه كريمه وحياه ماديه كويسه بس أنا كا أخ مش شايف إن دا كويس لانو دا عمل فجوات ما بينا و عاوز اجمع بين الوالد والأخ التاني مع ان الوالد مش بيرفضلو طلب مع انه خسر كتير بسببه لكنه مازال علاقتهم سيئه مفيش تفاهم كيف أصلح

Croissant_84662 🇪🇬

منذ أسبوع واحد

شعور مستنزف

بابا طول عمره كان مسافر برا، ما كان حاضر ولا مرة بأي لحظة مهمة بحياتي، ولا حتى بلحظات العادية. سنة ٢٠١٩ قرّر يستقرّ معنا، وضَلّ معنا خمس سنين، بس كل هالمدّة ما كانت غير صريخ ومشاكل على طول. أغلبها على المصاري، يلي معه أصلًا، ومع هيك دايمًا يعطي لإخواته وأمه، ونحن آخر شي بباله. صارت كتير مشاكل، وقال

Apple_79463 🇩🇿

منذ أسبوع واحد

شعور مرهق

أنا عندي مشكلة مع اهلي لدي أب خسارة فيه كلمة أب أوقات احس إني اريد ان اقتله لدي كره شديد من جهته لانه عديم المسؤولية مايصرف علي و لا يحوس عليا وما معتبرني أصلاً إني موجودة من صغري هكدا و الحاجة لي تزيد تستفزني اكثر انه انا منحبش نهدر معاه لتفادي المشاكل لاكن هو يعمل المستحيل باش يهدر معايا غير

Chilli_76322 🇪🇬 مش عارف اقول ايه على مشكلتك بس خليني أفضفض بالكومنتات عندك يمكن حد يستفاد انا راجل ابوي دايم يعصب علي ولما اناقشه يقولي انت هتناقشني واحيانا استغفر الله ربنا يسامحني كنت بدعي واقول بنفسي علاش ميفهمنيش و و و الي أن توفي من شهرين وعندها ندم عمري اني كل ثانيه خليته يعصب مني وتمنيت يرجع يضع حذائه فوق راسي ويكون لي الشرف بس يرجع💔...باختصار.... مادام والدك عايش ربي يحفظه مهما صار تعالى علي نفسك وراضيه .

عرض الكل 8 نصيحة

Strawberry_76036 🇪🇬

منذ أسبوع واحد

شعور متعب

الواحد من غير الاب بجد ميسواش حاجه الدنيا من غيرو وحشه اووي انا محتاجه محتاجه كلامو وحضنو واني افضل اقعد معاه واضحك ويحكيلي بجد مفتقده حاجات كتير اوووي ومحدش حاسس بيا وانا اخر سنه ليا دي في الكليه ومش عارفه اقاوم ومكسله في كل حاجه وحاسه اني الدنيا صعبه ومش عارفه اعمل كل حاجه صعبه وانا تعبانه نفسي اف

Kiwi_84026 🇪🇬

منذ أسبوع واحد

شعور وحيد

بعيط كتير حاسه اني حابه اموت من متى الألم ولكني لسه مش مستعده اقابل ربي.. الألم بيموتني دموعي مش بتقف حاسه اني وحيده غريبه ف وسط الناس،، الثيرابست قولتلو بعيط في الشارع حتي مقاليش اعمل ايه حاسه اني مش لاقيه حد يحس بيا بس حتي من غير كلام.. بابا مات وارتاح وسابني لوحدي

Apple_71528 🇪🇬 لا تيأس من رحمه الله

عرض الكل 17 نصيحة

Strawberry_84060 🇪🇬

منذ أسبوع واحد

شعور قلق

Coffee_73439 🇪🇬 انا شايف انك في طريقين أحلاهم مر بس خلينا نحط قدامنا الاختيارت ونشوف انهي احسن انك تكوني زي مانتي دلوقتي قافلة علي نفسك ومش مدية اي فرصة لأي شاب او انك تدخلي في علاقة مرة واتنين وتتعلمي من ده وده وتستنزفي مشاعرك في الاماكن الغلط ملحوظة ان جوزك المستقبلي مكتوبلك هو مين من قبل حتي ما تتولدي ومش هتقدري تغيري في القدر فهل شايفة في المستقبل لما تتجوزي تكوني في شبابك اختارتي الاختيار الاول ولا التاني؟

عرض الكل 14 نصيحة

عبّر عن شعورك بشكل مجهول

السلام عليكم 
انا اول مرة ليا هنا و حبيت الجو اوي و عايزة اتكلم بصراحة و عايزة بنت كبيرة شوية تنصحني انا عمري في حياتي ما ارتبط ولا دخلت في أي علاقة قبل كدا ديما في حرب جوايا اني عايزة ارتبط بس مش عارفه و بتكسف و بخاف من ربنا و بقرف لما بفكر كدا و في نفس الوقت مش عايزة ادخل في أي حاجة رسمي ابدا حاسة اني معقدة و مش فاهمة نفسي بجد بحس اني عندي احتياج عاطفي كبير بس بحاول اتحكم في نفسي عشان مش عايزة ادخل في أي حاجة كدا و السلام تقلل مني و الفكرة اني اصلا ماليش اي تعامل خالص مع الجنس الآخر من و انا صغيرة و لحد ما أنا في الكلية بخاف منهم و ببقى طول الوقت حاسة بقرف منهم و من تصرفاتهم مش عارفة بقى ازاي عايزة ارتبط و ازاي بقرف منهم و كمان لاحظت للاسف اني ينجذب اللاكبر مني في السن بكتير لدرجة اني مرة اعجبت بمدرسة الفيزيا بتاعي رغم أنه كبير جدا في السن و كان جد اصلا بس مجرد أنه أظهر ليا اهتمام طبيعي فضلت فترة موهومة اني بحبه و طبعا السبب الواضح هوا غياب حب ابويا عني رغم أنه حاليا ندم و بقى حنين بس مش حاسة من ناحيته بأي مشاعر مش عارفة لما بتخيل اني اكون في علاقة مع راجل بيعاملني باهتمام مبالغ فيه بكون راضية بس بحس أنه ضعف كبير مني واني مش اكيد مش هيكون فيه راجل كدا اصلا و فكرة اني ادي الأمن دي مستحيلة بالنسبة ليا لأن حرفيا لما بسمع موضوع الجواز ده بترعب بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_83724 🇩🇿

منذ أسبوع واحد

شعور مستنزف

أنا عندي مشكلة مع أبي عصبي كثييير و ما يخليني أعبر و لا أمد فكرتي لا مجال للنقاش معه ، تعبت تعبت كثير و دائما يقولي نتي ما تعرفي شيء مع العلم أنا دكتورة متخرجة نفسية تعبت كثيييير شو الحل و إذا كاين لي يعاني من نفس مشكلتي.

Chilli_76322 🇪🇬 نفس مشكلتي مع الاختلاف اني راجل ابوي دايم يعصب علي ولما اناقشه يقولي انت هتناقشني واقول بنفسي علاش ميفهمنيش و و و الي أن توفي من شهرين وعندها ندم عمري اني كل ثانيه خليته يعصب مني وتمنيت يرجع يضع حذائه فوق راسي ويكون لي الشرف بس يرجع💔...باختصار.... مادام والدك عايش ربي يحفظه مهما صار تعالى علي نفسك وراضيه

عرض الكل 12 نصيحة

Marshmallow_83513 🇩🇿

منذ أسبوع واحد

شعور ضائع

هاي أنا بنت و أنا فاقدة الحنان من الأهل و أكره أبي كثيررررر أحس أنو هو غريب عني و مش أبي و عرفة أنو شخص مو كويس و يحب نسوان كثير و يحب يعطيهم المال و أنا لم أحب حاجة يرفض أو يقول اشتغلي و ما عندي حدا ينصحني بالاصح مقدرة أتكلم مع صحباتي عن هذا موضوع و متكلمت مع أي شخص و أنا كثير موجوعة لدرج

Lemon_83151 🇩🇿 اختي كاين بزاف ناس راهم كيفنا ما عندهمش حنان الاهل لكن اهم شيء انك تفهمي روحك تبقاي مع روحك تصلي تدعي لربي يوفقك صعيبه بزاف لكن كي تكوني عندك ثقه في نفسك صدقيني تولي اقوى بكثير مما تتصورين ولا يوجد انسان يقف معك اكثر من نفسك فاعتني بنفسك وروحك واذا احتجت اي حاجه نحن هنا لمساعدتك

عرض الكل 10 نصيحة

Marshmallow_83440 🇪🇬

منذ أسبوع واحد

شعور مرتبك

موضوع:

الذكريات السيئة

اهلي منفصلين من زمان وكان بقالي حوالي اربع سنين مليش علاقه بوالدي نهائي مكنتش اعرف عنه حاجه وجت في فتره ظهر تاني فحياتي وحصل مشاكل مع والدتي وبعدين جيت اعيش مع والدي مرضيش مع العلم هو متجوزش وفضل معيشني حوالي سنه عند عمي ويمكن اكتر ولما اتخنقت روحت عشت معاه تلت شهور كانو اسوء تلت شهور شوفت منه حاج

Biscuit_52061 🇪🇬

مش عارفة أعمل إيه مع النقاب وانا مش مرتاحة

انا لابسه النقاب بقالي حوالى 7 شهور بس دلوقتي مش عارفه ليه مبقتش مرتاحه فيه زي الاول وفي افكار كتير في دماغي بتقولى اقلعيه ومش عارفه اعمل ايه الحقيقه متردده وانا أهلى قالولى لو لبستيه مش هتقلعيه تاني ف مش عارفه اعمل ايه ومش عارفه البس كويس حتى زي الاول معنديش غير فستان وملحفه بغير فيهم في كل مشاويري حتى في الجامعه ومش مرتاحه ف الچيبات خالص ولا عارفه انسق ليها حاجه كويسه دماغي هتفرقع بجد ...عرض المزيد

1 الدعم

20 نصيحة

Apple_56646 🇪🇬

انا مكتئبة وكراهة الحياة ومش عارفة اعمل ايه

انا مكتئبة و كارهة الحياه برغم اني بنت و حلوة بس جبت اخري و مش عارفه اقدر اعمل ايه انا تعبانه اوي من الحياه و الابتلاء بجد خلاص مبقتش قادره اكمل الدنيا بحالها الدنيا صعبه و كئيبة و صعبه اوي اوي اوي بجد اكتئاب اعمل ايه؟؟ ...عرض المزيد

1 الدعم

18 نصيحة

Carrot_85093 🇪🇬

تعبت من الدنيا والناس ومن نفسي

انا تعبانه جدا انا مش بخير ابدا و تعبت من الصراعات و المشاكل حتى اللي انا مش بكون طرف فيها تعبت من التعامل مع الناس من الكذب و الخبث و الاذية . وتعبت من نفسي واني مش عارفه اقرب من ربنا و مش قاردة اسامح نفسي على كل حاجه غلط عملتها وانا كنت عارفه انها حرام انا زهقت من نفسي و مش عارفه ولا قادرة ارجع من تاني و احاول تاني نفسي اهرب من هنا و اعيش لوحدي و انام دايما ادعولي لاني مش قادرة ادعي لنفسي حاسه اني مستحقش ...عرض المزيد

2 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع