مش متقبله وضع جوزي الجديد بعد ما خسر شغله القديم

Question

انا جوزي كان شغال في شركه ادويه في منصب عالي واتفصل من شغله بسبب اهماله لانه مكنش بيهتم بالشغل بسبب انه كان عامل حسابه انه يترقي ومترقاش دخل في حاله نفسيه واهمل شغله واستقال بعدها واشتغل مدير في شركه تأمين ومن وقتها انا مش متقبله اللي حصل ومضايقه اوي بحاول مبينلوش لكن من جوايا هموت حاسه انه خسر وضعه الاجتماعي حتي هو لغايه دلوقتي مقالش لحد من اهله انه مشي ولما حد بيساله شغال فين بيقول في شغله القديم وانا كمان مش عارفه اخرج نفسي ازاي من الحاله دي واتقبل الوقعه دي

Orange_69336 🇪🇬 · Accepted Answer

يعني نقدر نسميه نصيب قدر ظروف حتى لو تقصير منه بس ليه تبقي مراته وشايفاه كدا وبتشفقي عليه؟ لو مش عارفه تتقبليه صارحيه وسيبيه وكل واحد يروح لحاله المفروض لو مدعمتيهوش ووقفتي جنبي حرفيا مين هيقف جنبه وهو حتى مش معرف اهله؟

Strawberry_69891 🇪🇬 · Answer

لعل اللى حصل خير وربنا عوضة افضل واحسن

Marshmallow_68367 🇪🇬 · Answer

هو كان مش بيروح الشغل فتره كبيره واتكلمت معاه كتيير لو مش مرتاح ممكن تشوف شركه تانيه ولكنه رفض واهمل في شغله وكمان خبي عليا انه مشي من الشغل وطبعا انا بدعمه ووراه وعمري ما هسيبه عشان كده بس زعلانه عليه لانه تعب عشان يوصل للمنصب اللي كان فيه وخسره وراح مكان تاني بس مش نفس الوضع الاجتماعي ومكسوف يواجه الناس

Marshmallow_68367 🇪🇬 · Answer

يارب ان شاء الله

Mushroom_68896 🇪🇬 · Answer

طب دي مشكلته هو انا بس نفسي اعرف انتي متضايقة من ايه

Mushroom_69906 🇪🇬 · Answer

المنصب ده حاجه شرفيه كدا هو مش صاحب شركه اولا واخيرا موظف المهم البيت يكون مستور عايشين فنفس المستوي الاجتماعي مفيش حاجه اتاثرت بالتغيير ده وبعدين انتي لازم تفهميه كدا وتساعديه يتخطي 
ومحدش عارف ربناشايله ايه او منع عنه ايه

Blueberry_62794 🇪🇬 · Answer

هو واضح . ان الموضوع ماديا باين . وانتي مش عارفه تتاقلمي مع المرتب الجديد . خليكي عاملية اكتر لو ينفع تنزلي شغل انزلي اسندي مع جوزك . ولو في امكانيه يعمل مشروع دا يبقا كويس اوي .

Ice Cream_61082 🇪🇬 · Answer

طظ فى الوضع الاجتماعي اهم حاجة هو مآثر معاكي أو مع الاولاد فى حاجة 
بلاش تحسسوا انوا الراجل مآثر علشان فى ناس بتستخر النوم علشان عيالها