موت

Coffee_76770 🇪🇬

منذ يومين

شعور قلق

عبّر عن شعورك بشكل مجهول

السلام عليكم 
انا محتاجة مساعدة من حد يكون عمل Move On للاحداث اللي مر بيها علي زيي او مشابه ليا لاني مش عارفة اتخطى حاجات كتير واسفة للاطالة
انا سبق لي الزواج مرة زواج حقيقي ومرة تانية كانت كتب كتاب بس كنت صغيرة اوي مكنتش مدركة انا فين وده بيحصل ليه وكان عندي ضعف في الشخصية وقتها مكنتش بعرف اقول لا علي اي حاجة عموما
فقدت من الناس العزيزة علي قلبي كتير 
زي اخويا الصغير وجدي وجدتي وابن عمي واخرهم اللي قطم وسطي حقيقي هو خطيبي الله يرحمه من سنة ٢٠٢٠ لحد دلوقتي مش عارفة اتخطاه واكمل حياتي 
اللي حواليا بيقولولي اني ماينفعش ادور عليه في كل حد يتقدملي لاني رفضت ناس كتير جدا بس مش السبب الحقيقي اني بدور عليه فيهم 
السبب الحقيقي فعلا اني عايزة اتحب بنفس الطريقة اللي كان بيتعامل معايا بيها وقتها كنت مبسوطة وراضية اوي ولما مات ماعرفتش الاقيها من اي حد وانا شايفة نفسي اني استحق ده ودي اقل حقوقي اني اتعامل بالطريقة اللي ترضيني
فا هل انا اوفر بزيادة؟!! 
وازاي اقدر اتخطى عدم وجود الناس دي في حياتي لانهم كانوا الاقرب لقلبي 
اوقات كتير برفض الواقع اللي انا عايشاه وببقي في حالة انهيار 
واوقات تانية بقول انا قادرة اغير الواقع لو اتحملت شوية وطلعت من الزون دي بس للاسف عندي والدي بيحبني حب اعمى لدرجة اني ممنوع اغيب عن عيونه ولا اسكن بعيد عنه حاسة اني متأيدة جدا 
ممكن حد يساعدني ؟!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_76652 🇪🇬

منذ 3 أيام

شعور مكسور القلب

تعبت نفسيا بعد فشل مشروعي و موت ابويا و سفر امي و انها سبتني رغم كل اللي بمر بيه و حتي حياتي عند الناس اللي عيشه معاهم تعتبر مش احسن حاجه ك معامله ف هل اقدر اسقط الوصايه لو عندي 18 سنه و ايه الاجراءات لاني تعبت بجد و مش قدر اكمل الحياه كده و عوز استقل ❤️

Mango_57850 🇪🇬

منذ 5 أيام

شعور مكسور القلب

الواحد بجد بقي عاوز يموت و يرتاح من كتر الوجع و التفكير كل دا عشان حبيت حبيت واحده و كنت بديلها كل وقتي و حياتي و هي كان عندها برضو شعور نحيتي بس كل دا راح فجأه بسبب سوء تفاهم و هي للاسف قريبتي و بنتقابل و سبنا بعض معرفش هقدر اصلا اعيش ازاي و كمان كنت حاسس ان بقالها فتره عاوزه تبعد و اهتمامها قل و

Tofu_75930 🇪🇬

منذ أسبوعين

شعور متعب

الحمد لله انا راضيه بقدري ايا كان هو ايه بس انا شخصيه كتومه جدا مبشتكيش بقولش ايه اللي جوايا عشان لما اتلكمت محدش فهمتي ولا حد حس بيا بس مش عارفه ولا قادره اتخطى موت ابني مهما حاولت اتماسك واظهر ان انا قويه بس بنهار ف ثواني مع اني والله راضيه الحمد لله بس مش قادره

Carrot_71203 🇪🇬 ربنا يصبرك وتلقيه فى الجنه ان شاء الله ،. ويعوض صبرك خير ، اتكلمى مع ناس تثقى فيهم وافتحى قلبك ليهم ، ولعل وعسى تقدرى تتخطى وفاه ابنك 😥😥

عرض الكل 3 نصيحة

Strawberry_67225 🇪🇬

منذ أسبوعين

شعور محبط

موضوع:

إيه أكتر حاجة مفتقدها في حياتك ؟؟

اكتر حاجه او شخص مفتقداه في حياتي تيتا مفتقداها في كل حاجه حضنها ضحكتها كلامي معاها طريقتها اللي كانت بتحسسني ان انا احسن بنوته في الدنيا طريقتها معايا واد اي هي كانت بتعاملني بحب اد اي تيتا كانت جميله في كل حاجه مفيش كلامي يوصف اد اي انا مفتقداها بقالي سبع سنين وخمس شهور نفسي اوي ابقي جميله زيها وا

Almond_56393 🇪🇬

منذ أسبوعين

شعور مكتئب

انا واعي للي بيحصل ومقدر اني مش مبسوط اكيد الحياة ممكن تتغير خلال ٥ سنين ع الاقل اكيد الحال هيتغير ، اكيد هنساها اكيد هتجوز وهلاقي زوجة وبيت واولاد اكيد الحياة هتبتسملي تاني او اموت قريب وبرضو اكون كسبان بس اسوء احتمال اني أفضل عايش ومنساش والحياة متتغيرش وملقيش غيرها وقتها هبقى بتعذب بس

Watermelon_72714 🇪🇬

منذ 3 أسابيع

شعور محبط

انا مهمومة جدا جدا جدا فوق ما تتتصورو وحياتي مش تمام ودماغي وقفت من التفكير مش بحب افضفض لحد بس انا بنصحكم هنا انا بجد بتمنى من كل قلبي وبدعي ربنا انكم متكونوش بتقرأو بوستاتي وخلاص ومش بتحاولو تغيرو من نفسكم يجماعه والله اكيد سبب كل اللي في حياتكم دا تقصير في حاجه سواء كانت مع ربنا او اهلكم او شغلكم

Mushroom_74773 🇪🇬

منذ 3 أسابيع

شعور مذنب

موضوع:

قصة أنت فيها الجاني مش الضحية.

عبّر عن شعورك بشكل مجهول

خالتى كانت بتهته في الكلام والكلام نفسه بيبقى مالهوش أهمية تطلب منك طلبات ولو عملتها وحاجة باظت بعد كدا حتى لو سبب خارج عن ارادتك بتحملك المسئولية طردتني من عندهم قبل كدا وكانت بتتريق على بنت اخوها اللى عندها توحد وقارفة جدتي طول الوقت دايما مشاكل وبلاوي بتعملها وانا بحب جدتي اوى فبكره اي حد يضايقها حتى اختها اللى هى امى كانت بتعملها وحش ماحدش كان طايقها ماعندهاش اي أصحاب وبتخرج بس لسوبر ماركت او تشترى حاجة عندها ٤٠ سنة ومش متزوجة ليها طقوس غريبة في الأكل وحاجات تانية مش كويسة بتعملها بتخلينا كلنا نقرف لما جدتي ماتت امي جابتها تقعد معانا في الأول كانت الدنيا كويسة بحاول استحملها وفي نفس الوقت بتصعب عليا فقولت يمكن لو بدأت اعملها كويس اوي تتغير جيبتلها هدية وبقيت بخرج معاها لو عايزة تجيب حاجة وبتحمل كل رخامتها لكن الصراحة ماقدرتش اكمل لوقت طويل حصلت مشكلة كبيرة بينها وبين ماما وبعدين كبرت اوي ودخلوني فيها فضلت تقول كلام يعصب وانا اتعصبت كنت على وشك اصلا ااقوم اضربها من كثر ما اتعصبت وطردتها من البيت رجعت بيتها مابقيناش نسأل عليها ولا نزورها لحد ما عرفنا انه جالها كورونا وفي المستشفى وشوية وماتت لحد دلوقتي حاسة بالذنب يمكن لو كنت اتحملتها اكثر كانت بقيت سعيدة كانت اتغيرت واتجوزت وخلفت كانت عاشت على الاقل حياة كويسة بدل ما كانت منبوذة الله يرحمها ويغفرلنا

Watermelon_73249 🇪🇬

منذ شهر واحد

شعور متعب

عبّر عن شعورك بشكل مجهول

مش عارف ابدء منين ولا ازاي بس بجد محتاج اتكلم واطلع اللي جوايا يمكن ارتاح .. انا من وانا طفل صغير حياتي ماكنتش أحسن حاجة كلها قلق و خوف وتوتر بسبب مرض امي كانت اغلب الوقت ف المستشفي جالها كانسر وفضلت تتعالج سنين لحد ما وصلت اولي اعدادي وبعدين ولدي تعب ف يوم وليلة وطلع عندة نفس المرض وعمل عملية وشال نص المعدة طلع واحد تاني خالص غير ابويا اللي اعرفة ولما خرج من المستشفي بقو الاتنين جمب بعض ادخل ابص عليهم وانا مرعوب كنت بخاف انام اصحي الاقيهم ماتو كنت كل شوية ادخل احط ودني علي صدرهم اشوف بيتنفسو ولا لاء.. و مرة ولدي تعب اوي والدكتور قال لازم يتحجز ..عدى يومين وطلبني اروحلة وقتها كنت ف اخر شهرين ف اولي اعدادي روحتلة مع ماما وانا بسلم علية مسك ايدي جامد وقالي انت الراجل خالي بالك من امك واخواتك وضحك وقالي هات بوسة بوطي ابوسة وشة اتدور ومات وهوا ماسك ايدي وامي اغم عليها وبقيت لوحدى ف المستشفي معرفش بعد كدة اية اللي حصل واحنا بندفنة امي قالتلة بصوت عالي بيرن ف ودني لحد انهردا سنة اطمن علي العيال وهجيلك مش هتاخر عليك ويوم السنوية امي ماتت وانا قاعد باكلها وقعت مني يومها انا وقعت لما فوقت لاقيت نفسي ولا بتكلم ولا بمشي وفضلت 9 شهور علي الحال دة كنت ف تانية اعدادي وانا دلوقتي عندى 35 سنة  بس كمية تعب جوايا مش عارف اعيش ولا افراح ولا اضخك جوزت اخ من اخواتي وفاضل واحد لسه ويوم جواز اخويا كان اصعب يوم ف حياتي وانا واقف من غير اب ولا ام ولا اهل ولا خال ولا عم حرفيا انا حاسس اني فاقد الشغف وبقيت حاسس اني هموت بنفس المرض وهموت صغير ماليش نفس لاي حاجة ف الدنيا حياتي عبارة عن شغل وبس نفسي افوق او حتي افراح يوم واحد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_73061 🇪🇬

منذ شهر واحد

شعور غير مكتمل

موضوع:

إيه أكتر حاجة مفتقدها في حياتك ؟؟

بابا واحشنى اوى ونفسى اكتر حاجه مفتقدها مش قادره اتخطى موت ممكن بقالى ٨سنين. تعبت من سيطره او شيل حمل تعبت من مسؤليه. تعبت من كل حاجه اعصابى تعبت. مش قادره تعتب من نفسى تعبت من وحده معرفش اخر اللى انا فيه ده ايه بتقرب من ربنا وبصلى بس مش عارفه وبعدين. بجد انا بقالى كتير كدا

Banana_66147 🇪🇬

منذ شهر واحد

شعور محبط

انا جدتي ماتت وزعلان عليها قوي قوي عاشت في وسط ولدها وفي عياها ماتت وحيده انا حزين علي موتها لوحدها قطعت بيا اوي مكنتش حنينه عليا بس كنت بحبها وبزات لما كبرت في السن اوي ومرضت زعلان علي موتها وعياها وموتها وحيده حسبي الله ونعم الوكيل

Strawberry_72148 🇪🇬

منذ شهر واحد

شعور محبط

عبّر عن شعورك بشكل مجهول

عندي مشكلة مش عارفة اعمل فيها اي 
انا كنت اعرف واحد من 6 سنين من وانا فى أولي ثانوي يعتبر كنت طفلة وكان أول حد يدخل حياتي وفضلنا مع بعض 6 سنين وكان محترم جدا وابن ناس وكان جد وعمري ما حسيت أنه لعبي ولا ليقضي وقت وكان كل الناس بالنسبالي وحبيته حب عمري ما شوفته ولا هشوفه وكان هو كمان حبه باين عليه وعلى تصرفاته مع أنه مكنش من النوع اللي بيقول كلام حلو بس زي ما بيقولوا عيونه فضحاه وكل تصرفاته فضحته واستحمل معايا حاجات كتير اوي وانا برده استحملت معاه كتير وكان معرفتي على أخته الكبيرة ولأنه شخص انطاواردئي شوية وبيحب يخلي أسراره لنفسه ومبيحبش حد يعرف عنه حاجه ف محدش من صحابه كان عارف علاقتنا  كانو ف اول م عرفنا بعض عرفو لانهم كانو طرف ف سبب تعارفنا وبعد كدا مبقتوش يعرفو حاجه عننا المهم الشخص دا قريب من ربنا ودينا بيسعي يبقي اقرب وانا كذلك وكنا بنسلعد بعض ف دا ديما بس كنت ديما حاسين بالذنب بسبب علاقتنا واننا لازم نبعد بس مكناش قادرين نعمل كدا وكل م تاخد الخطوبة شوية وبترجع تاني لحد م اخيرا خدناه وقررنا منتكلمش لحد ما يجي يخطبني وبعد الكلام دا بشهرين الشخص دا اتوفي ف حادثة وطبعا انا انهارت لانه كان ناسي واهلي وصحابي ومكنش ليا غيره بس رضيت بقضاء ربنا وفرحتله أنه شهيد ف الجنه ودعيت ربنا يجمعني بيه ف الجنة ويصبرني ويربط على قلبي لحد ما اروحله ومش قادرة اقولكو حرقة قلبي عليه قد اي وقد اي انا يتعذب كل دقيقه بسبب أنه مشي خصوصا من غير ما اودعه بس برجع وبقول  الحمد لله أنه تاب عن كلامنا قبل م يروح وراح نضيف المهم احنا بعد سنة من معرفتنا لبعض كنت ف الوقت دا عارفة أخته عرفت أنه ليه تواصل مع بنت عمه اصغر مننا بسنه ومكنش عندي مشكلة لأنهم اخوات لحد م شوفت طريقة كلامها معاه وان دا مش كلام واحدة ل اخوها وخصوصا لما عرفت أنه مرتبط بيا وكانت بتضايق مني وطبعا الموضوع دا كان مضايقني بس للأمانة كان بيوريني الشات وديما كان رده علبه بحدود وبيعانلها معاملة اخوه ولما بتقوله كلام برا الاخوه بيعمل اسكيب ليه اكنه مش شايفه وف مرة نزل استوري صورة بنت ومسكها فورا وقال انها نزلت بالغلط وانا طبعا صممت اعرف هي مين وقالي انها بنت عمه ومكنش عايز يقول ف الاول عشان عارف اني بتضايق منها وأنها بعتتله الصورة عشان يعملها ايديا وجه يبعتهالها نزلها بالغلط عديت الموضوع عادي بس كنت واحدة اسكرين بالصورة وكنت اصلا كلمت أخته وصورتها الصورة وسألتها عيد دي اسماء بنت عمك ف الاول اتصدمت وبعدينقالت اه هي واستغربت اوي لما عرفت أن في تواصل بينها وبين اخوها المهم الموضوع عادي والبنت دي كلمتني مرتين واتخانقتا وكدا ولما غلطت فيا وزودتها هو اتخانق معاها وبلكها ونهي الكلام بينهم وخلاص كدا علاقته انتهت بيها حتى السلام بينهم مبقاش موجود وهي بعد م كانت كل م يبعد عنها ترجع تقرب بعدتت خالص بقا والكلام دا على كلامه هو المهم أنه لما اتوفى كلمت أخته عزتها وكدا ولأنه من محافظة تانية مروحتش العزا بس كنت هموت وازوره ف قبره وحالة أخته متسمحش اطلب منها دا ف قولت هكلم بنت عمه وفضلت ادور على الاكونت بتاعها مش لقياه فين وفين لقيت اكونت الفيس بتاعها وكلمتها واتصدمت أنها أصلا متعرفنيش ولا كان عمرها ليها كلام معاه ولا حتى لما بيشوفو بعض ف الشارع بيرمو السلام وأنهم كدا طول عمرهم (معلومة هما مش ولاد عن لزم ) ف بعتلها الصورة اللي كان قالي هي قبل كدا قالت أنها مش هي ومتعرفش صاحبه الصورة حتى والبنت كان باين انها مبتكدبش وكانت قلقانة اصلا أن ازاي حد كلمني على أنه هي وكدا وانا كنت هتجنن بعت الصورة ل أخته سالتها تعرفي صاحبة الصورة اتصدمت لما قالتلي لا وكلما صحابه سألتهم قالو ميعرفهوش وسألتهم أو بنت عنه قالو لا وانا دلوقتي مش فاهم حاجه ومش عارفه اي دا ونصدوما ومعرفش مين اللي بيشتغلني وخايفة يكون فعلا كان عارف عليا حد بس مش قادرة ابطل ادور ف الموضوع 
المهم بعد ما حاولت اوصل لحاجة ومعرفتش قولت لنفسي خلاص هو اتوفى دلوقتي وكل دا مش هيفيد بحاجة ولازم ادعيله واسامحه وخلاص لأن الاسألة اللي ف دماغي مش هلاقي ليها اجابات مهما عملت وبطلت ادور فعلا بس بعدها بيوم واحد واحدة صحبتي كانت منزلة فيديو فيه تلاوة وكاتبه عليها أن التلاوة دي بتاع الشخص دا وادعوله ف انا قولتلها أن دا مش صوته وان دا صوت صحبه بس هو اللي مصوره قالتلي أن كلمته اللي منزله الفيديو ف بقولها فين ابعتي الاكونت كدا بفتح ملقتش الاكونت وعملت سيرش عنه كتير مش موجود اكتشف انها عملالي بلوك مع انها متعرفنيش اصلا ولما سالت أخته قالت جايز كان طارق كلمك من عندها وهو اللي عمل الله اعلم وقالت إن امها فعلا متعرفنيش الموضوع دا جنني لانه كان عارف ومتاكد اني عمري م هكلمك أمه ولا حد من أهله غير لو هو اللي خلاها تكلمني وكمان مكنتش هوافق اهي كلمته تكلمني لاني هتحرج جامد ف الموضوع دا جنني وخلاني ارجع ادور ف موضوع الصورة تاني ونزلتها على الفيس ف جروبات محافظته اسال لو حد يعرفها وفي ناس قالت إنها عارفاها بس الكل خايف يقول هي مين عشان ميعرفوش انا عايزاه دا لي 
وبجد الموضوع دا قاهرني وخائفة اكتشف أنه كل دا كان كدب ومش قادرة افضل عائشة بعلامات استفهام كتير كدا ومش عارفه اعمل اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_71112 🇪🇬

منذ شهر واحد

شعور محبط

دماغي مبقتش توقف تفكير واتخنقت من الدنيا وياست من كل حاجة وبفكر ميت مرة كل يوم اموت نفسي بس مستني الفرصة ومبقاش ياثؤ فيا الكلام بتتع ده دنيا فانية ومتزعلش علي حاجة ومش عارف ايه لان كل حاجة باظت للدرجة الي هو متتصلش غير بالموت انا خلاص اتجننت ومبقتش طايق اكلم حد

French Fries_71583 🇪🇬

منذ شهر واحد

شعور مكسور القلب

موضوع:

عرفت تظبط حياتك بعد الصعاب الي مريت فيها ولا لسه بتعاني؟

انا من بعد ما ماتت اختي و حياتي اتفشخ و اتدمرت بنووي حرفيا بجد ربنا ما يخلي حد يجرب الشعور ده والله العظيم شعور اسوأ من الموت يسطا الي هو ايه يعني ليه مرحتش انا كمان؟ ليه انا عايش اتعذب لوحدي كده؟ ليه انا مقهور و قلبي بيولع؟

Watermelon_72058 🇪🇬 ربنا يرحمها ويسكنها فسيح جناته ويصبرك ع فراقها

عرض الكل 3 نصيحة

Sugar_71913 🇪🇬

منذ شهر واحد

شعور مكسور القلب

عندى مشكله مش عارفه اتعامل معاها مع انى مريت بحاجات كتير من ضغوط الحياة ومشاكل عائليه ونفسيه وفعلا عديت بحاجات كتير جدا أكبر منى بكتير مكملتش 21 بس حياتى تتكتب فلم والله الحمد لله كل ده عده والحياه أتحسنت كتير جدا بس المشكله ان أهلى عايزنى اتجوز ومهتمين جدا بالموضوع ده وحاسه انى مضغوطه من فتره كان م

Nutella_75863 🇪🇬

ليه محدش بيهتم لأمري أو بيختارني؟

عايزة اقول حاجه مزعلاني جداً ويمكن امسح البوست ده كمان شويه.. بس انا حزينه ان عمري ما كنت الاختيار لشخص او انا الطرف الي ممكن حد يختاره.. اتعرفت ع ناس كتير جدا في حياتي بس محدش فيهم اختارني دايما في طرف تاني هو الي يستاهل الحب والدعم والمحاولات والاهتمام وانه حد ممكن يحاول عشانه.. بقيت ببص لنفسي وبسألها ليه محدش بيهتم لأمرك و بيحاول عشانك مدام بيقولوا انك شخص كويس وتتحب وهل أنا فعلا اتحب ولا هما بيقولوا كده من باب جبر الخواطر يعني!!! حقيقي نفسي احس ان حد بيحاول عشاني او مهتم لوجودي او يختارني ولو مره واحده ف حياتي حقيقي . وحقيقي أنا اسفه لنفسي علي كل حاجه وعلي كمية الخزلان اللي اتعرضتلها طول حياتي ..وكل حاجه بعديها لوحدي.. ...عرض المزيد

5 الدعم

21 نصيحة

Croissant_74053 🇪🇬

الشكل مهم في الارتباط وعامل أساسي يعوض

بصراحة انا شايفه ان الشكل مهم مش لازم يبقى وسيم اوي بس على الأقل يبقى فيه قبول من ناحيتي يعني لما ابص له أحس ان شكله عاجبني ومش منفرة منه خصوصا لو حالته المادية مش قد كده يبقى الشكل عامل أساسي يعوض شويه في الآخر البنت عايزة ترتبط بحد ترتاح له نفسيًا ويملي عينها يكون حلو حتى لو الناس شايفينه عادي ...عرض المزيد

2 الدعم

19 نصيحة

Apple_70037 🇪🇬

سيكريت بارتنر ده تعويذه ولا ايه؟ ليه محدش بيرد؟

هو يعني سيكريت بارتنر ده يا جماعه اللي قاعدين تنزلوها ؟ كله عاوز سيكريت ديه تعويذه ديه ولا ايه ؟ وليه لما بسأل حد مبيردش عليا هو الموضوع خطير اوي كدا ولا سري للغاية ولا ايه ؟ معلش حد يفهمني علشان بجد انا بدأت احس بقلق ...عرض المزيد

0 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع