مش قادرة أسامح زوجي بعد الخيانة والكذب

Question

انا متزوجه و كنت بحب زوجي اوي و هو أول راجل في حياتي أول ما اتخطبت حبيته اوي و اتعلقت بيه بعد كام سنه لقيته بخوني بكلام مع خطيبته الأولي و اوقات مع ناس غريبه و قرايب من بعيد و كل مره بسامح و اعدي لحد ما لاقيته بيكلم طليقة ابن عمه و سمعته بيتكلم عليه و رغم كده قبلها حلفته علي مصحف انت بتكلم حد قالي لا و حلف علي المصحف و بعدها سمعته و من وقتها مش قادره اتخطي ولا عارفه اتعامل و داخله في سنه بعيد عن بعض خالص هو في غرفة و انا في غرفه و مش قادره اسامحه عديت كتير اوي غير الاهانه و الضرب و الشتيمة بس انا مضغوطه اوي لأن صعب انفصل عنه حاسه كأني بموت بالبطي و من اقل حاجه احس أن الدنيا داقت عليه و انهار

Banana_68754 🇪🇬 · Accepted Answer

للأسف لابد من الانفصال الزواج احترام مفيش فيه لا شتيمه ولا ضرب كرامتك فوق اى حاجه

Kiwi_40480 🇪🇬 · Answer

انتي معندكيش اختيار غير الانفصال

Chilli_69971 🇪🇬 · Answer

ده مريض باضطراب الشخصية النرجسية ومالهمش علاج وصحتك هتدمر وتوصل لكانسر....اقري عنهم.....العلاج الوحيد الهروب قبل فوات الاوان

Coffee_54159 🇪🇬 · Answer

عندك اطفال منه لو لأ اطلقي ده خنزير نساء

Coffee_70959 🇪🇬 · Answer

للأسف معندكيش حل غير انك تنفصلي عنه لأنك لو فضلتي معاه هتتعب نفسيتك اكتر

Lemon_79698 🇩🇿 · Answer

انفصلي عنو مهما كان البعاد صعب هو فترة و هتعدي لكن لو فضلتي معاه عمرو ما رح يتغير و رح تضلي طول عمرك على الوضع دا

Banana_67850 🇪🇬 · Answer

نفس المشكلة عندي انا بقيت حاسس وانا يقرأ انك بتحكي قصتي مع اختلاف حاجات بسيطة

Blueberry_78048 🇪🇬 · Answer

ادعيله ربنا يهديه

Banana_67850 🇪🇬 · Answer

احساسك بالخيانه.من شخص كنت بتعمل مستحيل عشانه..اصعب احساس ممكن يدمرك نفسيا وجسديا

Mango_61714 🇪🇬 · Answer

والله أنا رأيي مختلف شوية بس شايف إن خطوة الطلاق والانفصال سيئة وملهاش داعي وكدة ده إرضاء للشيطان وبدل من كده ممكن تحاولوا تغيروا روتين حياتكم+ وإنت حاولي تحسسيه إنه قابل حد جديد وفاجئيه عادي باسلوب وكلام أول مرة تقوليه وإن شاء الله ربنا يصلح حالكم ويخليكم لبعض

Strawberry_75105 🇪🇬 · Answer

خليكي في بيته واتعاملي من النهارده على انك خلاص اطلقتي تمام؟؟
وابداي اشتغلي باي طريقه حلال وتساعدك تقومي على رجلك من تاني عشان تاخدي ورقه طلاقك بدون انهيار
اتعاملي وتعافي وانتي فنفس البيئه السامه دي 
واستعيني بالله تعالي
اتعاملي على انك معاكي جار مؤذي ومافيش اختيار الا انك تكوني فلوس وتعزلي
ولما تكوني قادره انفصلي
ولادك مالهومش ذنب
حبيهم ربنا حيكرمك بيهم

Watermelon_79230 🇪🇬 · Answer

انفصلي م عشان حاجه من اللي اتقالت دي بس عشان هو لو بيحبك بجد وبيقدرك مكنش عمل كل ده وكان يكفيه انتي وتكوني ماليه عينه انتي كدا اللي هتتعبي جدا

Orange_66155 🇪🇬 · Answer

ليه مينفعش تنصلى 
ايه الأسباب

Chilli_78055 🇪🇬 · Answer

احتوية ❤️

Strawberry_80353 🇩🇿 · Answer

تنجو النساء بالتخلي 
تخلي عن حبك له اولا

Apple_57323 🇪🇬 · Answer

هقولك علي حاجة من خبرتي المتواضعة 
الخيانة بتغيير كيمياء المخ بالنسبة للانسان يعني مش بيبقي شايف الطرف التاني في العلاقة بيبقي شايف شهوته بس